👉ਸ਼ਾਮ ਲਾਲ ਜੈਨ ਨੂੰ ਪਈਆਂ 30 ਵੋਟਾਂ ਜਦਕਿ ਕਾਂਗਰਸ ਦੇ ਲੱਡੂ ਦੇ ਹਿੱਸੇ ਆਈਆਂ ਸਿਰਫ਼ 12 ਵੋਟਾਂ
Bathinda News: Bathinda senior deputy mayor election; ਬਠਿੰਡਾ ‘ਚ ਮਹਿਤਾ ਪਿੳ-ਪੁੱਤ ਦੀ ਜੋੜੀ ਨੇ ਮੁੜ ਪੰਜਵੀਂ ਵਾਰ ਘਾਗ ਸਿਆਸਤਦਾਨਾਂ ਨੂੰ ਸਿਆਸੀ ਤੌਰ ‘ਤੇ ‘ਚਿੱਤ’ ਕਰਕੇ ਰੱਖ ਦਿੱਤਾ ਹੈ। ਮਹਿਤਿਆਂ ਦਾ ਅਸ਼ੀਰਵਾਦ ਪ੍ਰਾਪਤ ਕੋਂਸਲਰ ਸ਼ਾਮ ਲਾਲ ਜੈਨ ਸੀਨੀਅਰ ਡਿਪਟੀ ਮੇਅਰ ਬਣਨ ਵਿਚ ਸਫ਼ਲ ਰਹੇ।ਪਿਛਲੇ ਸਾਲ ਨਵੰਬਰ ਮਹੀਨੇ ਵਿਚ ਵਾਰਡ ਨੰਬਰ 48 ਦੀ ਹੋਈ ਉਪ ਚੋਣ ‘ਚ ਵਿਧਾਇਕ ਜਗਰੂਪ ਸਿੰਘ ਗਿੱਲ ਦੇ ਘਰੇਲੂ ਵਾਰਡ ਵਿਚੋਂ ਚੋਣ ਜਿੱਤ ਕੇ ਸਿਆਸਤ ਸ਼ੁਰੂ ਕਰਨ ਵਾਲੇ 26 ਸਾਲਾਂ ਨੌਜਵਾਨ ਪਦਮਜੀਤ ਸਿੰਘ ਮਹਿਤਾ ਨਗਰ ਨਿਗਮ ਵਿਚ ਕੋਂਸਲਰਾਂ ਦਾ ਇੱਕ ਮਜਬੂਤ ਧੜਾ ਆਪਣੇ ਪੱਖ ਵਿਚ ਖੜ੍ਹਾ ਰੱਖਣ ਵਿਚ ਸਫ੍ਲ ਰਹੇ ਹਨ।
ਇਹ ਵੀ ਪੜ੍ਹੋ Breaking News; 5 ਦਿਨਾਂ ਬਾਅਦ ਮਿਲਿਆ 11 ਕਰੋੜ ਦੀ ਲਾਟਰੀ ਦੇ ਇਨਾਮ ਦਾ ਜੇਤੂ
ਅੱਜ ਦੀ ਮੀਟਿੰਗ ਵਿਚ ਕੁੱਲ 42 ਕੋਂਸਲਰ ਹਾਜ਼ਰ ਸਨ ਜਦਕਿ 8 ਗੈਰਹਾਜ਼ਰ ਰਹੇ। ਚੋਣ ਨਤੀਜਿਆਂ ਦੇ ਮੁਤਾਬਕ ਸ਼ਾਮ ਲਾਲ ਜੈਨ ਦੇ ਹੱਕ ਵਿਚ 30 ਕੋਂਸਲਰਾਂ ਨੇ ਵੋਟ ਪਾਈ ਜਦਕਿ ਕਾਂਗਰਸ ਦੇ ਹਰਵਿੰਦਰ ਸਿੰਘ ਲੱਡੂ ਨਾਲ ਸਿਰਫ਼ 12 ਕੋਂਸਲਰ ਹੀ ਨਜ਼ਰ ਆਏ। ਜਿਸਦੇ ਚੱਲਦੇ ਹਰਵਿੰਦਰ ਸਿੰਘ ਲੱਡੂ ਨੇ ਦਾਅਵੇਦਾਰੀ ਤੋਂ ਆਪਣਾ ਨਾਮ ਵਾਪਸ ਲੈ ਲਿਆ। ਜਿਸ ਕਾਰਨ ਸ਼ਾਮ ਲਾਲ ਜੈਨ ਨੂੰ ਸਰਬਸੰਮਤੀ ਨਾਲ ਜੇਤੂ ਕਰਾਰ ਦਿੱਤਾ ਗਿਆ। ਦੂਜੇ ਪਾਸੇ ਵਿਧਾਇਕ ਜਗਰੂਪ ਸਿੰਘ ਗਿੱਲ ਅਤੇ ਉਸਦੇ ਤਿੰਨ ਸਮਰਥਕ ਕੋਂਸਲਰ ਵੀ ਮੀਟਿੰਗ ਵਿਚ ਹਾਜ਼ਰ ਨਾ ਹੋਏ। ਜਦਕਿ ਮਨਪ੍ਰੀਤ ਧੜਾ ਪਹਿਲਾਂ ਦੀ ਤਰ੍ਹਾਂ ਮਹਿਤਾ ਗਰੁੱਪ ਦੇ ਹੱਕ ਵਿਚ ਭੁਗਤਿਆਂ। ਇਸ ਮੌਕੇ ਮੇਅਰ ਪਦਮਜੀ ਸਿੰਘ ਮਹਿਤਾ, ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਦੇ ਪ੍ਰਧਾਨ ਅਮਰਜੀਤ ਸਿੰਘ ਮਹਿਤਾ ਤੇ ਨਵੇਂ ਚੁਣੇ ਗਏ ਸੀਨੀ ਡਿਪਟੀ ਮੇਅਰ ਸ਼ਾਮ ਲਾਲ ਜੈਨ ਨੇ ਸਾਥੀ ਕੋਂਸਲਰਾਂ ਦਾ ਧੰਨਵਾਦ ਕਰਦਿਆਂ ਹੋਰ ਉਤਸ਼ਾਹ ਦੇ ਨਾਲ ਸ਼ਹਿਰ ਦੇ ਵਿਕਾਸ ਦਾ ਭਰੋਸਾ ਦਿਵਾਇਆ।
ਇਹ ਵੀ ਪੜ੍ਹੋ Big News: Bathinda AIIMS ਦਾ ਵੱਡਾ ਉਪਰਾਲਾ; ਹਸਪਤਾਲ ਵਿਚ ਦਾਖਲ ਹਰ ਮਰੀਜ਼ ਨੂੰ ਬੈੱਡ ‘ਤੇ ਮਿਲੇਗਾ ਖਾਣਾ
ਜਿਕਰਯੋਗ ਹੈ ਕਿ 6 ਫ਼ਰਵਰੀ 2025 ਨੂੰ ਨਗਰ ਨਿਗਮ ਦੇ ਮੇਅਰ ਦੀ ਹੋਈ ਚੋਣ ਵਿਚ 33 ਕੋਂਸਲਰਾਂ ਦੇ ਸਮਰਥਨ ਨਾਲ ਪਦਮਜੀਤ ਸਿੰਘ ਮਹਿਤਾ ਮੇਅਰ ਬਣਨ ਵਿਚ ਸਫ਼ਲ ਰਹੇ ਸਨ।ਉਸਤੋਂ ਬਾਅਦ 2 ਮਈ 2025 ਨੂੰ ਕਾਂਗਰਸ ਦੇ ਸੀਨੀਅਰ ਡਿਪਟੀ ਮੇਅਰ ਅਸੋਕ ਪ੍ਰਧਾਨ ਨੂੰ ਗੱਦੀਓ ਉਤਾਰਨ ਸਮੇਂ ਵੀ 30 ਕੋਂਸਲਰ ਮਹਿਤਾ ਦੇ ਨਾਲ ਖੜ੍ਹੇ ਸਨ ਤੇ ਅੱਜ ਵੀ ਉਸਤੋਂ ਵੱਧ ਕੋਂਸਲਰਾਂ ਦੀ ਗਿਣਤੀ ਨਾਲ ਖੜੀ ਦਿਖਾਈ ਦੇ ਰਹੀ ਹੈ। ਦਸਣਾ ਬਣਦਾ ਹੈ ਕਿ ਹਾਲੇ ਵੀ ਡਿਪਟੀ ਮੇਅਰ ਦੀ ਕੁਰਸੀ ਖਾਲੀ ਪਈ ਹੈ ਜਦਕਿ ਨਿਗਮ ਦੇ ਜਨਰਲ ਹਾਊਸ ਦੀਆਂ ਚੋਣਾਂ ਵੀ ਫ਼ਰਵਰੀ 2026 ਵਿਚ ਹੋਣੀਆਂ ਤੈਅ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
