Patiala News: ਪਟਿਆਲਾ-ਰਾਜਪੁਰਾ ਰੋਡ ’ਤੇ ਵੀਰਵਾਰ ਦੁਪਿਹਰ 2 ਵਜੇਂ ਦੇ ਕਰੀਬ ਦੋ ਕਾਰਾਂ ਦੀ ਹੋਈ ਆਹਮੋ-ਸਾਹਮਣੇ ਟੱਕਰ ਵਿਚ ਇੱਕ ਪ੍ਰਵਾਰ ਦੇ ਖ਼ਤਮ ਹੋਣ ਦੀ ਦੁਖ਼ਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਿਲੀ ਜਾਣਕਾਰੀ ਦੇ ਮੁੁਤਾਬਕ ਮ੍ਰਿਤਕ ਸਿਧਾਂਤ ਬੱਬਰ ਆਪਣੇ ਪਿਤਾ ਪਵਨ ਕੁਮਾਰ ਤੇ ਮਾਤਾ ਕੁਸਮ ਲਤਾ ਦੇ ਨਾਲ ਆਪਣੀ ਭੈਣ ਦੇ ਪੰਚਕੂਲਾ ਸਥਿਤ ਨਵੇਂ ਪਾਏ ਮਕਾਨ ਦੇ ਗ੍ਰਹਿ ਪ੍ਰਵੇਸ਼ ਸਮਾਗਮ ਵਿਚ ਸ਼ਾਮਲ ਹੋ ਕੇ ਆਪਣੀ ਬਰੀਜ਼ਾ ਕਾਰ ’ਤੇ ਸਵਾਰ ਹੋ ਕੇ ਵਾਪਸ ਆਪਣੇ ਘਰ ਡੱਬਵਾਲੀ ਵੱਲ ਜਾ ਰਿਹਾ ਸੀ।
ਇਹ ਵੀ ਪੜ੍ਹੋ ਜ਼ੀਰਕਪੁਰ ਲਈ ਵੱਡੀ ਖ਼ਬਰ: ਨਗਰ ਕੌਂਸਲ ਨੂੰ ਜਲਦੀ ਹੀ ਨਗਰ ਨਿਗਮ ਦਾ ਦਰਜਾ ਮਿਲੇਗਾ-ਡਾ. ਰਵਜੋਤ ਸਿੰਘ
ਇਸ ਦੌਰਾਨ ਜਦ ਉਹ ਰਾਜਪੁਰਾ ਨਜਦੀਕ ਬਹਾਦਰਗੜ੍ਹ ਪੁੱਜੇ ਤਾਂ ਸਾਹਮਣੇ ਤੋਂ ਆ ਰਹੀ ਇੱਕ ਤੇਜ਼ ਰਫਤਾਰ ਕਾਰ ਡਿਵਾਈਡਰ ਨੂੰ ਪਾਰ ਕਰਦੀ ਹੋਈ ਉਨ੍ਹਾਂ ਦੀ ਕਾਰ ਦੇ ਵਿਚ ਆ ਵੱਜੀ। ਇਹ ਟੱਕਰ ਇੰਨੀਂ ਭਿਆਨਕ ਸੀ ਕਿ ਸਿਧਾਂਤ ਦੀ ਕਾਰ ਪਲਟੀਆਂ ਖ਼ਾਂਦੀ ਸਰਵਿਸ ਰੋਡ ’ਤੇ ਜਾ ਖੜੀ ਹੋਈ। ਇਸ ਹਾਦਸੇ ਦੇ ਵਿਚ ਸਿਧਾਂਤ, ਉਸਦੇ ਪਿਤਾ ਤੇ ਮਾਤਾ ਤਿੰਨੋਂ ਗੰਭੀਰ ਜਖ਼ਮੀ ਹੋ ਗਏ। ਹਾਲਾਂਕਿ ਉਨ੍ਹਾਂ ਨੂੰ ਇਲਾਜ਼ ਦੇ ਲਈ ਪਟਿਆਲਾ ਲਿਜਾਇਆ ਗਿਆ ਪ੍ਰੰਤੂ ਉਥੋਂ ਉਨ੍ਹਾਂ ਦਮ ਤੋੜ ਦਿੱਤਾ। ਦੂੁਜੇ ਪਾਸੇ ਪਤਾ ਲੱਗਿਆ ਹੈ ਕਿ ਪਟਿਆਲਾ ਤੋਂ ਰਾਜਪੁਰਾ ਵੱਲ ਜਾ ਰਹੀ ਕਾਰ ਨੂੰ ਇੱਕ ਲੜਕੀ ਚਲਾ ਰਹੀ ਸੀ ਤੇ ਕਾਰ ਵਿਚ ਇੱਕ ਹੋਰ ਲੜਕਾ ਤੇ ਲੜਕੀ ਵੀ ਸਵਾਰ ਸਨ।
ਇਹ ਵੀ ਪੜ੍ਹੋ ਭ੍ਰਿਸ਼ਟਾਚਾਰ ਦਾ ਕੇਸ; MLA ਦਾ ਪੁੱਤ ਤੇ ਕੁੜਮ ਸਹਿਤ ਤਿੰਨ ਨਾਮਜ਼ਦ
ਕਾਰ ਦੀ ਸਪੀਡ ਘਟਨਾ ਸਮੇਂ 130 ਦੇ ਕਰੀਬ ਸੀ। ਜਿਸ ਕਾਰਨ ਇਹ ਬੇਕਾਬੂ ਹੋ ਗਈ। ਸਾਹਮਣੈ ਆਈਆਂ ਰੀਪੋਰਟਾਂ ਮੁਤਾਬਕ ਇੰਨ੍ਹਾਂ ਕੁੜੀਆਂ ਦੀ ਕਾਰ ਵਿਚੋਂ ਬੀਅਰ ਦੇ ਕੈਨ ਵੀ ਮਿਲੇ ਹਨ, ਜਿਸਦੇ ਚੱਲਦੇ ਸ਼ੱਕ ਪ੍ਰਗਟਾਇਆ ਜਾ ਰਿਹਾ ਕਿ ਕਾਰ ਨੂੰ ਨਸ਼ਾ ਕਰਕੇ ਚਲਾਇਆ ਜਾ ਰਿਹਾ ਸੀ। ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਮ੍ਰਿਤਕਾਂ ਦੇ ਪ੍ਰਵਾਰ ਵਾਲਿਆਂ ਦੇ ਬਿਆਨਾਂ ਉਪਰ ਪਰਚਾ ਦਰਜ਼ ਕੀਤਾ ਜਾ ਰਿਹਾ। ਉਧਰ, ਦੂਜੀ ਕਾਰ ’ਚ ਸਵਾਰ ਦੋਨੋਂ ਲੜਕੀਆਂ ਤੇ ਲੜਕਾ ਵੀ ਜਖ਼ਮੀ ਦਸਿਆ ਜਾ ਰਿਹਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
