Bathinda News: ਬਠਿੰਡਾ ਦੇ ਥਾਣਾ ਸਿਵਲ ਲਾਈਨ ਦੀ ਪੁਲਿਸ ਨੇ ਇੱਕ ਵੱਡੀ ਕਾਮਯਾਬੀ ਹਾਸਲ ਕਰਦਿਆਂ ਇੱਕ 21 ਸਾਲਾਂ ਨੌਜਵਾਨ ਨੂੰ ਕਾਬੂ ਕਰਕੇ 5 ਦੇਸੀ ਪਿਸਤੌਲ ਬਰਾਮਦ ਕੀਤੇ ਹਨ। ਪਹਿਲਾਂ ਹੀ ਦੋ ਵੱਖ ਵੱਖ ਮੁਕੱਦਮਿਆਂ ਦਾ ਸਾਹਮਣਾ ਕਰ ਰਹੇ ਇਸ ਨੌਜਵਾਨ ਦੀ ਪਹਿਚਾਣ ਮੋਨੂੰ ਗੁੱਜਰ ਪੁੱਤਰ ਵਿੱਦਿਆਧਰ ਪੁੱਤਰ ਕੇਸ਼ਵ ਦੇਵ ਵਾਸੀ ਗਲੀ ਨੰਬਰ 32 ਸੁਰਖਪੀਰ ਰੋਡ ਬਠਿੰਡਾ ਦੇ ਤੌਰ ‘ਤੇ ਹੋਈ ਹੈ। ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਐਸਪੀ ਸਿਟੀ ਨਰਿੰਦਰ ਸਿੰਘ ਨੇ ਦਸਿਆ ਕਿ ਬਰਾਮਦ ਪਿਸਤੌਲਾਂ ਵਿਚ 4 ਪਿਸਤੌਲ 32 ਬੋਰ ਅਤੇ ਇੱਕ 30 ਬੋਰ ਦਾ ਪਿਸਤੌਲ ਅਤੇ ਵੱਡੀ ਮਾਤਰਾ ‘ਚ ਕਾਰਤੂਸ਼ ਹਨ। ਮੁਢਲੀ ਜਾਣਕਾਰੀ ਮੁਤਾਬਕ ਮੋਨੂੰ ਇਹ ਪਿਸਤੌਲ ਮੱਧ ਪ੍ਰਦੇਸ਼ ‘ਚੋਂ ਲੈ ਕੇ ਆਇਆ ਸੀ।
ਇਹ ਵੀ ਪੜ੍ਹੋ ਸਾਬਕਾ ਮੰਤਰੀ ਬਿਕਰਮ ਮਜੀਠਿਆ ਦੀਆਂ ਮੁਸ਼ਕਿਲਾਂ ਵਧੀਆਂ, Ex DGP ਦਰਜ਼ ਕਰਵਾਏਗਾ ਬਿਆਨ
ਜਿਸਦੇ ਲਈ ਇਹ ਰੇਲ ਗੱਡੀ ‘ਤੇ ਗਿਆ ਸੀ ਅਤੇ ਸਟੇਸ਼ਨ ਉਪਰ ਹੀ ਇਸਨੂੰ ਇਹ ਹਥਿਆਰ ਅੱਗੇ ਕਿਸੇ ਨੇ ਮੁਹੱਈਆ ਕਰਵਾਇਆ ਸੀ। ਮੁਢਲੀ ਜਾਂਚ ਦੌਰਾਨ ਲੁੱਟ ਖੋਹ ਦੇ ਇੱਕ ਮੁਕੱਦਮੇ ਵਿਚ ਮੋਨੂੰ ਜੇਲ੍ਹ ਵਿਚ ਗਿਆ ਸੀ, ਜਿੱਥੈ ਇਸਦੀ ਇੱਕ ਹੋਰ ਨੌਜਵਾਨ ਨਾਲ ਦੋਸਤੀ ਹੋਈ, ਜਿਸਨੇ ਹੀ ਉਸਨੂੰ ਪੈਸਿਆਂ ਦਾ ਲਾਲਚ ਦੇ ਕੇ ਇਹ ਕੰਮ ਕਰਨ ਲਈ ਕਿਹਾ ਸੀ। ਐਸਪੀ ਮੁਤਾਬਕ ਪੁਲਿਸ ਇਸ ਗੱਲ ਦੀ ਪੜਤਾਲ ਕਰ ਰਹੀ ਹੈ ਕਿ ਜੇਲ੍ਹ ਵਿਚ ਬੰਦ ਉਹ ਵਿਅਕਤੀ ਕੌਣ ਹੈ, ਜਿਸਨੇ ਇਸਨੂੰ ਇਹ ਹਥਿਆਰ ਲਿਆਉਣ ਲਈ ਕਿਹਾ ਸੀ ਅਤੇ ਇਹ ਹਥਿਆਰ ਕਿੱਥੇ ਵਰਤਣੇ ਸਨ। ਇਸ ਮੌਕੇ ਡੀ.ਐਸ.ਪੀ (ਸਿਟੀ-2 ਬਠਿੰਡਾ) ਸਰਬਜੀਤ ਸਿੰਘ ਵੀ ਮੌਜੂਦ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
