ਸੋਨੀਪਤ, 20 ਅਪ੍ਰੈਲ: ਹਰਿਆਣਾ ਦੇ ਸੋਨੀਪਤ ਸ਼ਹਿਰ ਵਿਚ ਇੱਕ ਰੂਹ ਕੰਬਾਊ ਮਾਮਲਾ ਸਾਹਮਣੇ ਆਇਆ ਹੈ। ਸ਼ਹਿਰ ਦੇ ਮੋਹਨ ਨਗਰ ਵਿਚ ਬੀਤੇ ਦਿਨ ਉਸ ਸਮੇਂ ਸਨਸਨੀ ਫ਼ੈਲ ਗਈ ਜਦ ਇੱਕ ਕਲਯੁਗੀ ਮਾਂ ਨੇ ਅਪਣੇ ਪ੍ਰੇਮੀ ਨਾਲ ਮਿਲਕੇ ਕਥਿਤ ਤੌਰ ‘ਤੇ ਅਪਣੀ ਪੰਜ ਸਾਲਾਂ ਮਾਸੂਮ ਬੱਚੀ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕਰਦਿਆਂ ਉਸਦਾ ਕਤਲ ਕਰ ਦਿੱਤਾ। ਰੁਬੀਨਾ ਨਾਂ ਦੀ ਇਸ ਔਰਤ ਦਾ ਕਰੀਬ ਡੇਢ ਸਾਲ ਪਹਿਲਾਂ ਅਪਣੇ ਪਤੀ ਫ਼ਿਰੌਜ ਨਾਲ ਤਲਾਕ ਹੋਇਆ ਸੀ ਤੇ ਤਨਵੀਂ ਨਾਂ ਦੀ ਇਹ ਬੱਚੀ ਅਪਣੀ ਮਾਂ ਦੇ ਨਾਲ ਰਹਿ ਰਹੀ ਸੀ।
ਪਹਿਲੇ ਗੇੜ੍ਹ ’ਚ ਵੋਟ ਪਾਉਣ ਵਾਲੀ ਦੁਨੀਆਂ ਦੀ ਸੱਭ ਤੋਂ ਛੋਟੇ ਕੱਦ ਵਾਲੀ ‘ਜੋਤੀ ਅਮਗੇ’ ਮੁੜ ਚਰਚਾ ’ਚ
ਮੁਢਲੀ ਸੂਚਨਾ ਮੁਤਾਬਕ ਇਹ ਕਲਯੁਗੀ ਮਾਂ ਰੁਬੀਨਾ ਅਪਣੇ ਪਤੀ ਨਾਲੋਂ ਤਲਾਕ ਮਿਲਣ ਤੋਂ ਬਾਅਦ ਅਪਣੇ ਪ੍ਰੇਮੀ ਪੰਕਜ਼ ਦੇ ਨਾਲ ਰਹਿ ਰਹੀ ਸੀ। ਇਸ ਔਰਤ ਦੇ ਪਤੀ ਫ਼ਿਰੌਜ ਨੇ ਪੁਲਿਸ ਕੋਲ ਦਸਿਆ ਕਿ ਔਰਤ ਨੇ ਖ਼ੁਦ ਬੱਚੀ ਦੀ ਹਾਲਾਤ ਬਾਰੇ ਦਸਿਆ ਤੇ ਜਦ ਮੌਕੇ ’ਤੇ ਪੁੱਜੇ ਤਾਂ ਲੜਕੀ ਦੀ ਹਾਲਾਤ ਗੰਭੀਰ ਸੀ ਤੇ ਮੌਤ ਹੋ ਗਈ ਸੀ। ਫ਼ਿਲਹਾਲ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਦਸਿਆ ਜਾ ਰਿਹਾ ਹੈ ਕਿ ਔਰਤ ਤੇ ਉਸਦਾ ਪ੍ਰੇਮੀ ਘਟਨਾ ਤੋਂ ਬਾਅਦ ਫ਼ਰਾਰ ਹੋ ਗਿਆ ਹੈ।
