👉ਮਾਰਚ ਮਹੀਨੇ ਦੀ 13 ਤਰੀਕ ਨੂੰ ਬੱਚਾ ਅਗਵਾ ਕਰਨ ਵਾਲੇ ਜਸਪ੍ਰੀਤ ਦਾ ਪੁਲਿਸ ਨੇ ਕੀਤਾ ਸੀ ਇਨਕਾਉਂਟਰ
Patiala/Ludhiana News: ਖੰਨਾ ਨਜ਼ਦੀਕ ਪਿੰਡ ਸੀਂਹਾ ਦੌਦ ਤੋਂ ਬੱਚਾ ਅਗਵਾ ਕਰਨ ਦੇ ਮਾਮਲੇ ਵਿਚ ਪੁਲਿਸ ਮੁਕਾਬਲੇ ’ਚ ਮਾਰੇ ਗਏ ਨੌਜਵਾਨ ਜਸਪ੍ਰੀਤ ਸਿੰਘ ਦੇ ਮਾਪਿਆਂ ਨੇ ਹੁਣ ਅਦਾਲਤ ਦਾ ਦਰਵਾਜ਼ਾ ਖੜਕਾਉਣ ਦਾ ਐਲਾਨ ਕੀਤਾ ਹੈ। ਬੀਤੇ ਕੱਲ ਪਟਿਆਲਾ ਵਿਖੇ ਬਕਾਇਦਾ ਇੱਕ ਪ੍ਰੈਸ ਕਾਨਫਰੰਸ ਕਰਦਿਆਂ ਉਕਤ ਨੌਜਵਾਨ ਦੇ ਮਾਂ ਅਤੇ ਪਿਤਾ ਨੇ ਦਾਅਵਾ ਕੀਤਾ ਕਿ, ‘‘ ਜੇਕਰ ਉਸਦੇ ਪੁੱਤਰ ਨੇ ਜੇਕਰ ਕੋਈ ਗਲਤੀ ਕੀਤੀ ਸੀ ਤਾਂ ਉਸਨੂੰ ਕਾਨੂੰਨ ਮੁਤਾਬਕ ਬਣਦੀ ਸਜ਼ਾ ਦਿੱਤੀ ਜਾਣੀ ਸੀ ਨਾਂ ਕਿ ਪੁਲਿਸ ਵੱਲੋਂ ਗੋਲੀਆਂ ਨਾਲ ਨਹੀਂ ਭੁੰਨਣਾ ਚਾਹੀਦਾ ਸੀ। ’’
ਇਹ ਵੀ ਪੜ੍ਹੋ ਭਰਤੀ ਕਮੇਟੀ ਦੀ ਹਾਲ ‘ਚ ਰੱਖੀ ਮੀਟਿੰਗ ਨੂੰ ਰੋਕਣ ਦੀ ਕੋਸ਼ਿਸ਼, ਭੱਖਿਆ ਮਾਹੌਲ..!
ਪਟਿਆਲਾ ਦੇ ਵਿਚ ਭਾਜਪਾ ਆਗੂ ਗੁਰਤੇਜ ਸਿੰਘ ਢਿੱਲੋਂ ਨਾਲ ਕੀਤੀ ਇੱਕ ਪ੍ਰੈਸ ਕਾਨਫਰੰਸ ਵਿਚ ਮ੍ਰਿਤਕ ਨੌਜਵਾਨ ਦੇ ਪਿਤਾ ਲਖਵਿੰਦਰ ਸਿੰਘ ਨੇ ਦਾਅਵਾ ਕੀਤਾ ਕਿ ਉਹ ਸੋਮਵਾਰ ਨੂੰ ਸੀਬੀਆਈ ਦੀ ਜਾਂਚ ਲਈ ਅਦਾਲਤ ਵਿਚ ਜਾ ਰਹੇ ਹਨ। ਲਖਵਿੰਦਰ ਸਿੰਘ ਨੇ ਇਹ ਖ਼ੁਲਾਸਾ ਕੀਤਾ ਕਿ ਆਪਣੇ ਪੁੱਤਰ ਦੇ ਭੋਗ ’ਤੋਂ ਬਾਅਦ ਉਹ ਮੁਕਾਬਲੇ ਵਾਲੀ ਥਾਂ ਦੇਖਣ ਲਈ ਮਟੌੜ ਪਿੰਡ ਗਏ ਸਨ, ਜਿੱਥੇ ਉਨ੍ਹਾਂ ਨੂੰ ਕੁੱਝ ਲੋਕਾਂ ਨੇ ਆਪਣਾ ਨਾਮ ਨਾਂ ਛਾਪਣ ਦੀ ਸ਼ਰਤ ਉਪਰ ਦਸਿਆ ਸੀ ਕਿ ਜਦ ਘਟਨਾ ਵਾਲੀ ਥਾਂ ’ਤੇ ਜਸਪ੍ਰੀਤ ਦੀ ਗੱਡੀ ਇੱਕ ਖੱਡੇ ਵਿਚ ਧਸ ਗਈ ਤਾਂ ਉਨ੍ਹਾਂ ਦਾ ਪੁੱਤਰ ਹੱਥ ਖੜ੍ਹੇ ਕਰਕੇ ਕਾਰ ਵਿਚੋਂ ਬਾਹਰ ਨਿਕਲਿਆ ਸੀ ਅਤੇ ਪੁਲਿਸ ਨੇ ਬੱਚੇ ਨੂੰ ਸਹੀ ਸਲਾਮਤ ਰਿਕਵਰ ਕਰ ਲਿਆ ਸੀ। ਜਿਸਤੋਂ ਬਾਅਦ ਪੁਲਿਸ ਵਾਲੇ ਉਸਨੂੰ ਖੇਤਾਂ ਵਿਚ 150-200 ਫੁੱਟ ਅੱਗੇ ਇੱਕ ਸਮਾਧ ਕੋਲ ਲੈ ਗਏ ਤੇ ਕਾਫ਼ੀ ਸਮਾਂ ਊਥੇ ਰੱਖਿਆ, ਜਿਸਤੋਂ ਬਾਅਦ ਉਸਦੇ ਮੁਕਾਬਲੇ ਦੀ ਖ਼ਬਰ ਸਾਹਮਣੇ ਆਈ।
ਇਹ ਵੀ ਪੜ੍ਹੋ ਤਾੜ-ਤਾੜ ਗੋਲ਼ੀਆਂ ਨਾਲ ਭੁੰਨਿਆ ਆਸਟ੍ਰੇਲੀਆ ਗਿਆ ਪੰਜਾਬੀ ਮੁੰਡਾ
ਇਸ ਮੌਕੇ ਮਾਂ-ਪਿਊ ਨੇ ਰੋਂਦਿਆਂ ਕਿਹਾ ਕਿ ਜਸਪ੍ਰੀਤ ਉਨ੍ਹਾਂ ਦਾ ਇਕਲੌਤਾ ਪੁੱਤਰ ਸੀ, ਜੋਕਿ ਢਾਈ ਸਾਲ ਪਹਿਲਾਂ ਕੈਨੇਡਾ ਪੜਾਈ ਲਈ ਗਿਆ ਸੀ ਤੇ ਉਹਨਾਂ ਨੂੰ ਤਾਂ ਇਸ ਗੱਲ ਦਾ ਵੀ ਪਤਾ ਨਹੀਂ ਸੀ ਕਿ ਉਹ ਵਾਪਸ ਪੰਜਾਬ ਆਇਆ। ਇਸਦੇ ਨਾਲ ਹੀ ਮਾਪਿਆਂ ਨੇ ਮੁਕਾਬਲੇ ਸਮੇਂ ਉਸ ਕੋਲੋਂ ਬਰਾਮਦ ਹੋਈ ਗੱਡੀ ਬਾਰੇ ਵੀ ਸਵਾਲ ਖ਼ੜੇ ਕੀਤੇ ਕਿ ਇਸ ਗੱਲ ਦੀ ਵੀ ਜਾਂਚ ਹੋਣੀ ਚਾਹੀਦੀ ਹੈ ਕਿ ਉਹ ਗੱਡੀ ਕਦੋ ਅਤੇ ਕਿਸਨੇ ਖ਼ਰੀਦੀ ਸੀ। ਮਾਂ-ਪਿਊ ਨੇ ਇਹ ਵੀ ਦਸਿਆ ਕਿ 13 ਮਾਰਚ ਨੂੰ ਕਰੀਬ ਚਾਰ-ਸਵਾ ਚਾਰ ਵਜੇਂ ਪਾਇਲ ਪੁਲਿਸ ਉਨ੍ਹਾਂ ਨੂੰ ਫ਼ੜ ਕੇ ਲੈ ਗਈ ਸੀ ਤੇ ਉਸ ਸਮੇਂ ਤੱਕ ਉਨ੍ਹਾਂ ਨੂੂੰ ਆਪਣੈ ਪੁੱਤਰ ਦੇ ਵਾਪਸ ਆਉਣ ਬਾਰੇ ਵੀ ਪਤਾ ਨਹੀਂ ਸੀ। ਮਾਪਿਆਂ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਮੁਕਾਬਲੇ ਵਾਲੀ ਅੱਧੀ ਰਾਤ ਨੂੰ ਸੈਕੜਿਆਂ ਦੀ ਤਾਦਾਦ ਵਿਚ ਆਈ ਪੁਲਿਸ ਨੇ ਉਨ੍ਹਾਂ ਦੇ ਪੁੱਤਰ ਦਾ ਜਬਰੀ ਸੰਸਕਾਰ ਕਰਵਾ ਦਿੱਤਾ ਤੇ ਬਾਅਦ ਵਿਚ ਉਨ੍ਹਾਂ ਦੇ ਘਰ ਪੁਲਿਸ ਵੀ ਤੈਨਾਤ ਰੱਖੀ।
ਇਹ ਵੀ ਪੜ੍ਹੋ ਬਠਿੰਡਾ ’ਚ ਬੱਸ ਅੱਡੇ ਨੂੰ ਤਬਦੀਲ ਕਰਨ ਦੇ ਵਿਰੋਧ ’ਚ ਕੱਢਿਆ ਰੋਸ਼ ਮਾਰਚ
ਉਨ੍ਹਾਂ ਕਿਹਾ ਕਿ ਉਹ ਸੀਬੀਆਈ ਦੀ ਜਾਂਚ ਇਸ ਲਈ ਮੰਗ ਰਹੇ ਹਨ ਤਾਂ ਕਿ ਸਚਾਈ ਸਾਹਮਣੇ ਆ ਸਕੇ, ਕਿ ਇਸ ਅਗਵਾ ਦੀ ਸਾਜਸ਼ ਕਿਸਨੇ ਰਚੀ ਸੀ ਤੇ ਉਨ੍ਹਾਂ ਦੇ ਪੁੱਤਰ ਦਾ ਮੁਕਾਬਲਾ ਸਹੀ ਹੋਇਆ ਜਾਂ ਉਸਨੂੰ ਫ਼ਿਰ ਫ਼ੜ ਕੇ ਮਾਰਿਆ ਗਿਆ। ਗੌਰਤਲਬ ਹੈ ਕਿ ਮ੍ਰਿਤਕ ਨੌਜਵਾਨ ਦੇ ਮਾਪਿਆਂ ਨਾਲ ਇਨਸਾਫ਼ ਲਈ ਅੱਗੇ ਆਇਆ ਗੁਰਤੇਜ਼ ਸਿੰਘ ਢਿੱਲੋਂ, ਇਸੇ ਪੁਲਿਸ ਟੀਮ ਹੱਥੋਂ ਕੁੱਟਮਾਰ ਦਾ ਸ਼ਿਕਾਰ ਹੋਏ ਕਰਨਲ ਪੁਸ਼ਪਿੰਦਰ ਸਿੰਘ ਢਿੱਲੋਂ ਦਾ ਰਿਸਤੇਦਾਰ ਹੈ, ਜੋ ਪੂਰੇ ਕੇਸ ਦੀ ਪੈਰਵੀ ਕਰ ਰਿਹਾ।
ਇਹ ਵੀ ਪੜ੍ਹੋ ਬਦਮਾਸ਼ਾਂ ਨੇ ਨਾਬਾਲਗ ਮੁੰਡੇ ਨਾਲ ਟੱਪੀਆਂ ਹੱਦਾਂ, ਫਿਰ ਕੀਤੀ ਵੀਡੀਓ ਵਾਇਰਲ, ਪਰਿਵਾਰ ਰਹਿ ਗਿਆ ਹੱਕਾ ਬੱਕਾ
ਦਸਣਾ ਬਣਦਾ ਹੈ ਕਿ ਪਿੰਡ ਸੀਂਹ ਦੋਦਾ ਦੇ 7 ਸਾਲਾਂ ਭਵਕੀਰਤ ਸਿੰਘ ਨੂੰ ਦੋ ਮੋਟਰਸਾਈਕ ਸਵਾਰ ਨੌਜਵਾਨਾਂ ਨੇ ਉਸਦੇ ਘਰੋਂ 12 ਮਾਰਚ ਦੀ ਸ਼ਾਮ ਨੂੰ ਅਗਵਾ ਕਰ ਲਿਆ ਸੀ। ਹਰਪ੍ਰੀਤ ਤੇ ਰਵੀ ਭਿੰਡਰ ਵਾਸੀ ਅਮਰਗੜ੍ਹ ਨਾਂ ਦੇ ਇੰਨ੍ਹਾਂ ਨੌਜਵਾਨਾਂ ਨੂੰ ਪੁਲਿਸ ਨੇ ਕਾਬੂ ਕਰ ਲਿਆ ਸੀ। ਜਦੋਂਕਿ ਇਸ ਅਗਵਾ ਕਾਂਡ ਦਾ ਮੁੱਖ ਮੁਲਜਮ ਜਸਪ੍ਰੀਤ ਸਿੰਘ ਦਾ ਮਟੌੜ ਪਿੰਡ ਵਿਚ ਮੁਕਾਬਲਾ ਹੋ ਗਿਆ ਸੀ। ਇੰਨ੍ਹਾਂ ਅਗਵਾਕਾਰਾਂ ਕੋਲੋਂ ਪੀੜਤ ਬੱਚੇ ਦੇ ਪ੍ਰਵਾਰ ਕੋਲੋਂ 1 ਕਰੋੜ ਦੀ ਫ਼ਿਰੌਤੀ ਵੀ ਮੰਗੀ ਗਈ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
