ਪੰਜਾਬੀ ਖਬਰਸਾਰ ਬਿਉਰੋ
ਬਠਿੰਡਾ,25 ਜੁਲਾਈ: ਟੈਕਨੀਕਲ ਸਰਵਿਸਜ਼ ਯੂਨੀਅਨ ਭੰਗਲ ਸਰਕਲ ਬਠਿੰਡਾ ਦੀ ਮੀਟਿੰਗ ਸਰਕਲ ਪ੍ਰਧਾਨ ਚੰਦਰ ਪ੍ਰਸ਼ਾਦ ਸ਼ਰਮਾ ਦੀ ਪ੍ਰਧਾਨਗੀ ਹੇਠ ਮੌੜ ਵਿਖੇ ਹੋਈ। ਮੀਟਿੰਗ ਵਿੱਚ ਸਰਕਲ ਵਰਕਿੰਗ ਕਮੇਟੀ ਮੈਂਬਰਾਂ ਤੋਂ ਇਲਾਵਾ ਡਵੀਜ਼ਨਾ ਦੇ ਸੱਕਤਰ ਤੇ ਸਬਡਵੀਜ਼ਨਾ ਦੇ ਪ੍ਰਧਾਨ ਸੱਕਤਰ ਸ਼ਾਮਲ ਹੋਏ।ਸਰਕਲ ਪ੍ਰਧਾਨ ਚੰਦਰ ਪ੍ਰਸ਼ਾਦ ਸ਼ਰਮਾ ਤੇ ਸਰਕਲ ਸਕੱਤਰ ਸਤਵਿੰਦਰ ਸਿੰਘ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਤੇ ਪਾਵਰਕੌਮ ਐਂਡ ਟਰਾਸਕੋ ਦੀ ਮੈਨੇਜਮੈਂਟ ਦੇ ਮੁਲਾਜ਼ਮਾਂ ਤੇ ਲੋਕ ਵਿਰੋਧੀ ਨੀਤੀ ਫ਼ੈਸਲਿਆਂ ਖਿਲਾਫ ਵੱਡੀ ਪੱਧਰ ਤੇ ਰੋਸ ਪਿਆ ਜਾ ਰਿਹਾ ਹੈ। ਮੀਟਿੰਗ ਚ, ਸ਼ਾਮਲ ਆਗੂਆਂ ਵੱਲੋਂ ਹੜ ਪੀੜਤਾਂ ਦੀ ਸਹਾਇਤਾ ਲਈ ਸੂਬਾ ਕਮੇਟੀ ਵੱਲੋਂ ਕੀਤੇ ਫੈਸਲੇ ਨੂੰ ਲਾਗੂ ਕਰਨ ਦਾ ਫੈਸਲਾ ਲੈਂਦਿਆਂ,ਹੜ ਪ੍ਰਭਾਵਿਤ ਇਲਾਕਿਆਂ ਦਾ ਨਿਸ਼ਾਨਦੇਹੀ ਕਰਨ ਤੇ ਸੂਬਾ ਕਮੇਟੀ ਵਲੋਂ ਲਾਇਆ ਫੰਡ ਇਸੇ ਮਹੀਨੇ ਜਮਾਂ ਕਰਵਾਉਣ ਤੇ ਮਹਿਕਮੇ ਵੱਲੋਂ ਇੱਕ ਦਿਨ ਦੀ ਤਨਖਾਹ ਕਟੌਤੀ ਦਾ ਵਿਰੋਧ ਕਰਨ ਦਾ ਫੈਸਲਾ ਕੀਤਾ ਗਿਆ। ਮੀਟਿੰਗ ਵਿੱਚ ਸ਼ਾਮਲ ਸਬਡਵੀਜ਼ਨਾ ਤੇ ਡਵੀਜਨਾ ਦੇ ਆਗੂਆਂ ਨੇ ਵਿਚਾਰ ਰੱਖਦਿਆਂ ਸੂਬਾ ਵਰਕਿੰਗ ਵੱਲੋਂ ਹੜ ਪੀੜਤਾਂ ਦੀ ਆਪਣੀ ਪੱਧਰ ਸਹਾਇਤਾ ਕਰਨ ਦੇ ਫ਼ੈਸਲੇ ਨੂੰ ਪੰਜਾਬ ਸਰਕਾਰ ਦੇ ਸਹਾਇਤਾ ਕਰਨ ਦੇ ਅਪਣਾਏ ਤੌਰ ਤਰੀਕਿਆਂ ਨੂੰ ਵੇਖਦਿਆਂ ਦਰੁਸਤ ਤੇ ਢੁੱਕਵਾਂ ਦੱਸਦਿਆ ਲਾਗੂ ਕਰਨ ਦਾ ਐਲਾਨ ਕੀਤਾ। ਆਗੂਆਂ ਨੇ ਵਿਕਾਸ ਫੰਡ ਦੇ ਨਾ ਤੇ ਬਿਜਲੀ ਮੁਲਾਜ਼ਮਾਂ ਦੀ 200 ਰੁਪਏ ਮਹੀਨਾ ਕੀਤੀ ਜਾ ਰਹੀ ਕਟੌਤੀ ਬੰਦ ਕਰਨ ਤੇ ਰਿਟਾਇਰ ਮੁਲਾਜ਼ਮ ਤੇ ਇਹ ਫੈਸਲਾ ਲਾਗੂ ਕਰਨ ਲਈ ਚੁੱਕੇ ਕਦਮਾਂ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ। ਪੰਜਾਬ ਸਰਕਾਰ ਦੀ ਨੀਤੀ ਤਹਿਤ ਮਹਿਕਮੇ ਦੀ ਮੈਨੇਜਮੈਂਟ ਵਲੋਂ ਚੁੱਕੇ ਜਾ ਰਹੇ ਲੋਕਾਂ ਤੇ ਮੁਲਾਜ਼ਮਾਂ ਵਿਰੋਧੀ ਕਦਮਾਂ, ਰੈਗੂਲਰ ਮੁਲਾਜ਼ਮਾਂ ਦੀਆਂ ਮੰਨੀਆਂ ਵਾਜਬ ਤੇ ਹੱਲ ਹੋਣ ਯੋਗ ਮੰਗਾਂ ਦਾ ਵੀ ਹੱਲ ਕਰਨ ਦੀ ਬਜਾਏ ਸੰਘਰਸ਼ਸ਼ੀਲ ਜੱਥੇਬੰਦੀ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਭੰਗਲ ਦੇ ਆਗੂਆਂ ਦੀ ਵਿਕਟੇਮਾਈਜੇਸਨ ਕਰਨੀ ਤੇ ਵਾਰ ਵਾਰ ਮੀਟਿੰਗ ਵਿੱਚ ਭੋਰੇ ਦੇ ਵੀ ਹੱਲ ਨਾ ਕਰਨੀ, ਠੇਕਾ ਮੁਲਾਜ਼ਮਾਂ ਦੀਆਂ ਜੱਥੇਬੰਦੀਆਂ ਨਾਲ ਵਾਰ ਮੀਟਿੰਗਾ ਦਾ ਸਮਾਂ ਦੇਕੇ ਮੁੱਖ ਮੰਤਰੀ ਮੀਟਿੰਗ ਵਿੱਚ ਸ਼ਾਮਲ ਨਾ ਹੋਣ ਤੇ ਨਾ ਹੀ ਉਨਾਂ ਦੀਆਂ ਢੁੱਕਵੀਆਂ ਮੰਗਾਂ ਦਾ ਹੱਲ ਕਰਨਾ,ਸੀ,ਆਰ, ਏ 295/19 ਅਧੀਨ ਭਰਤੀ ਸਹਾਇਕ ਲਾਈਮੈਨਾ ਦੇ ਤਜਰਬਾ ਸਰਟੀਫਿਕੇਟਾਂ ਨੂੰ ਬਹਾਨਾ ਬਣਾਕੇ ਕੁਝ ਤੇ ਪੁਲਿਸ ਕੇਸ ਦਰਜ ਕਰਕੇ ਨੋਕਰੀ ਤੋਂ ਲਾਂਭੇ ਕਰਨਾ ਤੇ ਬਾਕੀਆਂ ਦੇ ਪਰਖ ਕਾਲ ਸਮਾਂ ਪੂਰਾ ਹੋਣ ਦੇ ਬਾਵਜੂਦ ਉਹਨਾਂ ਦੇ ਬਣਦੇ ਬੈਨੀਫਿੱਟ ਨਾ ਦੇਣਾ,ਵਰਕਲੋਡ ਵੱਧਣ ਤੇ ਬਿਜਲੀ ਖੇਤਰ ਵਿੱਚ ਸਿਸਟਮ ਦੇ ਸਰਕਾਰ ਤੇ ਮੈਨੇਜਮੈਂਟ ਦੀਆਂ ਗਲਤ ਨੀਤੀਆਂ ਕਾਰਨ ਗੁੰਲਝਣਦਾਰ ਹੋ ਜਾਣ ਦੇ ਬਾਵਜੂਦ ਲੌੜੀਦੀ ਭਰਤੀ, ਭਰਤੀ ਹੋਣ ਵਾਲੇ ਮੁਲਾਜ਼ਮਾਂ ਨੂੰ ਲੌੜੀਦੀ ਆ ਸਹੂਲਤਾਂ ਦੇਕੇ ਨਾਂ ਕਰਨ, ਮਹਿਕਮੇ ਦੇ ਕੰਮ ਦੌਰਾਨ ਐਕਸੀਡੈਂਟਾ ਦਾ ਸ਼ਿਕਾਰ ਹੋ ਕੇ ਅਪੰਗ ਹੋ ਜਾਣ, ਮੌਤ ਮੰਹੂ ਜਾ ਪੈਣ ਤੇ, ਉਨਾਂ ਦੇ ਪਰਿਵਾਰ ਦੀ ਪੱਕੇ ਮੁਲਾਜ਼ਮਾਂ ਵਾਗ ਮੱਦਦ ਕਰਨ ਤੇ ਨੌਕਰੀ ਦੇਣ ਦੀ ਥਾਂ ਉਨਾਂ ਦੇ ਵਾਰਸਾਂ ਨੂੰ ਹਾਦਸੇ ਲਈ ਨਾਲ ਡਿਊਟੀ ਤੇ ਕੰਮ ਕਰਦੇ ਪੱਕੇ ਕਾਮੇ ਨੂੰ ਜਚਾਇਆ ਜਾਂਦਾ ਹੈ। ਜਿਸ ਦੇ ਕਾਰਨ ਪੱਕੇ ਤੇ ਠੇਕਾ ਕਾਮੇ ਔਖੀਆਂ ਹਾਲਤਾਂ ਵਿੱਚੋਂ ਲੰਘਦਿਆਂ ਸੰਤਾਪ ਭੋਗ ਰਹੇ ਹਨ। ਜੱਥੇਬੰਦੀ ਵੱਲੋਂ ਇੰਨਾ ਹਾਲਤਾਂ ਤੇ ਆਪਣੀਆਂ ਮੰਗਾਂ ਦੇ ਹੱਲ ਲਈ ਵਿਧਾਇਕਾ ਰਾਹੀਂ ਬਿਜਲੀ ਮੰਤਰੀ ਨੂੰ ਯਾਦ ਪੱਤਰ ਦਿੱਤੇ ਜਾਣਗੇ ਤੇ ਮੰਗ ਮਸੱਲਿਆ ਦਾ ਹੱਲ ਨਾ ਕਰਨ ਦੀ ਸਰੂਤ ਬਿਜਲੀ ਮੰਤਰੀ ਦੀ ਕੋਠੀ ਅੱਗੇ ਅਗਸਤ ਮਹੀਨੇ ਚ, ਦਿੱਤੇ ਜਾਣ ਵਾਲੇ ਧਰਨੇ ਚ, ਪੂਰੀ ਤਿਆਰੀ ਨਾਲ ਸ਼ਮੂਲੀਅਤ ਕੀਤੀ ਜਾਵੇਗੀ। ਅੱਜ ਦੀ ਮੀਟਿੰਗ ਵਿੱਚ ਮਨੀਪੁਰ ਚ, ਆਦਿਵਾਸੀ ਔਰਤਾਂ ਨੂੰ ਨਿਰਵਸਤਰ ਕਰਕੇ ਹਜੂਮ ਵੱਲੋਂ ਘਮਾਉਣ ਤੇ ਨੋਜਵਾਨ ਬੱਚੀ ਨਾਲ ਸਮੂਹਿਕ ਬਲਾਤਕਾਰ ਕਰਨ ਦੀ ਘਟਨਾ ਦੀ ਸਖਤ ਨਿੰਦਾ ਕਰਦਿਆਂ ਦੋਸ਼ੀਆਂ ਨੂੰ ਸਖ਼ਤ ਸਜ਼ਾਵਾਂ ਦੇਣ ਦੀ ਮੰਗ ਕੀਤੀ ਗਈ ਤੇ ਸੰਘਰਸ਼ਸ਼ੀਲ ਜਥੇਬੰਦੀਆਂ ਵੱਲੋਂ ਇਸ ਖਿਲਾਫ ਕੀਤੇ ਜਾਣ ਵਾਲੇ ਸੰਘਰਸ਼ ਚ, ਸ਼ਾਮਲ ਹੋਣ ਦਾ ਫ਼ੈਸਲਾ ਕੀਤਾ ਗਿਆ।

ਹੜਤਾਲ ਕਾਰਨ ਆਮ ਲੋਕ ਹੋਏ ਪ੍ਰੇਸ਼ਾਨ ਤੇ ਸਰਕਾਰ ਦੇ ਖ਼ਜਾਨੇ ਨੂੰ ਵੀ ਲੱਗ ਰਹੀ ਹੈ ਵੱਡੀ ਸੱਟ
ਸੁਖਜਿੰਦਰ ਮਾਨ
ਬਠਿੰਡਾ, 25 ਜੁਲਾਈ: ਪੰਜਾਬ ਵਿਚ ਇੱਕ ਵਿਧਾਇਕ ਦੇ ਮਾਮਲੇ ਨੂੰ ਲੈ ਕੇ ਤਹਿਸੀਲਦਾਰਾਂ ਵਲੋਂ ਸ਼ੁਰੂ ਕੀਤੀ ਅਣਮਿਥੇ ਸਮੇਂ ਦੀ ਹੜਤਾਲ ਦੌਰਾਨ ਅਜ ਦੂਜੇ ਦਿਨ ਵੀ ਬਠਿੰਡਾ ਦੀਆਂ ਤਹਿਸੀਲਾਂ ਸੁੰਨੀਆਂ ਰਹੀਆਂ। ਬਠਿੰਡਾ ਸਬ ਡਵੀਜਨ ਅੰਦਰ ਪੈਂਦੀਆਂ ਸ਼ਬ ਤਹਿਸੀਲਾਂ ਨਥਾਣਾ, ਗੋਨਿਆਣਾ, ਸੰਗਤ ਤੋਂ ਇਲਾਵਾ ਰਾਮਪੁਰਾ ਫੂਲ, ਤਲਵੰਡੀ ਸਾਬੋ ਅਤੇ ਮੌੜ ਦੀਆਂ ਤਹਿਸੀਲਾਂ ਦਾ ਵੀ ਕੰਮਕਾਜ਼ ਠੱਪ ਰਿਹਾ। ਪੰਜਾਬ ਰੈਵੇਨਿਊ ਆਫੀਸਰਜ਼ ਐਸੋਸੀਏਸ਼ਨ ਦੇ ਸੱਦੇ ਹੇਠ ਸ਼ੁਰੂ ਹੋਈ ਇਸ ਹੜਤਾਲ ਕਾਰਨ ਜਿੱਥੈ ਆਮ ਲੋਕਾਂ ਨੂੰ ਪ੍ਰੇਸ਼ਾਨੀ ਤੇ ਖੱਜਲਖੁਆਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਉਥੇ ਸਰਕਾਰੀ ਖ਼ਜਾਨੇ ਨੂੰ ਮਾਰ ਪੈਣ ਲੱਗੀ ਹੈ। ਮਾਲ ਵਿਭਾਗ ਦੇ ਅਧਿਕਾਰੀਆਂ ਨੇ ਦੋਸ਼ ਲਗਾਇਆ ਹੈ ਕਿ ਰੂਪਨਗਰ ਦੇ ਵਿਧਾਇਕ ਵਲੋਂ ਤਹਿਸੀਲਦਾਰ ਅਤੇ ਰਜਿਸਟਰੀ ਕਲਰਕ ਨੂੰ ਬੇਇੱਜਤ ਕਰਕੇ ਪੂਰੇ ਮਾਲ ਵਿਭਾਗ ਦੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਦਾ ਮਨੋਬਲ ਤੋੜਣ ਦੀ ਕੋਸਿਸ ਕੀਤੀ ਹੈ, ਜਿਸਨੂੰ ਸਹਿਣ ਨਹੀਂ ਕੀਤਾ ਜਾਵੇਗਾ। ਹੜਤਾਲ ਕਾਰਨ ਜਿੱਥੇ ਰਜਿਸਟਰੀਆਂ ਦਾ ਕੰਮਕਾਜ ਠੱਪ ਹੋ ਗਿਆ ਹੈ, ਉਥੇ ਆਮ ਲੋਕਾਂ ਦੇ ਤਹਿਸੀਲਦਾਰਾਂ ਰਾਹੀਂ ਹੋਣ ਵਾਲੇ ਕੰਮ ਵੀ ਪ੍ਰਭਾਵਿਤ ਹੋ ਰਹੇ ਹਨ। ਤਹਿਸੀਲਦਾਰਾਂ ਦੇ ਨਾਲ-ਨਾਲ ਕਲੈਰੀਕਲ ਸਟਾਫ ਵੀ ਹੜਤਾਲ ’ਤੇ ਚਲਾ ਗਿਆ ਹੈ, ਜਿਸ ਕਾਰਨ ਅੱਜ ਸਾਰਾ ਦਿਨ ਦਫਤਰਾਂ ਵਿੱਚ ਸੁੰਨ ਪਸਰੀ ਰਹੀ। ਕਰਮਚਾਰੀਆਂ ਨੇ ਐਲਾਨ ਕੀਤਾ ਹੈ ਕਿ 26 ਜੁਲਾਈ ਨੂੰ ਡੀ. ਸੀ ਦਫ਼ਤਰ ਰੂਪਨਗਰ ਦੇ ਬਾਹਰ ਸੂਬਾ ਪੱਧਰੀ ਇਕੱਠ ਕਰਕੇ ਹਲਕਾ ਵਿਧਾਇਕ ਦਾ ਪੁਤਲਾ ਫੂਕਿਆ ਜਾਵੇਗਾ।

ਪੰਜ ਵਿਰੁਧ ਪਰਚਾ ਦਰਜ਼, ਜਾਂਚ ਦੌਰਾਨ 100 ਤੋਂ ਵੱਧ ਗੈਰ-ਕਾਨੂੰਨੀ ਸੈਟਰ ਮਿਲੇ
ਸੁਖਜਿੰਦਰ ਮਾਨ
ਬਠਿੰਡਾ, 25 ਜੁਲਾਈ: ਬੇਰੁਜਗਾਰੀ ਦੇ ਚੱਲਦਿਆਂ ਨੌਜਵਾਨਾਂ ਵਿਚ ਵਿਦੇਸ਼ ਜਾਣ ਦੀ ਵੱਧ ਰਹੀ ‘ਕਰੇਜ਼’ ਨੂੰ ਕੈਸ਼ ਕਰਦਿਆਂ ‘ਨੋਟ’ ਕਮਾਉਣ ਲਈ ਖੁੰਬਾਂ ਵਾਂਗ ਖੁੱਲੇ ਨਜਾਇਜ਼ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰਾਂ ਵਿਰੁਧ ਪੁਲਿਸ ਪ੍ਰਸ਼ਾਸਨ ਨੇ ਸਿਕੰਜ਼ਾ ਕਸਣਾ ਸ਼ੁਰੂ ਕਰ ਦਿੱਤਾ ਹੈ। ਬਠਿੰਡਾ ਪੁਲਿਸ ਨੇ ਪਿਛਲੇ 24 ਘੰਟਿਆਂ ਦੌਰਾਨ ਹੀ ਅੱਧੀ ਦਰਜ਼ਨ ਦੇ ਕਰੀਬ ਇੰਨ੍ਹਾਂ ਨਜਾਇਜ਼ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰਾਂ ਵਿਰੁਧ ਪਰਚਾ ਦਰਜ਼ ਕੀਤਾ ਹੈ। ਅਧਿਕਾਰੀਆਂ ਮੁਤਾਬਕ ਪਿਛਲੇ ਦਿਨੀਂ ਜ਼ਿਲ੍ਹਾ ਪ੍ਰਸ਼ਾਸਨ ਤੇ ਪੁਲਿਸ ਵਲੋਂ ਮਿਲਕੇ ਕੀਤੀ ਗਈ ਪੜਤਾਲ ਦੌਰਾਨ 100 ਤੋਂ ਵੱਧ ਗੈਰ-ਕਾਨੂੰਨੀ ਤੌਰ ’ਤੇ ਚੱਲਦੇ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰਾਂ ਬਾਰੇ ਪਤਾ ਲੱਗਿਆ ਹੈ। ਐਸ.ਐਸ.ਪੀ ਬਠਿੰਡਾ ਗੁਲਨੀਤ ਸਿੰਘ ਖੁਰਾਣਾ ਮੁਤਾਬਕ ‘‘ ਇੰਨ੍ਹਾਂ ਗੈਰ-ਕਾਨੂੰਨੀ ਸੈਂਟਰਾਂ ਵਿਰੁਧ ਜਲਦੀ ਹੀ ਪਰਚੇ ਦਰਜ਼ ਕਰਕੇ ਇੰਨ੍ਹਾਂ ਨੂੰ ਚਲਾਉਣ ਵਾਲਿਆਂ ਨੂੰ ਜੇਲ੍ਹਾਂ ਵਿਚ ਭੇਜਿਆ ਜਾਵੇਗਾ। ’’ ਪੁਲਿਸ ਵਲੋਂ ਦਿੱਤੀ ਰੀਪੋਰਟ ਮੁਤਾਬਕ ਜਿੰਨ੍ਹਾਂ ਇੰਮੀਗਰੇਸ਼ਨ/ਆਈਲੈਟਸ ਸੈਂਟਰਾਂ ਵਿਰੁਧ ਪਰਚੇ ਦਰਜ਼ ਕੀਤੇ ਗਏ ਹਨ, ਉਨ੍ਹਾਂ ਵਿਚ ਤਿੰਨ ਸਥਾਨਕ ਅਜੀਤ ਰੋਡ, ਇੱਕ ਮੁਲਤਾਨੀਆ ਰੋਡ ਤੇ ਇੱਕ ਤਲਵੰਡੀ ਸਾਬੋ ਵਿਖੇ ਚੱਲ ਰਿਹਾ ਸੀ। ਇੰਨ੍ਹਾਂ ਵਿਚ London School of 5nglish ਨਾਮ ’ਤੇ ਮਾਲ ਰੋਡ ਬਠਿੰਡਾ ਵਿਖੇ ਚੱਲ ਰਹੇ ਸੈਂਟਰ ਦੇ ਮਾਲਕ ਪਰਮਿੰਦਰ ਸਿੰਘ ਬਰਾੜ ਵਿਰੁਧ ਥਾਣਾ ਕੋਤਵਾਲੀ, 100 ਫੁੱਟੀ ਰੋਡ ਬਠਿੰਡਾ ਵਿਖੇ Kaur 9mmigration ਦੀ ਸਰਬਜੀਤ ਕੌਰ ਵਿਰੁਧ ਥਾਣਾ ਸਿਵਲ ਲਾਈਨ, ਅਜੀਤ ਰੋਡ ਬਠਿੰਡਾ ਵਿਖੇ ਚੱਲ ਰਹੇ 4rive 5ducation & 9mmigration ਨਾਮ ਦੇ ਮਾਲਕ ਅਤੁਲ ਮਿੱਤਲ ਅਤੇ ਮਨੋਜ ਕੁਮਾਰ ਵਿਰੁਧ ਥਾਣਾ ਸਿਵਲ ਲਾਈਨ, 7oldan 4oor & 9mmigration ਨਾਮ ਦੇ ਮੁਲਤਾਨੀਆਂ ਰੋਡ ਬਠਿੰਡਾ ਵਿਖੇ ਚਲਾ ਰਹੇ ਨਾਂ ਮਲੂਮ ਵਿਅਕਤੀ ਵਿਰੁਧ ਥਾਣਾ ਕੈਨਾਲ ਕਲੌਨੀ ਅਤੇ ਤਲਵੰਡੀ ਸਾਬੋ ਵਿਖੇ Supriya ਨਾਮ ਹੇਠ ਇਹ ਸੈਂਟਰ ਚਲਾਉਣ ਵਾਲੇ ਕੁਲਦੀਪ ਸਿੰਘ ਵਾਸੀ ਡਿੱਖਾਂ ਵਾਲਾ ਮੁਹੱਲਾ ਤਲਵੰਡੀ ਸਾਬੋ ਵਿਰੁਧ ਥਾਣਾ ਤਲਵੰਡੀ ਸਾਬੋ ਵਿਖੇ ਅ/ਧ Punjab “ravel Professional (Regulation) 1ct-2014 ਤਹਿਤ ਕੇਸ ਦਰਜ਼ ਕੀਤੇ ਗਏ ਹਨ।
ਬਾਕਸ
ਬਿਨ੍ਹਾਂ ਮੰਨਜੂਰੀ ਤੋਂ ਬ੍ਰਾਂਚਾਂ ਖੋਲਣੀਆਂ ਵੀ ਗੈਰ-ਕਾਨੂੰਨੀ: ਐਸ.ਐਸ.ਪੀ
ਬਠਿੰਡਾ: ਸੋਮਵਾਰ ਨੂੰ ਇਸ ਸਬੰਧ ਵਿਚ ਕੀਤੀ ਇੱਕ ਪ੍ਰੈਸ ਕਾਨਫਰੰਸ ਵਿਚ ਬਠਿੰਡਾ ਦੇ ਐਸ.ਐਸ.ਪੀ ਗੁਲਨੀਤ ਸਿੰਘ ਖ਼ੁਰਾਣਾ ਨੇ ਦਸਿਆ ਕਿ ਬਹੁਤ ਸਾਰੇ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰਾਂ ਵਾਲੇ ਲਾਇਸੰਸ ਲੈਣ ਤੋਂ ਬਾਅਦ ਅਪਣਾ ਨਾਂ ਬਣਨ ‘ਤੇ ਧੜਾ-ਧੜ ਹੋਰਨਾਂ ਸ਼ਹਿਰਾਂ ਵਿਚ ਬ੍ਰਾਂਚਾਂ ਵੀ ਖੋਲ ਦਿੰਦੇ ਹਨ ਪ੍ਰੰਤੂ ਇਸਦੇ ਲਈ ਵੀ ਲਾਇਸੰਸ ਜਰੂਰੀ ਹੈ ਤੇ ਬਿਨ੍ਹਾਂ ਲਾਇਸੰਸ ਦੇ ਚੱਲ ਰਹੀਆਂ ਅਜਿਹੀ ਦਰਜ਼ਨਾਂ ਬ੍ਰਾਂਚਾਂ ਵੀ ਸਾਹਮਣੇ ਆਈਆਂ ਹਨ, ਜਿੰਨ੍ਹਾਂ ਵਿਰੁਧ ਵੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਬਾਕਸ
ਆਈਲੈਟਸ ਜਾਂ ਇੰਮੀਗਰੇਸ਼ਨ ਸੈਂਟਰ ਖੋਲਣ ਲਈ ਕੀ-ਕੀ ਦਸਤਾਵੇਜ਼ ਹਨ ਜਰੂਰੀ
ਬਠਿੰਡਾ: ਨਿਯਮਾਂ ਦੇ ਤਹਿਤ ਜਦੋਂ ਕੋਈ ਨਵਾਂ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰ ਖੋਲਣਾ ਹੋਵੇ ਤਾਂ ਉਸਦੇ ਲਈ ਹੇਠ ਲਿਖੀਆਂ ਸ਼ਰਤਾਂ ਲਾਜਮੀ ਹਨ।
1 ਸਭ ਤੋਂ ਪਹਿਲਾਂ ਅਪਣੀ ਜਗ੍ਹਾਂ ਜਾਂ ਕਿਰਾਏ ਵਾਲੀ ਜਗ੍ਹਾਂ ਦਾ ਰੈਂਟ ਐਗਰੀਮੈਂਟ ਪੰਜ ਸਾਲ ਦਾ ਘੱਟੋ-ਘੱਟ
2 ਜਿੱਥੇ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰ ਖੋਲਿਆ ਜਾਣਾ ਚਾਹੀਦਾ ਹੈ ਉਹ 15 ਗੁਣਾ 20 ਸੁਕੈਅਰ ਹੋਣਾ ਲਾਜ਼ਮੀ ਹੈ
3 ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰ ਸਿਰਫ਼ ਵਪਾਰਕ ਜਗ੍ਹਾਂ ਵਿਚ ਖੁੱਲ ਸਕਦੇ ਹਨ
4 ਸ਼ਾਪ ਐਕਟ ਤਹਿਤ ਲਾਇਸੰਸ ਲੈਣਾ ਜਰੂਰੀ
5 ਫ਼ਾਈਰ ਬ੍ਰਿਗੇਡ ਦੀ ਐਨ.ਓ.ਸੀ
6 ਬਿਜਲੀ ਕੁਨੈਕਸ਼ਨ ਵੀ ਕਮਰਸੀਅਲ ਹੋਣਾ ਚਾਹੀਦਾ ਹੈ
7 ਲਾਇਸੰਸ ਫ਼ੀਸ ਜੋਕਿ 25-25 ਹਜ਼ਾਰ ਨਵੇਂ ਸੈਂਟਰ ਖੋਲਣ ਲਈ ਭਰਨੀ ਪੈਣੀ ਹੈ
8 ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰ ਚਲਾਉਣ ਲਈ ਰਿਹਾਇਸ਼ੀ, ਅਧਾਰ ਕਾਰਡ, ਪਾਸਪੋਰਟ ਤੇ ਪੈਨ ਕਾਰਡ ਵੀ ਜਰੂਰੀ ਹੈ
9 ਸੈਂਟਰ ਖੋਲਣ ਵਾਲੇ ਦੀਆਂ ਪਿਛਲੇ ਤਿੰਨ ਸਾਲਾਂ ਦੀਆਂ ਟੈਕਸ ਰਿਟਰਨ ਤੇ ਇੱਕ ਸਾਲ ਬੈਂਕ ਸਟੇਟਮੈਂਟ
10 ਬੈਂਕ ਅਤੇ ਸੀਏ ਦੇ ਸਰਟੀਫਿਕੇਟ ਦੀ ਕਾਪੀ
ਇਸਤੋਂ ਇਲਾਵਾ ਜਦੋਂ ਲਾਇਸੰਸ ਜਾਰੀ ਹੋ ਜਾਂਦਾ ਹੈ ਤਾਂ ਉਸਤੋਂ ਬਾਅਦ ਹਰ ਮਹੀਨੇ ਡਿਪਟੀ ਕਮਿਸ਼ਨਰ ਦਫ਼ਤਰ ਨੂੰ ਰੀਪੋਰਟ ਦੇਣੀ ਪੈਂਦੀ ਹੈ ਜਿਵੇਂ ਕਿੰਨੇ ਵਿਅਕਤੀਆਂ ਦਾ ਵੀਜ਼ਾ ਲਗਵਾਇਆ ਤੇ ਕਿੰਨੇ ਬੱਚਿਆਂ ਨੂੰ ਆਈਲੈਟਸ ਕਰਵਾਈ ਤੇ ਉਨ੍ਹਾਂ ਕੋਲੋ ਕਿੰਨੀ ਫ਼ੀਸ ਵਸੂਲੀ, ਬਾਰੇ ਜਾਣਕਾਰੀ ਦੇਣੀ ਲਾਜਮੀ ਹੈ।
ਬਾਕਸ
ਵੱਡੇ ਸ਼ਹਿਰਾਂ ਦੇ ਨਾਲ-ਨਾਲ ਛੋਟੇ ਕਸਬਿਆਂ ਵਿਚ ਵੀ ਖੁੰਬਾਂ ਵਾਂਗ ਉੱਗੇ ਹੋਏ ਹਨ ਇਹ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰ
ਬਠਿੰਡਾ: ਗੌਰਤਲਬ ਹੈ ਕਿ ਪਹਿਲਾਂ-ਪਹਿਲਾਂ ਵਿਦੇਸ਼ ਜਾਣ ਦੇ ਚਾਹਵਾਨ ਜਰੂਰੀ ਆਈਲੈਟਸ ਦਾ ਕੋਰਸ ਕਰਨ ਲਈ ਚੰਡੀਗੜ੍ਹ ਜਾਂਦੇ ਸਨ ਪ੍ਰੰਤੂ ਬਾਅਦ ਵਿਚ ਇਹ ਸੈਂਟਰ ਪੰਜਾਬ ਦੇ ਮੁੱਖ ਸ਼ਹਿਰਾਂ ਜਲੰਧਰ, ਪਟਿਆਲਾ, ਅੰਮ੍ਰਿਤਸਰ ਤੇ ਬਠਿੰਡਾ ਵਿਚ ਵੀ ਖੁੱਲਣੇ ਸ਼ੁਰੂ ਹੋ ਗਏ। ਬਠਿੰਡਾ ਤਾਂ ਕੁੱਝ ਹੀ ਸਮੇਂ ਵਿਚ ਨਾ ਸਿਰਫ਼ ਮਾਲਵਾ ਪੱਟੀ ਬਲਕਿ ਇਸਦੇ ਨਾਲ ਲੱਗਦੇ ਰਾਜਸਥਾਨ ਦੇ ਗੰਗਾਨਗਰ ਤੇ ਹਨੂਮਾਨਗੜ੍ਹ ਜ਼ਿਲਿਆਂ ਤੋਂ ਇਲਾਵਾ ਹਰਿਆਣਾ ਦੇ ਸਿਰਸਾ ਆਦਿ ਖੇਤਰਾਂ ਦੇ ਬੱਚਿਆਂ ਲਈ ‘ਹੱਬ’ ਬਣ ਗਿਆ। ਆਈਲੈਟਸ ਸੈਂਟਰਾਂ ਦੀ ਬਹੁਤਾਤ ਹੋਣ ਤੋਂ ਬਾਅਦ ਇੰਮੀਗਰੇਸ਼ਨ ਵਾਲਿਆਂ ਦਾ ਹੜ੍ਹ ਆ ਗਿਆ। ਜਾਂਚ ਦੌਰਾਨ ਪਤਾ ਚੱਲਿਆ ਹੈ ਕਿ ਬਹੁਤੇ ਆਈਲੈਟਸ ਸੈਟਰ ਵਾਲਿਆਂ ਨੇ ਅਪਣੇ ਅੰਦਰ ਹੀ ਇੰਮੀਗਰੇਸ਼ਨ ਸੈਂਟਰ ਵੀ ਖੋਲੇ ਹੋਏ ਹਨ। ਇੰਨ੍ਹਾਂ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰਾਂ ਵਿਚੋਂ ਕਾਫ਼ੀ ਜਿਆਦਾ ਦਾ ਮੁੱਖ ਧੰਦਾ ਭੋਲੇ-ਭਾਲੇ ਬੱਚਿਆਂ ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਵਰਗਲਾ ਕੇ ਪੈਸੇ ਕਮਾਉਣ ਤੱਕ ਹੀ ਸੀਮਤ ਰਹਿ ਗਿਆ। ਜਿਸ ਕਾਰਨ ਸਾਫ਼ ਸੁਥਰਾ ਤੇ ਕਾਨੂੰਨੀ ਤੌਰ ’ਤੇ ਕੰਮ ਕਰਨ ਵਾਲੇ ਆਈਲੈਟਸ ਤੇ ਇੰਮੀਗਰੇਸ਼ਨ ਸੈਂਟਰਾਂ ਵਾਲਿਆਂ ਲਈ ਵੀ ਮੁਸੀਬਤ ਖੜੀ ਹੋਣ ਲੱਗੀ ਹੈ।

ਜੌਗਰਫ਼ੀ ਟੀਚਰਜ਼ ਯੂਨੀਅਨ ਨੇ ਮੁੱਖ ਮੰਤਰੀ ਤੇ ਚੇਅਰਪਰਸਨ ਨੂੰ ਲਿਖੇ ਪੱਤਰ
ਸੁਖਜਿੰਦਰ ਮਾਨ
ਬਠਿੰਡਾ, 24 ਜੁਲਾਈ: ਜੌਗਰਫ਼ੀ ਪੋਸਟ ਗਰੈਜੂਏਟ ਟੀਚਰਜ਼ ਯੂਨੀਅਨ ਪੰਜਾਬ ਨੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਜੌਗਰਫ਼ੀ ਵਿਸ਼ੇ ਦੇ 11ਵੀਂ ਤੇ 12ਵੀਂ ਜਮਾਤ ਦੀਆਂ ਕਿਤਾਬਾਂ ਸਕੂਲਾਂ ਵਿੱਚ ਨਾ ਭੇਜਣ ਅਤੇ 10+2 ਸ਼?ਰੇਣੀਆਂ ਦੇ ਪ੍ਰਯੋਗੀ ਅੰਕਾਂ ਨੂੰ ਘਟਾਉਣ ਦੇ ਮੁੱਦੇ ਨੂੰ ਲੈ ਕੇ ਮੁੱਖ ਮੰਤਰੀ ਪੰਜਾਬ ਭਗਵੰਤ ਸਿੰਘ ਮਾਨ, ਸਿੱਖਿਆ ਮੰਤਰੀ ਪੰਜਾਬ ਹਰਜੋਤ ਸਿੰਘ ਬੈਂਸ, ਚੇਅਰਪਰਸਨ ਪੰਜਾਬ ਬੋਰਡ ਸਤਿਬੀਰ ਕੌਰ ਬੇਦੀ, ਪ੍ਰਮੁੱਖ ਸਿੱਖਿਆ ਸਕੱਤਰ ਪੰਜਾਬ ਸਰਕਾਰ ਤੇ ਡਾਇਰੈਕਟਰ ਐੱਸ.ਸੀ.ਈ.ਆਰ.ਟੀ ਪੰਜਾਬ ਨੂੰ ਪੱਤਰ ਲਿਖੇ ਹਨ। ਜਿੰਨ੍ਹਾਂ ਵਿੱਚ ਦੱਸਿਆ ਹੈ ਕਿ ਜੌਗਰਫੀ (ਭੂਗੋਲ) ਵਿਸ਼ੇ ਦੀਆਂ 11ਵੀਂ ਤੇ 12ਵੀਂ ਸ਼ਰੇਣੀ ਦੀਆਂ ਕਿਤਾਬਾਂ ਬਹੁਤ ਸਾਰੇ ਬਲਾਕਾਂ ਅਤੇ ਜਿਲ੍ਹਿਆਂ ਵਿੱਚ ਨਹੀਂ ਪਹੁੰਚੀਆਂ, ਜਦੋਂਕਿ ਵਿੱਦਿਅਕ ਵਰ੍ਹਾ ਸ਼ੁਰੂ ਹੋਏ ਨੂੰ ਚਾਰ ਮਹੀਨੇ ਬੀਤਣ ਵਾਲੇ ਹਨ।ਦੂਜੇ ਪਾਸੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਜੌਗਰਫ਼ੀ ਵਿਸ਼ੇ ਦੇ ਪ੍ਰੈਕਟੀਕਲ, ਸ਼ਰੇਣੀ 10+2 ਬਾਰੇ ਬਿਨਾਂ ਕਿਸੇ ਤਰਕ ਅਤੇ ਠੋਸ ਆਧਾਰ ਦੇ ਫੈਸਲਾ ਲੈਂਦੇ ਹੋਏ ਸ਼ੈਸ਼ਨ 2023-24 ਵਿੱਚ ਪ੍ਰੈਕਟੀਕਲ ਦੇ 10 ਅੰਕ (40 ਫੀਸਦੀ) ਘਟਾ ਦਿੱਤੇ ਹਨ ਅਤੇ ਥਿਉਰੀ ਦੇ 10 ਅੰਕ ਵਧਾ ਕੇ 70 ਤੋਂ 80 ਅੰਕ ਕਰਕੇ ਇਸ ਨੂੰ ਬਿਨਾਂ ਪ੍ਰੈਕਟੀਕਲ ਵਿਸ਼ਿਆਂ ਨਾਲ ਜੋੜ ਕੇ 80 ਅੰਕ ਤੇ 20 ਅੰਕ ਕਰ ਦਿੱਤੇ ਹਨ। ਜਿਸ ਨਾਲ ਵਿਦਿਆਰਥੀਆਂ ਦਾ ਵਿੱਦਿਅਕ ਨੁਕਸਾਨ ਹੋਵੇਗਾ, ਜਿਸ ਸੰਬੰਧੀ ਜੌਗਰਫ਼ੀ ਦੇ ਵਿਦਿਆਰਥੀਆਂ ਅਤੇ ਜੌਗਰਫ਼ੀ ਲੈਕਚਰਾਰਾਂ ਵਿੱਚ ਵਿਆਪਕ ਰੋਸ ਪਾਇਆ ਜਾ ਰਿਹਾ ਹੈ, ਕਿਉਂਕਿ ਦੂਜੇ ਬਿਨਾਂ ਪ੍ਰੈਕਟੀਕਲ ਵਿਸ਼ੇ ਵਾਲੇ ਵਿਦਿਆਰਥੀਆਂ ਨੂੰ ਬਿਨਾਂ ਕੋਈ ਵਾਧੂ ਮਿਹਨਤ ਕੀਤਿਆਂ ਸਿੱਧੇ ਹੀ ਇੰਟਰਨਲ ਐੱਸਸਮੈਂਟ ਵਾਲੇ 20 ਅੰਕ ਮਿਲ ਜਾਣਗੇ ਜਦੋਂਕਿ ਜੌਗਰਫ਼ੀ ਵਿਸ਼ੇ ਵਾਲਿਆਂ ਨੂੰ ਬਕਾਇਦਾ ਪ੍ਰੈਕਟੀਕਲ ਅਭਿਆਸ ਕਰਕੇ ਅਤੇ ਫੀਲਡ ਵਿੱਚ ਜਾ ਕੇ ਇਹ ਅੰਕ ਮਿਲਣਗੇ। ਇੱਥੇ ਇਹ ਦੱਸਣਾ ਵੀ ਵਾਜਿਬ ਹੋਵੇਗਾ ਕਿ ਬੋਰਡ ਵੱਲੋਂ ਜੌਗਰਫੀ ਵਿਸ਼ੇ ਤੋਂ ਬਿਨਾਂ ਹੋਰ ਕਿਸੇ ਵੀ ਪ੍ਰੈਕਟੀਕਲ ਵਿਸ਼ੇ ਦੇ ਪ੍ਰਯੋਗੀ ਅੰਕਾਂ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ। ਇਹਨਾਂ ਸਾਇੰਸ ਪ੍ਰਯੋਗੀ ਵਿਸ਼ਿਆਂ ਵਾਲਿਆਂ ਦੇ 70 ਅੰਕ ਥਿਊਰੀ, 25 ਅੰਕ ਪ੍ਰੈਕਟੀਕਲ ਅਤੇ 5 ਅੰਕ ਇੰਟਰਨਲ ਐੱਸਸਮੈਂਟ ਦੇ ਹੀ ਰਹਿਣ ਦਿੱਤੇ ਗਏ ਹਨ।ਜੱਥੇਬੰਦੀ ਦੇ ਆਗੂਆਂ ਪ੍ਰਧਾਨ ਸੁਖਜਿੰਦਰ ਸਿੰਘ ਸੁੱਖੀ, ਜਨਰਲ ਸਕੱਤਰ ਦਿਲਬਾਗ ਸਿੰਘ ਲਾਪਰਾਂ ਲੁਧਿਆਣਾ, ਮੀਤ ਪ੍ਰਧਾਨ ਨਰੇਸ਼ ਸਲੂਜਾ ਸ਼ੀ ਮੁਕਤਸਰ ਸਾਹਿਬ, ਸੀਨੀਅਰ ਮੀਤ ਪ੍ਰਧਾਨ ਭੁਪਿੰਦਰ ਸਿੰਘ ਮਾਨ ਸੰਗਰੂਰ, ਅਬਦਰ ਰਸ਼ੀਦ ਹਾਂਡਾ ਰੋਪੜ, ਤੇਜਪਾਲ ਸਿੰਘ ਸ਼?ਰੀ ਅੰਮ੍ਰਿਤਸਰ ਸਾਹਿਬ, ਸਕੱਤਰ ਸ਼ਮਸ਼ੇਰ ਸਿੰਘ ਸ਼ੈਰੀ ਫਰੀਦਕੋਟ, ਖਜ਼ਾਨਚੀ ਚਮਕੌਰ ਸਿੰਘ ਮੋਗਾ, ਜਸਵਿੰਦਰ ਸਿੰਘ ਸੰਧੂ ਨਵਾਂ ਸ਼ਹਿਰ, ਅਵਤਾਰ ਸਿੰਘ ਬਲਿੰਗ, ਤੇਜਵੀਰ ਸਿੰਘ ਫਾਜ਼ਿਲਕਾ, ਹਰਜੋਤ ਸਿੰਘ ਬਰਾੜ, ਸ਼ੰਕਰ ਲਾਲ ਬਠਿੰਡਾ, ਗੁਰਸੇਵਕ ਸਿੰਘ ਅਨੰਦਪੁਰ ਸਾਹਿਬ, ਪਰਮਜੀਤ ਸਿੰਘ ਸੰਧੂ ਮੁਹਾਲੀ ਅਤੇ ਗੁਰਮੇਲ ਸਿੰਘ ਰਹਿਲ ਪਟਿਆਲਾ ਆਦਿ ਨੇ ਪੰਜਾਬ ਸਰਕਾਰ ਅਤੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਚੇਅਰਪਰਸਨ ਤੋਂ ਮੰਗ ਕੀਤੀ ਹੈ ਕਿ ਜੌਗਰਫ਼ੀ ਵਿਸ਼ੇ ਨੂੰ 10+2 ਪੱਧਰ ’ਤੇ ਸ਼ੈਸ਼ਨ 2023-24 ਲਈ ਬਾਕੀ ਪ੍ਰੈਕਟੀਕਲ ਵਿਸ਼ਿਆਂ ਵਾਂਗ ਹੀ 70 ਅੰਕ ਥਿਊਰੀ, 25 ਅੰਕ ਪ੍ਰੈਕਟੀਕਲ ਅਤੇ 5 ਅੰਕ ਇੰਟਰਨਲ ਐੱਸਸਮੈਂਟ ਦੇ ਬਹਾਲ ਕਰਕੇ ਸ਼ੈਸ਼ਨ 2022-23 ਵਾਲਾ ਢਾਂਚਾ ਹੀ ਬਰਕਰਾਰ ਰੱਖਿਆ ਜਾਵੇ ਅਤੇ ਸਕੂਲਾਂ ਵਿੱਚ ਜੌਗਰਫ਼ੀ ਵਿਸ਼ੇ ਦੀਆਂ ਕਿਤਾਬਾਂ ਭੇਜਣ ਦੇ ਪ੍ਰਬੰਧ ਤੁਰੰਤ ਕੀਤੇ ਜਾਣ।

ਕਿਹਾ ਕਿ ਟਰੋਮਾ ਸੈਂਟਰ ਅਪਗ੍ਰੇਡ ਕੀਤਾ ਜਾਵੇ ਅਤੇ ਅੰਮ੍ਰਿਤ ਫਾਰਮੇਸੀ ਵਿਚ ਦਵਾਈਆਂ ਦਾ ਲੋੜੀਂਦਾ ਸਟਾਕ ਰੱਖਣਾ ਯਕੀਨੀ ਬਣਾਇਆ ਜਾਵੇ
ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ, 24 ਜੁਲਾਈ: ਸਾਬਕਾ ਕੇਂਦਰੀ ਮੰਤਰੀ ਤੇ ਬਠਿੰਡਾ ਦੇ ਐਮ ਪੀ ਹਰਸਿਮਰਤ ਕੌਰ ਬਾਦਲ ਨੇ ਅੱਜ ਕੇਂਦਰੀ ਸਿਹਤ ਮੰਤਰੀ ਸ੍ਰੀ ਮਨਸੁੱਖ ਮਾਂਡਵੀਆ ਨੂੰ ਅਪੀਲ ਕੀਤੀ ਕਿ ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਿਜ਼ (ਏਮਜ਼) ਬਠਿੰਡਾ ਦੀਆਂ ਲਟਕਦੀਆਂ ਮੁਸ਼ਕਿਲਾਂ ਫੌਰੀ ਤੌਰ ’ਤੇ ਹੱਲ ਕੀਤੀਆਂ ਜਾਣ ਅਤੇ 28 ਬੈਡਾਂ ਵਾਲੇ ਟਰੋਮਾ ਅਤੇ ਐਮਰਜੰਸੀ ਸੈਂਟਰ ਨੂੰ ਅਪਗ੍ਰੇਡ ਕੀਤਾ ਜਾਵੇ ਅਤੇ ਨਾਲ ਹੀ ਅੰਮ੍ਰਿਤ ਫਾਰਮੇਸੀ ਵਿਚ ਦਵਾਈਆਂ ਦਾ ਲੋੜੀਂਦਾ ਭੰਡਾਰ ਰੱਖਣਾ ਯਕੀਨੀ ਬਣਾਇਆ ਜਾਵੇ।ਇਥੇ ਜਾਰੀ ਕੀਤੇ ਇਕ ਬਿਆਨ ਵਿਚ ਬਠਿੰਡਾ ਦੇ ਐਮ ਪੀ ਨੇ ਕਿਹਾ ਕਿ ਇਹ ਬਹੁਤਹੀ ਮੰਦਭਾਗੀ ਗੱਲ ਹੈ ਕਿ ਭਾਵੇਂ ਉਹਨਾਂ ਨੇ 28 ਬੈਡਾਂ ਵਾਲੇ ਟਰੋਮਾ ਸੈਂਟਰ ਨੂੰ ਅਪਗ੍ਰੇਡ ਕਰ ਕੇ 300 ਬੈਡਾਂ ਦੀ ਸਹੂਲਤ ਬਣਾਏ ਜਾਣ ਅਤੇ ਮੈਡੀਕਲ ਸਟਾਫ ਦੇ ਰਹਿਣ ਵਾਸਤੇ ਕੁਆਰਟਰਾਂ ਦੇ ਮਸਲੇ ਪਿਛਲੇ ਸਾਲ ਸਿਹਤ ਮੰਤਰੀ ਕੋਲ ਚੁੱਕੇ ਸਨ ਪਰ ਇਹ ਹਾਲੇ ਵੀ ਪੈਂਡਿੰਗ ਹਨ।ਉਹਨਾਂ ਕਿਹਾਕਿ ਹੁਣ ਮਰੀਜ਼ਾਂ ਨੇ ਮੈਨੂੰ ਦੱਸਿਆ ਹੈ ਕਿ ਭਾਵੇਂ ਏਮਜ਼ ਵਿਚ ਅੰਮ੍ਰਿਤ ਫਾਰਮੇਸੀ ਹੈ ਪਰ ਉਸ ਵਿਚ ਲੋੜੀਂਦੀਆਂ ਦਵਾਈਆਂ ਨਹੀਂ ਹਨ। ਉਹਨਾਂ ਕਿਹਾ ਕਿ ਇਸ ਕਾਰਨ ਮਰੀਜ਼ ਪ੍ਰਾਈਵੇਟ ਮੈਡੀਕਲ ਸਟੋਰਾਂ ਤੋਂ ਮਹਿੰਗੇ ਭਾਅ ਦਵਾਈਆ ਖਰੀਦਣ ਲਈ ਮਜਬੂਰ ਹੋ ਰਹੇ ਹਨ।ਉਹਨਾਂ ਨੇ ਮੰਤਰੀ ਨੂੰ ਆਖਿਆ ਕਿ ਡਿਸਪੈਂਸਰੀ ਵਿਚ ਲੋੜੀਂਦੀਆਂ ਦਵਾਈਆਂ ਦੀ ਸਪਲਾਈ ਯਕੀਨੀ ਬਣਾਈਜਾਵੇ। ਉਹਨਾਂ ਕਿਹਾਕਿ ਏਮਜ਼ ਵਿਚ ਅੰਮ੍ਰਿਤ ਡਿਸਪੈਂਸਰੀਆਂ ਵਿਚ ਵੀ ਵਾਧਾ ਕਰਨਾ ਚਾਹੀਦਾ ਹੈ ਕਿਉਂਕਿ ਮਰੀਜ਼ ਲੰਬੀਆਂ ਉਡੀਕਾਂ ਦੀ ਸ਼ਿਕਾਇਤ ਕਰ ਰਹੇ ਹਨ। ਉਹਨਾਂਕਿਹਾ ਕਿ ਅਜਿਹਾ ਕਰਨਾ ਬਹੁਤ ਜ਼ਰੂਰੀ ਹੈ ਕਿਉਂਕਿ ਰੋਜ਼ਾਨਾ 2500 ਤੋਂ ਜ਼ਿਆਦਾ ਮਰੀਜ਼ ਏਮਜ਼ ਵਿਚ ਆਉਂਦੇ ਹਨ। ਸਰਦਾਰਨੀ ਬਾਦਲ ਨੇ ਇਹ ਵੀ ਬੇਨਤੀ ਕੀਤੀ ਕਿ ਏਮਜ਼ ਲਈ ਕੇਂਦਰ ਵੱਲੋਂ ਤਜਵੀਜ਼ਤ ਜਨ ਔਸ਼ਧੀ ਕੇਂਦਰ ਵੀ ਜਲਦੀ ਬਣਾਇਆ ਜਾਵੇ।ਟਰੋਮਾ ਸੈਂਟਰ ਨੂੰ ਅਪਗ੍ਰੇਡ ਕਰਨ ਦੀ ਲੋੜ ਦੀ ਗੱਲ ਕਰਦਿਆਂ ਬੀਬੀ ਬਾਦਲ ਨੇ ਕਿਹਾ ਕਿ ਬਠਿੰਡਾ ਪ੍ਰਮੁੱਖ ਕੌਮੀ ਸ਼ਾਹ ਮਾਰਗਾਂ ਤੇ ਦੋ ਸੂਬਾਈ ਹਾਈਵੇਜ਼ ਦੇ ਵਿਚਾਲੇ ਸਥਿਤ ਹੈ। ਉਹਨਾਂ ਕਿਹਾਕਿ ਇਸ ਕਾਰਨ ਇਥੇ ਹਾਦਸੇ ਵਾਪਰਨ ਦੀ ਦਰ ਬਹੁਤ ਜ਼ਿਆਦਾ ਹੈ ਤੇ ਜ਼ਿਲ੍ਹੇ ਵਿਚ ਮੌਤ ਦਰ ਸੂਬੇ ਵਿਚ ਸਭ ਨਾਲੋਂ ਜ਼ਿਆਦਾ ਹੈ। ਉਹਨਾਂ ਨੇ ਕੇਂਦਰੀ ਸਿਹਤ ਮੰਤਰੀ ਨੂੰ ਦੱਸਿਆਕਿ ਮੌਜੂਦਾ ਟਰੋਮਾ ਸੈਂਟਰ ਹਾਦਸਿਆਂ ਦੇ ਕੇਸਾਂ ਦੇ ਮਰੀਜ਼ਾਂ ਨਾਲ ਨਜਿੱਠਣ ਵਾਸਤੇ ਫੇਲ੍ਹ ਹੋ ਰਿਹਾ ਹੈ ਤੇ ਇਸਨੂੰ ਤੁਰੰਤ ਅਪਗ੍ਰੇਡ ਕੀਤਾ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਇਹ ਵੀ ਦੱਸਿਆਕਿ ਕੌਮੀ ਸ਼ਾਹ ਮਾਰਗ ਨੰਬਰ 54 ਤੋਂ ਫਲਾਈ ਓਵਰ ਤੋਂ ਸੰਸਥਾ ਤੱਕ ਫਲਾਈ ਓਵਰ ਬਣਾਉਣ ਦੀ ਲੋੜ ਹੈ ਤਾਂ ਜੋ ਮਰੀਜ਼ ਤੇ ਮੁਸਾਫਰ ਆਸਾਨੀ ਨਾਲ ਆ ਜਾ ਸਕਣ। ਉਹਨਾਂਕਿਹਾਕਿ ਕੌਮੀ ਸ਼ਾਹ ਮਾਰਗ 54 ਨੂੰ ਏਮਜ਼ ਨਾਲ ਜੋੜਦੀ ਸਰਵਿਸ ਰੋਡ ਵੀ ਹਾਦਸਿਆਂ ਭਰਪੂਰ ਹੈ ਤੇ ਇਸ ਗੱਲ ਦਾ ਖਦਸ਼ਾ ਹੈ ਕਿ ਸੰਸਥਾ ਵਿਚ ਮਰੀਜ਼ਾਂ ਦੀ ਗਿਣਤੀ ਹੋਰ ਵਧਣ ਨਾਲ ਇਹ ਹੋਰ ਗੰਭੀਰ ਬਣ ਸਕਦੀ ਹੈ।ਐਮ ਪੀ ਨੇ ਇਹ ਵੀ ਬੇਨਤੀ ਕੀਤੀ ਕਿ ਸੰਸਥਾ ਵਿਚ ਡਾਕਟਰਾਂ ਦੀ ਰਿਹਾਇਸ਼ ਦਾ ਵੀ ਪ੍ਰਬੰਧ ਫੌਰੀ ਕਰਨ ਦੀ ਲੋੜ ਹੈ ਕਿਉਂਕਿ ਰਿਹਾਇਸ਼ੀ ਕੁਆਰਟਰ ਨਾਹੋਣ ਕਾਰਨ ਮੈਡੀਕਲ ਪ੍ਰੋਫੈਸ਼ਨਲਜ਼ ਨੂੰ ਬਹੁਤ ਸੰਘਰਸ਼ ਕਰਨਾ ਪੈਂਦਾ ਹੈ। ਉਹਨਾਂ ਕਿਹਾਕਿ ਡਾਕਟਰਾਂ ਲਈ 120 ਰਿਹਾਇਸ਼ੀ ਇਕਾਈਆਂ ਪੈਂਡਿੰਗ ਹਨ ਤੇ ਉਹਨਾਂ ਨੇ ਇਸ ਲਈ ਵਿੱਤੀ ਮਨਜ਼ੂਰੀ ਤੁਰੰਤ ਦੇਣਦੀ ਮੰਗ ਕੀਤੀ ਤਾਂ ਜੋ ਇਹਨਾਂ ਕੁਆਟਰਾਂ ਦੀ ਛੇਤੀ ਉਸਾਰੀ ਹੋ ਸਕੇ।

ਪੰਜਾਬੀ ਖ਼ਬਰਸਾਰ ਬਿਉਰੋ
ਲੁਧਿਆਣਾ, 24 ਜੁਲਾਈ : ਠੇਕਾ ਮੁਲਾਜ਼ਮ ਸੰਘਰਸ਼ ਮੋਰਚਾ (ਪੰਜਾਬ) ਦੀ ਸੂਬਾ ਪੱਧਰੀ ਮੀਟਿੰਗ ਈਸੜੂ ਭਵਨ ਵਿੱਚ ਲੁਧਿਆਣਾ ਵਿਖੇ ਕੀਤੀ ਗਈ, ਜਿਸ ਵਿੱਚ ਪੰਜਾਬ ਦੇ ਠੇਕਾ ਮੁਲਾਜ਼ਮਾਂ ਦੀਆਂ ਪ੍ਰਮੁੱਖ ਜਥੇਬੰਦੀਆਂ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਕੰਟਰੈਕਟ ਵਰਕਰਜ਼ ਯੂਨੀਅਨ ਪੰਜਾਬ (ਰਜਿ ਨੰ:31),ਪਾਵਰਕਾਮ ਅਤੇ ਟਰਾਸਕੋ ਠੇਕਾ ਮੁਲਾਜ਼ਮ ਯੂਨੀਅਨ ਪੰਜਾਬ,ਪੀ.ਐੱਸ.ਪੀ.ਸੀ.ਐੱਲ.ਅਤੇ ਪੀ.ਐੱਸ.ਟੀ.ਸੀ.ਐੱਲ.ਕੰਟਰੈਕਟ ਵਰਕਰਜ਼ ਯੂਨੀਅਨ ਪੰਜਾਬ,ਜੀ.ਐੱਚ.ਟੀ.ਪੀ.ਠੇਕਾ ਮੁਲਾਜ਼ਮ ਯੂਨੀਅਨ (ਆਜ਼ਾਦ) ਲਹਿਰਾ ਮੁਹੱਬਤ,ਵੇਰਕਾ ਮਿਲਕ ਅਤੇ ਕੈਟਲ ਫੀਡ ਪਲਾਂਟ ਠੇਕਾ ਮੁਲਾਜ਼ਮ ਯੂਨੀਅਨ ਪੰਜਾਬ,ਜਲ ਸਪਲਾਈ ਅਤੇ ਸੀਵਰੇਜ਼ ਬੋਰਡ ਕੰਟਰੈਕਟ ਵਰਕਰਜ਼ ਯੂਨੀਅਨ ਪੰਜਾਬ,ਸਾਂਝਾ ਮੰਚ ਠੇਕਾ ਮੁਲਾਜ਼ਮ ਯੂਨੀਅਨ ਰੋਪੜ,ਪੀ.ਡਬਲਿਊ.ਡੀ.(ਇਲੈੱਕਟਰੀਕਲ) ਆਊਟਸੋਰਸ਼ਡ ਮੁਲਾਜ਼ਮ ਯੂਨੀਅਨ ਪੰਜਾਬ ਅਤੇ ਸਿਹਤ ਵਿਭਾਗ ਠੇਕਾ ਮੁਲਾਜ਼ਮ ਯੂਨੀਅਨ ਪੰਜਾਬ ਦੇ ਆਗੂਆਂ ਨੇ ਹਿੱਸਾ ਲਿਆ । ਮੀਟਿੰਗ ਵਿੱਚ ਪੱਕੇ ਕੰਮ ਖੇਤਰ ਵਿੱਚ ਪੱਕਾ ਰੋਜ਼ਗਾਰ ਲਾਗੂ ਕਰਨ,ਘੱਟੋ-ਘੱਟ ਗੁਜ਼ਾਰੇ ਦੇ ਕਾਨੂੰਨ1948 ਮੁਤਾਬਿਕ ਤਨਖਾਹ ਨਿਸ਼ਚਿਤ ਕਰਨ ਅਤੇ ਅਨੇਕਾਂ ਮੰਗਾਂ ਦੇ ਨਾਲ ਮੁੱਖ ਮੰਤਰੀ ਪੰਜਾਬ ਦੇ ਠੇਕਾ ਮੁਲਾਜ਼ਮਾਂ ਪ੍ਰਤੀ ਧਾਰਨ ਕੀਤੇ ਦੁਸ਼ਮਣਾਂ ਵਰਗੇ ਵਿਹਾਰ ਤੇ ਚਰਚਾ ਕਰਕੇ ਇਸ ਦੀ ਜੋਰਦਾਰ ਸ਼ਬਦਾਂ ਵਿੱਚ ਨਿਖੇਧੀ ਕਰਦੇ ਹੋਏ ਆਗੂਆਂ ਨੇ ਕਿਹਾ ਕਿ ਮੌਜੂਦਾ ਸਰਕਾਰ ਦੇ ਸੱਤਾ ਵਿੱਚ ਆਉਣ ਸਮੇਂ ਮੁਲਾਜ਼ਮਾਂ ਦੇ ਵਿੱਚ ਭਰਮ ਸੀ ਕਿ ਸ਼ਾਇਦ ਇਹ ਸਰਕਾਰ ਉਹਨਾਂ ਦੀਆਂ ਇਹ ਬੁਨਿਆਦੀ ਅਤੇ ਗੰਭੀਰ ਸਮੱਸਿਆਵਾਂ ਦਾ ਲਾਜ਼ਮੀ ਹੀ ਕੋਈ ਹਾਂ ਪੱਖੀ ਹੱਲ ਕਰੇਗੀ,ਪਰ ਇਸ ਭਰਮ ਵਿੱਚੋਂ ਮੋਰਚੇ ਵੱਲੋੰ ਸੰਘਰਸ਼ ਦੀ ਥਾਂ ਗੱਲਬਾਤ ਰਾਹੀਂ ਮੰਗਾਂ ਦਾ ਹੱਲ ਕਰਨ ਦੀ ਦਰੁਸਤ ਪਹੁੰਚ ਅਪਣਾਕੇ ਚੱਲਣ ਦਾ ਫੈਸਲਾ ਕੀਤਾ ਗਿਆ ਪਰ ਪਿਛਲੇ ਇੱਕ ਸਾਲ ਤੋਂ ਵੱਧ ਅਰਸੇ ਵਿੱਚ ਉਹਨਾਂ ਵੱਲੋੰ ਠੇਕਾ ਮੁਲਾਜ਼ਮ ਸੰਘਰਸ਼ ਮੋਰਚਾ ਪੰਜਾਬ ਦੇ ਆਗੂਆਂ ਨਾਲ ਮੀਟਿੰਗ ਕਰਨ ਦੀ ਅਪੀਲ ਨੂੰ ਲਗਾਤਾਰ ਠੁਕਰਾ ਦਿੱਤਾ ਹੈ। ਮੀਟਿੰਗ ਵਿਚ ਕਿਹਾ ਗਿਆ ਕਿ ਵੱਖ-ਵੱਖ ਜੋਨਾਂ ਵਿੱਚ ਵੱਖ-ਵੱਖ ਵਿਭਾਗਾਂ ਦੇ ਠੇਕਾ ਮੁਲਾਜ਼ਮਾਂ ਦੀਆਂ ਸਾਂਝੀਆਂ ਅਤੇ ਵੱਧਵੀਆਂ ਮੀਟਿੰਗਾਂ ਕਰਕੇ ਸੰਘਰਸ਼ ਦੀ ਸਫਲਤਾ ਲਈ ਵਿਉਂਤਬੰਦੀ ਤਹਿ ਕੀਤੀ ਜਾਵੇਗੀ ਉਸ ਨੂੰ ਅਮਲ ਵਿੱਚ ਲਾਗੂ ਕਰਨ ਲਈ ਯਤਨ ਕੀਤੇ ਜਾਣਗੇ ਇਸ ਅਰਸੇ ਵਿੱਚ 05 ਅਗਸਤ ਤੋਂ ਬਾਅਦ ਮੁੱਖ ਮੰਤਰੀ ਪੰਜਾਬ ਭਰ ਵਿੱਚ ਜਿੱਥੇ ਵੀ ਜਾਣਗੇ ਉੱਥੇ ਹੀ ਉਹਨਾਂ ਦਾ ਕਾਲੀਆਂ ਝੰਡੀਆਂ ਨਾਲ ਵਿਰੋਧ ਪ੍ਰਦਰਸ਼ਨ ਕੀਤਾ ਜਾਵੇਗਾ,ਮੀਟਿੰਗ ਵਿੱਚ ਸ਼ਾਮਿਲ ਵਰਿੰਦਰ ਸਿੰਘ ਮੋਮੀ,ਬਲਿਹਾਰ ਸਿੰਘ ਕਟਾਰੀਆ,ਪਵਨਦੀਪ ਸਿੰਘ,ਗੁਰਵਿੰਦਰ ਸਿੰਘ ਪੰਨੂੰ,ਜਗਰੂਪ ਸਿੰਘ ਲਹਿਰਾ,ਸਿਮਰਨਜੀਤ ਸਿੰਘ ਨੀਲੋਂ,ਸ਼ੇਰ ਸਿੰਘ ਖੰਨਾ,ਸੁਰਿੰਦਰ ਕੁਮਾਰ ਅਤੇ ਜਸਪ੍ਰੀਤ ਸਿੰਘ ਗਗਨ ਆਦਿ ਹਾਜ਼ਰ ਸਨ।

ਕਿਹਾ, ਡਾ. ਅੰਬੇਡਕਰ ਫਾਊਡੇਸ਼ਨ ਦਲਿੱਤ ਭਾਈਚਾਰੇ ਨਾਲ ਹਮੇਸ਼ਾ ਚਟਾਨ ਵਾਂਗ ਨਾਲ ਖੜ੍ਹੀ ਹੈ
ਮ੍ਰਿਤਕ ਦੇ ਪਰਿਵਾਰ ਨਾਲ ਕੀਤਾ ਦੁੱਖ ਦਾ ਪ੍ਰਗਟਾਵਾ ਤੇ ਜਲਦ ਇਨਸਾਫ਼ ਦਿਵਾਉਣ ਦਾ ਦਿੱਤਾ ਭਰੋਸਾ
ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ, 24 ਜੁਲਾਈ : ਡਾ. ਅੰਬੇਡਕਰ ਫਾਊਡੇਸ਼ਨ ਸਮਾਜਿਕ ਨਿਆਂ ਤੇ ਅਧਿਕਾਰਤ ਮੰਤਰਾਲਾ ਭਾਰਤ ਸਰਕਾਰ ਦੇ ਮੈਂਬਰ ਮਨਜੀਤ ਬਾਲੀ ਜ਼ਿਲ੍ਹਾ ਅਧੀਨ ਪੈਂਦੇ ਪਿੰਡ ਪਥਰਾਲਾ ਵਿਖੇ ਬੀਤੇ ਦਿਨੀਂ ਕਤਲ ਹੋਏ ਨੌਜਵਾਨ ਅੰਗਰੇਜ਼ ਸਿੰਘ ਪੁੱਤਰ ਹੰਸਾ ਸਿੰਘ ਦੇ ਘਰ ਪਹੁੰਚੇ। ਇਸ ਦੌਰਾਨ ਮੈਂਬਰ ਮਨਜੀਤ ਬਾਲੀ ਨੇ ਮ੍ਰਿਤਕ ਦੇ ਪਰਿਵਾਰਿਕ ਮੈਂਬਰਾਂ ਨਾਲ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਉਨ੍ਹਾਂ ਨੂੰ ਭਰੋਸਾ ਦਿਵਾਇਆ ਕਿ ਡਾ. ਅੰਬੇਡਕਰ ਫਾਊਡੇਸ਼ਨ ਦਲਿੱਤ ਭਾਈਚਾਰੇ ਨਾਲ ਹਮੇਸ਼ਾ ਚਟਾਨ ਵਾਂਗ ਖੜ੍ਹੀ ਹੈ। ਇਸ ਮੈਂਬਰ ਮਨਜੀਤ ਬਾਲੀ ਨੇ ਮ੍ਰਿਤਕ ਦੇ ਪਰਿਵਾਰ ਨੂੰ ਭਰੋਸਾ ਦਿਵਾਉਂਦਿਆਂ ਕਿਹਾ ਕਿ ਕੇਸ ਦੀ ਮੁਕੰਮਲ ਪੈਰਵਾਈ ਕੀਤੀ ਜਾਵੇਗੀ। ਇਸ ਦੌਰਾਨ ਉਨ੍ਹਾਂ ਮੌਜੂਦ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਅਧਿਕਾਰੀਆਂ ਨੂੰ ਹਦਾਇਤ ਕਰਦਿਆਂ ਕਿਹਾ ਕਿ ਕੇਸ ਦੀ ਪੈਰਵਾਈ ਕਰਨ ਵਿੱਚ ਕੋਈ ਵੀ ਢਿੱਲ ਨਾ ਵਰਤੀ ਜਾਵੇ ਅਤੇ ਪਾਰਦਰਸ਼ੀ ਢੰਗ ਨਾਲ ਮੁਕੰਮਲ ਤਹਿ ਤੱਕ ਕਾਰਵਾਈ ਕਰਨੀ ਯਕੀਨੀ ਬਣਾਈ ਜਾਵੇ ਤਾਂ ਜੋ ਦੋਸ਼ੀਆਂ ਨੂੰ ਸਖ਼ਤ ਤੋਂ ਸਖ਼ਤ ਸਜਾ ਦਵਾ ਕੇ ਮ੍ਰਿਤਕ ਦੇ ਪਰਿਵਾਰ ਨੂੰ ਇਨਸਾਫ਼ ਦਿਵਾਇਆ ਜਾਵੇ। ਇਸ ਦੌਰਾਨ ਮੈਂਬਰ ਮਨਜੀਤ ਬਾਲੀ ਨੇ ਕਿਹਾ ਕਿ ਡਾ. ਅੰਬੇਡਕਰ ਫਾਊਡੇਸ਼ਨ ਸਮਾਜਿਕ ਨਿਆਂ ਤੇ ਅਧਿਕਾਰਤ ਮੰਤਰਾਲਾ ਭਾਰਤ ਸਰਕਾਰ ਵਲੋਂ ਮ੍ਰਿਤਕ ਦੇ ਪਰਿਵਾਰ ਨੂੰ ਜਲਦ ਮਾਲੀ ਸਹਾਇਤਾ ਮੁਹੱਈਆ ਕਰਵਾਈ ਜਾਵੇਗੀ। ਇਸ ਮੌਕੇ ਉਨ੍ਹਾਂ ਮ੍ਰਿਤਕ ਦੇ ਪਰਿਵਾਰ ਨੂੰ ਇਹ ਵੀ ਭਰੋਸਾ ਦਿਵਾਇਆ ਕਿ ਸਰਕਾਰ ਵਲੋਂ ਬਣਦੀ ਹੋਰ ਵੀ ਮਾਲੀ ਸਹਾਇਤਾ ਮੁਹੱਈਆ ਕਰਵਾਈ ਜਾਵੇਗੀ। ਇਸ ਮੌਕੇ ਉਨ੍ਹਾਂ ਸਹਿਮੇ ਹੋਈ ਦਲਿੱਤ ਭਾਈਚਾਰੇ ਨਾਲ ਹਮਦਰਦੀ ਪ੍ਰਗਟ ਕਰਦਿਆਂ ਕਿਹਾ ਕਿ ਉਹ ਕਿਸੇ ਵੀ ਘਬਰਾਹਟ ਵਿੱਚ ਨਾ ਆਉਣ ਡਾ. ਅੰਬੇਡਕਰ ਫਾਊਡੇਸ਼ਨ ਸਮਾਜਿਕ ਨਿਆਂ ਤੇ ਅਧਿਕਾਰਤ ਮੰਤਰਾਲਾ ਭਾਰਤ ਸਰਕਾਰ ਹਮੇਸ਼ਾ ਹਰ ਸਮੇਂ ਉਨ੍ਹਾਂ ਦੇ ਨਾਲ ਖੜ੍ਹਾ ਹੈ। ਇਸ ਮੌਕੇ ਜ਼ਿਲ੍ਹਾ ਸਮਾਜਿਕ ਨਿਆਂ ਤੇ ਅਧਿਕਾਰਤ ਅਫ਼ਸਰ ਬਰਿੰਦਰ ਸਿੰਘ, ਚੇਅਰਮੈਨ ਦਲਿੱਤ ਮਹਾਂ ਪੰਚਾਇਤ ਪੰਜਾਬ ਕਿਰਨਜੀਤ ਸਿੰਘ ਗਹਿਰੀ, ਐਕਸ ਚੇਅਰਮੈਨ ਵੈਲਫ਼ੇਅਰ ਪੰਜਾਬ ਮਨਜੀਤ ਸਿੰਘ ਬੁੱਟਰ, ਵਿੱਕੀ ਭਲਵਾਨ, ਸ਼?ਰੀ ਜਸਵੀਰ ਸਿੰਘ ਮਹਿਰਾਜ, ਬੂਟਾ ਸਿੰਘ ਬਰਨਾਲਾ, ਮਲਕੀਤ ਸਿੰਘ ਬਰਨਾਲਾ, ਜਗਜੀਤ ਸਿੰਘ ਕੁਲਥਮ, ਜ਼ਿਲ੍ਹਾ ਪ੍ਰਧਾਨ ਦਲਿੱਤ ਮਹਾਂ ਪੰਚਾਇਤ ਲਵਪ੍ਰੀਤ ਸਿੰਘ, ਜਸਬੀਰ ਸਿੰਘ ਗੋਬਿੰਦਪੁਰਾ, ਸ਼?ਰੀ ਮੰਦਰ ਸਿੰਘ ਪਥਰਾਲਾ ਤੋਂ ਇਲਾਵਾ ਸਮੁੱਚਾ ਦਲਿੱਤ ਭਾਈਚਾਰਾ ਆਦਿ ਹਾਜ਼ਰ ਸੀ।

ਸੁਖਜਿੰਦਰ ਮਾਨ
ਬਠਿੰਡਾ, 24 ਜੁਲਾਈ: ਮੁੱਖ ਚੋਣ ਕਮਿਸ਼ਨ ਪੰਜਾਬ ਅਤੇ ਭਾਰਤ ਚੋਣ ਕਮਿਸ਼ਨ ਵੱਲੋਂ ਜਾਰੀ ਕੀਤੇ ਦੇ ਪੱਤਰ ਨੰਬਰ 2023/3729 ਚੋਣ ਕਮਿਸ਼ਨ ਭਾਰਤ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਵੋਟਰ ਸੂਚੀਆਂ ਦੀ ਸੁਧਾਈ ਦਾ ਕੰਮ ਦਾ ਆਰੰਭ ਕੀਤਾ ਗਿਆ ਜੋ ਮਿਤੀ 21ਜੁਲਾਈ ਤੋਂ 21ਅਗਸਤ 2023 ਤੱਕ ਬੀ ਐਲ ਓ ਨੇ ਘਰ ਘਰ ਜਾ ਕੇ ਵੋਟਰਾਂ ਦੀ ਸੁਧਾਈ ਦਾ ਕੰਮ ਉਲੀਕਿਆ ਗਿਆ ਹੈ। ਇਸ ਕੰਮ ਲਈ ਚੋਣਕਾਰ ਰਜਿਸਟਰੇਸ਼ਨ ਅਫ਼ਸਰ ਵੱਲੋਂ ਹਫਤੇ ਵਿੱਚ ਸਿਰਫ ਦੋ ਦਿਨ ਹੀ ਦਿੱਤੇ ਗਏ ਸਨ। ਇਸ ਡਿਊਟੀ ਵਿੱਚ ਵਿਘਣ ਪਾਉਂਦਿਆਂ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਬਠਿੰਡਾ ਵੱਲੋਂ ਇੱਕ ਪੱਤਰ ਜਾਰੀ ਕੀਤਾ ਗਿਆ ਹੈ ਕਿ ਸਿਖਿਆ ਵਿਭਾਗ ਬਠਿੰਡਾ ਨਾਲ ਸਬੰਧਤ ਸਾਰੇ ਹੀ ਬੀ ਐਲ ਓ ਕਰਮਚਾਰੀਆਂ ਨੂੰ ਸਕੂਲ ਸਮੇਂ ਤੋਂ ਬਾਅਦ ਬੀ ਐਲ ਓ ਡਿਊਟੀ ਕਰਨ ਦੇ ਹੁਕਮ ਜਾਰੀ ਕੀਤੇ ਗਏ ਹਨ । ਇਸ ਸਬੰਧ ਵਿਚ ਅੱਜ ਬੀ ਐਲ ਓ ਯੂਨੀਅਨ ਬਠਿੰਡਾ ਵੱਲੋਂ ਇੱਕ ਵਿਸ਼ੇਸ਼ ਮੀਟਿੰਗ ਟੀਚਰ ਹੋਮ ਵਿਖੇ ਆਪਣੀਆਂ ਮੁਸ਼ਕਲਾਂ ਸੰਬੰਧੀ ਵਿਚਾਰ ਚਰਚਾਂ ਕੀਤੀ ਗਈ। ਇਸ ਮੌਕੇ ਵੱਖ ਵੱਖ ਸਕੂਲਾਂ ਵਿੱਚੋਂ ਬੀ ਐਲ ਓ ਕਰਮਚਾਰੀਆਂ ਨੂੰ ਇਕੱਠੇ ਹੋ ਕੇ ਆਪਣੇ ਵਿਚਾਰ ਪੇਸ਼ ਕੀਤੇ ਗਏ। ਇਨ੍ਹਾਂ ਵਿਚਾਰਾਂ ਤੋਂ ਬਾਅਦ ਬੀ ਐਲ ਓ ਯੂਨੀਅਨ ਵੱਲੋਂ ਡਿਪਟੀ ਕਮਿਸ਼ਨਰ ਸਕੌਤ ਅਹਿਮਦ ਪਰੇ ਨੂੰ ਮਿਲਣ ਲਈ ਬੀ ਐਲ ਓ ਪਹੁੰਚੇ ਸਨ। ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ ਡਾ ਪਲਵੀ ਚੌਧਰੀ ਬਠਿੰਡਾ ਨੂੰ ਇੱਕ ਮੰਗ ਪੱਤਰ ਦਿੱਤਾ । ਇਸ ਮੌਕੇ ਬੀ ਐਲ ਓ ਯੂਨੀਅਨ ਬਠਿੰਡਾ ਵੱਲੋਂ ਕਿਹਾ ਕਿ ਜੋ ਚੋਣ ਕਮਿਸ਼ਨ ਪੰਜਾਬ ਅਤੇ ਭਾਰਤ ਚੋਣ ਕਮਿਸ਼ਨ ਵੱਲੋਂ ਹਦਾਇਤਾਂ ਜਾਰੀ ਹੋਈਆਂ ਸਨ ਅਸੀਂ ਸਮੂਹ ਬੀ ਐਲ ਓ ਬਠਿੰਡਾ ਹੁਕਮਾਂ ਦੀ ਪਾਲਣਾ ਕਰਨ ਲਈ ਲਈ ਤਿਆਰ ਹਾ। ਪਰ ਵੋਟਰ ਸੂਚੀਆਂ ਦੀ ਸੁਧਾਈ ਦਾ ਕੰਮ ਬਹੁਤ ਜ਼ਿਆਦਾ ਹੋਣ ਕਰਕੇ ਸਮਾਂ ਸਿਰਫ ਇੱਕ ਮਹੀਨੇ ਤੇ ਅੱਠ ਦਿਨ ਦਿੱਤਾ ਗਿਆ ਹੈੈ। ਇਸ ਲਈ ਸਮੂਹ ਬੀ ਐਲ ਓ ਅਫ਼ਸਰਾਂ ਨੂੰ ਹਫਤੇ ਵਿੱਚੋਂ ਘੱਟੋ ਘੱਟ ਤਿੰਨ ਦਿਨ ਪੂਰੇ ਕੰਮ ਕਰਨ ਲਈ ਦਿੱਤੇ ਜਾਣ ਸਮਾਂ ਦੋ ਮਹੀਨੇ ਦਾ ਦਿੱਤਾ ਜਾਵੇ। ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਬਠਿੰਡਾ ਵੱਲੋਂ ਮੁੱਖ ਚੋਣ ਕਮਿਸ਼ਨ ਪੰਜਾਬ ਦੇ ਪੱਤਰ ਨੂੰ ਨੁਕਾਰਦਿਆ ਆਨ ਡਿਊਟੀ ਨਾ ਕਰਨ ਦਾ ਪੱਤਰ ਜਾਰੀ ਕੀਤਾ ਗਿਆ ਹੈ ਉਸ ਨੂੰ ਤੁਰੰਤ ਰੱਦ ਕੀਤਾ ਜਾਵੇ । ਇੱਕ ਹੋਰ ਮੰਗ ਸਮੂਹ ਬੀ ਐਲ ਓ ਨੂੰ ਵੋਟਰਾਂ ਦੀ ਸੁਧਾਈ ਦਾ ਕੰਮ ਕਰਨ ਲਈ ਟੈਬ ਦਿੱਤੇ ਜਾਣ ਤਾਂ ਕਿ ਕੰਮ ਨੂੰ ਹੋਰ ਸੌਖਾਂ ਕੀਤਾ ਜਾਵੇ। ਇਸ ਮੌਕੇ ਯੂਨੀਅਨ ਦੇ ਆਗੂ ਮਨਜੀਤ ਸਿੰਘ ਬਾਜਕ ਅਤੇ ਜਸਕਰਨ ਸਿੰਘ ਗਹਿਰੀ ਬੁੱਟਰ ਨੇ ਡਾ ਪਲਵੀ ਚੌਧਰੀ ਦੇ ਧਿਆਨ ਵਿੱਚ ਲਿਆਂਦਾ ਕਿ ਬੀ ਐਲ ਓ ਦਾ ਮਾਣਭੱਤਾ 7000 ਰੁਪਏ ਬਹੁਤ ਘੱਟ ਹੈ ਇਸ ਨੂੰ ਵਧਾ ਕੇ ਵੀਹ ਹਜ਼ਾਰ ਰੁਪਏ ਕੀਤਾ ਜਾਵੇ। ਇਸ ਤਰ੍ਹਾਂ ਪਿੰਡ ਵਿੱਚ ਜਾਣ ਵਾਲੇ ਬੀ ਐਲ ਓ ਕਰਮਚਾਰੀਆਂ ਨੂੰ ਡਿਊਟੀ ਸਮੇਂ ਦੋਰਾਨ ਤੁਰੰਤ ਪੱਤਰ ਜਾਰੀ ਕਰਕੇ ਟੋਲ ਪਲਾਜ਼ਾ ਬਠਿੰਡਾ ਫਰੀ ਕੀਤੇ ਜਾਣ ਤਾ ਕਿ ਕਿਸੇ ਵੀ ਬੀ ਐਲ ਓ ਅਫ਼ਸਰਾਂ ਬਠਿੰਡਾ ਨੂੰ ਕੋਈ ਸਮੱਸਿਆ ਦਾ ਸਾਹਮਣਾ ਨਾ ਕਰਨਾ ਪਵੇ । ਉਨ੍ਹਾਂ ਆਗੂਆਂ ਨੇ ਦੱਸਿਆ ਕਿ ਇਸ ਵੋਟਰ ਸੂਚੀਆਂ ਦੀ ਸੁਧਾਈ ਦੇ ਕੰਮ ਦੇ ਨਾਲ ਨਾਲ ਸੈਨਸਜ਼ ਦਾ ਕੰਮ ਵੀ ਕਰਵਾਇਆ ਜਾ ਰਿਹਾ ਹੈ। ਡਾਕਟਰ ਪਲਵੀ ਚੌਧਰੀ ਨੇ ਬੀ ਐਲ ਓ ਅਫ਼ਸਰਾਂ ਦੀਆ ਸਮੱਸਿਆ ਨੂੰ ਧਿਆਨ ਨਾਲ ਸੁਣਦਿਆ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਇਨ੍ਹਾਂ ਸਾਰੀਆਂ ਮੁਸ਼ਕਲਾਂ ਦਾ ਹੱਲ ਜਲਦੀ ਡਿਪਟੀ ਕਮਿਸ਼ਨਰ ਬਠਿੰਡਾ ਨਾਲ ਗੱਲਬਾਤ ਕਰਕੇ ਮਸਲੇ ਦਾ ਹੱਲ ਕੀਤਾ ਜਾਵੇਗਾ। ਇਸ ਮੌਕੇ ਬੀ ਐਲ ਓ ਯੂਨੀਅਨ ਦੇ ਆਗੂ ਮਨਜੀਤ ਸਿੰਘ , ਜਸਕਰਨ ਸਿੰਘ, ਈਸ਼ਰ ਸਿੰਘ ਰਾਜਵਿੰਦਰ ਸਿੰਘ , ਸਰਜੀਤ ਸਿੰਘ ਜਰਨਲ ਸਕੱਤਰ, ਰਾਜੇਸ਼ ਕੁਮਾਰ ਗੋਇਲ , ਗਰਲਾਭ ਸਿੰਘ, ਮਹਾਂਵੀਰ ਸਿੰਘ, ਗੁਰਮੀਤ ਸਿੰਘ ,ਕੌਰ ਸਿੰਘ, ਹਰਕ੍ਰਿਸ਼ਨ , ਬਲਵੀਰ ਸਿੱਧੂ ਕਮਾਂਡੋ ਬਠਿੰਡਾ ਆਦਿ ਵੱਡੀ ਗਿਣਤੀ ਵਿੱਚ ਬੀ ਐਲ ਓ ਅਫ਼ਸਰ ਸਾਹਿਬ ਬਠਿੰਡਾ ਡਿਪਟੀ ਕਮਿਸ਼ਨਰ ਬਠਿੰਡਾ ਵਿਖੇ ਹਾਜ਼ਰ ਸਨ।

ਨਾਂ ਮੈਂ ਬਾਦਲਾਂ ਤੋਂ ਡਰਿਆਂ ਤੇ ਨਾਂ ਹੀ ਕਿਸੇ ਹੋਰ ਤੋਂ ਡਰਦਾ: ਰਾਜਾ ਵੜਿੰਗ
ਪੰਜਾਬੀ ਖ਼ਬਰਸਾਰ ਬਿਉਰੋ
ਗਿੱਦੜਵਹਾ, 24 ਜੁਲਾਈ: ਪਿਛਲੇ ਲੰਮੇ ਸਮੇਂ ਤਂੋ ਇੱਕ ਦੂਜੇ ਦੇ ਕੱਟੜ ਸਿਆਸੀ ਵਿਰੋਧੀ ਮੰਨੇ ਜਾਂਦੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅਤੇ ਸਾਬਕਾ ਵਿਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਵਿਚਕਾਰ ਮੁੜ ਸਿਆਸੀ ਜੰਗ ਛਿੜ ਗਈ ਹੈ। ਇਸ ਜੰਗ ਦੀ ਸ਼ੁਰੂਆਤ ਮਨਪ੍ਰੀਤ ਬਾਦਲ ਵਲੋਂ ਅੱਜ ਵਿਜੀਲੈਂਸ ਬਿਊਰੋ ਦੇ ਸਾਹਮਣੇ ਪੇਸ਼ ਹੋਣ ਤੋਂ ਬਾਅਦ ਕੀਤੀ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਰਾਜਾ ਵੜਿੰਗ ਵਿਰੁਧ ਕੀਤੇ ਇੱਕ ਸਿਆਸੀ ਵਿਅੰਗ ਤੋਂ ਬਾਅਦ ਸ਼ੁਰੂ ਹੋਈ ਹੈ। ਪ੍ਰੈਸ ਕਾਨਫਰੰਸ ਦੌਰਾਨ ਸ: ਬਾਦਲ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਚੁਣੌਤੀ ਦਿੰਦਿਆਂ ਕਿਹਾ ਸੀ ਕਿ ‘‘ਉਹ ਰਾਜਾ ਵੜਿੰਗ ਨਹੀਂ ਕਿ ਅੱਧੀ ਰਾਤ ਨੂੰ ਟੋਪੀ ਤੇ ਮਾਸਕ ਪਹਿਨ ਕੇ ਤੁਹਾਡੇ ਗੋਡੀ ਹੱਥ ਲਗਾ ਦੇਣਗੇ। ’’ ਮਨਪ੍ਰੀਤ ਨੇ ਭਗਵੰਤ ਮਾਨ ਨੂੰ ਇਹ ਵੀ ਸੰਬੋਧਿਤ ਹੁੰਦਿਆਂ ਇਹ ਵੀ ਕਿਹਾ ਕਿ ਉਹ ਜਿੰਨਾਂ ਮਰਜ਼ੀ ਜੋਰ ਲਗਾ ਲੈਣ ਉਹ ਕਦੇ ਡਰਨਗੇ ਜਾਂ ਝੁੂਕਣਗੇ ਨਹੀਂ। ਉਧਰ ਅਪਣੇ ਵਿਰੁਧ ਕੀਤੀ ਇਸ ਟਿੱਪਣੀ ਤੋਂ ਬਾਅਦ ਫ਼ੇਸਬੁੱਕ ’ਤੇ ਲਾਈਵ ਹੋਏ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਵੀ ਮਨਪ੍ਰੀਤ ਬਾਦਲ ਨੂੰ ਲੰਮੇ ਹੱਥੀ ਲੈਂਦਿਆਂ ਕਿਹਾ ਕਿ ‘‘ ਜਨਾਬ ਪੰਜਾਬ ਦੀ ਜਨਤਾ ਸਭ ਜਾਣਦੀ ਹੈ ਕਿ ਕੌਣ ਕਿਸਦੇ ਨਾਲ ਰਲਿਆ ਹੋਇਆ ਹੈ ਤੇ ਕੌਣ ਕਿਸੇ ਤੋਂ ਡਰਦਾ ਹੈ। ’’ ਰਾਜਾ ਵੜਿੰਗ ਨੇ ਮਨਪ੍ਰੀਤ ਬਾਦਲ ਉਪਰ 2019 ਦੀਆਂ ਲੋਕ ਸਭਾ ਚੋਣਾਂ ਵਿਚ ਉਸਨੂੰ ਹਰਾਉਣ ਦਾ ਦੋਸ਼ ਲਗਾਉਂਦਿਆਂ ਕਿਹਾ ਕਿ ਅੱਜ ਤੱਕ ਕਾਂਗਰਸ ਬਠਿੰਡਾ ਵਿਚ ਵੋਟਾਂ ਨਹੀਂ ਘਟੀ, ਪਰ ਉਸਦੀ ਚੋਣ ਸਮੇਂ ਵੋਟ ਕਿਸ ਤਰ੍ਹਾਂ ਘਟ ਗਈ ਸੀ, ਕਿਉਂਕਿ ਬਾਦਲ ਪ੍ਰਵਾਰ ਆਪਸ ਵਿਚ ਮਿਲਿਆ ਹੋਇਆ ਸੀ ਤੇ ਮਨਪ੍ਰੀਤ ਬਾਦਲ ਤੇ ਮਹਰੂਮ ਪ੍ਰਕਾਸ ਸਿੰਘ ਬਾਦਲ ਰਾਤ ਨੂੰ 12 ਵਜੇਂ ਉਸਨੂੰ ਹਰਾਉਣ ਦੀਆਂ ਤਜਵੀਜ਼ਾਂ ਬਣਾਉਂਦੇ ਸਨ। ਉਨ੍ਹਾਂ ਮਨਪ੍ਰੀਤ ਬਾਦਲ ਨੂੰ ਕਿਹਾ ਕਿ ਅਸਲ ਵਿਚ ਤੁਹਾਨੂੰ ਇੱਕ ਸਾਜਸ਼ ਦੇ ਤਹਿਤ ਹੀ ਕਾਂਗਰਸ ਪਾਰਟੀ ਵਿਚ ਭੇਜਿਆ ਗਿਆ ਸੀ ਤੇ ਕਾਂਗਰਸ ਨੂੰ ਸੱਤਾ ਤੋਂ ਲਾਂਭੇ ਕਰਨ ਵਿਚ ਤੁਹਾਡਾ ਵੱਡਾ ਯੋਗਦਾਨ ਹੈ। ਮਨਪ੍ਰੀਤ ਵਲੋਂ ਵਿਤ ਮੰਤਰੀ ਰਹਿਣ ਦੌਰਾਨ ਸਰਕਾਰ ਦਾ ਚਾਹ ਦਾ ਕੱਪ ਨਾ ਪੀਣ ਦੇ ਕੀਤੇ ਦਾਅਵੇ ਦਾ ਮਜਾਕ ਉਡਾਉਂਦਿਆਂ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨੇ ਕਿਹਾ ਕਿ ‘‘ ਜਨਾਬ ਇੱਕ ਮਹਰੂਮ ਪੱਤਰਕਾਰ ਨੇ ਤੁਹਾਡੇ ਸਰਕਾਰੀ ਬੰਗਲੇ ਦੀ ਖ਼ਬਰ ਪ੍ਰਮੁੱਖਤਾ ਨਾਲ ਛਾਪੀ ਸੀ ਕਿ ਚਾਹ ਦਾ ਕੱਪ ਨਾ ਪਿਆਉਣ ਵਾਲੇ ਵਿਤ ਮੰਤਰੀ ਦੀ ਕੋਠੀ ਵਿਚ ਲੱਗੇ ਹਨ 36 ਏ.ਸੀ। ’’ ਉਨ੍ਹਾਂ ਅੱਗੇ ਕਿਹਾ ਕਿ ਜੇਕਰ ਖ਼ਜਾਨੇ ਤਾਂ ਇੰਨ੍ਹਾਂ ਹੀ ਫ਼ਿਕਰ ਸੀ ਤਾਂ ਆਪਣੀ ਚੰਡੀਗੜ੍ਹ ਵਾਲੀ ਨਿੱਜੀ ਕੋਠੀ ਨੂੰ ਛੱਡ ਕੇ ਬਿਕਰਮ ਸਿੰਘ ਮਜੀਠਿਆ ਵਲੋਂ ਛੱਡੀ ਸਰਕਾਰੀ ਕੋਠੀ ਕਿਉਂ ਲਈ ਸੀ ਤੇ ਨਾਲ ਹੀ ਕੱਟੜ ਇਮਾਨਦਾਰ ਦਾ ਨਾਂ ਦੇ ਕੇ ਵੱਡਾ ਸਿਆਸੀ ਵਿਅੰਗ ਕਸਦਿਆਂ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨੇ ਕਿਹਾ ਕਿ ‘‘ ਜਨਾਬ ਤੁਹਾਡੇ ਬਾਰੇ ਹੀ ਇਹ ਖ਼ਬਰਾਂ ਛਪੀਆਂ ਸਨ ਕਿ ਇਹ ਸਰਕਾਰੀ ਕੋਠੀ ਵਿਹਲੀ ਕਰਨ ਸਮੇਂ ਕੀਮਤੀ ਫ਼ਰਨੀਚਰ ਵੀ ਨਾਲ ਹੀ ਚੁੱਕ ਕੇ ਲੈ ਗਏ ਸੀ। ’’ ਇਸਤੋਂ ਇਲਾਵਾ ਖੁਦ ਗੱਡੀ ਡਰਾਈਵ ਕਰਨ ਅਤੇ ਸਾਦਗੀ ਦੇ ਮੁੱਦੇ ’ਤੇ ਵੀ ਸਾਬਕਾ ਵਿਤ ਮੰਤਰੀ ਨੂੰ ਘੇਰਦਿਆਂ ਰਾਜਾ ਵੜਿੰਗ ਨੇ ਕਿਹਾ ਕਿ ਜੇਕਰ ਜਰੂਰਤ ਪਈ ਤਾਂ ਉਹ ਲਿਸਟ ਵੀ ਜਾਰੀ ਕਰ ਦੇਣਗੇ ਕਿ ਮੰਤਰੀ ਹੁੰਦੇ ਤੁਹਾਨੂੰ ਇੱਕ ਜਾਂ ਦੋ ਨਹੀਂ, ਬਲਕਿ 35-40 ਗੰਨਮੈਂਨ ਮਿਲੇ ਹੋਏ ਸਨ, ਜਿੰ੍ਹਨਾਂ ਦੀ ਵਰਤੋਂ ਤੁਹਾਡਾ ਪ੍ਰਵਾਰ ਕਰਦਾ ਸੀ। ਸਾਬਕਾ ਮੰਤਰੀ ਨੇ ਅਪਣੇ ਹੀ ਸਾਬਕਾ ਕੁਲੀਗ ਰਹੇ ਮਨਪ੍ਰੀਤ ਨੂੰ ਇਹ ਵੀ ਸਵਾਲ ਪੁਛਿਆ ਕਿ ਪੰਜਾਬ ’ਚ ਆਪ ਦੀ ਸਰਕਾਰ ਬਣਨ ਦੇ ਡੇਢ ਸਾਲ ਬਾਅਦ ਹੀ ਤੁਸੀਂ ਭਗਵੰਤ ਮਾਨ ਨੂੰ ਅੱਜ ਹੀ ਪਹਿਲੀ ਵਾਰ ਕਿਉਂ ਬੋਲੇ ਹੋਂ, ਉਹ ਇਸ ਲਈ ਕਿ ਅੱਜ ਤੁਹਾਨੂੰ ਵਿਜੀਲੈਂਸ ਨੇ ਜਾਂਚ ਲਈ ਬੁਲਾ ਲਿਆ। ਅਸਿੱਧੇ ਢੰਗ ਨਾਲ ਸਾਬਕਾ ਵਿਤ ਮੰਤਰੀ ਨਾਲ ਜੁੜੇ ਵਿਵਾਦਾਂ ਨੂੰ ਚੁੱਕਦਿਆਂ ਰਾਜਾ ਵੜਿੰਗ ਨੇ ਕਿਹਾ ਕਿ ਉਸਨੇ ਤਾਂ ਨਾਂ ਕੋਈ ਰਿਫ਼ਾਈਨਰੀ ਦੀ ਗੱਲ ਕੀਤੀ ਹੈ, ਨਾ ਬੰਦ ਹੋਏ ਥਰਮਲ ਦੀ ਰਾਖ ਚੁੱਕਣ ਤੇ ਇਸਨੂੰ ਵੇਚਣ ਵਾਲੀ ਕੰਪਨੀ ਨਾਲ ਕੋਈ ਸਾਂਝ ਹੋਣ ਦੀ ਗੱਲ ਕੀਤੀ ਹੈ ਤੇ ਨਾ ਹੀ ਕਿਸੇ ਟੈਕਸ ਦੀ ਪਰ ਜੇਕਰ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਉਸਨੇ ਕੁੱਝ ਕੀਤਾ ਹੈ ਤਾਂ ਉਹ ਸਿਕਾਇਤ ਕਰ ਦੇਣ। ਅਪਣੇ ਸਿਆਸੀ ਸਰੀਕ ਦੇ ਚੋਭਾਂ ਲਗਾਉਂਦਿਆਂ ਰਾਜਾ ਵੜਿੰਗ ਨੈ ਇਹ ਵੀ ਕਿਹਾ ਕਿ ਜਦ ਉਹ 33 ਸਾਲ ਦਾ ਸੀ ਤਾਂ ਉਸਨੇ ਗਿੱਦੜਵਹਾ ’ਚ ਪੰਜਾਬ ਦੇ ਖ਼ਜਾਨਾ ਮੰਤਰੀ ਨੂੰ ਮਾਤ ਦਿੱਤੀ ਸੀ ਤੇ ਮਨਪ੍ਰੀਤ ਬਾਦਲ ਤੀਜ਼ੇ ਨੰਬਰ ਉਪਰ ਰਹੇ ਸੀ। ਇਸੇ ਤਰ੍ਹਾਂ 2022 ਦੀਆਂ ਚੋਣਾਂ ’ਚ ਪੂਰੇ ਪੰਜਾਬ ਵਿਚੋਂ ਸਭ ਤੋਂ ਵੱਧ ਵੋਟਾਂ ’ਚ ਹਾਰਨ ਦੇ ਮਾਮਲੇ ਵਿਚ ਦੂਜੇ ਨੰਬਰ ’ਤੇ ਕੇ ਵੀ ਰਿਕਾਰਡ ਕਾਇਮ ਕੀਤਾ ਹੈ।

ਮਨਪ੍ਰੀਤ ਬਾਦਲ ਨੇ ਕੀਤਾ ਐਲਾਨ, ਬਠਿੰਡਾ ਹੀ ਰਹੇਗੀ ਮੇਰੀ ਰਣ ਭੂਮੀ
ਸੁਖਜਿੰਦਰ ਮਾਨ
ਬਠਿੰਡਾ, 24 ਜੁਲਾਈ : ਸਾਬਕਾ ਵਿਧਾਇਕ ਸਰੂਪ ਚੰਦ ਸਿੰਗਲਾ ਦੀ ਸਿਕਾਇਤ ’ਤੇ ਵਿਜੀਲੈਂਸ ਦੀ ਪੇਸ਼ੀ ਭੁਗਤਣ ਬਠਿੰਡਾ ਪੁੱਜੇ ਸਾਬਕਾ ਵਿਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੂੰ ਬਠਿੰਡਾ ’ਚ ਮੁੜ ਵੱਡਾ ਹੁਲਾਰਾ ਮਿਲਿਆ ਹੈ। ਪੇਸ਼ੀ ਮੌਕੇ ਸਮਰਥਨ ’ਚ ਇਕੱਠੇ ਹੋੲੈ ਵੱਡੀ ਗਿਣਤੀ ਵਿਚ ਸਮਰਥਕਾਂ ਵਿਚ ਜਿੱਥੇ ਭਾਜਪਾ ਆਗੂਆਂ ਦੀ ਗਿਣਤੀ ਤਾਂ ਸਿਰਫ਼ ਉਂਗਲਾਂ ’ਤੇ ਗਿਣਨਯੋਗ ਸੀ, ਉਥੇ ਕਾਂਗਰਸ ਪਾਰਟੀ ਦੇ ਆਗੂ ਤੇ ਖ਼ਾਸਕਰ ਕੋਂਸਲਰ ਵੱਡੀ ਤਾਦਾਦ ਵਿਚ ਪੁੱਜੇ ਹੋਏ ਸਨ। ਇੰਨ੍ਹਾਂ ਵਿਚ ਮੌਜੂਦਾ ਮੇਅਰ ਰਮਨ ਗੋਇਲ ਦੇ ਪਤੀ ਸੰਦੀਪ ਗੋਇਲ ਤੋਂ ਇਲਾਵਾ ਡਿਪਟੀ ਮੇਅਰ ਮਾਸਟਰ ਹਰਮਿੰਦਰ ਸਿੱਧੂ ਮੁੱਖ ਤੌਰ ’ਤੇ ਸ਼ਾਮਲ ਸਨ। ਹਾਲਾਂਕਿ ਗੱਲਬਾਤ ਕਰਨ ’ਤੇ ਡਿਪਟੀ ਮੇਅਰ ਅਤੇ ਇੰਨ੍ਹਾਂ ਕੋਂਸਲਰਾਂ ਨੇ ਦਾਅਵਾ ਕੀਤਾ ਕਿ ਉਹ ਪਾਰਟੀਬਾਜ਼ੀ ਤੋਂ ਉਪਰ ਉੱਠ ਕੇ ਮਨਪ੍ਰੀਤ ਬਾਦਲ ਨਾਲ ਅਪਣੇ ਪ੍ਰਵਾਰਕ ਸਬੰਧਾਂ ਦੇ ਚੱਲਦੇ ਸਮਰਥਨ ਦੇਣ ਲਈ ਪੁੱਜੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਔਖੀ ਘੜੀ ’ਚ ਕਿਸੇ ਦਾ ਸਾਥ ਦੇਣਾ ਪੰਜਾਬੀਆਂ ਦੇ ਸੁਭਾਅ ਦਾ ਹਿੱਸਾ ਹੈ। ਇੱਥੇ ਦਸਣਯੋਗ ਹੈ ਕਿ ਕਾਂਗਰਸ ਪਾਰਟੀ ਨੂੰ ਅਲਵਿਦਾ ਕਹਿਣ ਦੇ ਬਾਵਜੂਦ ਵੀ ਬਠਿੰਡਾ ਸ਼ਹਿਰ ’ਚ ਕਾਂਗਰਸ ਪਾਰਟੀ ਦਾ ਇੱਕ ਵੱਡਾ ਖੇਮਾ ਸਾਬਕਾ ਵਿਤ ਮੰਤਰੀ ਪ੍ਰਤੀ ਵੱਡੀ ਹਮਦਰਦੀ ਰੱਖਦਾ ਆ ਰਿਹਾ ਹੈ। ਜਿਸਦੇ ਕਾਰਨ ਮੌਜੂਦਾ ਸਮੇਂ ਕਾਂਗਰਸ ਨਗਰ ਨਿਗਮ ਅੰਦਰ ਵੀ ਮਨਪ੍ਰੀਤ ਹਿਮਾਇਤੀ ਤੇ ਵਿਰੋਧੀ ਧੜੇ ਵਿਚ ਵੰਡੀ ਹੋਈ ਹੈ। ਹਾਲਾਂਕਿ ਪਿਛਲੇ ਦਿਨਾਂ ‘ਚ ਕਾਂਗਰਸ ਪਾਰਟੀ ਨੇ ਕਰੀਬ ਇੱਕ ਦਰਜ਼ਨ ਕੋਂਸਲਰਾਂ ਨੂੰ ਪਾਰਟੀ ਵਿਚੋਂ ਕੱਢ ਦਿੱਤਾ ਸੀ ਪਰ ਇਸਦੇ ਬਾਵਜੂਦ ਵੱਡੀ ਗਿਣਤੀ ਵਿਚ ਮਨਪ੍ਰੀਤ ਦੇ ਸਮਰਥਕ ਹਾਲੇ ਵੀ ਕਾਂਗਰਸ ਵਿਚ ਮੌਜੂਦ ਹਨ। ਜਿੰਨ੍ਹਾਂ ਦੀ ਝਲਕ ਅੱਜ ਇਸ ਪੇਸ਼ੀ ਮੌਕੇ ਦੇਖਣ ਨੂੰ ਮਿਲੀ ਹੈ। ਦਸਣਾ ਬਣਦਾ ਬਣਦਾ ਹੈ ਕਿ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ’ਚ ਹਾਰਨ ਤੋਂ ਬਾਅਦ ਪੰਜਾਬ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਬਣ ਗਏ ਸਨ। ਰਾਜਾ ਵੜਿੰਗ ਤੇ ਮਨਪ੍ਰੀਤ ਬਾਦਲ ਵਿਚਕਾਰ ਪਿਛਲੇ ਲੰਮੇ ਸਮਂੇ ਤੋਂ ਹੀ ਛੱਤੀ ਦਾ ਅੰਕੜਾ ਚੱਲ ਰਿਹਾ ਹੈ। ਜਿਸ ਕਾਰਨ ਮਨਪ੍ਰੀਤ ਬਾਦਲ ਨੇ ਕਾਂਗਰਸ ਪਾਰਟੀ ਨੂੰ ਅਲਵਿਦਾ ਕਹਿ ਕੇ ਭਾਜਪਾ ਵਿਚ ਸਮੂਲੀਅਤ ਕਰ ਲਈ ਸੀ। ਉਂਜ ਇਹ ਗੱਲ ਵੱਖਰੀ ਹੈ ਕਿ ਪਲਾਟ ਦੀ ਖਰੀਦੋ-ਫ਼ਰੌਖਤ ’ਚ ਗੜਬੜੀ ਦੇ ਦੋਸ਼ਾਂ ਵਾਲੀ ਸਿਕਾਇਤ ਭਾਜਪਾ ਦੇ ਮੌਜੂਦਾ ਜ਼ਿਲ੍ਹਾ ਪ੍ਰਧਾਨ ਤੇ ਸ: ਬਾਦਲ ਦੇ ਇੱਕ ਹੋਰ ਸਿਆਸੀ ‘ਸਰੀਕ’ ਸਰੂਪ ਚੰਦ ਸਿੰਗਲਾ ਵਲੋਂ ਹੀ ਕੀਤੀ ਗਈ ਹੈ। ਸੂਤਰਾਂ ਮੁਤਾਬਕ ਮਨਪ੍ਰੀਤ ਦੇ ਨਜਦੀਕੀਆਂ ਵਲੋਂ ਅੱਜ ਪੇਸ਼ੀ ਮੌਕੇ ਬਠਿੰਡਾ ’ਚ ਵੱਡਾ ਇਕੱਠ ਕਰਨ ਲਈ ਕਾਂਗਰਸ ਤੇ ਪੀਪਲਜ਼ ਪਾਰਟੀ ਦੇ ਸਮਰਥਕਾਂ ਤੋਂ ਇਲਾਵਾ ਭਾਜਪਾ ਬਠਿੰਡਾ ਸ਼ਹਿਰੀ ਦੇ ਕਈ ਆਗੂਆਂ ਨੂੰ ਵੀ ਫ਼ੋਨ ਕੀਤੇ ਗਏ ਸਨ ਪ੍ਰੰਤੂ ਭਾਜਪਾ ਵਲੋਂ ਇੱਥੇ ਜਸਵੀਰ ਸਿੰਘ ਮਹਿਰਾਜ, ਸੁਖਪਾਲ ਸਰਾ, ਆਸੂਤੋਸ਼ ਤਿਵਾੜੀ, ਵਿਨੋਦ ਬਿੰਟਾ ,ਸੰਦੀਪ ਅਗਰਵਾਲ ਤੇ ਮਨੀਸ਼ ਸਰਮਾ ਹੀ ਦਿਖ਼ਾਈ ਦਿੱਤੇ। ਦੂਜੇ ਪਾਸੇ ਕਾਂਗਰਸ ਪਾਰਟੀ ਨਾਲ ਸਬੰਧਤ ਆਗੂ ਤੇ ਕੋਂਸਲਰ ਮਨਪ੍ਰੀਤ ਦੀ ਹਿਮਾਇਤ ’ਚ ਪੂਰੇ ਉਤਸ਼ਾਹ ਵਿਚ ਨਜ਼ਰ ਆਏ।

ਬਾਕਸ
ਇਹ ਕਾਂਗਰਸੀ ਆਗੂ ਤੇ ਕੋਂਸਲਰ ਪੁੱਜੇ ਹੋਏ ਸਨ ਮਨਪ੍ਰੀਤ ਦੇ ਸਮਰਥਨ ’ਚ
ਬਠਿੰਡਾ: ਸਥਾਨਕ ਸਰਕਟ ਹਾਊਸ ਦੇ ਸਾਹਮਣੇ ਪੁੱਜੇ ਕਾਂਗਰਸੀ ਆਗੂਆਂ ਤੇ ਕੋਂਸਲਰਾਂ ਵਿਚ ਮੇਅਰ ਰਮਨ ਗੋਇਲ ਦੇ ਪਤੀ ਸੰਦੀਪ ਗੋਇਲ, ਡਿਪਟੀ ਮੇਅਰ ਮਾਸਟਰ ਹਰਮਿੰਦਰ ਸਿੱਧੂ, ਕੋਂਸਲਰ ਉਮੇਸ਼ ਗੋਗੀ, ਸੰਦੀਪ ਬੋਬੀ, ਰਾਜ ਕੁਮਾਰ, ਗੋਰਾ ਐਮ.ਸੀ, ਬੇਅੰਤ ਸਿੰਘ, ਸੁਖਰਾਜ ਔਲਖ, ਸੋਨੂੰ ਸੈਣੀ, ਵਿਨੋਦ ਸੈਣੀ, ਰਾਜੂ ਸਰਾਂ, ਪਰਵਿੰਦਰ ਸਿੰਘ ਨੰਬਰਦਾਰ, ਰਤਨ ਰਾਹੀ, ਸੰਦੀਪ ਕਪੂਰ, ਮੋਹਨ ਲਾਲ ਝੂੰਬਾ ਸਾਬਕਾ ਚੇਅਰਮੈਨ, ਕੁਲਜੀਤ ਗੋਗੀ, ਸੰਜੇ ਬਿਸਵਾਲ, ਸੁਰਿੰਦਰ ਗੁਪਤਾ, ਰਾਜੂ ਭੱਠੇਵਾਲਾ, ਕੋਂਸਲਰ ਰੀਨਾ ਗੁਪਤਾ, ਕੋਂਸਲਰ ਆਤਮਾ ਸਿੰਘ, ਮੇਸ਼ਾ ਚੱਕੀ ਵਾਲਾ, ਸ਼ਾਮ ਲਾਲ ਜੈਨ ਐਮ.ਸੀ, ਇੰਦਰਜੀਤ ਸਿੰਘ ਐਮ.ਸੀ, ਰਜਿੰਦਰ ਸਿੱਧੂ,ਅਸੈਸਰ ਪਾਸਵਾਨ, ਸਬਜੀ ਮੰਡੀ ਦੇ ਆਗੂ ਪ੍ਰਿਤਪਾਲ ਪਾਲੀ ਤੋਂ ਇਲਾਵਾ ਗਿੱਦੜਵਹਾ ਹਲਕੇ ਨਾਲ ਵੀ ਇੱਕ ਵੱਡੀ ਟੀਮ ਪੁੱਜੀ ਹੋਈ ਸੀ।

ਬਾਕਸ
ਬਠਿੰਡਾ ਹੀ ਹੋਵੇਗੀ ਮੇਰੀ ਰਣਭੂਮੀ: ਮਨਪ੍ਰੀਤ ਬਾਦਲ
ਬਠਿੰਡਾ: ਇਸ ਦੌਰਾਨ ਮਨਪ੍ਰੀਤ ਬਾਦਲ ਨੇ ਅਪਣੀ ਅਗਲੀ ਰਣਨੀਤੀ ਸਪੱਸ਼ਟ ਕਰਦਿਆਂ ਕਿਹਾ ਕਿ ਉਨਾਂ ਦੀ ਰਣਭੂਮੀ ਬਠਿੰਡਾ ਹੀ ਰਹੇਗੀ। ਸ: ਬਾਦਲ ਨੇ ਕਿਹਾ ਕਿ 2014 ਦੀਆਂ ਲੋਕ ਸਭਾ ਤੇ 2017 ਦੀਆਂ ਵਿਧਾਨ ਸਭਾ ਚੋਣਾਂ ’ਚ ਬਠਿੰਡਾ ਦੇ ਲੋਕਾਂ ਨੇ ਬਹੁਤ ਪਿਆਰ ਦਿੱਤਾ ਹੈ ਤੇ 2022 ਦੀਆਂ ਚੋਣਾਂ ’ਚ ਦਿੱਤਾ ਫ਼ਤਵਾ ਉਹ ਸਿਰ ਮੱਥੇ ਮੰਨਦੇ ਹਨ। ਜਿਸਦੇ ਚੱਲਦੇ ਉਹ ਕਿਤੇ ਛੱਡ ਕੇ ਨਹੀਂ ਜਾ ਰਹੇ, ਬਲਕਿ ਹਮੇਸ਼ਾ ਬਠਿੰਡਾ ਦੇ ਲੋਕਾਂ ਵਿਚ ਹੀ ਰਹਿਣਗੇ।