Phillor News: ਸ਼ਾਮ ਨੂੰ ਮੂਡ ਬਣੇ ‘ਚ ਆਪਣੇ ਕੁਆਟਰਾਂ ਦੇ ਅੱਗੇ ਲੰਘਦੀਆਂ ਔਰਤਾਂ ਨਾਲ ਰੇਲਵੇ ਪੁਲਿਸ ਦੇ ਚੌਕੀ ਇੰਚਾਰਜ਼ ਨੂੰ ਪੰਗਾ ਲੈਣਾ ਮਹਿੰਗਾ ਪੈ ਗਿਆ। ਬਨੈਣ ’ਚ ਘੁੰਮ ਰਹੇ ਇਸ ਚੌਕੀ ਇੰਚਾਰਜ਼ ਨੇ ਮੋਬਾਇਲ ’ਤੇ ਗੱਲਾਂ ਕਰਦੀ ਜਾ ਰਹੀ ਔਰਤ ਨੂੰ ਟੋਕ ਦਿੱਤਾ, ਜਿਸਤੋਂ ਬਾਅਦ ਘਸਮਾਨ ਮੱਚ ਗਿਆ ਤੇ ਇਸਦੀ ਕਿਸੇ ਰਾਹਗੀਰ ਨੇ ਵੀਡੀਓ ਵੀ ਬਣਾ ਲਈ। ਹੁਣ ਇਹ ਵੀਡੀਓ ਉੱਚ ਅਧਿਕਾਰੀਆਂ ਤੱਕ ਪੁੱਜ ਗਈ, ਜਿਸਤੋਂ ਬਾਅਦ ਤੇੜੋ-ਸਿਰੋਂ ਨੰਗੇ ਇਸ ਚੌਕੀ ਇੰਚਾਰਜ਼ ਸਾਹਿਬ ਨੂੰ ਲਾਈਨ ਹਾਜ਼ਰ ਕਰਕੇ ਵਿਭਾਗੀ ਜਾਂਚ ਖ਼ੋਲ ਦਿੱਤੀ ਹੈ। ਇਸਦੀ ਪੁਸ਼ਟੀ ਕਰਦਿਆਂ ਰੇਲਵੇ ਪੁਲਿਸ ਪੰਜਾਬ ਦੇ ਆਈ.ਜੀ ਬਲਜੌਤ ਸਿੰਘ ਰਾਠੌਰ ਨੇ ਦਸਿਆ ਕਿ, ‘‘ ਮਾਮਲਾ ਧਿਆਨ ਵਿਚ ਆਉਂਦਿਆਂ ਉਸਨੂੰ ਲਾਈਨ ਹਾਜ਼ਰ ਕਰਕੇ ਵਿਭਾਗੀ ਜਾਂਚ ਦੇ ਆਦੇਸ਼ ਦਿੱਤੇ ਗਏ ਹਨ। ’’
ਇਹ ਵੀ ਪੜ੍ਹੋ ਅੰਮ੍ਰਿਤਸਰ ਦੇ ਮਜੀਠਾ ਇਲਾਕੇ ’ਚ ਹੋਇਆ ਜਬਰਦਸਤ ਧਮਾਕਾ,ਇੱਕ ਨੌਜਵਾਨ ਹੋਇਆ ਜਖ਼ਮੀ
ਸਾਹਮਣੇ ਆਈ ਜਾਣਕਾਰੀ ਦੇ ਮੁਤਾਬਕ ਦੋ ਮਹੀਨਿਆਂ ਦੀ ਛੁੱਟੀ ਕੱਟ ਕੇ ਵਾਪਸ ਆਏ ਰੇਲਵੇ ਦੀ ਫ਼ਿਲੌਰ ਚੌਕੀ ਦੇ ਇੰਚਾਰਜ਼ ਸਬ ਇੰਸਪੈਕਟਰ ਦੀਦਾਰ ਸਿੰਘ ਬੀਤੀ ਸ਼ਾਮ ਆਪਣੇ ਸਰਕਾਰੀ ਕੁਆਟਰਾਂ ਦੇ ਬਾਹਰ ਖੜੇ ਹੋਏ ਸਨ। ਇਸ ਦੌਰਾਨ ਇੱਥੇ ਦੋ ਔਰਤਾਂ ਜਾ ਰਹੀਆਂ ਸਨ, ਜਿੰਨ੍ਹਾਂ ਵਿਚਂੋ ਇੱਕ ਫ਼ੋਨ ’ਤੇ ਗੱਲ ਕਰਦੀ ਜਾ ਰਹੀ ਸੀ। ਚੌਕੀ ਇੰਚਾਰਜ਼ ਸਾਹਿਬ ਨੇ ਇਸ ਔਰਤ ਨੂੰ ਇਹ ਕਹਿ ਕੇ ਰੋਕ ਲਿਆ ਕਿ ਉਹ ਕਿਸਦੇ ਨਾਲ ਫ਼ੋਨ ’ਤੇ ਗੱਲ ਕਰ ਰਹੀ ਹੈ। ਅੱਗਿਓ ਔਰਤਾਂ ਵੀ ਥਾਣੇਦਾਰ ਸਾਹਿਬ ਨੂੰ ਪੈ ਨਿਕਲੀਆਂ ਤੇ ਕਿਸੇ ਨੇ ਇਸ ਤੂੰ-ਤੂੰ, ਮੈਂ-ਮੈਂ ਦੀ ਵੀਡੀਓ ਬਣਾ ਲਈ।
ਇਹ ਵੀ ਪੜ੍ਹੋ ਬਠਿੰਡਾ ’ਚ ਘਰੇਲੂ ਕਲੈਸ਼ ਦੇ ਚੱਲਦਿਆਂ ਪਤਨੀ ਨੇ ਪਤੀ ਨੂੰ ਦਹੀ ’ਚ ਮਿਲਾ ਕੇ ਦਿੱਤਾ ਜ਼ਹਿਰ; ਪਤੀ ਦੀ ਹਾਲਾਤ ਨਾਜ਼ੁਕ
ਜਦ ਵੀਡੀਓ ਉਪਰ ਤੱਕ ਪੁੱਜੀ ਤਾਂ ਚੌਕੀ ਇੰਚਾਰਜ਼ ਨੂੰ ਵੀ ਕੁਰਸੀ ਦਾ ਨਸ਼ਾ ਉਤਰ ਗਿਆ। ਘਟਨਾ ਦਾ ਪਤਾ ਲੱਗਣ ’ਤੇ ਲੁਧਿਆਣਾ ਤੋਂ ਥਾਣਾ ਮੁਖੀ ਇੰਸਪੈਕਟਰ ਪਰਵਿੰਦਰ ਸਿੰਘ ਵੀ ਮੌਕੇ ’ਤੇ ਪੁੱਜੇ ਤੇ ਉਨ੍ਹਾਂ ਮਸਲੇ ਨੂੰ ਨਿਪਟਾਇਆ। ਹਾਲਾਂਕਿ ਚੌਕੀ ਇੰਚਾਰਜ਼ ਵੱਲੋਂ ਔਰਤਾਂ ਕੋਲੋਂ ਮੁਆਫ਼ੀ ਮੰਗ ਲੈਣ ਬਾਅਦ ਉਨ੍ਹਾਂ ਵੱਲੋਂ ਕੋਈ ਲਿਖ਼ਤੀ ਸਿਕਾਇਤ ਤਾਂ ਨਹੀਂ ਕੀਤੀ ਗਈ ਪ੍ਰੰਤੂ ਮਹਿਕਮੇ ਦੀ ਹੋਈ ਬਦਨਾਮੀ ਦੇ ਚੱਲਦਿਆਂ ਅਫ਼ਸਰਾਂ ਨੇ ਇਸ ਮਸਲੇ ਨੂੰ ਗੰਭੀਰਤਾ ਨਾਲ ਲਿਆ ਹੈ। ਫ਼ਿਲਹਾਲ ਇਸ ਘਟਨਾ ਦੀ ਇਲਾਕੇ ਵਿਚ ਕਾਫ਼ੀ ਚਰਚਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
