Moga News: ਲੰਘੀ 10 ਫ਼ਰਵਰੀ ਨੂੰ ਮੋਗਾ ਦੇ ਜੀਰਾ ਰੋਡ ‘ਤੇ ਸਥਿਤ ਇੱਕ ਫ਼ੈਕਟਰੀ ‘ਚ ਕੰਮ ਕਰਦੇ ਮਜਦੂਰਾਂ ਉਪਰ ਦਿਨ-ਦਿਹਾੜੇ ਹੋਈ ਫ਼ਾਈਰਿੰਗ ਮਾਮਲੇ ਵਿਚ ਜਿੱਥੇ ਮੋਗਾ ਪੁਲਿਸ ਨੇ ਮੁੱਖ ਤਿੰਨ ਮੁਲਜਮਾਂ ਨੂੰ ਪਹਿਲਾਂ ਹੀ ਕਾਬੂ ਕਰ ਲਿਆ ਸੀ, ਉਥੇ ਹੁਣ ਇਸ ਕੇਸ ਦੀ ਜਾਂਚ ਦੌਰਾਨ ਦਰਜ਼ਨ ਤੋਂ ਵੱਧ ਹੋਰ ਵਿਅਕਤੀਆਂ ਨੂੰ ਇਸ ਕੇਸ ਵਿਚ ਨਾਮਜ਼ਦ ਕਰਕੇ ਗ੍ਰਿਫਤਾਰ ਕੀਤਾ ਗਿਆ। ਇਸਤੋਂ ਇਲਾਵਾ ਇਸ ਕੇਸ ਵਿਚ ਸ਼ਾਮਲ ਮੁੱਖ ਮੁਲਜਮਾਂ ਤੋਂ 2 ਪਿਸਤੌਲ ਅਤੇ 2 ਜਿੰਦਾ ਗ੍ਰਨੇਡ ਵੀ ਬਰਾਮਦ ਕੀਤੇ ਗਏ ਹਨ। ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਫ਼ਰੀਦਕੋਟ ਰੇਂਜ ਦੇ ਆਈ ਜੀ ਸ੍ਰੀਮਤੀ ਨਿਲਾਂਬਰੀ ਜਗਦਲੇ ਅਤੇ ਐਸ.ਐਸ.ਪੀ ਮੋਗਾ ਅਜੇ ਗਾਂਧੀ ਨੇ ਦਸਿਆ ਕਿ ਇਸ ਕੇਸ ਵਿਚ ਐਸ.ਪੀ (ਆਈ) ਬਾਲ ਕ੍ਰਿਸ਼ਨ ਸਿੰਗਲਾ, DSP (City) ਗੁਰਪ੍ਰੀਤ ਸਿੰਘ ਦੀ ਸੁਪਰਵੀਜਨ ਹੇਠ ਮੋਗਾ ਪੁਲਿਸ ਵੱਲੋਂ ਇਹ ਸਫ਼ਲਤਾ ਪ੍ਰਾਪਤ ਕੀਤੀ ਹੈ।
ਇਹ ਵੀ ਪੜ੍ਹੋ Punjab ‘ਚ 6 ਮਾਰਚ ਤੋਂ ਬਜ਼ਟ ਸ਼ੈਸ਼ਨ, ਪਹਿਲੀ ਵਾਰ ਇਸ ਦਿਨ ਪੇਸ਼ ਹੋਵੇਗਾ ਬਜ਼ਟ
ਆਈਜੀ ਨੇ ਅੱਗੇ ਦਸਿਆ ਕਿ 15 ਫ਼ਰਵਰੀ ਨੂੰ ਇੱਕ ਸੰਖੇਪ ਮੁਕਾਬਲੇ ਤੋਂ ਬਾਅਦ ਅਕਾਸ਼ਦੀਪ ਸਿੰਘ ਵਾਸੀ ਥੰਮਣਵਾਲ ਅਤੇ ਜੋਬਨਪ੍ਰੀਤ ਸਿੰਘ ਉਰਫ ਜੋਬਨ ਨੂੰ ਕਾਬੂ ਕੀਤਾ ਗਿਆ ਸੀ। ਇਸਤੋਂ ਬਾਅਦ ਤੀਜ਼ੇ ਮੁਲਜਮ ਸ਼ਾਹਵੀਰ ਸਿੰਘ ਵਾਸੀ ਭੰਗਾਲੀ ਖੁਰਦ ਜਿਲ੍ਹਾ ਫਿਰੋਜਪੁਰ ਨੂੰ ਨਾਮਜਦ ਕਰਕੇ ਗ੍ਰਿਫਤਾਰ ਕੀਤਾ ਗਿਆ ਸੀ। ਇਸਤੋਂ ਬਾਅਦ ਇੰਨ੍ਹਾਂ ਨੂੰ ਠਹਿਰ, ਸਾਧਨ ਅਤੇ ਸ਼ਹਿ ਦੇਣ ਦੇ ਵਿਚ ਜੋਬਨਪ੍ਰੀਤ ਸਿੰਘ ਦੇ ਭਰਾ ਹਰਮਨਜੋਤ ਸਿੰਘ ਤੇ ਮਾਤਾ ਇੰਦਰਜੀਤ ਕੋਰ ਵਾਸੀਆਨ ਭੰਗਾਲੀ (ਨਰੈਣਗੜ) ਜਿਲਾ ਫਿਰੋਜਪੁਰ, ਅਕਾਸ਼ਦੀਪ ਦੀ ਮਾਤਾ ਪ੍ਰਵੀਨ ਕੋਰ ਅਤੇ ਭੈਣ ਸੰਦੀਪ ਕੋਰ ਵਾਸੀ ਥੰਮਣਵਾਲਾ ਜਿਲਾ ਮੋਗਾ ਤੋਂ ਇਲਾਵਾ ਸ਼ਾਹਵੀਰ ਸਿੰਘ ਦੇ ਪਿਤਾ ਹਰਜੀਤ ਸਿੰਘ ਨੂੰ ਨਾਮਜਦ ਕੀਤਾ ਸੀ। ਇਸੇ ਤਰ੍ਹਾਂ ਪਿੰਡ ਥੰਮਣਵਾਲਾ ‘ਚ ਪੁਲਿਸ ਪਾਰਟੀ ਦੀ ਰੇਡ ਦੌਰਾਨ ਡਿਊਟੀ ਵਿੱਚ ਵਿਘਨ ਪਾਉਣ ਦੇ ਮਾਮਲੇ ਵਿਚ ਵੀ ਅਕਾਸ਼ਦੀਪ ਸਿੰਘ ਦਾ ਪਿਤਾ ਗੁਰਪ੍ਰੀਤ ਸਿੰਘ ਚਾਚੇ ਦਾ ਲੜਕਾ ਨਵਦੀਪ ਸਿੰਘ, ਚਾਚਾ ਸੁਖਮੰਦਰ ਸਿੰਘ ਅਤੇ ਗੁਆਂਢੀ ਸਤਨਾਮ ਸਿੰਘ ਨੂੰ ਵੀ ਨਾਮਜਦ ਕਰਕੇ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ ਓ ਤੇਰੀ, Bathinda ‘ਚ ਚੂਹਿਆਂ ਨੇ ‘ਬੰਦੇ’ ਨੂੰ ਖਾਧਾ ! ਪੁਲਿਸ ਵੱਲੋਂ ਜਾਂਚ ਸ਼ੁਰੂ
ਆਈ ਜੀ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਪੁਛਗਿਛ ਦੌਰਾਨ ਮੁੱਖ ਮੁਲਜ਼ਮਾਂ ਨੇ ਦਸਿਆ ਕਿ ਇਸ ਹਮਲੇ ਦੀ ਸ਼ਾਜਸ ਕਰਨ ਦੇ ਵਿਚ ਲਖਵਿੰਦਰ ਸਿੰਘ ਤੇ ਸੁਖਵੀਰ ਸਿੰਘ ਉਰਫ ਗੱਗੂ ਵਾਸੀ ਭੰਗਾਲੀ (ਨਰੈਣਗੜ) ਜਿਲਾ ਫਿਰੋਜਪੁਰ ਤੋਂ ਇਲਾਵਾ ਸੁਭਨੀਤ ਸਿੰਘ ਉਰਫ ਸੁਭ ਪੁੱਤਰ ਵਾਸੀ ਮਿਸ਼ਰੀ ਵਾਲਾ ਜਿਲ੍ਹਾ ਫਿਰੋਜਪੁਰ ਵੀ ਸ਼ਾਮਲ ਸਨ, ਜਿੰਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਪੁਲਿਸ ਅਧਿਕਾਰੀਆਂ ਨੇ ਇਹ ਵੀ ਦਸਿਆ ਕਿ ਦੋਰਾਨੇ ਤਫਤੀਸ਼ ਇਹ ਗੱਲ ਸਾਹਮਣੇ ਆਈ ਕਿ ਮੁਕੱਦਮਾ ਨਾਲ ਸਬੰਧਤ ਵਾਰਦਾਤ ਦੀ ਰਾਤ ਤੋ ਪਹਿਲਾ 09.02.2026 ਨੂੰ ਜੋਬਨਪ੍ਰੀਤ ਸਿੰਘ ਉਰਫ ਜੋਬਨ ਅਤੇ ਸ਼ਾਹਵੀਰ ਸਿੰਘ ਪਾਸ ਸੂਬਮ ਸ਼ਰਮਾ ਵਾਸੀ ਵਾਰਡ ਨੰਬਰ 03 ਮਾਤੋ (ਜੰਮੂ ਕਸ਼ਮੀਰ) ਅਤੇ ਅਮਨ ਸ਼ਰਮਾ ਵਾਸੀ ਖੌਰ, ਨੇੜੇ ਸ਼ਿਵ ਮੰਦਰ (ਜੰਮੂ ਅਤੇ ਕਸ਼ਮੀਰ) ਸਮੇਤ 02 ਹੋਰ ਨਾ-ਮਲੂਮ ਵਿਅਕਤੀ ਇੰਹਨਾ ਦੇ ਪਿੰਡ ਭੰਗਾਲੀ, ਜਿਲ੍ਹਾ ਫਿਰੋਜਪੁਰ ਆਏ ਸਨ। ਜਿੰਨਾ ਨੇ ਇਹਨਾ ਦੋਨਾਂ ਨੂੰ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਐਮੂਨੇਸ਼ਨ ਮੁਹੱਈਆ ਕਰਵਾਇਆ ਸੀ। ਜਿਸਦੇ ਚੱਲਦੇ ਇੰਨ੍ਹਾਂ ਦੋਨਾਂ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
