Gurdaspur News: ਗੁਰਦਾਸਪੁਰ ਜ਼ਿਲ੍ਹੇ ਦੇ ਥਾਣਾ ਦੋਰਾਂਗਲਾ ਅਧੀਨ ਆਉਂਦੇ ਪੁਲਿਸ ਨਾਕੇ ਆਦੀਆ ‘ਤੇ ਲੰਘੀ 22 ਫ਼ਰਵਰੀ ਨੂੰ ਦੋ ਪੁਲਿਸ ਮੁਲਾਜਮਾਂ ਦੇ ਹੋਏ ਕਤਲ ਮਾਮਲੇ ਵਿਚ ਨਵੇਂ ਤੱਥ ਸਾਹਮਣੇ ਆਏ ਹਨ। ਇਸ ਕਤਲ ਕਾਂਡ ਦੇ ਮੁੱਖ ਮੁਲਜ਼ਮ ਰਣਜੀਤ ਸਿੰਘ ਦੇ Encounter ਤੋਂ ਬਾਅਦ ਪੂਰੇ ਘਟਨਾਕ੍ਰਮ ਦੀ ਜਾਣਕਾਰੀ ਦਿੰਦਿਆਂ ਬਾਰਡਰ ਰੇਂਜ ਦੇ ਡੀਆਈਜੀ ਸੰਦੀਪ ਗੋਇਲ ਤੇ ਗੁਰਦਾਸਪੁਰ ਦੇ ਐਸਐਸਪੀ ਅਦਿੱਤਿਆ ਕਪੂਰ ਨੇ ਦਸਿਆ ਕਿ ਮੁਢਲੀ ਜਾਂਚ ਮੁਤਾਬਕ ਇਸ ਘਟਨਾ ਨੂੰ ਅੰਜਾਮ ਦੇਣ ਲਈ ਪੂਰੀ ਯੋਜਨਾ ਪਾਕਿਸਤਾਨ ਦੀ ਬਦਨਾਮ ਖੁਫ਼ੀਆ ਏਜੰਸੀ ISI ਦਾ ਹੱਥ ਸੀ। ਡੀਆਈਜੀ ਮੁਤਾਬਕ ਇਸ ਕਾਂਡ ਵਿਚ ਮੁੱਖ ਮੁਲਜਮ ਰਣਜੀਤ ਸਿੰਘ ਤੇ ਇੰਦਰਜੀਤ ਸਿੰਘ ਪਿੰਡ ਆਦੀਆ ਦੇ ਹੀ ਰਹਿਣ ਵਾਲੇ ਸਨ ਜਦਕਿ ਤੀਜ਼ਾ ਦਿਲਾਵਰ ਸਿੰਘ ਨਜਦੀਕੀ ਪਿੰਡ ਅਲੀ ਨੰਗਲ ਦਾ ਵਾਸੀ ਸੀ।
ਇਹ ਵੀ ਪੜ੍ਹੋ ਲਾਲਚ ਬੁਰੀ ਬਲਾ; SHO ਦੇ ਨਾਂ ‘ਤੇ 15 ਹਜ਼ਾਰ ਰੁਪਏ ਦੀ ਰਿਸ਼ਵਤ ਲੈਂਦਾ ਚੌਂਕੀ ਇੰਚਾਰਜ਼ ਵਿਜੀਲੈਂਸ ਵੱਲੋਂ ਕਾਬੂ
ਦਿਲਾਵਰ ਸਿੰਘ ਨੇ ਇਸ ਕਾਂਡ ਵਿਚ ਪਿੱੱਛੇ ਰਹਿ ਕੇ ਭੂਮਿਕਾ ਨਿਭਾਈ ਸੀ ਤੇ ਮੋਟਰਸਾਈਕਲ ਸਮੇਤ ਹੋਰ ਸਹੂਲਤਾਂ ਪ੍ਰਦਾਨ ਕੀਤੀਆਂ ਸਨ। ਜਦਕਿ ਰਣਜੀਤ ਸਿੰਘ ਤੇ ਇੰਦਰਜੀਤ ਸਿੰਘ ਨੇ ਘਟਨਾ ਵਾਲੇ ਦਿਨ ਪੁਲਿਸ ਪਿਕਟ ਦੇ ਅੰਦਰ ਜਾ ਕੇ ਦੋਨਾਂ ਪੁਲਿਸ ਮੁਲਾਜਮਾਂ ਦੇ ਗੋਲੀਆਂ ਮਾਰੀਆਂ ਸਨ। ਇਸ ਘਟਨਾ ਨੂੰ ਅੰਜਾਮ ਦੇਣ ਪਿੱਛੇ ਮੁੱਖ ਮੰਤਵ ਬਾਰੇ ਪੁੱਛੈ ਜਾਣ ‘ਤੇ ਡੀਆਈਜੀ ਗੋਇਲ ਨੇ ਦਸਿਆ ਕਿ, ‘‘ ਬਦਨਾਮ ਏਜੰਸੀ ਤੇ ਪਾਕਿਸਤਾਨ ਦਾ ਮੁੱਖ ਮਕਸਦ ਪੰਜਾਬ ਅੰਦਰ ਗੜਬੜੀ ਪੈਦਾ ਕਰਨਾ ਹੈ, ਜਿਸਦੇ ਚੱਲਦੇ ਇੰਨ੍ਹਾਂ ਮੁਲਜਮਾਂ ਨੂੰ ਸਿਰਫ਼ ਤੇ ਸਿਰਫ਼ ਪੁਲਿਸ ਅਫ਼ਸਰਾਂ ਤੇ ਮੁਲਾਜਮਾਂ ਉੱਪਰ ਹਮਲੇ ਦਾ ਟਾਸਕ ਦਿੱਤਾ ਗਿਆ ਸੀ।” ਉਨ੍ਹਾਂ ਦਸਿਆ ਕਿ ਪੁਲਿਸ ਨੇ ਸਿਰਫ਼ 72 ਘੰਟਿਆਂ ਵਿਚ ਹੀ ਇਸ ਸਾਰੇ ਕੇਸ ਨੂੰ ਹੱਲ ਕਰ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ Big News; ਥਾਣੇਦਾਰ ਤੇ ਹੋਮਗਾਰਡ ਜਵਾਨ ਦਾ ਕਾਤਲ ਪੁਲਿਸ ਮੁਕਾਬਲੇ ‘ਚ ਢੇਰ, SHO ਤੇ CIA ਇੰਚਾਰਜ਼ ਜਖ਼ਮੀ
ਡੀਆਈਜੀ ਗੋਇਲ ਮੁਤਾਬਕ ਪੁਲਿਸ ਨੇ ਦਿਲਾਵਰ ਸਿੰਘ ਤੇ ਰਣਜੀਤ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ ਸੀ। ਮੁਕਾਬਲੇ ਸਮੇਂ ਥਾਣਾ ਮੁਖੀ ਬਨਾਰਸੀ ਦਾਸ ਮੁਲਜਮ ਰਣਜੀਤ ਸਿੰਘ ਨੂੰ ਹਥਿਆਰਾਂ ਦੀ ਬਰਾਮਦਗੀ ਲਈ ਲੈ ਕੇ ਜਾ ਰਹੇ ਹਨ ਪ੍ਰੰਤੂ ਧੁੰਦ ਹੋਣ ਕਾਰਨ ਗੱਡੀ ਪਲਟ ਗਈ ਤੇ ਮੁਲਜਮ ਇਸਦਾ ਫ਼ਾਈਦਾ ਉੱਠਾ ਕੇ ਭੱਜ ਗਿਆ।ਜਿਸਤੋਂ ਬਾਅਦ ਤੁਰੰਤ ਕੰਟਰੋਲ ਰੂਮ ‘ਤੇ ਸੂਚਨਾ ਦਿੱਤੀ ਗਈ। ਇਸ ਦੌਰਾਨ ਸਵੇਰੇ 5 ਵਜੇਂ ਦੇ ਕਰੀਬ ਉਕਤ ਨੌਜਵਾਨ ਸੀਆਈਏ ਸਟਾਫ਼ ਦੇ ਇੰਚਾਰਜ਼ ਗੁਰਮੀਤ ਸਿੰਘ ਨੂੰ ਰਣਜੀਤ ਸਿੰਘ ਆਉਂਦਾ ਦਿਖਾਈ ਦਿੱਤਾ ਪ੍ਰੰਤੂ ਪੁਲਿਸ ਨੂੰ ਦੇਖ ਕੇ ਪਿੱਛੇ ਮੁੜ ਗਿਆ। ਜਦ ਪੁਲਿਸ ਨੇ ਪਿੱਛਾ ਕੀਤਾ ਤਾਂ ਮੁਲਜ਼ਮ ਨੇ ਪੁਲਿਸ ਪਾਰਟੀ ‘ਤੇ ਫ਼ਾਈਰ ਕਰ ਦਿੱਤੇ। ਜਿਸਦੇ ਵਿੱਚ ਇੱਕ ਗੋਲੀ ਸੀਆਈਏ ਇੰਚਾਰਜ਼ ਦੇ ਵੀ ਲੱਗੀ। ਜਵਾਬੀ ਕਾਰਵਾਈ ਵਿਚ ਰਣਜੀਤ ਸਿੰਘ ਦੇ ਵੀ ਗੋਲੀਆਂ ਲੱਗੀਆਂ ਤਾਂ ਉਹ ਗੰਭੀਰ ਜਖ਼ਮੀ ਹੋ ਗਿਆ, ਜਿਸਨੂੰ ਹਸਪਤਾਲ ਲਿਜਾਇਆ ਗਿਆ ਪ੍ਰੰਤੂ ਉਥੇ ਉਸਦੀ ਮੌਤ ਹੋ ਗਈ।
ਇਹ ਵੀ ਪੜ੍ਹੋ ਭਰਾ ਦੇ ਨਾਂ ‘ਤੇ ਪਾਵਰਕਾਮ ‘ਚ ਨੌਕਰੀ ਕਰਨ ਵਾਲੇ ਮੀਟਰ ਰੀਡਰ ਵਿਰੁਧ ਧੋਖਾਧੜੀ ਦਾ ਪਰਚਾ ਦਰਜ਼
ਡੀਆਈਜੀ ਨੇ ਇਹ ਵੀ ਦਸਿਆ ਕਿ ਇਸ ਘਟਨਾ ਕ੍ਰਮ ਤੋਂ ਪਹਿਲਾਂ ਮੁਲਜਮਾਂ ਨੇ ਪੁਲਿਸ ਕੋਲ ਮੰਨਿਆ ਸੀ ਕਿ ਰਣਜੀਤ ਤੇ ਇੰਦਰਜੀਤ ਨੇ ਆਪਣੀ ਯੋਜਨਾ ਨੂੰ ਸਫ਼ਲ ਬਣਾਉਣ ਲਈ ਪੁਲਿਸ ਪੋਸਟ ਦੀ ਲਗਾਤਾਰ ਕਈ ਵਾਰ ਰੇਕੀ ਵੀ ਕੀਤੀ ਸੀ ਤੇ ਅਖੀਰ 22 ਫ਼ਰਵਰੀ ਨੁੰ ਇਸ ਘਟਨਾ ਨੂੰ ਅੱਧੀ ਰਾਤ ਅੰਜਾਮ ਦੇ ਦਿੱਤਾ ਗਿਆ। ਉਨ੍ਹਾਂ ਦਸਿਆ ਕਿ ਇਸ ਘਟਨਾ ਨੂੰ ਨੇਪਰੇ ਚਾੜਣ ਲਈ ISI ਦੇ ਹੈਡਲਰਾਂ ਵੱਲੋਂ ਮੁਲਜ਼ਮਾਂ ਨੁੰ ਪੈਸੇ ਦਾ ਲਾਲਚ ਦਿੱਤਾ ਗਿਆ ਸੀ ਤੇ ਦਿਲਾਵਰ ਨੁੰ ਸਿਰਫ਼ 20 ਹਜ਼ਾਰ ਰੁਪਏ ਮਿਲਣੇ ਸਨ ਤੇ ਉਸ ਵਿਚੋਂ 3 ਹਜ਼ਾਰ ਰੁਪਏ ਹੀ ਦਿੱਤੇ ਗਏ। ਇਸੇ ਤਰ੍ਹਾਂ ਰਣਜੀਤ ਤੇ ਇੰਦਰਜੀਤ ਨੂੰ ਵੀ ਬਹੁਤ ਥੋੜੇ ਪੈਸੇ ਮਿਲਣੇ ਸਨ। ਉਨ੍ਹਾਂ ਦਸਿਆ ਕਿ ਇਸ ਘਟਨਾ ਵਿਚ ਸ਼ਾਮਲ ਤੀਜ਼ੇ ਮੁਲਜਮ ਇੰਦਰਜੀਤ ਨੂੰ ਫੜਣ ਲਈ ਪੁਲਿਸ ਟੀਮਾਂ ਲਗਾਤਰ ਪਿੱਛਾ ਕਰ ਰਹੀਆਂ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
