Ludhiana News: ਪਿਛਲੇ ਕੁੱਝ ਦਿਨਾਂ ਤੋਂ ਵਹੀਕਲਾਂ ਦੇ ਨਹਿਰਾਂ ਵਿਚ ਡਿੱਗਣ ਦੀਆਂ ਵਾਰਦਾਤਾਂ ਅਚਾਨਕ ਵਧ ਗਈਆਂ ਹਨ। ਬੀਤੀ ਰਾਤ ਵੀ ਲੁਧਿਆਣਾ ਦੇ ਕੋਲ ਸ਼ਰਧਾਲੂਆਂ ਦੇ ਨਾਲ ਭਰਿਆ ਇੱਕ ਛੋਟਾ ਹਾਥੀ ਨਹਿਰ ਵਿਚ ਡਿੱਗ ਪਿਆ। ਇਸ ਹਾਦਸੇ ਵਿਚ 5 ਜਣਿਆਂ ਦੀ ਮੌਤ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਮਰਨ ਵਾਲਿਆਂ ਵਿਚ 2 ਛੋਟੇ ਬੱਚੇ, ਇੱਕ ਔਰਤ ਵੀ ਸ਼ਾਮਲ ਦੱਸੀ ਜਾ ਰਹੀ ਹੈ। ਇਹ ਸਾਰੇ ਸ਼ਰਧਾਲੂ ਨੈਣਾ ਦੇਵੀ ਤੋਂ ਮੱਥਾ ਟੇਕ ਵਾਪਿਸ ਆ ਰਹੇ ਸਨ। ਇਸ ਛੋਟੇ ਹਾਥੀ ਵਿਚ 25 ਦੇ ਕਰੀਬ ਸ਼ਰਧਾਲੂ ਸਵਾਰ ਦੱਸੇ ਜਾ ਰਹੇ ਹਨ।
ਇਹ ਵੀ ਪੜ੍ਹੋ ਸਿਵਲ ਹਸਪਤਾਲ ‘ਚ ਆਕਸੀਜ਼ਨ ਦਾ ਦਬਾਅ ਘਟਣ ਕਾਰਨ ਤਿੰਨ ਮਰੀਜ਼ਾਂ ਦੀ ਹੋਈ ਮੌ+ਤ
ਇਹ ਹਾਦਸਾ ਪਾਇਲ ਤੋਂ ਅੱਗੇ ਰਾੜਾ ਸਾਹਿਬ ਨਜਦੀਕ ਜਗੇੜਾ ਪੁਲ ਦੇ ਕੋਲ ਇਹ ਹਾਦਸਾ ਵਾਪਰਿਆਂ ਹੈ। ਘਟਨਾ ਤੋਂ ਕੁੱਝ ਸਮਾਂ ਪਹਿਲਾਂ ਇਹ ਸ਼ਰਧਾਲੂ ਗੁਰਦੂਆਰਾ ਰਾੜਾ ਸਾਹਿਬ ਵਿਖੇ ਲੰਘਰ ਛਕ ਕੇ ਚੱਲੇ ਸਨ ਤੇ ਅੱਗੇ ਨਹਿਰ ਉਪਰ ਕਿਸੇ ਹੋਰ ਵਾਹਨ ਨੂੰ ਓਵਰਟੇਕ ਕਰਦੇ ਸਮੇਂ ਇਸ ਛੋਟੇ ਹਾਥੀ ਦਾ ਸੰਤੁਲਨ ਖੋਹ ਗਿਆ, ਜਿਸ ਕਾਰਨ ਉਹ ਸਿੱਧਾ ਨਹਿਰ ਵਿਚ ਜਾ ਡਿੱਗਿਆ।ਘਟਨਾ ਦਾ ਪਤਾ ਲੱਗਦੇ ਹੀ ਹਲਕਾ ਵਿਧਾਇਕ ਮਨਵਿੰਦਰ ਸਿੰਘ ਗਿਆਸਪੁਰਾ ਤੋਂ ਇਲਾਵਾ ਡਿਪਟੀ ਕਮਿਸ਼ਨਰ ਅਤੇ ਖੰਨਾ ਦੇ ਐਸਐਸਪੀ ਜਯੋਤੀ ਯਾਦਵ ਸਹਿਤ ਸਮੁੱਚਾ ਪ੍ਰਸ਼ਾਸਨ ਮੌਕੇ ‘ਤੇ ਪੁੱਜਿਆ।
ਇਹ ਵੀ ਪੜ੍ਹੋ ਨਹਿਰ ‘ਚ ਡੁੱਬੇ ਫ਼ੌਜੀ ਪਤੀ-ਪਤਨੀ ਦੀਆਂ ਲਾ+ਸ਼ਾਂ 15 ਘੰਟਿਆਂ ਬਾਅਦ ਹੋਈਆਂ ਬਰਾਮਦ
ਕਾਫ਼ੀ ਜਦੋ-ਜਹਿਦ ਦੇ ਬਾਅਦ ਨਹਿਰ ਵਿਚ ਡਿੱਗੇ ਲਗਭਗ ਸਾਰੇ ਵਿਅਕਤੀਆਂ ਨੂੰ ਬਾਹਰ ਕੱਢ ਲਿਆ ਤੇ ਨਾਲ ਹੀ ਕਰੇਨ ਦੀ ਮੱਦਦ ਨਾਲ ਛੋਟੇ ਹਾਥੀ ਨੂੰ ਵੀ ਨਹਿਰ ਵਿਚੋਂ ਕੱਢਿਆ ਗਿਆ। ਨਹਿਰ ਵਿਚੋਂ ਕੱਢੇ ਵਿਅਕਤੀਆਂ ਨੂੰ ਡੇਹਲੋ, ਅਹਿਮਦਗੜ੍ਹ, ਪਾਇਲ ਅਤੇ ਕੁੱਝ ਨੂੰ ਲੁਧਿਆਣਾ ਸਿਵਲ ਹਸਪਤਾਲ ਭੇਜਿਆ ਗਿਆ। ਫ਼ਿਲਹਾਲ ਮਾਮਲੇ ਦੀ ਜਾਂਚ ਜਾਰੀ ਹੈ। ਦਸਣਾ ਬਣਦਾ ਹੈ ਕਿ ਇਸਤੋਂ ਪਹਿਲਾਂ ਬਠਿੰਡਾ ਦੀ ਨਹਿਰ ਵਿਚ ਲਗਾਤਾਰ ਦੋ ਕਾਰਾਂ ਡਿੱਗ ਚੁੱਕੀਆਂ ਹਨ ਤੇ ਫ਼ਰੀਦਕੋਟ ਨਹਿਰ ਵਿਚ ਇੱਕ ਕਾਰ ਡਿੱਗ ਪਈ ਸੀ, ਜਿਸ ਵਿਚ ਪਤੀ-ਪਤਨੀ ਦੀ ਮੌਤ ਹੋ ਗਈ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
