ਰੂਪਨਗਰ, 19 ਅਗਸਤ: ਅੱਜ ਸਵੇਰੇ ਕੀਰਤਪੁਰ-ਮਨਾਲੀ ਰੋਡ ’ਤੇ ਵਾਪਰੇ ਇੱਕ ਦਰਦਨਾਕ ਹਾਦਸੇ ਵਿਚ ਸੇਬਾਂ ਨਾਲ ਭਰਿਆ ਹੋਇਆ ਇੱਕ ਟਰੱਕ ਪਲਟ ਗਿਆ, ਜਿਸਦੇ ਕਾਰਨ ਟਰੱਕ ਡਰਾਈਵਰ ਦੀ ਥਾਈ ਮੌਤ ਹੋ ਗਈ। ਜਦੋਂਕਿ ਕੰਡਕਟਰ ਗੰਭੀਰ ਰੂਪ ਵਿਚ ਜਖ਼ਮੀ ਹੋ ਗਿਆ। ਇਹ ਹਾਦਸਾ ਤੇਜ ਰਫ਼ਤਾਰ ਕਾਰਨ ਵਾਪਰਿਆਂ ਦਸਿਆ ਜਾ ਰਿਹਾ, ਕਿਉਂਕਿ ਇਸ ਟਰੱਕ ਦੇ ਜਿਆਦਾ ਸਪੀਡ ’ਤੇ ਹੋਣ ਕਾਰਨ ਮੋੜ ’ਤੇ ਇਹ ਬੇਕਾਬੂ ਹੋ ਗਿਆ ਤੇ ਪਹਿਲਾਂ ਸਿੱਧਾ ਫ਼ਲਾਈਓਵਰ ਦੀ ਕੰਧ ਨਾਲ ਜਾ ਟਕਰਾਇਆ ਤੇ ਮੁੜ ਕੇ ਪਲਟ ਗਿਆ।
ਪੰਜਾਬ ਦੀ ਇਸ ਕੇਂਦਰੀ ਜੇਲ੍ਹ ’ਚ ਦੋ ਗੁੱਟਾਂ ਵਿਚ ਹੋਈ ਖ਼ੂ+ਨੀ ਝੜਪ, ਇੱਕ ਕੈਦੀ ਹੋਇਆ ਜਖ਼.ਮੀ
ਘਟਨਾ ਕਾਰਨ ਇਸ ਟਰੱਕ ਵਿਚ ਭਰੀਆਂ ਹੋਈਆਂ ਸੇਬਾਂ ਦੀਆਂ ਪੇਟੀਆਂ ਸੜਕ ਅਤੇ ਇਸਦੇ ਹੇਠਾਂ ਖਾਈ ਵਿਚ ਖਿੱਲਰ ਗਈਆਂ। ਹਾਲਾਂਕਿ ਮੌਕੇ ’ਤੇ ਪੁੱਜੀ ਨੈਸ਼ਨਲ ਹਾਈਵੇ ਅਥਾਰਟੀ ਦੀ ਐਬੂਲੈਂਸ ਵੱਲੋਂ ਟਰੱਕ ਡਰਾਈਵਰ ਤੇ ਕੰਡਕਟਰ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਪਰ ਡਾਕਟਰਾਂ ਨੇ ਡਰਾਈਵਰ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮੁਢਲੀ ਸੂਚਨਾ ਮੁਤਾਬਕ ਇਹ ਟਰੱਕ ਕੁੱਲੂ ਤੋਂ ਸੇਬ ਭਰ ਕੇ ਲਿਆਇਆ ਸੀ ਤੇ ਇਸਨੂੰ ਅੱਗੇ ਯੂ.ਪੀ ਵਾਲੀ ਸਾਈਡ ਲੈ ਕੇ ਜਾਣਾ ਸੀ। ਫ਼ਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
