Shri Muktsar Sahib News: ਜ਼ਿਲ੍ਹੇ ਦੇ ਵਿਧਾਨ ਸਭਾ ਹਲਕਾ ਲੰਬੀ ਦੇ ਅਧੀਨ ਆਉਂਦੇ ਥਾਣਾ ਕਿੱਲਿਆਵਾਲੀ ਦੇ ਪਿੰਡ ਸਿੰਘੇਵਾਲਾ ਵਿਖੇ ਬੀਤੀ ਅੱਧੀ ਰਾਤ ਹੋਏ ਇੱਕ ਜਬਰਦਸਤ ਬਲਾਸਟ ਦੇ ਵਿਚ ਪੰਜ ਮਜਦੂਰਾਂ ਦੀ ਮੌਤ ਹੋਣ ਅਤੇ ਦੋ ਦਰਜ਼ਨ ਦੇ ਕਰੀਬ ਜ਼ਖਮੀ ਹੋਣ ਦੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਘਟਨਾ ਦਾ ਪਤਾ ਲੱਗਦੇ ਹੀ ਪੁਲਿਸ ਪ੍ਰਸ਼ਾਸਨ ਵੱਲੋਂ ਬਚਾਅ ਕਾਰਜ਼ ਵਿੱਢੇ ਗਏ ਹਨ ਤੇ ਦਸਿਆ ਗਿਆ ਕਿ ਕੁੱਝ ਲਾਸ਼ਾਂ ਨੂੰ ਮਲਬੇ ਦੇ ਢੇਰ ਵਿਚੋਂ ਕੱਢ ਲਿਆ ਗਿਆ।
ਇਹ ਵੀ ਪੜ੍ਹੋ Big News: ਬੱਸ ਤੋਂ ਬਾਅਦ ਹੁਣ ਬਠਿੰਡਾ ਦੇ ਗੰਦੇ ਨਾਲੇ ’ਚ ਸੀਮੈਂਟ ਨਾਲ ਭਰਿਆ ਟਰਾਲਾ ਡਿੱਗਿਆ, ਕੰਢਕਟਰ ਦੀ ਹੋਈ ਮੌ+ਤ
ਇਸੇ ਤਰ੍ਹਾਂ ਕੁੱਝ ਜਖ਼ਮੀਆਂ ਨੂੰ ਸਿਵਲ ਹਸਪਤਾਲ ਮੁਕਤਸਰ ਅਤੇ ਕੁੱਝ ਨੂੰ ਏਮਜ਼ ਬਠਿੰਡਾ ਵਿਚ ਭੇਜਿਆ ਗਿਆ। ਉਧਰ, ਮੌਕੇ ’ਤੇ ਪੁੱਜੇ ਐਸਐਸਪੀ ਅਖ਼ਿਲ ਚੌਧਰੀ ਨੇ ਮੀਡੀਆ ਨੂੰ ਦਸਿਆ ਕਿ ਇੱਥੇ ਦੋ ਯੂਨਿਟ ਹਨ, ਜਿੰਨ੍ਹਾਂ ਵਿਚ ਇੱਕ ਯੂਨਿਟ ਵਿਚ ਪਟਾਕੇ ਬਣਦੇ ਹਨ ਤੇ ਦੂਜੇ ਵਿਚ ਪਟਾਕਿਆਂ ਦੀ ਪੈਕਿੰਗ ਕੀਤੀ ਜਾਂਦੀ ਸੀ। ਉਨ੍ਹਾਂ ਦਸਿਆ ਕਿ ਮੁਢਲੀ ਪੜਤਾਲ ਦੌਰਾਨ ਪਟਾਕੇ ਬਣਾਉਣ ਲਈ ਵਰਤੇ ਜਾਂਦੇ ਬਾਰੂਦ ਨੂੰ ਅੱਗ ਪੈਣ ਕਾਰਨ ਇਹ ਬਲਾਸਟ ਹੋਇਅ ਹੈ। ਇਹ ਵੀ ਪਤਾ ਲੱਗਿਆ ਹੈ ਕਿ ਇੱਥੇ ਕੰਮ ਕਰਦੀ ਲੇਬਰ ਜਿਆਦਾ ਬਾਹਰਲੇ ਸੂਬੇ ਤੋਂ ਸੀ ।
ਇਹ ਵੀ ਪੜ੍ਹੋ ਕੁੜੀ ਨੇ ਸੜਕ ਦੇ ਦੂਜੇ ਪਾਸੇ ਕਾਰ ’ਚ ਠੋਕੀ ਤੇਜ ਰਫ਼ਤਾਰ ਕਾਰ, ਮਾਂ-ਪਿਊ ਤੇ ਜਵਾਨ ਪੁੱਤ ਦੀ ਹੋਈ ਮੌ+ਤ
ਪੁਲਿਸ ਪ੍ਰਸ਼ਾਸਨ ਹੁਣ ਇਸ ਗੱਲ ਦੀ ਪੜਤਾਲ ਵਿਚ ਲੱਗਿਆ ਹੋਇਆ ਕਿ ਇਹ ਘਟਨਾ ਵਾਪਰੀ ਕਿਵੇਂ ਅਤੇ ਇਸ ਫੈਕਟਰੀ ਕੋਲ ਪਟਾਕੇ ਬਣਾਉਣ ਦਾ ਲਾਇਸੰਸ ਸੀ ਜਾਂ ਨਹੀਂ। ਉਧਰ, ਇਸ ਘਟਨਾ ਉਪਰ ਦੁੱਖ ਜਤਾਉਂਦਿਆਂ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਆਪਣੀ ਡੂੰਘੀ ਸੰਵੇਦਨਾ ਪ੍ਰਗਟ ਕਰਦਿਆਂ ਇਲਾਜ ਕਰਵਾ ਰਹੇ ਸਾਰੇ ਲੋਕਾਂ ਦੀ ਜਲਦੀ ਅਤੇ ਪੂਰੀ ਸਿਹਤਯਾਬੀ ਲਈ ਪ੍ਰਾਰਥਨਾ ਕੀਤੀ ਹੈ। ਉਨ੍ਹਾਂ ਰਾਜ ਸਰਕਾਰ ਨੂੰ ਪੀੜਤ ਪਰਿਵਾਰਾਂ ਨੂੰ ਤੁਰੰਤ ਢੁਕਵਾਂ ਮੁਆਵਜ਼ਾ ਜਾਰੀ ਕਰਨ ਦੀ ਅਪੀਲ ਵੀੀ ਕੀਤੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
