👉ਰਾਸਤੇ ਵਿਚ ਗਾਰ ‘ਚ ਫ਼ਸਣ ਕਾਰਨ ਚੋਰ ਬੱਸ ਨੂੰ ਛੱਡ ਕੇ ਭੱਜੇ
Bathinda News: ਚੋਰੀ ਦੀਆਂ ਵਾਰਦਾਤਾਂ ‘ਚ ਤੁਸੀਂ ਅਕਸਰ ਹੀ ਕਾਰ ਤੇ ਮੋਟਰਸਾਈਕਲ ਆਦਿ ਚੋਰੀ ਹੁੰਦੇ ਸੁਣੇ ਹੋਣਗੇ ਪ੍ਰੰਤੂ ਹੁਣ ਜੋ ਤੁਹਾਨੂੰ ਚੋਰੀ ਦੀ ਇੱਕ ਵਾਰਦਾਤ ਬਾਰੇ ਦਸਣ ਜਾ ਰਹੇ ਹਾਂ, ਉਹ ਸੁਣਕੇ ਤੁਸੀਂ ਵੀ ਜਰੂਰ ਹੈਰਾਨ ਹੋ ਜਾਵੋਗੇਂ। ਜੀ ਹਾਂ, ਇਹ ਹੈਰਾਨਗੀ ਵਾਲੀ ਗੱਲ ਹੀ ਹੈ ਕਿ ਬਠਿੰਡਾ ਜ਼ਿਲ੍ਹੇ ਦੇ ਕਸਬਾ ਮੋੜ ਮੰਡੀ ਦੇ ਬੱਸ ਅੱਡੇ ਵਿਚੋਂ ਰਾਤ ਸਮੇਂ ਚੋਰ ਸਰਕਾਰੀ ਬੱਸ ਨੂੰ ਹੀ ਚੋਰੀ ਕਰਕੇ ਲੈ ਗਏ। ਇਹ ਬੱਸ (ਨੰਬਰ ਪੀਬੀ 03 ਬੀਐਚ-6872) ਬਠਿੰਡਾ ਪੀਆਰਟੀਸੀ ਡਿੱਪੂ ਦੀ ਹੈ, ਜਿਹੜੀ ਪਹਿਲੇ ਟਾਈਮ ਮੋੜ ਤੋਂ ਮਾਨਸਾ ਲਈ ਚੱਲਦੀ ਹੈ।
ਇਹ ਵੀ ਪੜ੍ਹੋ ਹੁਣ ਲੁਧਿਆਣਾ ਕੋਲ ਨਹਿਰ ‘ਚ ਡਿੱਗਿਆ ਛੋਟਾ ਹਾਥੀ, 5 ਜਣਿਆਂ ਦੀ ਹੋਈ ਮੌ+ਤ
ਹਾਲਾਂਕਿ ਗਨੀਮਤ ਇਹ ਰਹੀ ਕਿ ਕੁੱਝ ਕਿਲੋਮੀਟਰ ਅੱਗੇ ਜਾ ਕੇ ਬੱਸ ਇੱਕ ਮਿੱਟੀ-ਗਾਰੇ ਵਾਲੇ ਰਾਸਤੇ ਵਿਚ ਫ਼ਸ ਗਈ ਤੇ ਕਾਫ਼ੀ ਮੁਸ਼ੱਕਤ ਤੋਂ ਬਾਅਦ ਵੀ ਬੱਸ ਦੇ ਉਥੋਂ ਨਾ ਨਿਕਲਣ ਕਾਰਨ ਚੋਰ ਬੱਸ ਨੂੰ ਉਥੇ ਹੀ ਛੱਡ ਕੇ ਭੱਜ ਗਏ। ਜਦ ਸਵੇਰੇ ਟਾਈਮ ਉਪਰ ਡਰਾਈਵਰ-ਕੰਡਕਟਰ ਪੁੱਜੇ ਤਾਂ ਬੱਸ ਨੂੰ ਬੱਸ ਅੱਡੇ ਵਿਚੋਂ ਗਾਇਬ ਦੇਖ ਕੇ ਉਨ੍ਹਾਂ ਦੇ ਵੀ ਹੱਥਾਂ-ਪੈਰਾਂ ਨੁੰ ਪੈ ਗਈ। ਉਨ੍ਹਾਂ ਆਪਣੇ ਸੀਨੀਅਰ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ ਤੇ ਮੋੜ ਪੁਲਿਸ ਨੂੰ ਜਾਣਕਾਰੀ ਦਿੱਤੀ ਗਈ। ਥੋੜੇ ਸਮੇਂ ਬਾਅਦ ਪਤਾ ਲੱਗਿਆ ਕਿ ਬੱਸ ਮੋੜ ਤੋਂ ਘੁੰਮਣ ਕੈਂਚੀਆਂ ਨੂੰ ਜਾਣ ਵਾਲੇ ਰਾਸਤੇ ਉਪਰ ਗਾਰ ਵਿਚ ਫ਼ਸੀ ਖੜ੍ਹੀ ਹੋਈ ਹੈ।
ਇਹ ਵੀ ਪੜ੍ਹੋ ਸਿਵਲ ਹਸਪਤਾਲ ‘ਚ ਆਕਸੀਜ਼ਨ ਦਾ ਦਬਾਅ ਘਟਣ ਕਾਰਨ ਤਿੰਨ ਮਰੀਜ਼ਾਂ ਦੀ ਹੋਈ ਮੌ+ਤ
ਹਾਲਾਂਕਿ ਬੱਸ ਮਿਲਣ ਦੇ ਚੱਲਦਿਆਂ ਪੀਆਰਟੀਸੀ ਦੇ ਅਧਿਕਾਰੀਆਂ ਨੂੰ ਰਾਹਤ ਮਿਲੀ ਪ੍ਰੰਤੂ ਸਰਕਾਰੀ ਬੱਸ ਹੀ ਚੋਰੀ ਹੋਣ ਦੀ ਖਬਰ ਪੂਰੇ ਇਲਾਕੇ ਵਿਚ ਫੈਲੀ ਹੋਈ ਹੈ। ਥਾਣਾ ਮੋੜ ਦੇ ਮੁਖੀ ਨੇ ਅਦਾਰਾ ਪੰਜਾਬੀ ਖਬਰਸਾਰ ਵੈਬਸਾਈਟ ਦੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਸਰਕਾਰੀ ਬੱਸ ਨੂੰ ਬੱਸ ਅੱਡੇ ਵਿਚੋਂ ਚੋਰੀ ਦੇ ਮਕਸਦ ਨਾਲ ਲਿਜਾਣ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦਸਿਆ ਕਿ ਸੀਸੀਟੀਵੀ ਕੈਮਰੇ ਤੇ ਹੋਰ ਤਕਨੀਕੀ ਪਹਿਲੂਆਂ ਤੋਂ ਜਾਂਚ ਕੀਤੀ ਜਾ ਰਹੀ ਹੈ ਤੇ ਜਲਦੀ ਹੀ ਚੋਰਾਂ ਨੁੰ ਕਾਬੂ ਕਰ ਲਿਆ ਜਾਵੇਗਾ। ਬਠਿੰਡਾ ਪੀਆਰਟੀਸੀ ਡਿੱਪੂ ਦੇ ਮੋੜ ਅੱਗੇ ਦੇ ਇੰਚਾਰਜ਼ ਸੁਖਪਾਲ ਸਿੰਘ ਨੇ ਵੀ ਘਟਨਾ ਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਮਾਮਲਾ ਉੱਚ ਅਧਿਕਾਰੀਆਂ ਦੇ ਧਿਆਨ ਵਿਚ ਲਿਆਂਦਾ ਗਿਆ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
