👉ਅਵਾਰਾ ਪਸ਼ੂਆਂ ਤੇ ਹਨੇਰੇ ਕਾਰਨ ਹਾਦਸਿਆਂ ਦਾ ਬਣਿਆ ਰਹਿੰਦਾ ਹੈ ਡਰ
Bathinda News: Ring Road-1 Bathinda; ਦਹਾਕਿਆਂ ਤੋਂ ਲਟਕਦੀ ਬਠਿੰਡਾ ਦੀ ਰਿੰਗ ਰੋਡ-1 ਨੂੰ ਬੇਸ਼ੱਕ ਡੇਢ ਸਾਲ ਪਹਿਲਾਂ ਮੁਕੰਮਲ ਕਰਕੇ ਚਾਲੂ ਕਰ ਦਿੱਤਾ ਗਿਆ ਹੈ ਪ੍ਰੰਤੂ ਸੜਕ ‘ਤੇ ਲਾਈਟਾਂ ਨਾ ਲੱਗੀਆਂ ਹੋਣ ਕਾਰਨ ਇੱਥੇ ਹਰ ਸਮੇਂ ਹਾਦਸਿਆਂ ਦਾ ਡਰ ਬਣਿਆ ਰਹਿੰਦਾ ਹੈ। ਸਥਾਨਕ ਬਰਨਾਲਾ ਰੋਡ ਦੇ ਥਾਣਾ ਕੈਂਟ ਤੋਂ ਸ਼ੁਰੂ ਹੋ ਕੇ ਫ਼ੌਜੀ ਛਾਉਣੀ ਦੇ ਨਾਲ-ਨਾਲ ਜਾ ਕੇ ਆਈ.ਆਈ.ਆਈ ਚੌਕ ਤੱਕ 4.72 ਕਿਲੋਮੀਟਰ ਲੰਬਾਈ ਵਾਲੀ ਇਸ ਰਿੰਗ ਰੋਡ ਦੇ ਸਿਰਫ਼ ਇੱਕ ਕਿਲੋਮੀਟਰ ਥਾਣੇ ਨੇੜੇ ਹੀ ਲਾਈਟਾਂ ਲੱਗੀਆਂ ਹੋਈਆਂ ਹਨ, ਜਿਸਨੂੰ ਵੀ ਨਗਰ ਸੁਧਾਰ ਟਰੱਸਟ ਨੇ ਲਗਵਾਇਆ ਹੈ, ਜਿੱਥੋਂ ਤੱਕ ਉਨ੍ਹਾਂ ਵੱਲੋਂ ਸੜਕ ਦੇ ਨਾਲ ਪਾਰਕ ਬਣਾਇਆ ਹੋਇਆ ਹੈ।ਪ੍ਰੰਤੂ ਲੋਕ ਨਿਰਮਾਣ ਵਿਭਾਗ ਵੱਲੋਂ ਹਾਲੇ ਤੱਕ ਲਾਈਟਾਂ ਲਗਾਉਣ ਦੇ ਛੋਟੇ ਜਿਹੇ ਪ੍ਰੋਜੈਕਟ ਲਈ ਮੰਨਜੂਰੀਆਂ ਮੰਗੀਆਂ ਜਾ ਰਹੀਆਂ ਹਨ।
ਇਹ ਵੀ ਪੜ੍ਹੋ Canada ਵਿਚ ਇੱਕ ਹੋਰ ਪੰਜਾਬੀ ਨੌਜਵਾਨ ਦੀ ਹਾਦਸੇ ‘ਚ ਹੋਈ ਮੌ+ਤ, ਮਾਪਿਆਂ ਦਾ ਸੀ ਇਕਲੋਤਾ ਪੁੱਤ
ਦਸਣਾ ਬਣਦਾ ਹੈਕਿ ਸ਼ਹਿਰ ਦੇ ਬਾਹਰ-ਵਾਰ ਹੋਣ ਕਾਰਨ ਹੁਣ ਇਹ ਰਿੰਗ ਰੋਡ ਦੂਜੀਆਂ ਸੜਕਾਂ ਦੇ ਮੁਕਾਬਲੇ ਜਿਆਦਾ ਚੱਲਦੀ ਹੈ ਪ੍ਰੰਤੂ ਦਿਨ ਢਲਦੇ ਹੀ ਇਸ ਸੜਕ ਉਪਰ ਹਨੇਰੇ ਦਾ ਖੌਫ਼ ਛਾ ਜਾਂਦਾ ਹੈ।ਇਸਤੋਂ ਇਲਾਵਾ ਇੱਥੇ ਅਵਾਰਾ ਪਸ਼ੂਆਂ ਦੀ ਵੀ ਭਰਮਾਰ ਬਣੀ ਰਹਿੰਦੀ ਹੈ, ਜਿਸ ਕਾਰਨ ਇੱਥੈ ਹਰ ਸਮੇਂ ਜਿੱਥੇ ਹਾਦਸਿਆਂ ਦਾ ਡਰ ਬਣਿਆ ਰਹਿੰਦਾ, ਉਥੇ ਰਾਤ ਪੈਂਦੇ ਹੀ ਘੁੱਪ ਹਨੇਰੇ ਵਿਚ ਕਈ ਵਾਰਦਾਤਾਂ ਹੋਣ ਕਾਰਨ ਲੁਟੇਰਿਆਂ ਦਾ ਖੌਫ਼ ਵੀ ਬਰਕਰਾਰ ਹੈ। ਪ੍ਰੰਤੂ 94 ਕਰੋੜ ਰੁਪਏ ਦੀ ਲਾਗਤ ਨਾਲ ਇਸ ਸੜਕ ਨੂੰ ਤਿਆਰ ਕਰਨ ਵਾਲਾ ਬਠਿੰਡਾ ਦਾ ਲੋਕ ਨਿਰਮਾਣ ਵਿਭਾਗ ਹੁਣ ਇਸ ਪਾਸੇ ਧਿਆਨ ਕਰਨਾ ਭੁੱਲ ਗਿਆ ਹੈ। ਜਿਕਰਯੋਗ ਹੈ ਕਿ ਇਸ ਪ੍ਰੋਜੈਕਟ ਨੂੰ ਨੇਪਰੇ ਚਾੜਣ ਲਈ ਬਠਿੰਡਾ ਡਿਵੇਲਪਮੈਂਟ ਅਥਾਰਟੀ (ਬੀਡੀਏ) ਨੂੰ ਕਾਫ਼ੀ ਲੰਮੀ ਮੁਸ਼ਕੱਤ ਕਰਨੀ ਪਈ ਸੀ। ਪ੍ਰੰਤੂ ਬਾਅਦ ਵਿਚ ਜਮੀਨ ਐਕਵਾਈਰ ਕਰਨ ਦਾ ਮਾਮਲਾ ਸੁਪਰੀਮ ਕੋਰਟ ਵਿਚੋਂ ਖ਼ਤਮ ਹੋਣ ਤੋਂ ਬਾਅਦ ਇਹ ਪ੍ਰੋਜੈਕਟ ਲੋਕ ਨਿਰਮਾਣ ਵਿਭਾਗ ਨੂੰ ਸੌਂਪ ਦਿੱਤਾ ਗਿਆ।
ਇਹ ਵੀ ਪੜ੍ਹੋ USA Truck Driver Harjinder Singh; ਮੰਤਰੀ ਸੰਜੀਵ ਅਰੋੜਾ ਨੇ ਕੇਂਦਰ ਨੂੰ ਲਿਖਿਆ ਪੱਤਰ
ਇਸਤੋਂ ਬਾਅਦ 1 ਅਗਸਤ 2019 ਨੂੰ ਤਤਕਾਲੀ ਵਿਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਵੱਲੋਂ ਇਸਦਾ ਨੀਂਹ ਪੱਥਰ ਰੱਖਿਆ ਗਿਆ ਸੀ। ਹਾਲਾਂਕਿ ਇਸ ਪ੍ਰੋਜੈਕਟ ਨੂੰ ਨਵੰਬਰ 2021 ਤੱਕ ਹੀ ਪੂਰਾ ਕਰਨ ਦਾ ਟੀਚਾ ਮਿਥਿਆ ਗਿਆ ਸੀ ਪ੍ਰੰਤੂ ਕਰੋਨਾ ਕਾਲ ਕਾਰਨ ਇਹ ਪ੍ਰੌਜੈਕਟ 2023 ਵਿਚ ਮੁਕੰਮਲ ਹੋਣ ਤੋਂ ਬਾਅਦ ਚਾਲੂ ਕਰ ਦਿੱਤਾ ਗਿਆ। ਉਧਰ, ਇਸ ਮਾਮਲੇ ਵਿਚ ਸੰਪਰਕ ਕਰਨ ‘ਤੇ ਲੋਕ ਨਿਰਮਾਣ ਵਿਭਾਗ ਦੇ ਐਕਸੀਅਨ ਹਰਪ੍ਰੀਤ ਸਾਗਰ ਨੇ ਮੰਨਿਆ ਕਿ ਇਹ ਪ੍ਰੋਜੈਕਟ ਥੋੜਾ ਲੇਟ ਗਿਆ ਪ੍ਰੰਤੂ ਇਸਨੂੰ ਮੁਕੰਮਲ ਲਈ ਸਰਕਾਰ ਨੂੰ ਤਜਵੀਜ਼ ਭੇਜੀ ਹੋਈ ਹੈ, ਜਿਸਦੇ ਵਿਚ ਸੜਕ ਉਪਰ ਲਾਈਟਾਂ ਦੇ ਨਾਲ-ਨਾਲ ਪਲਾਂਟਸ਼ੇਨ ਅਤੇ ਅੰਡਰ ਬ੍ਰਿਜ਼ ਹੇਠਾਂ ਖੜ੍ਹਦੇ ਬਰਸਾਤੀ ਪਾਣੀ ਦੀ ਨਿਕਾਸੀ ਦਾ ਕੰਮ ਵੀ ਸ਼ਾਮਲ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
