Faridkot News: ਪੂਰੀ ਦੁਨੀਆਂ ਦੇ ਪੰਜਾਬੀ ਭਾਈਚਾਰੇ ‘ਚ ਗੁੱਸੇ ਤੇ ਸੋਗ ਦੀ ਲਹਿਰ ਪੈਦਾ ਕਰਨ ਵਾਲੇ ਵਾਪਰੇ ਗੁਰਵਿੰਦਰ ਕਤਲ ਕਾਂਡ ‘ਚ ਹੁਣ ਕਾਤਲ ਧੀ ਪ੍ਰਤੀ ਪਿਉ ਦਾ ਗੁੱਸਾ ਫੁੱਟਿਆ ਹੈ। ਵੱਖ ਵੱਖ ਮੀਡੀਆ ਚੈੱਨਲਾਂ ਦੇ ਨਾਲ ਗੱਲਬਾਤ ਕਰਦਿਆਂ ਦੁਖੀ ਪਿਤਾ ਜੱਸਾ ਸਿੰਘ ਨੇ ਕਿਹਾ ਹੈ ਕਿ,”ਰੁਪਿੰਦਰ ਨੇ ਸਾਡਾ ਜਵਾਈ ਨਹੀਂ, ਪੁੱਤ ਮਾਰਿਆ ਹੈ।” ਪਿਉ ਨੇ ਕਿਹਾ ਕਿ ਗੁਰਵਿੰਦਰ ਜਦ ਵੀ ਉਨ੍ਹਾਂ ਦੇ ਘਰ ਆਇਆ, ਕਦੇ ਵੀ ਜਵਾਈ ਨਹੀਂ, ਬਲਕਿ ਪੁੱਤ ਬਣ ਕੇ ਹੀ ਆਇਆ। ਬਾਪ ਨੇ ਇਹ ਵੀ ਕਿਹਾ ਕਿ ਹੁਣ ਰੁਪਿੰਦਰ ਕੌਰ ਨੇ ਧੀ ਅਖਵਾਉਣ ਦਾ ਹੱਕ ਖੋਹ ਲਿਆ ਹੈ। ਉਨ੍ਹਾਂ ਇਹ ਵੀ ਮੰਗ ਕੀਤੀ ਕਿ,”ਬੇਸ਼ੱਕ ਕਾਨੂੰਨ ਵਿਚ ਸੋਧ ਕਰਨੀ ਪਏ ਤਾਂ ਕੀਤੀ ਜਾਵੇ ਪ੍ਰੰਤੂ ਰੁਪਿੰਦਰ ਕੌਰ ਤੇ ਹਰਕਮਲਪ੍ਰੀਤ ਨੂੰ ਉਸੇ ਤਰ੍ਹਾਂ ਕੋਹ-ਕੋਹ ਕੇ ਖ਼ਤਮ ਕੀਤਾ ਜਾਵੇ, ਜਿਸ ਤਰ੍ਹਾਂ ਉਸਨੇ ਗੁਰਵਿੰਦਰ ਨੂੰ ਮਾਰਿਆ ਹੈ।
ਇਹ ਵੀ ਪੜ੍ਹੋ Gurwinder ਕ+ਤ+ਲ ਕਾਂਡ; ਮੁਲਜਮ ਰੁਪਿੰਦਰ ਕੌਰ ਦੀ ਆਪਣੇ ਪਤੀ ਦੀ ਜਮੀਨ-ਜਾਇਦਾਦ ‘ਤੇ ਵੀ ਸੀ ਅੱਖ!
ਭਰੇ ਹੋਏ ਗਲੇ ਤੇ ਅੱਖਾਂ ਵਿਚੋਂ ਹੰਝੂ ਕੇਰਦੇ ਹੋਏ ਜੱਸਾ ਸਿੰਘ ਨੇ ਆਪਣੇ ਪ੍ਰਵਾਰ ਉੱਪਰ ਲੱਗ ਰਹੀਆਂ ਇੰਨ੍ਹਾਂ ਤੋਹਮਤਾਂ ਨੂੰ ਵੀ ਰੱਦ ਕੀਤਾ, ਜਿਸਦੇ ਵਿਚ ਦਾਅਵਾ ਕੀਤਾ ਗਿਆ ਸੀ ਕਿ ਉਸਨੂੰ ਰੁਪਿੰਦਰ ਕੌਰ ਤੇ ਹਰਕਮਲਪ੍ਰੀਤ ਦੇ ਸਬੰਧਾਂ ਬਾਰੇ ਪਹਿਲਾਂ ਹੀ ਪਤਾ ਸੀ। ਕਤਲ ਵਾਲੀ ਰਾਤ ਦੀ ਕਹਾਣੀ ਬਿਆਨ ਕਰਦਿਆਂ ਜੱਸਾ ਸਿੰਘ ਨੇ ਕਿਹਾ ਕਿ 28-29 ਦੀ ਦਰਮਿਆਨੀ ਰਾਤ ਨੂੰ ਕਰੀਬ 12 ਵਜੇਂ ਰੁਪਿੰਦਰ ਦਾ ਹੀ ਉਸਨੂੰ ਫ਼ੋਨ ਆਇਆ ਸੀ, ਜਿਸਦੇ ਵਿਚ ਉਸਨੇ ਇਹ ਕਹਾਣੀ ਦੱਸੀ ਸੀ ਕਿ ਉਨ੍ਹਾਂ ਦੇ ਘਰ ਬੰਦੇ ਆ ਗਏ ਤੇ ਗੁਰਵਿੰਦਰ ਦੇ ਸੱਟਾਂ ਮਾਰ ਦਿੱਤੀਆਂ ਪ੍ਰੰਤੂ ਜਦ ਉਹ ਅਪਣੇ ਪਿਤਾ ਨਾਲ ਪਿੰਡ ਸੁੱਖਣਵਾਲਾ ਪੁੱਜੇ ਤਾਂ ਗੁਰਵਿੰਦਰ ਦੀ ਮੌਤ ਹੋ ਚੁੱਕੀ ਸੀ। ਉਨ੍ਹਾਂ ਇਹ ਵੀ ਖੁਲਾਸਾ ਕੀਤਾ ਕਿ ਰੁਪਿੰਦਰ ਕੌਰ ਵੱਲੋਂ ਹੀ ਹਰਕਮਲਪ੍ਰੀਤ ਦੇ ਨਾਲ ਮਿਲਕੇ ਗੁਰਵਿੰਦਰ ਦੇ ਕਤਲ ਦੀ ਜਾਣਕਾਰੀ ਵੀ ਥਾਣਾ ਸਦਰ ਵਿਚ ਸਵੇਰੇ ਮਿਲੀ।
ਇਹ ਵੀ ਪੜ੍ਹੋ ਅਬੋਹਰ ਤਹਿਸੀਲ ਕੰਪਲੈਕਸ ਕ+ਤ+ਲ ਕਾਂਡ; ਪੁਲਿਸ ਵੱਲੋਂ ਮੁੱਖ ਮੁਲਜ਼ਮ ਸਮੇਤ 4 ਗ੍ਰਿਫਤਾਰ
ਗੁਰਵਿੰਦਰ ਦੇ ਕਤਲ ਤੋਂ ਬਾਅਦ ਉਸਦੇ ਪ੍ਰਵਾਰ ਦੀ ਬਾਤ ਨਾ ਪੁੱਛਣ ਬਾਰੇ ਲਗਾਏ ਜਾ ਰਹੇ ਦੋਸ਼ਾਂ ਬਾਰੇ ਸਪੱਸ਼ਟੀਕਰਨ ਦਿੰਦਿਆਂ ਜੱਸਾ ਸਿੰਘ ਨੇ ਕਿਹਾ ਕਿ 29 ਦੀ ਸਵੇਰੇ ਉਹ ਥਾਣੇ ਤੋਂ ਸਿੱਧਾ ਪਿੰਡ ਸੁੱਖਣਵਾਲਾ ਚਲੇ ਗਏ ਅਤੇ ਤਿੰਨ ਦਿਨ ਜਾਂਦੇ ਰਹੇ। ਪ੍ਰੰਤੂ ਜਦ ਗੁਰਵਿੰਦਰ ਦੇ ਪਿਤਾ ਕੁਲਦੀਪ ਸਿੰਘ ਕੈਨੇਡਾ ਤੋਂ ਵਾਪਸ ਆ ਗਏ ਤਾਂ ਸਾਨੂੰ ਸੁਨੇਹਾ ਲੱਗਿਆ ਕਿ ਉਹ ਹੁਣ ਉਥੇ ਨਾਂ ਜਾਣ, ਜਿਸਦੇ ਚੱਲਦੇ ਉਨ੍ਹਾਂ ਦੇ ਪਿੰਡ ਦੀ ਪੰਚਾਇਤ ਗੁਰਵਿੰਦਰ ਦੇ ਘਰ ਗਈ, ਜਿੱਥੇ ਉਸਨੂੰ ਵਾਪਸ ਮੋੜ ਦਿੱਤਾ ਗਿਆ। ਉਸਤੋਂ ਦੂਜੇ ਦਿਨ ਉਹ ਖੁਦ ਆਪਣੇ ਕੁੱਝ ਰਿਸ਼ਤੇਦਾਰਾਂ ਨੂੰ ਲੈ ਕੇ ਪਿੰਡ ਸੁੱਖਣਵਾਲਾ ਵਿਖੇ ਕੁਲਦੀਪ ਸਿੰਘ ਨੂੰ ਮਿਲਣ ਗਏ ਪ੍ਰੰਤੂ ਸਾਨੂੰ ਵੀ ਬਿਨ੍ਹਾਂ ਮਿਲਾਏ ਸੱਥਰ ਤੋਂ ਹੀ ਵਾਪਸ ਮੋੜ ਦਿੱਤਾ ਗਿਆ ਤੇ ਇਸਦਾ ਉਸਦੇ ਪ੍ਰਵਾਰ ਨੂੰ ਇੰਨ੍ਹਾਂ ਦੁੱਖ ਹੈ ਕਿ ਸਮਾਜ ਨੇ ਸਾਡਾ ਕੋਈ ਕਸੂਰ ਨਾਂ ਹੋਣ ਦੇ ਬਾਵਜੂਦ ਇੱਕ ਚੰਗੇ ਪੁੱਤ ਦਾ ਅਖੀਰਲੀ ਦਫ਼ਾ ਮੂੰਹ ਵੀ ਨਹੀਂ ਦੇਖਣ ਦਿੱਤਾ ਗਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
