Moga News: Moga Police; ਜ਼ਿਲ੍ਹਾ ਮੋਗਾ ਦੀ ਪੁਲਿਸ ਨੇ ਪਾਵਰਕਾਮ ਦੇ ਅਧਿਕਾਰੀਆਂ ਵੱਲੋਂ ਦਿੱਤੀ ਸਿਕਾਇਤ ਦੀ ਪੜਤਾਲ ਤੋਂ ਬਾਅਦ ਇੱਕ ਅਜਿਹੇ ਮੀਟਰ ਰੀਡਰ ਵਿਰੁਧ ਵਿਰੁਧ ਪਰਚਾ ਦਰਜ਼ ਕੀਤਾ ਹੈ, ਜਿਹੜੇ ਪਿਛਲੇ ਲੰਮੇ ਸਮੇਂ ਤੋਂ ਆਪਣੇ ਹੀ ਤਾਏ ਦੇ ਪੁੱਤ ਦੇ ਨਾਂ ‘ਤੇ ਵਿਭਾਗ ਵਿਚ ਬਤੌਰ ਮੀਟਰ ਰੀਡਰ ਦੀ ਨੌਕਰੀ ਕਰਦਾ ਰਿਹਾ। ਪੁਲਿਸ ਨੇ ਇਸ ਮਾਮਲੇ ਵਿਚ ਉਸਦੇ ਤਾਏ ਦੇ ਪੁੱਤ ਨੂੰ ਵੀ ਨਾਮਜਦ ਕੀਤਾ ਹੈ, ਜਿਸਦੀ ਇਸ ਸਾਰੇ ਕਾਂਡ ਵਿਚ ਮੂਕ ਸਹਿਮਤੀ ਬਣੀ ਰਹੀ। ਇਸ ਸਬੰਧ ਵਿਚ ਥਾਣਾ ਸਮਾਲਸਰ ਦੀ ਪੁਲਿਸ ਨੇ ਪਾਵਰਕਾਮ ਦੇ ਉਪ ਮੰਡਲ ਸਮਾਲਸਰ ਦੇ ਐਸਡੀਓ ਬੇਅੰਤ ਸਿੰਘ ਦੀ ਸਿਕਾਇਤ ਉੱਪਰ ਅੰਗਰੇਜ ਸਿੰਘ ਅਤੇ ਸੁਖਚੈਨ ਸਿੰਘ ਦੋਨੋਂ ਵਾਸੀ ਦੁਆਰੇਆਣਾ ਰੋਡ ਕੋਟਕਪੂਰਾ ਵਿਰੁਧ ਮੁਕੱਦਮਾ ਨੰਬਰ 31 ਮਿਤੀ 24-02-2026 ਨੂੰ ਅਧੀਨ ਧਾਰਾ 419, 420, 34 ਆਈਪੀਸੀ ਤਹਿਤ ਪਰਚਾ ਦਰਜ਼ ਕਰ ਲਿਆ ਹੈ।
ਇਹ ਵੀ ਪੜ੍ਹੋ ਲਾਲਚ ਬੁਰੀ ਬਲਾ; SHO ਦੇ ਨਾਂ ‘ਤੇ 15 ਹਜ਼ਾਰ ਰੁਪਏ ਦੀ ਰਿਸ਼ਵਤ ਲੈਂਦਾ ਚੌਂਕੀ ਇੰਚਾਰਜ਼ ਵਿਜੀਲੈਂਸ ਵੱਲੋਂ ਕਾਬੂ
ਪੁਲਿਸ ਅਧਿਕਾਰੀਆਂ ਨੇ ਪਰਚਾ ਦਰਜ਼ ਕਰਨ ਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਮੁਲਜਮਾਂ ਨੂੰ ਜਲਦੀ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ। ਮਿਲੀ ਸੂਚਨਾਂ ਮੁਤਾਬਕ ਉਕਤ ਦੋਨਾਂ ਵਿਰੁਧ ਐਸਡੀਓ ਵੱਲੋਂ ਇੱਕ ਦਰਖਾਸਤ (ਨੰਬਰ 238/ਪੀ.ਸੀ 6/25) ਮਿਤੀ 01-08-2025 ਨੂੰ ਦਿੱਤੀ ਗਈ ਸੀ। ਇਸ ਸਿਕਾਇਤ ਵਿਚ ਦਾਅਵਾ ਕੀਤਾ ਗਿਆ ਸੀ ਕਿ ਮੁਲਜਮ ਅੰਗਰੇਜ਼ ਸਿੰਘ ਨੂੰ ਪਾਵਰਕਾਮ ਦੇ ਠੇਕੇਦਾਰ ਵੱਲੋਂ ਬਤੌਰ ਮੀਟਰ ਰੀਡਰ ਭਰਤੀ ਕੀਤਾ ਸੀ। ਪ੍ਰੰਤੂ ਉਸਦੀ ਬਜਾਏ ਮੁਲਜ਼ਮ ਸੁਖਚੈਨ ਸਿੰਘ ਹੀ ਨੌਕਰੀ ਕਰਦਾ ਰਿਹਾ ਤੇ ਹਾਜ਼ਰੀ ਵਜੋਂ ਅੰਗਰੇਜ਼ ਸਿੰਘ ਦੇ ਵੱਲੋਂ ਦਸਤਖ਼ਤ ਕਰਦਾ ਰਿਹਾ। ਇਸ ਸਿਕਾਇਤ ਦੀ ਪੜਤਾਲ ਐਸ.ਐਸ.ਪੀ ਦੇ ਹੁਕਮਾਂ ‘ਤੇ ਉਪ ਕਪਤਾਨ ਪੁਲਿਸ ਬਾਘਾਪੁਰਾਣਾ ਵੱਲੋਂ ਕੀਤੀ ਗਈ।
ਇਹ ਵੀ ਪੜ੍ਹੋ Big News; ਥਾਣੇਦਾਰ ਤੇ ਹੋਮਗਾਰਡ ਜਵਾਨ ਦਾ ਕਾਤਲ ਪੁਲਿਸ ਮੁਕਾਬਲੇ ‘ਚ ਢੇਰ, SHO ਤੇ CIA ਇੰਚਾਰਜ਼ ਜਖ਼ਮੀ
ਬਿਜਲੀ ਬੋਰਡ ਵੱਲੋਂ ਸਿਕਾਇਤ ਦੇ ਨਾਲ ਜੁਲਾਈ 2024 ਤੋ ਮਾਂਹ ਜਨਵਰੀ 2025 ਤੱਕ ਮੁਲਜਮ ਸੁਖਚੈਨ ਸਿੰਘ ਵੱਲੋਂ ਵੱਖ-ਵੱਖ ਮੀਟਰਾਂ ਦੀਆਂ ਰੀਡਿੰਗਾਂ ਹਾਸਲ ਕਰਨ ਸਮੇਂ ਦੇ ਸਬੂਤ ਵਜੋਂ ਉਸ ਦੀਆਂ ਫ਼ੋਟੋਆਂ ਵੀ ਮੁਹੱਈਆ ਕਰਵਾਈਆਂ ਗਈਆਂ। ਜਿਸਦੇ ਆਧਾਰ ‘ਤੇ ਇਹ ਪਰਚਾ ਦਰਜ਼ ਕੀਤਾ ਗਿਆ। ਦੂਜੇ ਪਾਸੇ ਪਾਵਰਕਾਮ ਦੇ ਸਿਕਾਇਤਕਰਤਾ ਐਸਡੀਓ ਬੇਅੰਤ ਸਿੰਘ ਨੇ ਵੀ ਦਸਿਆ ਕਿ ਅਸਲ ਵਿਚ ਮੁਲਜ਼ਮ ਸੁਖਚੈਨ ਸਿੰਘ ਪਹਿਲਾਂ ਖੁਦ ਮੀਟਰ ਰੀਡਰ ਵਜੋਂ ਠੇਕੇ ‘ਤੇ ਕੰਮ ਕਰਦਾ ਸੀ ਪ੍ਰੰਤੂ ਮੁਲਜਮ ਵੱਲੋਂ ਕੁੱਝ ਖਪਤਕਾਰਾਂ ਨਾਲ ਮਿਲਕੇ ਪਿੰਡ ਹਰੀ ਨੌ ਵਿਖੇ ਸਰਕਾਰ ਵੱਲੋਂ ਮਿਲਦੀਆਂ ਮੁਫ਼ਤ 600 ਯੂਨਿਟਾਂ ਦੀ ਸਹੂਲਤ ਦੇਣ ਲਈ ਘੱਟ ਰੀਡਿੰਗਾਂ ਦਰਜ਼ ਕੀਤੀਆਂ। ਜਿਸਦਾ ਪਤਾ ਲੱਗਣ ‘ਤੇ ਉਸਨੂੰ ਹਟਾ ਦਿੱਤਾ ਗਿਆ ਸੀ। ਇਸਤੋਂ ਬਾਅਦ ਜੁਗਾੜ ਲਗਾ ਕੇ ਅੰਗਰੇਜ਼ ਸਿੰਘ ਨੂੰ ਮੀਟਰ ਰੀਡਰ ਲਗਵਾ ਦਿੱਤਾ ਪ੍ਰੰਤੂ ਉਸਦੀ ਥਾਂ ਆਪ ਹੀ ਕੰਮ ਕਰਦਾ ਰਿਹਾ ਤੇ ਹੁਣ ਪਿੰਡ ਚੰਨੂਵਾਲਾ ਵਿਖੇ ਵੀ ਇਸੇ ਤਰ੍ਹਾਂ ਦੀ ਇੱਕ ਘਟਨਾ ਨੂੰ ਅੰਜਾਮ ਦੇ ਦਿੱਤਾ, ਜਿਸਦਾ ਪਤਾ ਲੱਗਣ ‘ਤੇ ਇਹ ਸਾਰਾ ਸੱਚ ਸਾਹਮਣੇ ਆਇਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
