ਸੰਘਣੀ ਧੁੰਦ ਤੇ ਠੰਢ ਨੇ ਰੋਕੀ ਜਿੰਦਗੀ ਦੀ ਰਫ਼ਤਾਰ; ਰੇਲ ਗੱਡੀਆਂ ਤੇ ਫ਼ਲਾਈਟਾਂ ਵੀ ਹੋਈਆਂ ਪ੍ਰਭਾਵਿਤ

Punjab News: ਸੰਘਣੀ ਧੁੰਦ ਤੇ ਠੰਢ ਨੇ ਰੋਕੀ ਜਿੰਦਗੀ ਦੀ ਰਫ਼ਤਾਰ;ਪਿਛਲੇ ਦੋ ਦਿਨਾਂ ਤੋਂ ਉੱਤਰੀ ਭਾਰਤ ਵਿਚ ਪੈ ਰਹੀ ਸੰਘਣੀ ਧੁੰਦ ਤੇ ਠੰਢ ਨੇ ਜਿੰਦਗੀ ਦੀ ਰਫ਼ਤਾਰ ਨੂੰ ਰੋਕ ਦਿੱਤਾ ਹੈ। ਪੰਜਾਬ ਦੇ ਕਈ ਇਲਾਕਿਆਂ ਵਿਚ ਹੇਠਲਾ ਤਾਪਮਾਨ ਪਹਾੜੀ ਇਲਾਕਿਆਂ ਤੋਂ ਵੀ ਘੱਟ ਗਿਆ ਹੈ। ਲੋਕ ਘਰਾਂ ਵਿਚ ਹੀ ਰੁਕਣ ਲਈ ਮਜਬੂਰ ਹੋ ਰਹੇ ਹਨ। ਜਦਕਿ ਨੌਕਰੀਪੇਸ਼ਾ ਤੇ ਹੋਰਨਾਂ ਮਜਬੂਰੀਆਂ ਦੇ ਕਾਰਨ ਬਹੁਤ ਲੋਕਾਂ ਨੂੰ ਸੜਕਾਂ ਉੱਪਰੋਂ ਗੁਜ਼ਰਨਾ ਪੈ ਰਿਹਾ। ਇਸ ਭਿਆਨਕ ਧੁੰਦ ਤੇ ਕੋਰਾ ਨੇ ਰੇਲ ਗੱਡੀਆਂ ਤੇ ਫ਼ਲਾਈਟਾਂ ਨੂੰ ਵੀ ਵੱਡੇ ਪੱਧਰ ‘ਤੇ ਪ੍ਰਭਾਵਿਤ ਕੀਤਾ ਹੈ। ਅੱਜ ਸਵੇਰੇ ਗੋਆ ਤੋਂ ਦਿੱਲੀ ਆ ਰਹੀ ਇੱਕ ਫ਼ਲਾਈਟ ਨੂੰ ਜੀਰੋ ਵਿਜ਼ੀਵਿਲਟੀ ਕਾਰਨ ਅਹਿਮਦਾਬਾਦ ਹੀ ਉਤਾਰਨਾ ਪਿਆ।

ਇਹ ਵੀ ਪੜ੍ਹੋ Punjab Cabinet ਦੀ ਅਹਿਮ ਮੀਟਿੰਗ ਅੱਜ, ਲਏ ਜਾ ਸਕਦੇ ਹਨ ਮਹੱਤਵਪੂਰਨ ਫੈਸਲੇ

ਹਾਲਾਂਕਿ ਇਸ ਮੌਕੇ ਯਾਤਰੂਆਂ ਨੇ ਕਾਫ਼ੀ ਹੰਗਾਮਾ ਕੀਤਾ। ਪੰਜਾਬ ਦੇ ਅੰਮ੍ਰਿਤਸਰ ਤੇ ਚੰਡੀਗੜ੍ਹ ਹਵਾਈ ਅੱਡਿਆਂ ‘ਤੇ ਕਈ ਫ਼ਲਾਈਟਾਂ ਧੁੰਦ ਕਾਰਨ ਕੈਂਸਲ ਕੀਤੀਆਂ ਗਈਆਂ ਹਨ। ਇਸੇ ਤਰ੍ਹਾਂ ਰੇਲ ਗੱਡੀਆਂ ਵੀ ਕਈ-ਕਈ ਘੰਟਿਆਂ ਦੀ ਦੇਰੀ ਨਾਲ ਚੱਲ ਰਹੀਆਂ ਹਨ ਤੇ ਕਈਆਂ ਨੂੰ ਰੱਦ ਕਰਨਾ ਪਿਆ। ਇਸ ਕੋਰੇ ਦੇ ਕਾਰਨ ਸੜਕਾਂ ਉੱਪਰ ਵਿਜੀਵਿਲਟੀ ਨਾਂ-ਮਾਤਰ ਹੀ ਹੈ। ਹਾਲਾਂਕਿ ਬੱਸਾਂ ਤੇ ਕਾਰਾਂ ਸਹਿਤ ਹੋਰ ਵਹੀਕਲਾਂ ਦੀ ਰਫ਼ਤਾਰ ਕਾਫ਼ੀ ਮੱਠੀ ਪਈ ਹੋਈ ਹੈ ਪ੍ਰੰਤੂ ਧੁੰਦ ਦੇ ਚੱਲਦਿਆਂ ਪਿਛਲੇ ਕੁੱਝ ਦਿਨਾਂ ਤੋਂ ਸੜਕ ਹਾਦਸਿਆਂ ਦੀ ਗਿਣਤੀ ਵਿਚ ਵੀ ਵੱਡਾ ਵਾਧਾ ਹੋਇਆ ਹੈ।

ਇਹ ਵੀ ਪੜ੍ਹੋ Bathinda ਜੇਲ੍ਹ ਦਾ ਵਾਰਡਨ ਨਸ਼ਾ ਤਸਕਰੀ ਕਰਦਾ ਕਾਬੂ;ਹੈਰੋਇਨ ਤੇ ਅਫ਼ੀਮ ਬਰਾਮਦ

ਮੌਸਮ ਵਿਭਾਗ ਦੇ ਮਾਹਰਾਂ ਮੁਤਾਬਕ ਇਹ ਮੌਸਮ ਹਾਲੇ ਕੁੱਝ ਦਿਨ ਹੋਰ ਇਸੇ ਤਰ੍ਹਾਂ ਚੱਲੇਗੀ। ਉੰਝ ਨਵੇ ਸਾਲ ਦੇ ਸ਼ੁਰੂਆਤੀ ਦਿਨਾਂ ਵਿਚ ਪਹਾੜਾਂ ਦੇ ਨਾਲ-ਨਾਲ ਮੈਦਾਨੀ ਇਲਾਕਿਆਂ ਵਿਚ ਵੀ ਮੀਂਹ ਪੈਣ ਦੀ ਪੇਸ਼ੋਨਗੋਈ ਕੀਤੀ ਗਈ ਹੈ। ਬੱਚਿਆਂ ਤੇ ਬਜ਼ੁਰਗਾਂ ਲਈ ਇਹ ਭਿਆਨਕ ਠੰਢ ਤੇ ਧੁੰਦ ਭਾਰੂ ਪੈ ਰਹੀ ਹੈ। ਹਸਪਤਾਲਾਂ ਵਿਚ ਖੰਘ, ਜੁਖਾਮ ਤੇ ਬੁਖਾਰ ਦੇ ਮਰੀਜ਼ਾਂ ਦੀ ਗਿਣਤੀ ਵਿਚ ਵਾਧਾ ਹੋਇਆ। ਦੂਜੇ ਪਾਸੇ ਇਹ ਠੰਢ ਤੇ ਕੋਰਾ ਕਣਕ ਦੀਆਂ ਫ਼ਸਲਾਂ ਲਈ ਵਰਦਾਨ ਸਾਬਤ ਹੋ ਰਹੀ ਹੈ।

👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।

Whatsapp Channel 👉 🛑https://whatsapp.com/channel/0029VbBYZTe89inflPnxMQ0A

Whatsapp Group👉 🛑https://chat.whatsapp.com/EK1btmLAghfLjBaUyZMcLK

Telegram Channel👉 🛑https://t.me/punjabikhabarsaarwebsite

☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।