Bathinda News:ਬਠਿੰਡਾ ਸ਼ਹਿਰ ਦੀਆਂ ਪ੍ਰਮੁੱਖ ਸੜਕਾਂ ਵਿਚੋਂ ਇੱਕ ਮੰਨੀ ਜਾਂਦੀ ਭਾਗੂ ਰੋਡ ਨੂੰ ਹੁਣ 60 ਫੁੱਟੀ ਬਣਾਉਣ ਦੇ ਲਈ ਨਗਰ ਨਿਗਮ ਨੇ ਪੂਰੀ ਤਰ੍ਹਾਂ ਤਿਆਰੀ ਖਿੱਚ ਦਿੱਤੀ ਹੈ। ਇਸ ਸੜਕ ਨੂੰ ਚੋੜੀ ਕਰਨ ਦੇ ਲਈ ਵਿਚ ਆਉਣ ਵਾਲੀਆਂ ਜਾਇਦਾਦਾਂ ਤੇ ਘਰਾਂ ਦੀ ਨਿਸ਼ਾਨਦੇਹੀ ਦਾ ਕੰਮ ਅੰਤਿਮ ਪੜਾਅ ‘ਤੇ ਚੱਲ ਰਿਹਾ। ਬਠਿੰਡਾ ਦੇ ਸੈਂਟ ਜੋਸਫ਼ ਸਕੂਲ ਤੋਂ ਲੈ ਕੇ ਗੁਰਦੁਆਰਾ ਮਾਡਲ ਟਾਊਨ ਨਜਦੀਕ ਸਥਿਤ ਪੁਰਾਣੇ ਮਿਲਕ ਬੂਥ ਤੱਕ ਇਸ ਸੜਕ ਨੂੰ 60 ਫੁੱਟ ਚੋੜਾ ਕੀਤਾ ਜਾਵੇਗਾ, ਜਦਕਿ ਇਸਤੋਂ ਅੱਗੇ ਬਠਿੰਡਾ ਦੀ ਸ਼ਾਹਰਗ ਮੰਨੀ ਜਾਂਦੀ ਰਿੰਗ ਰੋਡ-1 ਨੂੰ ਮਿਲਣ ਵਾਲੀ ਸੜਕ ਪਹਿਲਾਂ ਹੀ 60 ਫੁੱਟੀ ਬਣਾਈ ਜਾ ਚੁੱਕੀ ਹੈ।
ਇਹ ਵੀ ਪੜ੍ਹੋ ਵੱਡੀ ਖਬਰ; ਰਿਸ਼ਵਤ ਮਾਮਲੇ ਵਿਚ ਵਿਜੀਲੈਂਸ ਵੱਲੋਂ ਬਠਿੰਡਾ ਪੁਲਿਸ ਦੇ ਥਾਣੇਦਾਰ ਵਿਰੁਧ ਪਰਚਾ ਦਰਜ਼
ਇਸਤੋਂ ਇਲਾਵਾ ਇਸ ਸੜਕ ਤੋਂ ਹੀ ਸ਼ਹਿਰ ਦੀ ਇੱਕ ਹੋਰ ਪ੍ਰਮੁੱਖ ਸੜਕ 100 ਫੁੱਟੀ ਸ਼ੁਰੂ ਹੁੰਦੀ ਹੈ। ਭਾਗੂ ਰੋਡ ਦੇ ਚੋੜਾ ਹੋਣ ਨਾਲ ਬਠਿੰਡਾ ਸ਼ਹਿਰ ਦੇ ਅੰਦਰ ਰਿੰਗ ਰੋਡ ਰਾਹੀਂ ਆਉਣ ਵਾਲਾ ਕਾਫ਼ੀ ਟਰੈਫ਼ਿਕ ਡਾਇਵਰਟ ਹੋ ਜਾਵੇਗਾ। ਜਿਕਰਯੋਗ ਹੈ ਕਿ ਇਸ ਸੜਕ ਨੂੰ 60 ਫੁੱਟੀ ਬਣਾਉਣ ਦੇ ਲਈ ਪਹਿਲਾਂ ਹੀ ਨਗਰ ਨਿਗਮ ਦੇ ਜਨਰਲ ਹਾਊਸ ਵੱਲੋਂ ਫੈਸਲਾ ਲਿਆ ਜਾ ਚੁੱਕਿਆ ਹੈ ਤੇ ਹੁਣ ਇਸਦੀ ਨਿਸ਼ਾਨਦੇਹੀ ਦਾ ਕੰਮ ਵੀ ਲਗਭਗ ਪੂਰਾ ਹੋ ਚੁੱਕਿਆ। ਨਿਗਮ ਅਧਿਕਾਰੀਆਂ ਮੁਤਾਬਕ ਰਜਿੰਦਰਾ ਕਾਲਜ ਦੇ ਸਾਹਮਣੇ ਤੋਂ ਸਥਿਤ ਪ੍ਰਾਈਵੇਟ ਸਕੂਲ ਅਤੇ ਉਸਤੋਂ ਬਾਅਦ ਸਰਕਾਰੀ ਕਲੌਨੀ ਦੀ ਕੰਧ ਨੂੰ ਪਿੱਛੇ ਕੀਤਾ ਜਾਵੇਗਾ। ਉਸਤੋਂ ਅੱਗੇ ਪਾਰਕ ਆ ਜਾਂਦਾ ਹੈ।
ਇਹ ਵੀ ਪੜ੍ਹੋ Gangster Jaggu Bhagwanpuia ਦੀ ਮਾਤਾ ਦੇ ਕਤਲ ਕੇਸ ‘ਚ ਆਇਆ ਨਵਾਂ ਮੋੜ, ਦਵਿੰਦਰ ਬੰਬੀਹਾ ਗਰੁੱਪ ਨੇ ਲਈ ਜਿੰਮੇਵਾਰੀ
ਇਸੇ ਤਰ੍ਹਾਂ ਅੱਗੇ ਪ੍ਰਾਈਵੇਟ ਮਾਲਕੀ ਵਾਲੀ ਜਗ੍ਹਾਂ ਹੈ, ਜਿਸਨੂੰ ਐਕਵਾਈਰ ਕੀਤਾ ਜਾਵੇਗਾ। ਨਿਗਮ ਦਾ ਦਾਅਵਾ ਹੈ ਕਿ ਪਿਛਲੇ ਕੁੱਝ ਸਾਲਾਂ ਵਿਚ ਇਸ ਸੜਕ ਉਪਰ ਜੋ ਨਕਸ਼ੇ ਪਾਸ ਕੀਤੇ ਹਨ, ਉਹ ਪਹਿਲਾਂ ਹੀ ਸੈਟਬੇਕ ਦੇ ਕੇ ਪਾਸ ਕੀਤੇ ਹਨ, ਅਜਿਹੀ ਹਾਲਾਤ ਵਿਚ ਇਸਨੂੰ ਚੋੜਾ ਕਰਨਾ ਕੋਈ ਔਖਾ ਕੰਮ ਨਹੀਂ। ਇਹ ਵੀ ਕਿਹਾ ਜਾ ਰਿਹਾ ਕਿ ਸੜਕ ਚੋੜੀ ਕਰਨ ਲਈ ਚਾਹੀਦੀ ਜਗ੍ਹਾਂ ਵਿਚੋਂ 70 ਫ਼ੀਸਦੀ ਪਹਿਲਾਂ ਹੀ ਖਾਲੀ ਪਈ ਹੈ ਤੇ ਬਾਕੀ 30 ਫ਼ੀਸਦੀ ਵਿਚੋਂ ਵੀ ਅੱਧੇ ਲੋਕ ਜਗ੍ਹਾਂ ਛੱਡਣ ਲਈ ਰਾਜ਼ੀ ਹੋ ਗਏ ਹਨ ਤੇ ਥੋੜਾ ਵਿਰੋਧ ਰਹਿ ਗਿਆ ਹੈ।
ਇਹ ਵੀ ਪੜ੍ਹੋ ਵੱਡੀ ਖਬਰ; ਆਮ ਆਦਮੀ ਪਾਰਟੀ ਪੰਜਾਬ ਦੇ ਮੌਜੂਦਾ ਵਿਧਾਇਕ ਦਾ ਹੋਇਆ ਦਿਹਾਂਤ
ਉਧਰ, ਨਗਰ ਨਿਗਮ ਦੇ ਮੇਅਰ ਪਦਮਜੀਤ ਸਿੰਘ ਮਹਿਤਾ ਨੇ ਇਸ ਪ੍ਰੋਜੈਕਟ ਸਬੰਧੀ ਗੱਲ ਕਰਦਿਆਂ ਦਾਅਵਾ ਕੀਤਾ ਕਿ, ” ਇਸ ਸੜਕ ਨੂੰ ਚੌੜਾ ਕਰਨ ਲਈ ਨਿਸ਼ਾਨਦੇਹੀ ਦਾ ਕੰਮ ਲਗਭਗ ਮੁਕੰਮਲ ਹੋ ਚੁੱਕਿਆ ਹੈ ਤੇ ਹੁਣ ਇਲਾਕੇ ਦੇ ਲੋਕਾਂ ਦੀ ਰਾਏ ਨਾਲ ਅੱਗੇ ਵਧਿਆ ਜਾਵੇਗਾ।” ਉਨ੍ਹਾਂ ਇਹ ਵੀ ਕਿਹਾ ਕਿ ਇਸ ਪ੍ਰੋਜੈਕਟ ਨੂੰ ਮੁਕੰਮਲ ਕਰਨ ਲਈ ਲੋਕ ਰਾਏ ਬਣਾਈ ਜਾਵੇਗੀ ਤੇ ਇਲਾਕੇ ਦੇ ਲੋਕਾਂ ਤੋਂ ਇਲਾਵਾ ਵਪਾਰੀਆਂ ਤੇ ਦੁਕਾਨਦਾਰਾਂ ਸਹਿਤ ਹਰੇਕ ਦਾ ਪੱਖ ਸੁਣਿਆ ਜਾਵੇਗਾ ਤੇ ਸਭ ਨੂੰ ਨਾਲ ਲੈ ਕੇ ਚੱਲਿਆ ਜਾਵੇਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
