ਬਠਿੰਡਾ, 11 ਫਰਵਰੀ: ਜਿਲਾ ਪੁਲਿਸ ਦੇ ਵਿੱਚ ਵੱਡਾ ਫੇਰਬਦਲ ਕੀਤਾ ਗਿਆ ਹੈ। ਜਾਰੀ ਵੱਖ ਵੱਖ ਹੁਕਮਾਂ ਤਹਿਤ ਕਰੀਬ ਅੱਧਾ ਦਰਜਨ ਥਾਣਾ ਮੁੱਖੀਆਂ ਨੂੰ ਤਬਦੀਲ ਕਰ ਦਿੱਤਾ ਗਿਆ ਹੈ।ਸੂਚਨਾ ਮੁਤਾਬਿਕ ਬਦਲੇ ਗਏ ਥਾਣਾ ਮੁਖੀਆਂ ਦੇ ਵਿੱਚ ਥਾਣਾ ਨਹਿਆਵਾਲਾ ਮਹਿੰਗੀਆਂ ਦੀ ਚਰਚਿਤ ਮਹਿਲਾ ਮੁਖੀ ਕਰਮਜੀਤ ਕੌਰ ਵੀ ਸ਼ਾਮਿਲ ਹੈ। ਹੁਣ ਉਹਨਾਂ ਦੀ ਜਗ੍ਹਾ ਥਾਣਾ ਸਦਰ ਵਿੱਚ ਤੈਨਾਤ ਸਬ ਇੰਸਪੈਕਟਰ ਮੇਜਰ ਸਿੰਘ ਨੂੰ ਨਵਾਂ ਇੰਚਾਰਜ ਲਗਾਇਆ ਗਿਆ ਹੈ।
ਆਪ ਵਲੋਂ ਫਰਵਰੀ ਮਹੀਨੇ ਦੇ ਅੰਤ ਤੱਕ ਪੰਜਾਬ ਤੇ ਚੰਡੀਗੜ੍ਹ ਦੇ ਲੋਕ ਸਭਾ ਦੇ ਉਮੀਦਵਾਰਾਂ ਦੇ ਨਾਮ ਐਲਾਨੇਗੀ
ਇਸੇ ਤਰ੍ਹਾਂ ਥਾਣਾ ਮੋੜ ਦੇ ਐਸਐਚਓ ਰਾਜੇਸ਼ ਕੁਮਾਰ ਨੂੰ ਬਦਲ ਕੇ ਥਾਣਾ ਸਿਟੀ ਰਾਮਪੁਰਾ ਦੀ ਜਿੰਮੇਵਾਰੀ ਦਿੱਤੀ ਗਈ ਹੈ ਜਦਕਿ ਥਾਣਾ ਸਿਟੀ ਰਾਮਪੁਰਾ ਦੇ ਐਸਐਚਓ ਜਗਿੰਦਰ ਸਿੰਘ ਨੂੰ ਥਾਣਾ ਸਦਰ ਰਾਮਪੁਰਾ ਲਗਾਇਆ ਗਿਆ ਹੈ। ਥਾਣਾ ਰਾਮਪੁਰਾ ਸਦਰ ਦੇ ਐਸਐਚਓ ਗੁਰਦੀਪ ਸਿੰਘ ਨੂੰ ਪੁਲਿਸ ਲਾਈਨ ਭੇਜ ਦਿੱਤਾ ਹੈ। ਇਸ ਤੋਂ ਇਲਾਵਾ ਥਾਣਾ ਕੈਂਟ ਦੇ ਮੁਖੀ ਰਵਿੰਦਰ ਸਿੰਘ ਨੂੰ ਹੁਣ ਮੌੜ ਤਬਦੀਲ ਕੀਤਾ ਗਿਆ ਹੈ ਜਦੋਂ ਕਿ ਫਿਰੋਜ਼ਪੁਰ ਰੇਂਜ ਤੋਂ ਬਦਲ ਕੇ ਆਏ ਐਸਆਈ ਹਰਪ੍ਰੀਤ ਸਿੰਘ ਨੂੰ ਥਾਣਾ ਕੈਂਟ ਦੇ ਨਵੇਂ ਮੁਖੀ ਵਜੋਂ ਤੈਨਾਤ ਕੀਤਾ ਗਿਆ।
