ਲੁਧਿਆਣਾ, 27 ਮਈ: ਲੋਕ ਸਭਾ ਚੋਣਾ ਦੌਰਾਨ ਪਾਰਟੀ ਉਮੀਦਵਾਰਾਂ ਵੱਲੋਂ ਲਗਾਤਾਰ ਆਪਣੇ ਵਿਰੋਧੀ ਉਮੀਦਵਾਰਾਂ ‘ਤੇ ਤਿੱਖੇ ਨਿਸ਼ਾਨੇ ਸਾਧੇ ਜਾ ਰਹੇ ਨੇ। ਹੁਣ ਇਕ ਵਾਰ ਫਿਰ ਤੋਂ ਲੁਧਿਆਣਾ ਤੋਂ ਭਾਜਪਾ ਦੇ ਲੋਕ ਸਭਾ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਨੇ ਪੰਜਾਬ ਕਾਂਗਰਸੀ ਪ੍ਰਧਾਨ ‘ਤੇ ਵੱਡੇ ਦੋਸ਼ ਲਗਾਏ ਹਨ। ਉਨ੍ਹਾਂ ਕਿਹਾ ਕਿ ਮੁਕਤਸਰ ਦੇ ਕਾਰੋਬਾਰੀ ਕਰਨ ਕਟਾਰਿਆ ਤੇ ਉਸ ਦੇ ਬੱਚਿਆ ਦੀ ਹੱਤਿਆ ਵਿਚ ਰਾਜਾ ਵੜਿੰਗ ਅਤੇ ਉਸਦੇ ਸਾਲੇ ਡੰਮੀ ਵਿਨਾਇਕ ਦਾ ਸੱਬ ਤੋਂ ਵੱਡਾ ਹੱਥ ਸੀ। ਬਿੱਟੂ ਨੇ ਕਿਹਾ ਕਿ ਰਾਜਾ ਵੜਿੰਗ ਜਦੋ MLA ਸੀ ਤਾਂ ਉਸ ਵੇਲੇ ਮੁਕਤਸਰ ਦੇ ਟਰੱਕ ਉਪਰੇਟਰਾਂ ਦੇ ਪੈਸੇ 1 ਕਰੋੜ 20 ਲੱਖ ਰੁਪਏ ਕਾਰੋਬਾਰੀ ਕਰਨ ਕਟਾਰਿਆ ਤੋਂ ਉਧਾਰ ਲਏ ਸੀ।
ਬਾਦਲ ਦਲ ਨੂੰ ਵੱਡਾ ਝਟਕਾ, ਸੀਨੀਅਰ ਆਗੂ ਵੱਲੋਂ ਭਾਈ ਅੰਮ੍ਰਿਤਪਾਲ ਸਿੰਘ ਦੀ ਹਿਮਾਇਤ ਦਾ ਐਲਾਨ
ਪਰ ਜਦੋਂ ਪੈਸੇ ਵਾਪਿਸ ਕਰਨ ਦਾ ਸਮਾਂ ਆਇਆ ਤਾਂ ਉਸ ਨੇ ਇਹ ਪੈਸੇ ਵਾਪਿਸ ਕਰਨ ਤੋਂ ਮੰਨ੍ਹਾਂ ਕਰ ਦਿੱਤਾ। ਕਰਨ ਕਟਾਰਿਆ ਨੇ ਰਾਜਾ ਵੜਿੰਗ ਅਤੇ ਉਸਦੇ ਸਾਲੇ ਡੰਮੀ ਵਿਨਾਇਕ ਤੋਂ ਦੁੱਖੀ ਆ ਕੇ ਖੁਦ ਨੂੰ ਅਤੇ ਆਪਣੇ 3 ਸਾਲ ਦੇ ਬੇਟੇ ਅਤੇ 7 ਸਾਲ ਦੀ ਬੇਟੀ ਨੂੰ ਗੋਲੀ ਨਾਲ ਮਾਰ ਦਿੱਤਾ ਸੀ। ਕਟਾਰਿਆ ਦੀ ਪਤਨੀ ਅਤੇ ਉਸ ਦੇ ਭਰਾ ਨੇ ਵੜਿੰਗ ਖਿਲਾਫ FIR ਦਰਜ ਕਰਵਾਈ ਸੀ। ਹੁਣ ਦੇਖਣਾ ਹੋਵੇਗਾ ਕਿ ਰਵਨੀਤ ਬਿੱਟੂ ਵੱਲੋਂ ਲਾਏ ਦੋਸ਼ਾਂ ਦਾ ਰਾਜਾ ਵੜਿੰਡ ਦਾ ਕੀ ਜਵਾਬ ਸਾਹਮਣੇ ਆਉਂਦਾ ਹੈ, ਇਹ ਤਾਂ ਹੁਣ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।
