Bathinda News: Bathinda PRTC (ਬਠਿੰਡਾ ਦੇ ਪੀ.ਆਰ.ਟੀ.ਸੀ. ਡਿਪੂ) ਵਿੱਚ ਰਿਸ਼ਵਤਖੋਰੀ ਦੇ ਵੱਡੇ ਸਕੈਂਡਲ ਨੂੰ ਵਿਜੀਲੈਂਸ ਨੇ ਬੇਨਕਾਬ ਕੀਤਾ ਹੈ। ਕਥਿਤ ਤੌਰ ‘ਤੇ ਉੱਚ ਅਧਿਕਾਰੀਆਂ ਦੇ ਇਸ਼ਾਰਿਆਂ ‘ਤੇ ਇਸ ਗੋਰਖਧੰਦੇ ਨੂੰ ਕੁੱਝ ਵਿਸ਼ਵਾਸਪਾਤਰ ਹੇਠਲੇ ਕਰਮਚਾਰੀਆਂ ਦੁਆਰਾ ਚਲਾਇਆ ਜਾਂਦਾ ਹੈ। ਇਸ ਮਾਮਲੇ ਵਿਚ ਬਠਿੰਡਾ ਵਿਜਿਲੈਂਸ ਬਿਊਰੋ ਵੱਲੋਂ ਵੱਡੀ ਕਾਰਵਾਈ ਕਰਦੇ ਹੋਏ ਇੱਕ ਕੰਡਕਟਰ ਨਰਿੰਦਰ ਸਿੰਘ ਨੂੰ ਰੰਗੇ ਹੱਥੀਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ,ਜੋਕਿ ਪੀਆਰਟੀਸੀ ਦੇ ਇੱਕ ਡਰਾਈਵਰ ਨੂੰ ਮਨਪਸੰਦ ਰੂਟ ‘ਤੇ ਭੇਜਣ ਲਈ 20 ਹਜ਼ਾਰ ਰੁਪਏ ਦੀ ਰਿਸ਼ਵਤ ਲੈ ਰਿਹਾ ਸੀ।
ਇਹ ਵੀ ਪੜ੍ਹੋ Punjab Police ‘ਚ ਫ਼ੇਰਬਦਲ; Vigilance Bureau ਨੂੰ ਮਿਲਿਆ ਨਵਾਂ Chief
ਚਰਚਾ ਮੁਤਾਬਕ ਇਸ ਪੂਰੇ ਕਾਂਡ ਵਿਚ ਪੀਆਰਟੀਸੀ ਦੇ ਇੱਕ ਮੈਨੇਨਿਕ ਦਾ ਨਾਮ ਵੀ ਸਾਹਮਣੇ ਆਇਆ, ਜਿਸਨੂੰ ਵਿਜੀਲੈਂਸ ਵੱਲੋਂ ਜਲਦ ਹੀ ਗ੍ਰਿਫਤਾਰ ਕੀਤਾ ਜਾ ਸਕਦਾ। ਇਸਤੋਂ ਇਲਾਵਾ ਸਾਹਮਣੇ ਆਈਆਂ ਰਿਕਾਰਡਿੰਗਾਂ ਦੇ ਵਿਚ ਬਠਿੰਡਾ ਡਿੱਪੂ ਦੇ ਵੱਡੇ ‘ਸਾਹਿਬਾਂ’ ਦੇ ਨਾਮ ਵੀ ਬੋਲਦੇ ਹਨ, ਜਿੰਨ੍ਹਾਂ ਉੱਪਰ ਵਿਜੀਲੈਂਸ ਅੱਗੇ ਕੋਈ ਕਾਰਵਾਈ ਕਰਦੀ ਹੈ ਜਾਂ ਪਹਿਲਾਂ ਦੇ ਕੁੱਝ ਮਾਮਲਿਆਂ ਦੀ ‘ਠੱਪ’ ਕਰਦੀ ਹੈ, ਇਹ ਭਵਿੱਖ ਦੇ ਗਰਭ ਵਿਚ ਹੈ।
ਦਸਿਆ ਜਾ ਰਿਹਾ ਕਿ ਤਾਜ਼ਾ ਮਾਮਲੇ ਵਿਚ ਪੀ.ਆਰ.ਟੀ.ਸੀ. ਦੇ ਡਰਾਈਵਰ ਸੁਖਰਾਜ ਸਿੰਘ ਵੱਲੋਂ ਵਿਜਿਲੈਂਸ ਬਿਊਰੋ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ ਕਿ ਡਿਪੂ ਦੇ ਕੁਝ ਕਰਮਚਾਰੀ ਉਸਨੂੰ ਤੰਗ ਕਰ ਰਹੇ ਹਨ ਅਤੇ ਮਨਪਸੰਦ ਰੂਟ ਦੇਣ ਦੇ ਬਦਲੇ ਪੈਸਿਆਂ ਦੀ ਮੰਗ ਕਰਦੇ ਹਨ। ਇਸ ਸਬੰਧੀ ਉਸਦੇ ਵੱਲੋਂ ਕੁੱਝ ਰਿਕਾਰਡਿੰਗਾਂ ਵੀ ਵਿਜੀਲੈਂਸ ਨੂੰ ਮੁਹੱਈਆ ਕਰਵਾਈਆਂ ਗਈਆਂ।ਸ਼ਿਕਾਇਤ ਦੇ ਆਧਾਰ ’ਤੇ ਵਿਜਿਲੈਂਸ ਬਿਊਰੋ ਬਠਿੰਡਾ ਦੀ ਟੀਮ ਨੇ ਯੋਜਨਾ ਤਿਆਰ ਕਰਕੇ ਟ੍ਰੈਪ ਲਗਾਇਆ। ਜਿਵੇਂ ਹੀ ਮੁਲਜ਼ਮ ਨੇ ਸ਼ਿਕਾਇਤਕਰਤਾ ਤੋਂ 20 ਹਜ਼ਾਰ ਰੁਪਏ ਰਿਸ਼ਵਤ ਵਜੋਂ ਲਏ, ਟੀਮ ਨੇ ਉਸਨੂੰ ਮੌਕੇ ’ਤੇ ਹੀ ਰੰਗੇ ਹੱਥੀਂ ਕਾਬੂ ਕਰ ਲਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
