👉ਮਹਿਤਾ ਧੜੇ ਦੇ ਸ਼ਾਮ ਲਾਲ ਜੈਨ ਦਾ ਪੱਲੜਾ ਭਾਰੀ; ਵਿਰੋਧੀ ਹੋ ਸਕਦੇ ਹਨ ਗੈਰ-ਹਾਜ਼ਰ
Bathinda News: bathinda senior deputy mayor election; ਬਠਿੰਡਾ ਨਗਰ ਨਿਗਮ ਨੂੰ ਮੰਗਲਵਾਰ ਦੁਪਿਹਰ ਨਵਾਂ ਸੀਨੀਅਰ ਡਿਪਟੀ ਮੇਅਰ ਮਿਲਣ ਜਾ ਰਿਹਾ। ਇਸਦੇ ਲਈ ਪਿਛਲੇ ਕੁੱਝ ਦਿਨਾਂ ਤੋਂ ਸਿਆਸੀ ਜੋੜ-ਤੋੜ ਜਾਰੀ ਹੈ। ਮਹਿਤਾ ਧੜੇ ਵੱਲੋਂ ਸੀਨੀਅਰ ਕੋਂਸਲਰ ਸ਼ਾਮ ਲਾਲ ਜੈਨ ਨੂੰ ਅਪਣਾ ਉਮੀਦਵਾਰ ਐਲਾਨਿਆ ਹੈ ਜਦਕਿ ਕਾਂਗਰਸ ਵੱਲੋਂ ਦਲਿਤ ਆਗੂ ਹਰਵਿੰਦਰ ਸਿੰਘ ਲੱਡੂ ‘ਤੇ ਦਾਅ ਖੇਡਿਆ ਗਿਆ। ਨਗਰ ਨਿਗਮ ਦੀ ਇਸ ਉਪ ਚੋਣ ਨੂੰ ਅਗਲੇ ਸਾਲ ਜਨਰਲ ਹਾਊਸ ਦੀਆਂ ਹੋਣ ਜਾ ਰਹੀਆਂ ਚੋਣਾਂ ਲਈ ਟੈਸਟ ਮੰਨਿਆ ਜਾ ਰਿਹਾ।
ਇਹ ਵੀ ਪੜ੍ਹੋ Trump Govt ਦੀ Truck Drivers ‘ਤੇ ਸਖ਼ਤੀ; 7 ਹਜ਼ਾਰ ਦੇ ਲਾਇੰਸਸ ਰੱਦ, ਅੰਗਰੇਜ਼ੀ ਭਾਸ਼ਾ ਹੋਈ ਲਾਜ਼ਮੀ
ਹਾਲਾਂਕਿ ਹੁਣ ਤੱਕ ਦੇ ਬਣ ਰਹੇ ਸਿਆਸੀ ਸਮੀਕਰਨਾਂ ਮੁਤਾਬਕ ਸ਼ਾਮ ਲਾਲ ਜੈਨ ਦਾ ਪੱਲੜਾ ਪੂਰੀ ਤਰ੍ਹਾਂ ਭਾਰੀ ਜਾਪ ਰਿਹਾ ਪ੍ਰੰਤੂ ਸ਼ਹਿਰ ਦੇ ਸਿਆਸੀ ਗਲਿਆਰਿਆਂ ਵਿਚ ਚੱਲ ਰਹੀ ਚਰਚਾ ਮੁਤਾਬਕ ਮਨਪ੍ਰੀਤ ਧੜੇ ਨਾਲ ਸਬੰਧਤ ਕੁੱਝ ਕੋਂਸਲਰ ਗੈਰ-ਹਾਜ਼ਰ ਰਹਿ ਸਕਦੇ ਹਨ।ਅਜਿਹੀਆਂ ਰੀਪੋਰਟਾਂ ਕਾਂਗਰਸ ਬਾਰੇ ਵੀ ਸਾਹਮਣੈ ਆ ਰਹੀਆਂ ਹਨ। ਜਦਕਿ ਗਿੱਲ ਧੜੇ ਦੇ ਵੀ ਨਿਗਮ ਵਿਚ ਪੁੱਜਣ ਦੀ ਵੀ ਘੱਟ ਸੰਭਾਵਨਾ ਹੈ। ਦੂਜੇ ਪਾਸੇ ਅਕਾਲੀ ਦਲ ਨਾਲ ਸਬੰਧਤ ਜਿਆਦਾਤਕਰ ਕੋਂਸਲਰਾਂ ਦੇ ਜੈਨ ਦੇ ਹੱਕ ਵਿਚ ਭੁਗਤਣ ਦੀ ਪੂਰੀ ਉਮੀਦ ਹੈ।
ਇਹ ਵੀ ਪੜ੍ਹੋ Big News: Bathinda AIIMS ਦਾ ਵੱਡਾ ਉਪਰਾਲਾ; ਹਸਪਤਾਲ ਵਿਚ ਦਾਖਲ ਹਰ ਮਰੀਜ਼ ਨੂੰ ਬੈੱਡ ‘ਤੇ ਮਿਲੇਗਾ ਖਾਣਾ
ਸੂਤਰਾਂ ਮੁਤਾਬਕ ਵਿਰੋਧੀ ਗੈਰ-ਹਾਜ਼ਰ ਰਹਿ ਕੇ ਮਹਿਤਾ ਧੜੇ ਨੂੰ ਸਿਆਸੀ ਮਾਤ ਦੇਣ ਦੀ ਤਾਕ ਵਿਚ ਹਨ ਪ੍ਰੰਤੂ ਬਠਿੰਡਾ ਦੇ ‘ਧਨੁੰਤਰ’ ਸਿਆਸਤਦਾਨ ਨੂੰ ‘ਚਿੱਤ’ ਕਰਨ ਵਾਲੇ ਅਮਰਜੀਤ ਸਿੰਘ ਮਹਿਤਾ ਵੀ ਹੁਣ ਸਿਆਸਤ ਦੇ ਮਾਹਿਰ ਖਿਡਾਰੀ ਬਣ ਚੁੱਕੇ ਹਨ। ਜਿਸਦੇ ਚੱਲਦੇ ਉਨ੍ਹਾਂ ਵੱਲੋਂ ਵਿਰੋਧੀਆਂ ਦੀ ਚਾਲ ਨੂੰ ਦੇਖਦਿਆਂ ਆਪਣੀ ਰਣਨੀਤੀ ਨੂੰ ਹੋਰ ਮਜਬੂਤ ਕਰਨ ਦੀਆਂ ਕੰਨਸੋਆ ਹਨ।ਸਿਆਸੀ ਮਾਹਰਾਂ ਮੁਤਾਬਕ ਜੇਕਰ ਵਿਰੋਧੀ ਮੀਟਿੰਗ ਵਿਚੋਂ ਗੈਰ-ਹਾਜ਼ਰ ਵੀ ਰਹਿੰਦੇ ਹਨ ਤਾਂ ਵੀ ਮਹਿਤਾ ਧੜਾ 30 ਦੇ ਕਰੀਬ ਕੋਂਸਲਰ ਆਪਣੇ ਹੱਕ ਵਿਚ ਖੜੇ ਕਰਨ ਦੀ ਤਿਆਰੀ ਕਰੀ ਬੈਠਾ ਹੈ। ਬਹਰਹਾਲ ਬਠਿੰਡਾ ਵਾਸੀਆਂ ਦੀਆਂ ਨਜ਼ਰ ਦੁਪਿਹਰ 12:30 ‘ਤੇ ਹੋਣ ਵਾਲੀ ਇਸ ਮੀਟਿੰਗ ‘ਤੇ ਲੱਗੀਆਂ ਹੋਈਆਂ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
