Moga News: ਐਸ.ਐਸ.ਪੀ ਅਜੈ ਗਾਂਧੀ ਦੇ ਦਿਸ਼ਾ ਨਿਰਦੇਸ਼ਾ ਹੇਠ ਜ਼ਿਲ੍ਹਾ ਪੁਲਿਸ ਵੱਲੋਂ ਮਾੜੇ ਅਨਸਰਾਂ ਵਿਰੁਧ ਵਿੱਢੀ ਮੁਹਿੰਮ ਤਹਿਤ ਮੋਗਾ ਦੇ CIA Staff ਨੂੰ ਉਸ ਸਮੇਂ ਵੱਡੀ ਸਫ਼ਲਤਾ ਮਿਲੀ ਜਦ ਕੇਂਦਰੀ ਏਜੰਸੀ ਨਾਲ ਸਾਝੇ ਅਪਰੇਸ਼ਨ ਦੌਰਾਨ ਦੋ ਵਿਅਕਤੀਆਂ ਨੂੰ ਕਾਬੂ ਕਰਦਿਆਂ ਉਨ੍ਹਾਂ ਦੇ ਕੋਲੋਂ 1 ਰਾਈਫ਼ਲ ਤੇ 1 ਪਿਸਤੌਲ ਸਹਿਤ ਸੈਕੜੇ ਕਾਰਤੂਸ਼ ਅਤੇ ਲੱਖਾਂ ਰੁਪਏ ਦੀ ਨਗਦੀ ਬਰਾਮਦ ਕੀਤੀ ਗਈ। ਐਸਐਸਪੀ ਅਜੈ ਗਾਂਧੀ ਨੇ ਦਸਿਆ ਕਿ 19/20 ਮਈ ਦੀ ਦਰਮਿਆਨੀ ਰਾਤ ਨੂੰ ਇੱਕ ਖੂਫੀਆ ਇੰਨਫੋਰਮੇਸ਼ਨ ’ਤੇ ਸੀ.ਆਈ.ਏ ਸਟਾਫ ਮੋਗਾ ਪੁਲਿਸ ਪਾਰਟੀ ਵੱਲੋ ਕੇਂਦਰੀ ਏਜੰਸੀ ਨਾਲ ਸਾਝੇ ਅਪਰੇਸ਼ਨ ਦੌਰਾਨ ਬਲਰਾਜ ਸਿੰਘ ਵਾਸੀ ਪ੍ਰਵਾਨਾ ਨਗਰ ਮੋਗਾ ਅਤੇ ਦਵਿੰਦਰ ਸਿੰਘ ਵਾਸੀ ਬੁੱਕਣਵਾਲਾ ਦੇ ਘਰ ਰੇਡ ਕੀਤੀ ਗਈ ਪ੍ਰੰਤੂ ਇਹ ਘਰ ਨਹੀਂ ਮਿਲੇ।
ਇਹ ਵੀ ਪੜ੍ਹੋ ਬਠਿੰਡਾ ’ਚ SMO ਤੋਂ ਤੰਗ ਆ ਕੇ ‘ਡਾਕਟਰ’ ਵੱਲੋਂ ਅਸਤੀਫ਼ਾ ਦੇਣ ਦਾ ਐਲਾਨ, ਯੂਨੀਅਨ ਨੇ ਚੁੱਕਿਆ ਮਾਮਲਾ
ਇਸ ਦੌਰਾਨ ਘਰ ਦੀ ਸਰਚ ਕੀਤੀ ਗਈ ਤਾਂ ਦੌਰਾਨੇ ਤਲਾਸੀ ਇਹਨਾਂ ਦੇ ਘਰ ਵਿੱਚੋ ਇੱਕ 12 ਬੋਰ ਰਾਇਫਲ ਸਮੇਤ 143 ਜਿੰਦਾ ਰੋਂਦ, ਇੱਕ 30 ਬੋਰ ਪਿਸਟਲ ਅਤੇ 02 ਮੈਗਜੀਨ ਸਮੇਤ 25 ਰੋਂਦ 30 ਬੋਰ, 28 ਆਟੋ ਰੋਂਦ 32 ਬੋਰ ਰਿਵਾਲਵਰ, 08 ਜਿੰਦਾ ਕਾਰਤੂਸ 32 ਬੋਰ ਰਿਵਾਲਵਰ ਅਤੇ 120 ਰੋਂਦ 32 ਬੋਰ ਪਿਟਸਲ ਅਤੇ 1,45,100 ਰੁਪਏ ਭਾਰਤੀ ਕਾਰੰਸੀ ਅਤੇ ਕਰੀਬ 05 ਤੋਲੇ ਸੋਨੇ ਦੇ ਗਹਿਣੇ ਅਤੇ ਹੋਰ ਸਮਾਨ ਬਰਾਮਦ ਕੀਤਾ ਗਿਆ। ਜਿਸ ’ਤੇ ਇੰਨਾਂ ਵਿਰੁਧ ਮੁਕੱਦਮਾ ਨੰਬਰ:120 ਮਿਤੀ:20.05.2025 ਅ/ਧ 25(6)(7)-54-59 ਅਸਲਾ ਐਕਟ ਥਾਣਾ ਸਿਟੀ ਸਾਊਥ ਮੋਗਾ ਦਰਜ ਕੀਤਾ ਗਿਆ।
ਇਹ ਵੀ ਪੜ੍ਹੋ ਸ਼੍ਰੀ ਦਰਬਾਰ ਸਾਹਿਬ ’ਚ AD ਗੰਨ ਤੈਨਾਤ ਕਰਨ ਨੂੰ ਲੈ ਕੇ ਫ਼ੌਜ ਦਾ ਆਇਆ ਵੱਡਾ ਬਿਆਨ
ਮੁਕੱਦਮੇ ਦੀ ਤਫਤੀਸ ਦੌਰਾਨ ਇਸ ਕੇਸ ਵਿਚ ਲਖਵੀਰ ਸਿੰਘ ਉਰਫ ਲੱਖਾ ਵਾਸੀ ਬੁੱਕਣਵਾਲਾ ਅਤੇ ਨਵਜੋਤ ਸਿੰਘ ਵਾਸੀ ਮੋਠਾਵਾਲੀ ਨੂੰ ਵੀ ਨਾਮਜਦ ਕੀਤਾ ਗਿਆ ਅਤੇ ਇਹਨਾਂ ਨੂੰ ਗ੍ਰਿਫਤਾਰ ਕਰਕੇ ਇਹਨਾਂ ਪਾਸੋ 3,74,000 ਰੁਪਏ ਭਾਰਤੀ ਕਰੰਸੀ ਡਰੱਗ ਮਨੀ ਬਰਾਮਦ ਕੀਤੀ ਗਈ।ਇਹਨਾਂ ਦੋਸੀਆਨ ਦੀ ਪੁੱਛਗਿੱਛ ਦੌਰਾਨ ਪਾਇਆ ਗਿਆ ਕਿ ਇੰਨ੍ਹਾਂ ਕੋਲੋਂ ਬਰਾਮਦ ਪੈਸੇ ਇਹਨਾਂ ਨੂੰ ਬਲਰਾਜ ਸਿੰਘ ਵਾਸੀ ਬੁੱਕਣਵਾਲਾ ਨੇ ਹੈਰੋਇਨ ਲਿਆਉਣ ਸਬੰਧੀ ਦਿੱਤੇ ਸੀ, ਜੋ ਇਹਨਾਂ ਨੇ ਬਲਰਾਜ ਸਿੰਘ ਦੇ ਕਹਿਣ ਤੇ ਲੁਧਿਆਣਾ ਜਾ ਕੇ ਹੈਰੋਇਨ ਲੈ ਕੇ ਆਉਣੀ ਸੀ। ਦੋਨਾਂ ਮੁੱਖ ਮੁਲਜਮਾਂ ਨੂੰ ਕਾਬੂ ਕਰਨ ਲਈ ਟੀਮਾਂ ਵੱਲੋਂ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
