👉SSP ਨੇ ਸੁਪਰਡੈਂਟ ਨੂੰ ਦਿੱਤੇ ਜਾਂਚ ਦੇ ਆਦੇਸ਼
Bathinda News: ਕੁੱਝ ਦਿਨ ਪਹਿਲਾਂ ਵਿਜੀਲੈਂਸ ਬਿਊਰੋ ਵੱਲੋਂ ਇੱਕ ਲੱਖ ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਡੀਐਸਪੀ ਭੁੱਚੋਂ ਰਵਿੰਦਰ ਸਿੰਘ ਦੇ ਗੰਨਮੈਨ ਨੂੰ ਕਾਬੂ ਕੀਤਾ ਗਿਆ ਸੀ। ਇਹ ਰਿਸ਼ਵਤ ਦੇ ਪੈਸੇ ਡੀਐਸਪੀ ਦੀ ਸਰਕਾਰੀ ਗੱਡੀ ਵਿਚੋਂ ਵਿਜੀਲੈਂਸ ਦੀ ਟੀਮ ਨੇ ਬਰਾਮਦ ਕੀਤੇ ਸਨ ਅਤੇ ਮੁਦਈ ਵੱਲੋਂ ਵਿਜੀਲੈਂਸ ਨੂੰ ਸੌਪੀ ਕਥਿਤ ਰਿਕਾਰਡਿੰਗ ਦੇ ਵਿਚ ਗੰਨਮੈਨ ਵੱਲੋਂ ਡੀਐਸਪੀ ਦਾ ਨਾਮ ਲਏ ਜਾਣ ਦੀ ਚਰਚਾ ਚੱਲੀ ਸੀ।
ਇਹ ਵੀ ਪੜ੍ਹੋ ਬਠਿੰਡਾ ਦੇ ਬੱਸ ਅੱਡੇ ‘ਚ ਬੱਸ ਵਿਚ ਵੜਿਆ ਸੱਪ, ਮੋਬਾਇਲ ‘ਤੇ ਵੀਨ ਵਜ੍ਹਾ ਕੇ ਕਾਬੂ ਕਰਨ ਦੀ ਕੀਤੀ ਕੋਸ਼ਿਸ਼ , ਦੇਖੋ ਵੀਡੀਓ
ਪ੍ਰੰਤੂ ਵਿਜੀਲੈਂਸ ਦੀ ‘ਮਿਹਰਨਬਾਨੀ’ ਜਾਂ ਹੋਰ ਕਾਰਨਾਂ ਕਰਕੇ ਇਹ ਮਾਮਲਾ ਦਬ ਗਿਆ ਪਰ ਅੱਜ ਸ਼ਨੀਵਾਰ ਨੂੰ ਇਹ ਦਫ਼ਤਰ ਮੁੜ ਉਸ ਸਮੇਂ ਚਰਚਾ ਵਿਚ ਆ ਗਿਆ ਜਦ ਡੀਐਸਪੀ ਦੇ ਰੀਡਰ ਤੇ ਹੋਰ ਸਟਾਫ਼ ਵੱਲੋਂ ਕੁੱਝ ਸਰਕਾਰੀ ਰਿਕਾਰਡ ਨੂੰ ਦਫ਼ਤਰ ਵਿਚੋਂ ਕੱਢ ਕੇ ਅੱਗ ਲਗਾਉਣ ਦੀ ਚਰਚਾ ਮੀਡੀਆ ਵਿਚ ‘ਅੱਗ’ ਦੀ ਤਰ੍ਹਾਂ ਫੈਲ ਗਈ। ਕੁੱਝ ਪੱਤਰਕਾਰਾਂ ਵੱਲੋਂ ਮੌਕੇ ‘ਤੇ ਪੁੱਜ ਕੇ ਘਟਨਾ ਨੂੰ ਰਿਕਾਰਡ ਵੀ ਕੀਤਾ ਗਿਆ।
ਇਹ ਵੀ ਪੜ੍ਹੋ ਪੰਜਾਬ ਪੁਲਿਸ ਦੇ ਸਾਂਝ ਕੇਂਦਰ ਦੀ ਇੰਚਾਰਜ਼ ਮਹਿਲਾ ਇੰਸਪੈਕਟਰ ਭ੍ਰਿਸ਼ਟਾਚਾਰ ਦੇ ਮਾਮਲੇ ‘ਚ ਗ੍ਰਿਫਤਾਰ
ਜਿਸਦੇ ਵਿਚ ਉਨ੍ਹਾਂ ਦਾਅਵਾ ਕੀਤਾ ਕਿ ਸਾੜੇ ਗਏ ਰਿਕਾਰਡ ਵਿਚ ਸਰਕਾਰੀ ਨੰਬਰ ਲੱਗੇ ਹੋਏ ਸਾਲ 2023 ਦੇ ਕੁੱਝ ਦਸਤਾਵੇਜ਼ ਵੀ ਦਿਖਾਈ ਦਿੱਤੇ। ਹਾਲਾਂਕਿ ਸੰਪਰਕ ਕਰਨ ‘ਤੇ ਡੀਐਸਪੀ ਰਵਿੰਦਰ ਸਿੰਘ ਨੇ ਦਾਅਵਾ ਕੀਤਾ ਕਿ ਇਹ ਫ਼ਾਲਤੂ ਕਾਗਜ਼ ਸਨ, ਜਿਸਨੂੰ ਮੱਛਰ ਫੈਲਣ ਦੇ ਡਰੋਂ ਅੱਗ ਲਗਾਈ ਗਈ। ਉਧਰ, ਬਠਿੰਡਾ ਦੇ ਐਸਐਸਪੀ ਅਮਨੀਤ ਕੌਂਡਲ ਨੇ ਦਸਿਆ ਕਿ ਮਾਮਲਾ ਉਨ੍ਹਾਂ ਦੇ ਧਿਆਨ ਵਿਚ ਆਇਆ ਹੈ ਤੇ ਸੁਪਰਡੈਂਟ ਨੁੰ ਇਸਦੀ ਪੜਤਾਲ ਲਈ ਕਿਹਾ ਗਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
