ਬਠਿੰਡਾ, 3 ਅਗੱਸਤ : ਅਖਿਲ ਭਾਰਤੀਅ ਸਵਰਨਕਾਰ ਸੰਘ ਦੇ ਨੈਸ਼ਨਲ ਪ੍ਰੈਜੀਡੈਂਟ ਅਤੇ ਪੰਜਾਬ ਸਵਰਨਕਾਰ ਸੰਘ ਦੇ ਸਟੇਟ ਪ੍ਰੈਜੀਡੈਂਟ ਕਰਤਾਰ ਸਿੰਘ ਜੌੜਾ ਨੇ ਇੱਥੇ ਜਾਰੀ ਬਿਆਨ ਵਿਚ ਕਿਹਾ ਕਿ ਸਾਲ 2024-25 ਦੇ ਬਜਟ ਵਿਚ ਵਿੱਤ ਮੰਤਰੀ ਸ੍ਰੀਮਤੀ ਨਿਰਮਲਾ ਸੀਤਾਰਮਣ ਵੱਲੋਂ ਸੋਨਾ ਚਾਂਦੀ ਦੀ ਆਯਾਤ ’ਤੇ ਕਸਟਮ ਡਿਊਟੀ ਘਟਾ ਕੇ 6 ਫੀਸਦੀ ਕੀਤੀ ਗਈ ਹੈ ਪਰੰਤੂ ਇਸ ਨਾਲ ਜੁੜੇ ਹੋਏ ਐਗਰੀਕਲਚਰ ਸੈਸ ਅਤੇ ਸ਼ੋਸਲ ਵੈਲਫੇਅਰ ਸਰਚਾਰਜ ਨੂੰ ਖਤਮ ਕਰਨ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਕਰੀਬ 10 ਦਿਨ ਬੀਤ ਜਾਣ ਤੱਕ ਵੀ ਇਸ ਸਬੰਧੀ ਕੋਈ ਨੋਟੀਫਿਕੇਸ਼ਨ ਜਾਰੀ ਨਹੀਂ ਹੋਇਆ ਹੈ।
ਹਰਿਆਣਾ ਸਰਕਾਰ ਨੇ ਸੂਬੇ ਵਿਚ ਸਿੱਖ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਜਲਦੀ ਕਰਵਾਉਣ ਦਾ ਕੀਤਾ ਐਲਾਨ
ਸ੍ਰੀ ਜੌੜਾ ਨੇ ਦੱਸਿਆ ਕਿ ਕਰੀਬ 12 ਸਾਲ ਪਹਿਲਾਂ ਸੋਨਾ ਚਾਂਦੀ ਦੇ ਆਯਾਤ ’ਤੇ ਕਸਟਮ ਟਿਊਟੀ ਉਸ ਸਮੇਂ ਦੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਅਤੇ ਵਿੱਤ ਮੰਤਰੀ ਪ੍ਰਣਬ ਮੁਖਰਜੀ (ਕਾਂਗਰਸ ਸਰਕਾਰ) ਦੇ ਸਮੇਂ ਤਰੀਕ 16-01-2012 ਨੂੰ 2% ਤੋਂ ਸ਼ੁਰੂ ਹੋਈ ਸੀ, ਜੋ ਬਾਰ-ਬਾਰ ਵਧਾ ਕੇ 4%, 6%, 8%, 10%, 10.75%, ਤੋਂ ਬਾਦ 1-7-2022 ਨੂੰ 12.5% ਕੀਤੀ ਗਈ ਸੀ। ਜਿਸ ਅਨੁਸਾਰ ਸੋਨੇ ਦੀ 100 ਰੁਪੇ ਦੀ ਕੀਮਤ ਤੇ ਐਗਰੀਕਲਚਰ ਇਨਫਰਾਸਟਕਚਰ ਸੈਸ, ਜੋੜ ਕੇ 115 ਰੁਪੈ ਬਣਦੇ ਸੀ ਅਤੇ 3% ਜੀ.ਐਸ.ਟੀ. ਲਗਾ ਕੇ 118 ਰੁਪੈ 45 ਪੈਸੇ ਬਣਦੇ ਸੀ।
ਛੇ ਲੱਖ ਰਿਸ਼ਵਤ ਲੈਣ ਦੇ ਦੋਸ਼ ਹੇਠ ਸੀਆਈਏ ਦਾ ਸਾਬਕਾ ਇੰਚਾਰਜ਼ ਵਿਜੀਲੈਂਸ ਵੱਲੋਂ ਗ੍ਰਿਫਤਾਰ
ਕਰੀਬ ਦਸ ਦਿਨ ਬੀਤ ਜਾਣ ਤੱਕ ਵੀ ਆਯਾਤ ਡਿਊਟੀ ਘੱਟ ਹੋ ਜਾਣ ਦੇ ਅਧਾਰ ਤੇ ਸੋਨੇ ਦੇ ਹੋਲਸੇਲ ਅਤੇ ਰਿਟੇਲ ਭਾਅ (ਰੇਟ) ਪੂਰੀ ਤਰ੍ਹਾਂ ਸਥਿਰ ਨਹੀ ਹੋ ਸਕੇ ਹਨ ਕਿਉਕਿ ਸੋਨੇ ’ਤੇ ਲੱਗ ਰਹੇ ਸੈਸ ਅਤੇ ਸਰਚਾਰਜ ਦੇ ਵੇਰਵੇ ਨਹੀਂ ਦਿੱਤੇ ਗਏ ਹਨ। ਸ੍ਰੀ ਜੌੜਾ ਨੇ ਕਿਹਾ ਹੈ ਕਿ ਅਸੀਂ ਉਮੀਦ ਰਖਦੇ ਹਾਂ ਕਿ ਕੇਂਦਰ ਸਰਕਾਰ/ ਵਿੱਤ ਮੰਤਰੀ ਬਹੁਤ ਜਲਦ ਇਹਨਾਂ ਤੱਥਾਂ ਤੇ ਨੋਟੀਫਿਕੇਸ਼ਨ ਜਾਰੀ ਕਰਨਗੇ ਤਾਂ ਕਿ ਕਸਟਮ ਡਿਊਟੀ ਘਟਣ ਮੁਤਾਬਕ, ਦੇਸ਼ ਵਿੱਚ ਸੋਨਾ-ਚਾਂਦੀ ਦੇ ਨਵੇਂ ਰੇਟ ਅਨੁਸਾਰ ਕਾਰੋਬਾਰ ਕੀਤੇ ਜਾਣ ਅਤੇ ਦੇਸ਼ ਦੇ ਨਾਗਰਿਕ ਵੀ ਘਟੀ ਹੋਈ ਕੀਮਤ ਦਾ ਪੂਰਾ ਲਾਭ ਲੈ ਸਕਣ।
