Gurdaspur News: Gurdaspur Encounter Case; 22-23 ਫ਼ਰਵਰੀ ਦੀ ਰਾਤ ਨੂੰ ਗੁਰਦਾਸਪੁਰ ਦੇ ਦੋਰਾਂਗਲਾ ਪੁਲਿਸ ਸਟੇਸ਼ਨ ਅਧੀਨ ਆਉਂਦੀ ਪੁਲਿਸ ਪੋਸਟ ਆਦੀਆ ਵਿਖੇ ਦੋ ਪੁਲਿਸ ਮੁਲਾਜਮਾਂ ਦੀ ਮੌਤ ਦੇ ਮਾਮਲੇ ਵਿਚ ਕਥਿਤ ਮੁਲਜ਼ਮ ਦੱਸ ਕੇ ਪੁਲਿਸ ਮੁਕਾਬਲੇ ਵਿਚ ਮਾਰੇ ਗਏ 19 ਸਾਲਾਂ ਨੌਜਵਾਨ ਰਣਜੀਤ ਸਿੰਘ ਦੀ ਲਾਸ਼ ਅੱਜ ਪਿੰਡ ਪੁੱਜ ਗਈ ਹੈ। 25 ਫ਼ਰਵਰੀ ਨੂੰ ਤੜਕਸਾਰ ਹੋਏ ਇਸ ਪੁਲਿਸ ਮੁਕਾਬਲੇ ਤੋਂ ਬਾਅਦ ਪ੍ਰਵਾਰ ਵੱਲੋਂ ਲਗਾਤਾਰ ਸੀਬੀਆਈ ਜਾਂਚ ਦੀ ਮੰਗ ਨੂੰ ਲੈ ਕੇ ਸੰਘਰਸ਼ ਕੀਤਾ ਜਾ ਰਿਹਾ ਸੀ।
ਇਹ ਵੀ ਪੜ੍ਹੋ ਸਰਪੰਚ ਕ+ਤ+ਲ ਕਾਂ+ਡ; 15 ਦਿਨਾਂ ਬਾਅਦ ਦੋਵੇਂ ਸ਼ੂਟਰ ਪੁਲਿਸ ਮੁਕਾਬਲੇ ਤੋਂ ਬਾਅਦ ਕਾਬੂ, AK-47 ਵੀ ਬਰਾਮਦ
ਇਸ ਦੌਰਾਨ ਮਾਮਲਾ ਅਦਾਲਤ ਵਿਚ ਵੀ ਪੁੱਜਿਆ, ਜਿੱਥੇ ਅਦਾਲਤ ਵੱਲੋਂ ਮਹੱਤਵਪੂਰਨ ਫੈਸਲਾ ਸੁਣਾਉਂਦਿਆਂ ਜਿੰਮੇਵਾਰ ਪੁਲਿਸ ਅਫ਼ਸਰਾਂ ਦੇ ਫ਼ੋਨਾਂ ਦੀ 20 ਤੋਂ 28 ਫ਼ਰਵਰੀ ਤੱਕ ਦੀ ਫ਼ੋਨ ਕਾਲ ਡਿਟੇਲ ਤੇ ਲੁਕੇਸ਼ਨ ਸੁਰੱਖਿਅਤ ਰੱਖਣ ਤੋਂ ਇਲਾਵਾ ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ ਦੀ ਨਿਗਰਾਨੀ ਹੇਠ ਡਾਕਟਰਾਂ ਦੇ ਬੋਰਡ ਵੱਲੋਂ ਪੋਸਟਮਾਰਟਮ ਕਰਵਾਉਣ ਦੇ ਆਦੇਸ਼ ਦਿੱਤੇ ਸਨ। ਪ੍ਰਵਾਰ ਨੇ ਇੰਨ੍ਹਾਂ ਆਦੇਸ਼ਾਂ ਤਹਿਤ ਬੀਤੇ ਕੱਲ ਪੋਸਟਮਾਰਟਮ ਕਰਵਾ ਲਿਆ ਸੀ ਤੇ ਹੁਣ ਅੱਜ ਮ੍ਰਿਤਕ ਦੇਹ ਨੂੰ ਅੱਜ ਘਰ ਲਿਜਾਇਆ ਗਿਆ।
ਇਹ ਵੀ ਪੜ੍ਹੋ Mansa ਦੋਹਰਾ ਕ+ਤ+ਲ ਕਾਂਡ; ‘ਨਿਉਲੇ’ ਨੇ ਕੁਹਾੜੀ ਨਾਲ ਵੱਢਿਆ ਸੀ ਫ਼ਾਰਮ ਹਾਉਸ ਦੇ ਮਾਲਕ ਤੇ ਮਾਲੀ ਨੂੰ !
ਪ੍ਰਵਾਰ ਵੱਲੋਂ ਹਾਲੇ ਅੰਤਿਮ ਸੰਸਕਾਰ ਕਰਨ ਤੋਂ ਇੰਨਕਾਰ ਕੀਤਾ ਗਿਆ ਹੈ ਤੇ ਲਾਸ਼ ਨੂੰ ਨਿੱਜੀ ਫਰਿਜ ਦਾ ਪ੍ਰਬੰਧ ਕਰਕੇ ਘਰ ਵਿਚ ਹੀ ਰੱਖਿਆ ਜਾਵੇਗਾ। ਪਰਿਵਾਰ ਵੱਲੋਂ ਰਣਜੀਤ ਸਿੰਘ ਦਾ ਸਸਕਾਰ ਕਰਨ ਦਾ ਫਿਲਹਾਲ ਕੋਈ ਇਰਾਦਾ ਨਹੀਂ ਹੈ, ਇੱਕ ਤਾਂ ਰਣਜੀਤ ਸਿੰਘ ਦੇ ਪਿਤਾ ਦੀ ਉਡੀਕ ਕੀਤੀ ਜਾਵੇਗੀ ਦੂਜਾ ਪੋਸਟਮਾਰਟਮ ਸਬੰਧੀ ਤਸੱਲੀ ਹੋਣ ਮਗਰੋਂ ਹੀ ਸਸਕਾਰ ਬਾਰੇ ਵਿਚਾਰ ਕੀਤੀ ਜਾਵੇਗੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
