Bathinda News: ਬਠਿੰਡਾ-ਤਲਵੰਡੀ ਸਾਬੋ ਰੋਡ ’ਤੇ ਪੈਂਦੇ ਪਿੰਡ ਜੀਵਨ ਸਿੰਘ ਵਾਲਾ ਨਜਦੀਕ ਗੁਜ਼ਰਦਾ ਗੰਦਾ ਨਾਲਾ ਹੁਣ ਖੂਨੀ ਨਾਲੇ ਦਾ ਰੂਪ ਧਾਰਨ ਕਰ ਚੁੱਕਿਆ ਹੈ। ਪ੍ਰਸ਼ਾਸਨ ਦੀ ਅਣਗਹਿਲੀ ਤੇ ਲਾਪਰਵਾਹੀ ਦੇ ਕਾਰਨ ਇੱਥੇ ਹੁਣ ਅੱਜ ਸ਼ੁੱਕਰਵਾਰ ਸਵੇਰ ਸੀਮੈਂਟ ਨਾਲ ਭਰਿਆ ਇੱਕ ਟਰਾਲਾ ਬੇਕਾਬੂ ਹੋ ਕੇ ਇਸਦੇ ਵਿਚ ਡਿੱਗ ਪਿਆ, ਜਿਸਦੇ ਕਾਰਨ ਇਸ ਟਰਾਲੇ ਦੇ ਕੰਢਕਟਰ ਦੀ ਜਾਨ ਚਲੀ ਗਈ ਜਦਕਿ ਡਰਾਈਵਰ ਦੇ ਬਾਰੇ ਕਿਹਾ ਜਾ ਰਿਹਾ ਕਿ ਉਹ ਟਰਾਲਾ ਨਾਲੇ ਵਿਚ ਡਿੱਗਣ ਤੋਂ ਪਹਿਲਾਂ ਹੀ ਛਾਲ ਮਾਰ ਗਿਆ।
ਇਹ ਵੀ ਪੜ੍ਹੋ ਕੁੜੀ ਨੇ ਸੜਕ ਦੇ ਦੂਜੇ ਪਾਸੇ ਕਾਰ ’ਚ ਠੋਕੀ ਤੇਜ ਰਫ਼ਤਾਰ ਕਾਰ, ਮਾਂ-ਪਿਊ ਤੇ ਜਵਾਨ ਪੁੱਤ ਦੀ ਹੋਈ ਮੌ+ਤ
ਹਾਲਾਂਕਿ ਉਸਦੀ ਐਨਡੀਆਰਐਫ਼ ਟੀਮਾਂ ਵੱਲੋਂ ਭਾਲ ਜਾਰੀ ਹੈ। ਸਵੇਰੇ 6 ਵਜੇਂ ਵਾਪਰੀ ਇਸ ਘਟਨਾ ਦੇ ਪਿੱਛੇ ਮੁਢਲੇ ਕਾਰਨਾਂ ਮੁਤਾਬਕ ਕੁੱਝ ਮਹੀਨੇ ਪਹਿਲਾਂ ਹੋਏ ਬੱਸ ਹਾਦਸੇ ਤੋਂ ਬਾਅਦ ਇੱਥੇ ਪ੍ਰਸ਼ਾਸਨ ਵੱਲੋਂ ਬਣਾਏ ਉੱਚੇ ਹੰਪ ਦੱਸੇ ਜਾ ਰਹੇ ਹਨ, ਜਿਸਤੋਂ ਇਹ ਤੇਜ ਰਫ਼ਤਾਰ ਟਰਾਲਾ ਬੇਕਾਬੂ ਹੋ ਗਿਆ। ਉਂਝ ਮਾਮਲੇ ਦੀ ਜਾਂਚ ਜਾਰੀ ਹੈ। ਇਸ ਹਾਦਸੇ ਤੋਂ ਬਾਅਦ ਸੜਕ ਦੇ ਦੋਨੋਂ ਪਾਸੇ ਵੱਡਾ ਟਰੈਫ਼ਿਕ ਜਾਮ ਲੱਗ ਗਿਆ, ਜਿਸਦੇ ਚੱਲਦੇ ਟਰੈਫ਼ਿਕ ਨੂੰ ਵਾਇਆ ਚੱਠੇਵਾਲਾ, ਬੁਰਜ ਸੇਮਾ, ਭੂੰਦੜ ਅਤੇ ਕੋਟਭਾਰਾ ਰਾਹੀਂ ਲੰਘਾਇਆ ਜਾ ਰਿਹਾ।
ਇਹ ਵੀ ਪੜ੍ਹੋ ਭ੍ਰਿਸ਼ਟਾਚਾਰ ਦਾ ਕੇਸ; MLA ਦਾ ਪੁੱਤ ਤੇ ਕੁੜਮ ਸਹਿਤ ਤਿੰਨ ਨਾਮਜ਼ਦ
ਘਟਨਾ ਦਾ ਪਤਾ ਲੱਗਦੇ ਹੀ ਤਲਵੰਡੀ ਸਾਬੋ ਦੇ ਡੀਐਸਪੀ ਅਤੇ ਐਸਐਸਓ ਸਹਿਤ ਐਨਡੀਆਰਐਫ਼ ਦੀਆਂ ਟੀਮਾਂ ਤੋਂ ਇਲਾਵਾ ਹੋਰ ਪ੍ਰਸ਼ਾਸਨਿਕ ਮਸ਼ੀਨਰੀ ਮੌਕੇ ’ਤੇ ਪੁੱਜੀ ਤੇ ਜਖ਼ਮੀ ਡਰਾਈਵਰ ਨੂੰ ਤਲਵੰਡੀ ਸਾਬੋ ਲਿਜਾਇਆ ਗਿਆ, ਜਿੱਥੇ ਉਸਨੇ ਦਮ ਤੋੜ ਦਿੱਤਾ। ਖ਼ਬਰ ਲਿਖੇ ਜਾਣ ਤੱਕ ਗੰਦੇ ਨਾਲੇ ਵਿਚ ਡਿੱਗੇ ਟਰਾਲੇ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ ਕੀਤੀ ਜਾ ਰਹੀ ਸੀ । ਦਸਣਾ ਬਣਦਾ ਹੈਕਿ ਇੱਥੇ ਇੱਕ ਪ੍ਰਾਈਵੇਟ ਕੰਪਨੀ ਦੀ ਬੱਸ ਵੀ ਕੁੱਝ ਮਹੀਨੇ ਪਹਿਲਾਂ ਡਿੱਗ ਪਈ ਸੀ, ਜਿਸ ਕਾਰਨ ਡਰਾਈਵਰ ਸਹਿਤ ਦਰਜ਼ਨਾਂ ਸਵਾਰੀਆਂ ਦੀ ਮੌਤ ਹੋ ਗਈ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
