ਪੁਲਿਸ ਦੀ ਟਰੈਨਿੰਗ ਦੌਰਾਨ ਰਾਤ ਨੂੰ ਮੰਦਿਰ ਦੀ ਲਾਈਟ ’ਚ ਕੀਤੀ ਪੜਾਈ
ਚੰਡੀਗੜ੍ਹ, 25 ਮਾਰਚ : ਮਿਹਨਤ ਤੇ ਦ੍ਰਿੜ ਇਰਾਦੇ ਦੇ ਨਾਲ ਅੱਗੇ ਵਧਦਿਆਂ ਪੰਜਾਬ ਪੁਲਿਸ ਦੇ ਦੋ ਕਾਂਸਟੇਬਲਾਂ ਨੇ ਅਪਣੇ ਟੀਚਿਆਂ ਨੂੰ ਹਾਸਲ ਕਰਦਿਆਂ ਭਾਰਤੀ ਫ਼ੌਜ ਵਿਚ ਅਫ਼ਸਰ ਬਣਨ ਦਾ ਮਾਣ ਹਾਸਲ ਕੀਤਾ ਹੈ। ਆਮ ਘਰਾਂ ਦੇ ਇੰਨ੍ਹਾਂ ਦੋ ਨੌਜਵਾਨਾਂ ਦੇ ‘ਸਿਰੜ’ ਦੀ ਕਹਾਣੀ ਨਾ ਸਿਰਫ਼ ਭਾਵੁਕ ਕਰ ਦੇਣ ਵਾਲੀ ਹੈ ਬਲਕਿ ਇਹ ਹਰ ਕਿਸੇ ਨੂੰ ਹੈਰਾਨ ਕਰਨ ਦੀ ਸਮਰੱਥਾ ਵੀ ਰੱਖਦੀ ਹੈ। ਪੰਜਾਬ ਪੁਲਿਸ ਦੀ ਸਖ਼ਤ ਟਰੈਨਿੰਗ ਅਤੇ ਉੱਪਰੋਂ ਫ਼ੌਜ ਦਾ ਇਮਤਿਹਾਨ, ਕਿਸੇ ਸਮੁੰਦਰ ਨੂੰ ਪਾਰ ਕਰਨ ਤੋਂ ਘੱਟ ਨਹੀਂ ਸੀ। ਇਸ ਸਭ ਦੇ ਬਾਵਜੂਦ ਇੰਨ੍ਹਾਂ ਨੇ ਹਿੰਮਤ ਨਹੀਂ ਹਾਰੀ ਤੇ ਦਿਨ ਸਮੇਂ ਪੁਲਿਸ ਦੀ ਟਰੈਨਿੰਗ ਹਾਸਲ ਕੀਤੀ ਤੇ ਰਾਤ ਨੂੰ ਟਰੈਨਿੰਗ ਸੈਂਟਰ ਦੇ ਨਜਦੀਕ ਇੱਕ ਮੰਦਰ ਦੀਆਂ ਲਾਈਟਾਂ ਦੇ ਵਿਚ ਜਾਗ-ਜਾਗ ਕੇ ਫ਼ੌਜ ਦੇ ਇਮਤਿਹਾਨ ਦੀ ਤਿਆਰੀ ਕੀਤੀ।
ਸੰਨੀ ਦਿਓਲ ਨੇ ਜਿੱਤਣ ਤੋਂ ਬਾਅਦ ਕਦੇ ਗੁਰਦਾਸਪੁਰ ਦਾ ਧਿਆਨ ਨਹੀਂ ਰੱਖਿਆ ਤਾਂ…
ਇੰਨ੍ਹੀਂ ਮਿਹਨਤ ਦਾ ਨਤੀਜ਼ਾ ਇਹ ਹੋਇਆ ਕਿ ਇਹ ਦੋਨੋਂ ਨੌਜਵਾਨ ਹੁਣ ਭਾਰਤੀ ਫ਼ੌਜ ਦੇ ਅਫ਼ਸਰ ਬਣਨ ਵਿਚ ਸਫ਼ਲ ਹੋ ਗਏ। ਇਹ ਕਹਾਣੀ ਹੈ ਪੰਜਾਬ ਦੇ ਦੋ ਹਿੰਮਤੀ ਤੇ ਮਿਹਨਤੀ ਨੌਜਵਾਨਾਂ ਲਵਪ੍ਰੀਤ ਸਿੰਘ ਤੇ ਅਨਮੋਲ ਸ਼ਰਮਾ ਦੀ। ਇਹ ਦੋਨੋਂ ਨੌਜਵਾਨਾਂ ਆਮ ਘਰਾਂ ਨਾਲ ਸਬੰਧਤ ਹਨ ਪਰ ਬਚਪਨ ਤੋਂ ਦਿਲ ਵਿਚ ਫ਼ੌਜ ਦੇ ਅਫ਼ਸਰ ਦੀ ਵਰਦੀ ਪਹਿਨਣ ਦਾ ਜਾਨੂੰਨ ਸੀ। ਇਸ ਪ੍ਰਤੀਨਿਧੀ ਨਾਲ ਫ਼ੋਨ ’ਤੇ ਗੱਲਬਾਤ ਕਰਦਿਆਂ ਦੋਨਾਂ ਨੌਜਵਾਨਾਂ ਨੇ ਸਖ਼ਤ ਮਿਹਨਤ ਤੋਂ ਬਾਅਦ ਹਾਸਲ ਕੀਤੇ ਨਤੀਜਿਆਂ ਨੂੰ ‘ਤਪਦੀ ਦੁਪਿਹਰ ਦੇ ਵਿਚ ਆਏ ਇੱਕ ਠੰਢੀ ਵਾਅ ਦਾ ਬੁੱਲਾ’ ਦਸਦਿਆਂ ਹੋਰਨਾਂ ਨੂੰ ਨੌਜਵਾਨਾਂ ਨੂੰ ਵੀ ਜਵਾਨੀ ਪਹਿਰੇ ਅਰਾਮ ਨੂੰ ਤਿਆਗ ਕੇ ਅਪਣੇ ਨਿਸ਼ਾਨੇ ਨੂੰ ਹਾਸਲ ਕਰਨ ਲਈ ਅਣਥੱਕ ਮਿਹਨਤ ਕਰਨ ਦਾ ਸੱਦਾ ਦਿੱਤਾ।
ਸਵਾਰੀਆਂ ਨਾਲ ਭਰੀ ਪੀਆਰਟੀਸੀ ਦੀ ਬੱਸ ਪਲਟੀ, ਡਰਾਈਵਰ ਸਹਿਤ ਕਈ ਜਖ਼ਮੀ
ਮੂਲ ਰੂਪ ਵਿਚ ਅਨਮੋਲ ਸ਼ਰਮਾ ਕਪੂਰਥਲਾ ਇਲਾਕੇ ਦਾ ਰਹਿਣ ਵਾਲਾ ਹੈ ਜਦੋਂਕਿ ਲਵਪ੍ਰੀਤ ਸਿੰਘ ਅੰਮ੍ਰਿਤਸਰ ਨਾਲ ਸਬੰਧਤ ਹੈ। ਇਹ ਦੋਨੋਂ ਨੌਜਵਾਨ ਅਗੱਸਤ 2022 ਵਿਚ ਪੰਜਾਬ ਪੁਲਿਸ ’ਚ ਬਤੌਰ ਕਾਂਸਟੇਬਲ ਭਰਤੀ ਹੋਏ ਸਨ। ਇਸਤੋ ਬਾਅਦ ਇੰਨ੍ਹਾਂ ਦੀ ਟਰੈਨਿੰਗ ਇਨ ਸਰਵਿਸ ਟਰੈਨਿੰਗ ਸੈਂਟਰ ਕਪੂਰਥਲਾ ਵਿਖੇ ਇਕੱਠੀ ਹੀ ਸ਼ੁਰੂ ਹੋਈ ਸੀ। ਵੱਡੀ ਗੱਲ ਇਹ ਵੀ ਪਤਾ ਲੱਗੀ ਕਿ ਕਪੂਰਥਲਾ ਸੈਨਿਕ ਸਕੂਲ ਦਾ ਵਿਦਿਆਰਥੀ ਰਿਹਾ ਅਨਮੋਲ ਸ਼ਰਮਾ ਇਸਤੋਂ ਪਹਿਲਾਂ ਕਈ ਵਾਰ ਐਨਡੀਏ ਦਾ ਪੇਪਰ ਵੀ ਦੇ ਚੁੱਕਿਆ ਸੀ ਤੇ ਤਿੰਨ ਦਫ਼ਾ ਲਿਖਤੀ ਪੇਪਰ ਵਿਚ ਪਾਸ ਹੋ ਗਿਆ ਪਰ ਇੰਟਰਵਿਊ ਵਿਚੋਂ ਸਫ਼ਲ ਨਾ ਹੋ ਸਕਿਆ। ਹੁਣ ਉਸਦਾ ਫ਼ੌਜ ’ਚ ਅਫ਼ਸਰ ਬਣਨ ਲਈ ਆਖ਼ਰੀ ਮੌਕਾ ਸੀ।
ਕੋਰ ਕਮੇਟੀ ਦੇ ਫੈਸਲਿਆਂ ਦੇ ਹੱਕ ’ਚ ਡਟਿਆ ਅਕਾਲੀ ਦਲ ਦਾ ‘ਨਰਾਜ਼’ ਵਿਧਾਇਕ
ਜਿਸਦੇ ਚੱਲਦੇ ਪੁਲਿਸ ਦੀ ਟਰੈਨਿੰਗ ਦੇ ਦੌਰਾਨ ਹੀ ਉਸਨੇ ਅਪ੍ਰੈਲ 2023 ਵਿਚ ਲਿਖ਼ਤੀ ਪ੍ਰੀਖ੍ਰਿਆ ਪਾਸ ਕੀਤੀ ਤੇ ਸਤੰਬਰ ਮਹੀਨੇ ਵਿਚ ਇੰਟਰਵਿਊ ਵੀ ਦਿੱਤੀ ਤੇ ਉਸ ਵਿਚ ਵੀ ਸਫ਼ਲ ਰਿਹਾ। ਦੂਜੇ ਪਾਸੇ ਲਵਪ੍ਰੀਤ ਸਿੰਘ ਐਨਸੀਸੀ ਦਾ ਸਰਟੀਫਿਕੇਟ ਹੋਲਡਰ ਹੋਣ ਕਾਰਨ ਸਿੱਧਾ ਇੰਟਰਵਿਊ ਵਿਚ ਹੀ ਬੈਠਿਆ ਤੇ ਦਸੰਬਰ 2023 ਵਿਚ ਸਫ਼ਲ ਰਿਹਾ। ਅਨਮੋਲ ਸ਼ਰਮਾ ਨੇ ਦਸਿਆ ਕਿ ‘‘ ਉਸਦੇ ਪਿਤਾ ਰਿਪੂਦਮਨ ਸ਼ਰਮਾ ਜੋਕਿ ਪੰਜਾਬ ਪੁਲਿਸ ਵਿਚ ਹੀ ਸਹਾਇਕ ਥਾਣੇਦਾਰ ਹਨ ਅਤੇ ਚਾਚਾ ਇੱਕ ਨਾਮਵਰ ਵਕੀਲ ਹਨ, ਦੋਨੋਂ ਹੀ ਸੈਨਿਕ ਸਕੂਲ ਵਿਚੋਂ ਪੜ੍ਹੇ ਸਨ ਪ੍ਰੰਤੂ ਉਹ ਫ਼ੌਜ ਦੇ ਅਫ਼ਸਰ ਨਾ ਬਣ ਸਕੇ ਤੇ ਹੁਣ ਉਨ੍ਹਾਂ ਦਾ ਸੁਪਨਾ ਸੀ ਕਿ ਪ੍ਰਵਾਰ ਦਾ ਇੱਕ ਬੱਚਾ ਜਰੂਰ ਫ਼ੌਜ ਦਾ ਅਫ਼ਸਰ ਬਣੇ ਤੇ ਇਸ ਸੁਪਨੇ ਨੂੰ ਪੂਰਾ ਕਰਨ ਵਿਚ ਉਹ ਸਫ਼ਲ ਰਿਹਾ ਹੈ। ’’
ਭਾਜਪਾ ਨੇ ਚੌਟਾਲਿਆਂ ਦੇ‘ਪੜਪੋਤਰੇ’ਨੂੰ ਛੱਡਣ ਤੋਂ ਬਾਅਦ ‘ਪੁੱਤਰ’ ਨੂੰ ਦਿੱਤੀ ਐਮ.ਪੀ ਦੀ ਟਿਕਟ
ਅਨਮੋਲ ਨੇ ਅੱਗੇ ਦਸਿਆ ਕਿ ਪੁਲਿਸ ਟਰੈਨਿੰਗ ਦੇ ਦੌਰਾਨ ਹੀ ਉਨ੍ਹਾਂ ਦੀ ਸੈਂਟਰ ਵਿਚ ਡਿਊਟੀ ਵੀ ਲੱਗਦੀ ਪਰ ਉਹ ਫ਼ਿਰ ਵੀ ਪੜਣ ਲਈ ਸਮਾਂ ਕੱਢਣ ਵਿਚ ਸਫ਼ਲ ਰਹਿੰਦੇ। ਦਿਨ ਦੇ ਸਮੇਂ ਟਰੈਨਿੰਗ ਦੌਰਾਨ ਮਿਲਦੀ ਵਿਹਲ ਸਮੇਂ ਉਹ ਜੇਬਾਂ ’ਚ ਲਿਆਂਦੇ ਨੋਟਿਸ ਪੜ੍ਹਦੇ ਅਤੇ ਰਾਤ ਨੂੰ ਦੁੂਜੇ ਰੰਗਰੂਟਾਂ ਨੂੰ ਤਕਲੀਫ਼ ਨਾ ਹੋਵੇ ਤਾਂ ਉਹ ਨਾਲ ਲੱਗਦੇ ਮੰਦਰ ਵਿਚ ਜਾ ਕੇ ਪੜ੍ਹਦੇ ਸਨ। ਅਨਮੋਲ ਨੇ ਇੰਨ੍ਹੀਆਂ ਤਕਲੀਫ਼ਾਂ ਝੱਲਣ ਤੋਂ ਬਾਅਦ ਉਸ ਸਮੇਂ ਸਕੂਨ ਮਹਿਸੂਸ ਕੀਤਾ ਜਦ ਉਸਨੇ ਕੰਬਾਇਡ ਡਿਫੈੈਂਸ ਸਰਵਿਸ਼ਜ ਦੀ ਪ੍ਰੀਖ੍ਰਿਆ ਵਿਚ 99 ਵਾਂ ਰੈਂਕ ਹਾਸਲ ਕੀਤਾ। ਲਵਪ੍ਰੀਤ ਦੀ ਕਹਾਣੀ ਵੀ ਅਨਮੋਲ ਨਾਲ ਮਿਲਦੀ ਹੈ। ਉਸਦਾ ਪਿਤਾ ਫ਼ੌਜ ਵਿਚ ਸੂਬੇਦਾਰ ਹੈ ਅਤੇ ਦਾਦਾ ਸੇਵਾਮੁਕਤ ਆਨਰੇਰੀ ਕੈਪਟਨ।ਪਿਤਾ ਨੇ ਸਿਪਾਹੀ ਭਰਤੀ ਹੋਣ ਤੋਂ ਬਾਅਦ ਅਫ਼ਸਰ ਬਣਨ ਲਈ ਤਿਆਰੀ ਕੀਤੀ ਪਰ ਸਫ਼ਲ ਨਾ ਹੋ ਸਕਿਆ ਤੇ ਪਿਤਾ ਦੇ ਸੂਪਨੇ ਨੂੰ ਪੂਰਾ ਕਰਨ ਲਈ ਲਵਪ੍ਰੀਤ ਨੇ ਠਾਣੀ ਹੋਈ ਸੀ।
ਘੋਰ ਕਲਯੁਗ: ਧੀ ਤੋਂ ਫ਼ਿਰੌਤੀ ਲੈਣ ਲਈ ਮਾਂ ਨੇ ਅਪਣੇ ਹੀ ਅਗਵਾ ਦਾ ਰਚਿਆ ਡਰਾਮਾ
ਉਸਨੇ ਸਰਵਿਸਿਜ਼ ਸਿਲੈਕਸ਼ਨ ਬੋਰਡ ਦੀ ਇੰਟਰਵਿਊ ਨੂੰ ਨਾ ਸਿਰਫ਼ ਕਲੀਅਰ ਕੀਤਾ, ਬਲਕਿ 16ਵਾਂ ਰੈਕ ਵੀ ਹਾਸਲ ਕੀਤਾ। ਲਵਪ੍ਰੀਤ 1 ਫਰਵਰੀ ਨੂੰ ਰਸਮੀ ਤੌਰ ’ਤੇ ਪੰਜਾਬ ਪੁਲਿਸ ਦੀ ਕਾਂਸਟੇਬਲ ਦੀ ਨੌਕਰੀ ਤੋਂ ਅਸਤੀਫ਼ਾ ਦੇ ਕੇ ਭਾਰਤੀ ਫ਼ੌਜ ਦੇ ਪ੍ਰਵਾਰ ਵਿਚ ਸ਼ਾਮਲ ਹੋ ਚੁੱਕਾ ਹੈ ਜਦੋਂਕਿ ਅਨਮੋਲ ਸ਼ਰਮਾ ਦੀ 28 ਮਾਰਚ ਤੋਂ ਚੈਨਈ ਦੀ ਆਫ਼ੀਸਰ ਟਰੈਨਿੰਗ ਅਕੈਡਮੀ ਵਿਚ ਟਰੈਨਿੰਗ ਸ਼ੁਰੂ ਹੋ ਰਹੀ ਹੈ। ਲਵਪ੍ਰੀਤ ਨੇ ਇਸ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਅਪਣੀ ਪ੍ਰਾਪਤੀ ’ਤੇ ਖ਼ੁਸੀ ਜਾਹਰ ਕਰਦਿਆਂ ਕਿਹਾ ਕਿ ‘‘ ਮਿਹਨਤ ਤੇ ਸਬਰ ਦੋ ਅਜਿਹੀਆਂ ਚੀਜ਼ਾਂ ਹਨ, ਜਿੰਨ੍ਹਾਂ ਦੇ ਨਾਲ ਹਰ ਮੰਜ਼ਿਲ ਹਾਸਲ ਕੀਤੀ ਜਾ ਸਕਦੀ ਹੈ। ਅਨਮੋਲ ਨੇ ਵਿਦੇਸ਼ ਭੱਜ ਰਹੇ ਪੰਜਾਬ ਦੇ ਨੌਜਵਾਨਾਂ ਨੂੰ ਸੱਦਾ ਦਿੰਦਿਆਂ ਕਿਹਾ ਕਿ ‘‘ ਇੱਥੇ ਵੀ ਮਿਹਨਤ ਨਾਲ ਬਹੁਤ ਹਾਸਲ ਕੀਤਾ ਜਾ ਸਕਦਾ ਹੈ, ਲੋੜ ਹੈ ਅਪਣਾ ਟੀਚਾ ਤੈਅ ਕਰਨ ਤੇ ਉਸਨੂੰ ਹਾਸਲ ਕਰਨ ਲਈ ਸਹੀ ਤਰੀਕੇ ਨਾਲ ਕੀਤੀ ਮਿਹਨਤ ਦੀ। ’’
ਕੰਗਨਾ ਨੇ ਇਕ ਸ਼ੋਸ਼ਲ ਮੀਡੀਆ ਪੋਸਟ ਪਾਈ ਹੈ ਜਿਸ ਵਿਚ ਉਨ੍ਹਾਂ ਕਿਹਾ ਕਿ “ਮੇਰੇ ਪਿਆਰੇ ਭਾਰਤ ਅਤੇ ਆਮ ਭਾਰਤੀਆਂ ਦੀ ਪਾਰਟੀ, ਮੈਂ ਹਮੇਸ਼ਾ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੂੰ ਬਿਨਾਂ ਸ਼ਰਤ ਸਮਰਥਨ ਦਿੰਦੀ ਰਹੀ ਹਾਂ। ਅੱਜ ਭਾਜਪਾ ਦੀ ਕੌਮੀ ਲੀਡਰਸ਼ਿਪ ਨੇ ਮੈਨੂੰ ਮੇਰੀ ਜਨਮ ਭੂਮੀ ਮੰਡੀ ਤੋਂ ਲੋਕ ਸਭਾ ਉਮੀਦਵਾਰ ਐਲਾਨ ਦਿੱਤਾ ਹੈ।
