Ferozepur News: ਪਹਿਲਗਾਮ ਹਮਲੇ ਤੋਂ ਇੱਕ ਦਿਨ ਬਾਅਦ ਭਾਰਤ-ਪਾਕਿਸਤਾਨ ਦੀ ਸਰਹੱਦ ’ਤੇ ਗਲਤੀ ਨਾਲ ਦੁਸਮਣ ਦੇਸ਼ ਦੇ ਦਰੱਖਤ ਦੀ ਛਾਂ ਹੇਠ ਬੈਠਣ ਵਾਲੇ ਬੀਐਸਐਫ ਜਵਾਨ ਪੂਰਨਮ ਕੁਮਾਰ ਸ਼ਾਅ ਨੂੰ ਅੱਜ ਬੁਧਵਾਰ ਨੂੰ ਪਾਕਿਸਤਾਨੀ ਰੈਂਜਰਾਂ ਨੇ ਭਾਰਤ ਦੇ ਵਾਪਸ ਹਵਾਲੇ ਕਰ ਦਿੱਤਾ ਹੈ। ਜਵਾਨ ਸ਼ਾਅ ਕਰੀਬ ਤਿੰਨ ਹਫ਼ਤੇ ਪਾਕਿਸਤਾਨੀ ਹਿਰਾਸਤ ਵਿਚੋਂ ਵਾਪਸ ਆਇਆ ਹੈ, ਜਿਸਨੂੰ 23 ਅਪ੍ਰੈਲ 2025 ਤੋਂ ਪਾਕਿਸਤਾਨ ਰੇਂਜਰਾਂ ਨੇ ਹਿਰਾਸਤ ਵਿੱਚ ਲੈ ਲਿਆ ਸੀ।
ਇਹ ਵੀ ਪੜ੍ਹੋ ਮਜੀਠਾ ਕਾਂਡ; ਜ਼ਹਿਰੀਲੀ ਸ਼ਰਾਬ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 23 ਹੋਈ, DSP ਤੇ SHO ਤੋਂ ਬਾਅਦ ETO ਤੇ Inspector ਵੀ ਮੁਅੱਤਲ
ਬੀਐਸਐਫ਼ ਦੇ ਇੱਕ ਬੁਲਾਰੇ ਨੇ ਇਸਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਪੂਰਨਮ ਕੁਮਾਰ ਸ਼ਾਅ ਨੂੰ ਲਗਭਗ 10: 30 ਵਜੇ ਸੰਯੁਕਤ ਚੈੱਕ ਪੋਸਟ ਅਟਾਰੀ ਅੰਮ੍ਰਿਤਸਰ ਰਾਹੀਂ ਭਾਰਤ ਨੂੰ ਵਾਪਸ ਸੌਪਿਆ। ਜਵਾਨ ਨੂੰ ਵਾਪਸ ਲੈਣ ਲਈ ਬੀਐਸਐਫ਼ ਦੇ ਅਧਿਕਾਰੀਆਂ ਵੱਲੋਂ ਲਗਾਤਾਰ ਪਾਕਿਸਤਾਨ ਰੈਂਜਰਾਂ ਨਾਲ ਮੀਟਿੰਗਾਂ ਕੀਤੀਆਂ ਗਈਆਂ ਸਨ ਪ੍ਰੰਤੂ ਇਸ ਦੌਰਾਨ ਦੋਨਾਂ ਦੇਸ਼ਾਂ ਦੇ ਵਿਚਕਾਰ ਬਣੇ ਜੰਗੀ ਮਾਹੌਲ ਦੇ ਚੱਲਦਿਆਂ ਉਸਨੂੰ ਵਾਪਸ ਨਹੀਂ ਸੌਪਿਆ ਸੀ। ਇੱਥੇ ਦਸਣਾ ਬਣਦਾ ਹੈ ਕਿ ਉਕਤ ਜਵਾਨ ਦੀ ਬਟਾਲੀਅਨ ਘਟਨਾ ਤੋਂ ਇੱਕ-ਦੋ ਪਹਿਲਾਂ ਹੀ ਸ਼੍ਰੀਨਗਰ ਤੋਂ ਇੱਥੈ ਆਈ ਸੀ ਤੇ ਉਸਦੀ ਡਿਊਟੀ ਤਾਰੋ-ਪਾਰ ਜਮੀਨ ਦੀ ਖ਼ੇਤੀ ਕਰਨ ਜਾਣ ਵਾਲੇ ਕਿਸਾਨਾਂ ਨਾਲ ਲੱਗੀ ਸੀ।
ਇਹ ਵੀ ਪੜ੍ਹੋ ਪੰਜਾਬ ’ਚ ਇੱਕ ਐਸਐਸਪੀ ਸਹਿਤ ਤਿੰਨ ਪੁਲਿਸ ਅਫ਼ਸਰ ਬਦਲੇ
ਘਟਨਾ ਵਾਲੇ ਦਿਨ ਉਹ ਜਿਆਦਾ ਗਰਮੀ ਹੋਣ ਕਾਰਨ ਭੁਲੇਖੇ ਦੇ ਚੱਲਦਿਆਂ ਪਾਕਿਸਤਾਨੀ ਇਲਾਕੇ ਅੰਦਰ ਲੱਗੇ ਇੱਕ ਦਰੱਖਤ ਦੇ ਹੇਠਾਂ ਬੈਠ ਗਿਆ ਸੀ, ਜਿਸਨੂੰ ਸਰਹੱਦ ਦੀ ਉਲੰਘਣਾ ਦੇ ਦੋਸ਼ ਹੇਠ ਪਾਕਿਸਾਤਨੀ ਰੈਂਜਰਾਂ ਨੇ ਹਿਰਾਸਤ ਵਿਚ ਲੈ ਲਿਆ ਸੀ। ਮੂਲਰੂਪ ਵਿਚ ਪੱਛਮੀ ਬੰਗਾਲ ਨਾਲ ਸਬੰਧਤ ਜਵਾਨ ਸਾਅ ਦੀ ਪਤਨੀ ਵੀ ਆਪਣੇ ਪਤੀ ਦੀ ਵਾਪਸੀ ਲਈ ਪਿਛਲੇ ਕਈ ਦਿਨਾਂ ਤੋਂ ਇੱਥੇ ਪੁੱਜੀ ਹੋਈ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
