ਸੁਖਜਿੰਦਰ ਮਾਨ
ਬਠਿੰਡਾ, 2 ਦਸੰਬਰ: ਉੱਘੇ ਸਿੱਖਿਆ ਸਾਸਤਰੀ ਪ੍ਰੋ ਐਨ.ਕੇ. ਗੁਸਾਂਈ ਨੂੰ ਐਸ.ਐਸ.ਡੀ ਸਭਾ ਬਠਿੰਡਾ ਵੱਲੋਂ ਐੱਸ. ਐੱਸ. ਡੀ. ਕਾਲਜ ਆਫ ਪ੍ਰੋਫੈਸ਼ਨਲ ਸਟੱਡੀਜ਼ ਭੋਖੜਾ ਦਾ ਡਾਇਰੈਕਟਰ ਨਿਯੁਕਤ ਕੀਤਾ ਗਿਆ ਹੈ। ਅੱਜ ਇਸ ਮੌਕੇ ਰੱਖੇ ਇੱਕ ਸਮਾਗਮ ਦੌਰਾਨ ਸਭਾ ਪ੍ਰਧਾਨ ਐਡਵੋਕੇਟ ਅਭੈ ਸਿੰਗਲਾ , ਵਾਇਸ ਪ੍ਰਧਾਨ ਕੇਵਲ ਕ੍ਰਿਸ਼ਨ ਅਗਰਵਾਲ, ਸਭਾ ਸਕੱਤਰ ਐਡਵੋਕੇਟ ਅਨਿਲ ਗੁਪਤਾ , ਐਡਮਿਨ ਸਕੱਤਰ ਭਾਰਤ ਭੂਸ਼ਣ, ਵਿੱਤ ਸਕੱਤਰ ਐਡਵੋਕੇਟ ਜਸਵੰਤ ਸਿੰਗਲਾ, ਕਾਲਜ ਪ੍ਰਧਾਨ ਭੂਸਣ ਜਿੰਦਲ ਅਤੇ ਕਾਲਜ ਸਕੱਤਰ ਪਰਦੀਪ ਮੰਗਲਾ ਨੇ ਪ੍ਰੋਫੈਸਰ ਐਨ.ਕੇ.ਗੁਸਾਈਂ ਨੂੰ ਜੀਅ ਆਇਆਂ ਕਹਿੰਦੇ ਹੋਏ ਗੁਲਦਤਾ ਭੇਂਟ ਕਰਕੇ ਡਾਇਰੈਕਟਰ ਦੇ ਅਹੁਦੇ ’ਤੇ ਨਿਯੁਕਤ ਕੀਤਾ।
ਐਸਐਸਡੀ ਗਰਲਜ਼ ਕਾਲਜ ਦਾ ਬੀ.ਕਾਮ-ਭਾਗ ਦੂਜਾ (ਆਨਰਸ) ਸਮੈਸਟਰ-ਚੌਥਾ ਦਾ ਨਤੀਜਾ ਰਿਹਾ ਸ਼ਾਨਦਾਰ
ਪ੍ਰੋਫੈਸਰ ਗੁਸਾਈਂ ਵੱਲੋਂ ਆਏ ਹੋਏ ਪਤਿਵੰਤੇ ਸੱਜਣਾ ਦਾ ਧੰਨਵਾਦ ਕੀਤਾ ਅਤੇ ਇਸ ਅਹੁਦੇ ‘ਤੇ ਕੰਮ ਕਰਦਿਆਂ ਕਾਲਜ ਨੂੰ ਹੋਰ ਬੁਲੰਦੀਆਂ ਤੇ ਪਹੁੰਚਾਉਣ ਦਾ ਪ੍ਰਣ ਕੀਤਾ। ਇਸ ਮੌਕੇ ਕਾਲਜ ਦੇ ਸਾਰੇ ਸਟਾਫ਼ ਮੈਬਰ ਮੌਜੂਦ ਸਨ। ਦਸਣਾ ਬਣਦਾ ਹੈ ਕਿ ਪ੍ਰੋਫੈਸਰ ਗੁਸਾਈਂ ਇਸ ਤੋਂ ਪਹਿਲਾ ਡੀ.ਏ.ਵੀ. ਕਾਲਜ ਅਤੇ ਮਾਲਵਾ ਕਾਲਜ ਵਿੱਚ ਵੀ ਆਪਣੀਆਂ ਸੇਵਾਵਾਂ ਪ੍ਰਦਾਨ ਕਰ ਚੁੱਕੇ ਹਨ। ਇਸੇ ਤਰ੍ਹਾਂ ਉਨ੍ਹਾਂ ਸਿੱਖਿਆ ਸੇਵਾਵਾਂ ਦੇ ਨਾਲ-ਨਾਲ ਸਮਾਜ ਸੁਧਾਰਕ ਕੰਮਾਂ ਵਿੱਚ ਵੀ ਆਪਣਾ ਯੋਗਦਾਨ ਪਾਇਆ ਹੈ। ਇਸ ਉਪਰੰਤ ਕਾਲਜ ਦੇ ਵਾਇਸ ਪ੍ਰਿੰਸੀਪਲ ਪ੍ਰੋ. ਅੰਸ਼ਦੀਪ ਕੌਰ ਬਰਾੜ ਨੇ ਸਾਰੇ ਸਭਾ ਮੈਂਬਰਾਂ ਅਤੇ ਪ੍ਰੋਫੈਸਰ ਐਨ.ਕੇ.ਗੁਸਾਈਂ ਜੀ ਨੂੰ ਸੁਆਗਤੀ ਸ਼ਬਦ ਕਹੇ।
Share the post "ਪ੍ਰੋ ਐਨ.ਕੇ. ਗੁਸਾਂਈ ਬਣੇ ਐੱਸਐੱਸਡੀ ਕਾਲਜ ਆਫ ਪ੍ਰੋਫੈਸ਼ਨਲ ਸਟੱਡੀਜ਼ ਭੋਖੜਾ ਦੇ ਡਾਇਰੈਕਟਰ"
