Ludhiana News:ਪੀ.ਏ.ਯੂ. ਦੇ ਕਮਿਊਨਟੀ ਸਾਇੰਸ ਕਾਲਜ ਵਿਖੇ ਭੋਜਨ ਅਤੇ ਪੋਸ਼ਣ ਵਿਭਾਗ ਅਧੀਨ ਜਾਰੀ ਖੁਰਾਕ ਕਾਊਂਸਲਿੰਗ ਸੈੱਲ ਵਿਚ ਸਿੱਖਣ ਦੇ ਅਮਲ ਵਿਚ ਸ਼ਾਮਿਲ ਵਿਦਿਆਰਥੀਆਂ ਨੇ ਬੀਤੇ ਦਿਨੀਂ ਵਿਸ਼ਵ ਹਾਈਪਰਟੈਂਸ਼ਨ ਦਿਹਾੜਾ ਮਨਾਇਆ| ਇਸ ਮੌਕੇ ਵਿਦਿਆਰਥੀਆਂ ਨੇ ਇਕ ਪ੍ਰਦਰਸ਼ਨੀ ਲਾ ਕੇ ਲੋਕਾਂ ਨੂੰ ਹਾਈਪਰਟੈਂਸ਼ਨ ਦੇ ਬੁਰੇ ਪ੍ਰਭਾਵਾਂ ਤੋਂ ਜਾਣੂੰ ਕਰਵਾਇਆ ਅਤੇ ਇਸ ਤੋਂ ਬਚਣ ਦੀਆਂ ਵਿਧੀਆਂ ਸਮਾਜ ਦੇ ਆਮ ਲੋਕਾਂ, ਪੀ.ਏ.ਯੂ. ਦੇ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੂੰ ਦੱਸੀਆਂ| ਇਹ ਸਮਾਰੋਹ ਪੀ.ਏ.ਯੂ. ਦੇ ਸਿਹਤ ਕੇਂਦਰ ਵਿਖੇ ਕਰਵਾਇਆ ਗਿਆ|
ਇਹ ਵੀ ਪੜ੍ਹੋ Punjab Govt ਵੱਲੋਂ 31 ਆਪ ਆਗੂਆਂ ਨੂੰ ਬਣਾਇਆ ਵੱਖ-ਵੱਖ ਬੋਰਡਾਂ/ਕਾਰਪੋਰੇਸ਼ਨਾਂ ਦਾ ਚੇਅਰਮੈਨ ਤੇ ਡਾਇਰੈਕਟਰ
ਇਸ ਮੌਕੇ ਵਿਦਿਆਰਥੀਆਂ ਨੇ ਤਨਾਅ ਤੋਂ ਬਚਣ ਲਈ ਚੰਗੀਆਂ ਖੁਰਾਕੀ ਆਦਤਾਂ ਅਤੇ ਸਿਹਤਮੰਦ ਤਰੀਕਿਆਂ ਨੂੰ ਅਪਨਾਉਣ ਤੇ ਜ਼ੋਰ ਦਿੱਤਾ| ਪ੍ਰਦਰਸ਼ਨ ਵਿਚ ਪੋਸਟਰ ਅਤੇ ਚਾਰਟ ਪੇਸ਼ ਕਰਕੇ ਇਹਨਾਂ ਵਿਦਿਆਰਥੀਆਂ ਨੇ ਸਿਹਤਮੰਦ ਜੀਵਨ ਢੰਗਾਂ ਦਾ ਪ੍ਰਸਾਰ ਕੀਤਾ| ਵਿਦਿਆਰਥੀਆਂ ਨੇ ਦੱਸਿਆ ਕਿ ਖੂਨ ਦੇ ਵੱਧ ਦਬਾਅ ਤੋਂ ਬਚਣ ਲਈ ਆਪਣੀ ਜੀਵਨ ਜਾਚ ਵਿਚ ਸੁਧਾਰ ਕਰਨਾ ਜ਼ਰੂਰੀ ਹੈ| ਇਸ ਮੌਕੇ ਲੋਕਾਂ ਦੀਆਂ ਜਗਿਆਸਾਵਾਂ ਅਤੇ ਪੜਤਾਲ ਦਾ ਜਵਾਬ ਵਿਦਿਆਰਥੀਆਂ ਨੇ ਦਿੱਤਾ| ਲੋਕਾਂ ਨੂੰ ਵਧੇਰੇ ਫੈਟ, ਸ਼ੂਗਰ, ਨਮਕ ਅਤੇ ਪ੍ਰੋਸੈੱਸਡ ਭੋਜਨਾਂ ਤੋਂ ਬਚ ਕੇ ਸਿਹਤਮੰਦ ਖੁਰਾਕ ਨਾਲ ਜੁੜਨ ਦੀ ਪ੍ਰੇਰਨਾ ਵਿਦਿਆਰਥੀਆਂ ਨੇ ਦਿੱਤੀ|
ਇਹ ਵੀ ਪੜ੍ਹੋ ਯੂਟਿਊਬਰ ਜਯੌਤੀ ਮਲਹੋਤਰਾ ਦੀ ਪੁਛਗਿਛ ਦੌਰਾਨ ਹੋਏ ਅਹਿਮ ਖ਼ੁਲਾਸੇ!
ਇਸ ਮੌਕੇ ਚਾਹਵਾਨ ਲੋਕਾਂ ਦਾ ਬਲੱਡ ਪ੍ਰੈਸ਼ਰ ਮਾਪਿਆ ਗਿਆ|ਕਾਲਜ ਦੇ ਡੀਨ ਡਾ. ਕਿਰਨ ਬੈਂਸ ਨੇ ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ| ਉਹਨਾਂ ਕਿਹਾ ਕਿ ਕਾਲਜ ਦਾ ਮੰਤਵ ਸਮਾਜ ਨੂੰ ਅਗਾਂਹਵਧੂ ਰੁਚੀਆਂ ਨਾਲ ਜੋੜ ਕੇ ਸਿਹਤ ਅਤੇ ਜੀਵਨ ਜਾਚ ਦਾ ਵਿਕਾਸ ਕਰਨਾ ਹੈ| ਉਹਨਾਂ ਨੇ ਇਸ ਕਾਲਜ ਲਈ ਯਤਨ ਕਰਨ ਵਾਸਤੇ ਭੋਜਨ ਅਤੇ ਪੋਸ਼ਣ ਵਿਭਾਗ ਦੀ ਪ੍ਰਸ਼ੰਸ਼ਾ ਕੀਤੀ| ਪੀ.ਏ.ਯੂ. ਸਿਹਤ ਕੇਂਦਰ ਦੇ ਮੁੱਖ ਅਧਿਕਾਰੀ ਡਾ. ਕਮਲਪ੍ਰੀਤ ਕੌਰ ਨੇ ਵੀ ਇਸ ਮੌਕੇ ਸੰਬੋਧਨ ਕਰਦਿਆਂ ਨਵੀਂ ਅਤੇ ਸਿਹਤਮੰਦ ਉਮਰ ਲਈ ਚੰਗੀਆਂ ਆਦਤਾਂ ਧਾਰਨ ਕਰਨ ਦੀ ਪ੍ਰੇਰਨਾ ਦਿੱਤੀ|
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
