Tarn Taran News: ਦੀਵਾਲੀ ਦੇ ਮੌਕੇ ਤਰਨਤਾਰਨ ਜ਼ਿਲ੍ਹੇ ਦੇ ਪਿੰਡ ਧਗਾਣਾ ਵਿਖੇ ਆਪਸ ‘ਚ ਗੁਆਂਢੀ ਤੇ ਸਿਆਸਤ ਵਿਚ ਬਣੇ ਸੱਜਰੇ ਸਰੀਕਾਂ ਵਿਚਕਾਰ ਹੋਈ ਤਕਰਾਰ ਤੋਂ ਬਾਅਦ ਮੌਜੂਦਾ ਪੰਚਾਇਤ ਮੈਂਬਰ ਦਾ ਕਤਲ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਇਹ ਤਕਰਾਰ ਆਰ.ਨੇਤ ਤੇ ਲਾਭ ਹੀਰੇ ਦੇ ਗਾਣੇ ‘ਸਾਲੇ ਬਣੇ ਆ ਚੌਧਰ ਦੇ’ ਗਾਣੇ ਨੂੰ ਲੈ ਕੇ ਸ਼ੁਰੂ ਹੋਈ, ਜੋਕਿ ਆਖਿਰ ਖੂਨੀ ਰੂਪ ਧਾਰਨ ਕਰ ਗਈ। ਤਰਨਤਾਰਨ ਪੁਲਿਸ ਨੇ ਇਸ ਮਾਮਲੇ ਵਿਚ ਕਥਿਤ ਕਾਤਲ ਸਾਬਕਾ ਸਰਪੰਚ, ਉਸਦੇ ਦੋ ਪੁੱਤਰਾਂ ਅਤੇ ਤਿੰਨ ਔਰਤਾਂ ਵਿਰੁਧ ਕਤਲ ਤੇ ਸਾਜਸ਼ ਦਾ ਪਰਚਾ ਦਰਜ਼ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ ਪੁੱਤ ਦੀ ਮੌਤ ਤੋਂ ਬਾਅਦ ਪਹਿਲੀ ਵਾਰ ਮੀਡੀਆ ਸਾਹਮਣੇ ਆਏ ਸਾਬਕਾ DGP,ਕਿਹਾ ਮੇਰਾ ਪੁੱਤ …
ਮਿਲੀ ਜਾਣਕਾਰੀ ਮੁਤਾਬਕ ਧਗਾਣਾ ਪਿੰਡ ਦੇ ਸਾਬਕਾ ਸਰਪੰਚ ਸਾਹਿਬ ਸਿੰਘ ਅਤੇ ਉਸਦੇ ਗੁਆਂਢੀ ਜਗਦੇਵ ਸਿੰਘ ਹੋਰਾਂ ਵਿਚਕਾਰ ਪੰਚਾਇਤੀ ਚੋਣਾਂ ਨੂੰ ਲੈ ਕੇ ਰੰਜਿਸ਼ ਚੱਲਦੀ ਆ ਰਹੀ ਸੀ। ਮੌਜੂਦਾ ਸਮੇਂ ਜਗਦੇਵ ਸਿੰਘ ਹੋਰਾਂ ਦੇ ਪ੍ਰਵਾਰ ਦੀ ਔਰਤ ਮਨਦੀਪ ਕੌਰ ਪੰਚਾਇਤ ਮੈਂਬਰ ਚੁਣੀ ਗਈ ਸੀ। ਪੁਲਿਸ ਅਧਿਕਾਰੀਆਂ ਮੁਤਾਬਕ ਦੀਵਾਲੀ ਦੀ ਰਾਤ ਜਗਦੇਵ ਸਿੰਘ ਤੇ ਉਸਦੇ ਭਰਾ ਜਗਰਾਜ ਸਿੰਘ ਵੱਲੋਂ ਬੱਚਿਆਂ ਸਮੇਤ ਆਪਣੇ ਘਰ ਅੱਗੇ ਪਟਾਕੇ ਪਾਏ ਜਾ ਰਹੇ ਸਨ ਜਦਕਿ ਸਾਹਿਬ ਦੇ ਪੁੱਤਰਾਂ ਸੁਖਵਿੰਦਰ ਸਿੰਘ ਉਰਫ਼ ਗੱਗੀ ਤੇ ਬਲਵਿੰਦਰ ਸਿੰਘ ਵੱਲੋਂ ਆਪਣੇ ਘਰ ਅੱਗੇ।
ਇਹ ਵੀ ਪੜ੍ਹੋ Punjab ਦੇ ਤਿੰਨ ਡਿਪਟੀ ਕਮਿਸ਼ਨਰਾਂ ਸਮੇਤ ਅੱਧੀ ਦਰਜ਼ਨ IAS ਅਫ਼ਸਰਾਂ ਦੇ ਤਬਾਦਲੇ, ਦੇਖੋ ਲਿਸਟ
ਇਸ ਦੌਰਾਨ ਕਥਿਤ ਤੌਰ ‘ਤੇ ਸਰਾਬ ਨਾਲ ਟੁੰਨ ਗੱਗੀ ਅਤੇ ਉਸਦੇ ਭਰਾ ਵੱਲੋਂ ਲਗਾਤਾਰ ਆਪਣੇ ਟਰੈਕਟਰ ਉੱਪਰ ਉੱਚੀ ਅਵਾਜ਼ ‘ਚ ਇਹ ਗਾਣਾ ਚਲਾਇਆ ਜਾ ਰਿਹਾ ਸੀ। ਇਸਤੋਂ ਬਾਅਦ ਕਥਿਤ ਤੌਰ ‘ਤੇ ਉਨ੍ਹਾਂ ਵੱਲੋਂ ਜਗਦੇਵ ਸਿੰਘ ਤੇ ਜਗਰਾਜ ਸਿੰਘ ਹੋਰਾਂ ਦੇ ਬੱਚਿਆਂ ਨਾਲ ਵੀ ਬਦਸਲੂਕੀ ਕਰਨ ਦੀ ਕੋਸ਼ਿਸ ਕੀਤੀ, ਜਿਸਤੋਂ ਬਾਅਦ ਦੋਨਾਂ ਧਿਰਾਂ ਵਿਚਕਾਰ ਕਹਾ-ਸੁਣੀ ਹੋ ਗਈ। ਇਸ ਦੌਰਾਨ ਗੱਗੀ ਘਰੋਂ ਰਾਈਫ਼ਲ ਚੁੱਕ ਲਿਆਇਆ ਤੇ ਸਿੱਧਾ ਫ਼ਾਈਰ ਕਰ ਦਿੱਤਾ, ਜੋਕਿ ਮਨਦੀਪ ਕੌਰ ਦੇ ਲੱਗਿਆ ਅਤੇ ਉਸਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਮਨਦੀਪ ਕੌਰ ਦੇ ਦੋ ਛੋਟੀਆਂ ਬੇਟੀਆਂ ਅਤੇ 1 ਬੇਟਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
