ਮਾਰੀਚ ਦੇ ਛਲ ਵਿੱਚ ਫਸੀ ਸੀਤਾ, ਰਾਵਣ ਨੇ ਕੀਤਾ ਹਰਨ; ਰਾਮਲੀਲਾ ਦੇ ਮੰਚਨ ਨੇ ਬੰਨ੍ਹਿਆ ਸਮਾਂ

👉ਸੋਨੇ ਦੇ ਹਿਰਨ ਦੀ ਮਾਇਆ ਤੋਂ ਜਟਾਯੂ ਦੇ ਸੰਘਰਸ਼ ਤੱਕ, ਰਾਮਾਇਣ ਦੇ ਭਾਵੁਕ ਅਤੇ ਰੋਮਾਂਚਕ ਪ੍ਰਸੰਗ ਮੰਚ ’ਤੇ ਹੋਏ ਜੀਵੰਤ
Mohali News:ਇੱਕ ਪਾਸੇ ਸੋਨੇ ਦੇ ਹਿਰਨ ਦੇ ਆਕਰਸ਼ਣ ਵਿੱਚ ਉਲਝੀ ਮਾਤਾ ਸੀਤਾ, ਦੂਜੇ ਪਾਸੇ ਉਨ੍ਹਾਂ ਦੀ ਰੱਖਿਆ ਲਈ ਲਕਸ਼ਮਣ ਵੱਲੋਂ ਖਿੱਚੀ ਮਰਿਆਦਾ ਰੇਖਾ ਅਤੇ ਫਿਰ ਸਾਧੂ ਦੇ ਭੇਸ ਵਿੱਚ ਆਏ ਰਾਵਣ ਦਾ ਛਲ। ਰਾਮਲੀਲਾ ਅਤੇ ਦੁਸਹਿਰਾ ਗਰਾਊਂਡ, ਫੇਜ਼-1, ਮੋਹਾਲੀ ਵਿਖੇ ਸ੍ਰੀ ਰਾਮਲੀਲਾ ਅਤੇ ਦੁਸਹਿਰਾ ਕਮੇਟੀ ਵੱਲੋਂ ਕਰਵਾਈ ਗਈ ਰਾਮਲੀਲਾ ਦੀ ਇਸ ਰਾਤ ਸੀਤਾ ਹਰਨ ਦਾ ਪ੍ਰਸੰਗ ਮੰਚ ’ਤੇ ਜੀਵੰਤ ਹੋ ਉੱਠਿਆ। ਕਲਾਕਾਰਾਂ ਨੇ ਆਪਣੀ ਅਦਾਕਾਰੀ ਅਤੇ ਪ੍ਰਭਾਵਸ਼ਾਲੀ ਸੰਵਾਦਾਂ ਰਾਹੀਂ ਰਾਮਾਇਣ ਦੇ ਇਸ ਮਹੱਤਵਪੂਰਨ ਘਟਨਾਕ੍ਰਮ ਨੂੰ ਬਾਖੂਬੀ ਪੇਸ਼ ਕੀਤਾ।ਮੰਚਨ ਦੌਰਾਨ ਮਾਰੀਚ ਨੇ ਸੋਨੇ ਦੇ ਹਿਰਨ ਦਾ ਰੂਪ ਧਾਰ ਕੇ ਭਗਵਾਨ ਸ੍ਰੀ ਰਾਮ ਨੂੰ ਕੁਟੀਆ ਤੋਂ ਦੂਰ ਲਿਜਾਣ ਦੀ ਚਾਲ ਚੱਲੀ। ਇਸ ਤੋਂ ਬਾਅਦ ਰਾਵਣ ਸਾਧੂ ਦਾ ਭੇਸ ਧਾਰ ਕੇ ਮਾਤਾ ਸੀਤਾ ਕੋਲ ਪਹੁੰਚਿਆ ਅਤੇ ਮੌਕਾ ਮਿਲਦਿਆਂ ਹੀ ਉਨ੍ਹਾਂ ਦਾ ਹਰਨ ਕਰ ਲਿਆ।

ਇਹ ਵੀ ਪੜ੍ਹੋ 👉Bathinda Police ਦੀ PCR ਟੀਮ ਦੀ ਬਹਾਦਰੀ; ਮੋਬਾਈਲ ਖੋਹ ਕੇ ਭੱਜਣ ਵਾਲੇ ਦੋ ਮੁਲਜ਼ਮ ਕਾਬੂ

ਮਾਤਾ ਸੀਤਾ ਦੀਆਂ ਪੁਕਾਰਾਂ ਅਤੇ ਉਨ੍ਹਾਂ ਨੂੰ ਬਚਾਉਣ ਲਈ ਜਟਾਯੂ ਦੇ ਸੰਘਰਸ਼ ਨੇ ਦਰਸ਼ਕਾਂ ਨੂੰ ਭਾਵੁਕ ਕਰ ਦਿੱਤਾ। ਜਟਾਯੂ ਵੱਲੋਂ ਰਾਵਣ ਦਾ ਸਾਹਮਣਾ ਕਰਨ ਦਾ ਦ੍ਰਿਸ਼ ਧਰਮ ਦੀ ਰੱਖਿਆ ਲਈ ਹਿੰਮਤ ਅਤੇ ਬਲਿਦਾਨ ਦਾ ਸੰਦੇਸ਼ ਦਿੰਦਾ ਨਜ਼ਰ ਆਇਆ।ਇਸ ਮੰਚਨ ਵਿੱਚ ਭਗਵਾਨ ਸ੍ਰੀ ਰਾਮ ਦੀ ਭੂਮਿਕਾ ਪ੍ਰਤੀਕ, ਲਕਸ਼ਮਣ ਦੀ ਭੂਮਿਕਾ ਸੰਦੀਪ ਰਾਣਾ ਅਤੇ ਮਾਤਾ ਸੀਤਾ ਦੀ ਭੂਮਿਕਾ ਸ਼ਿਵਾਨੀ ਨੇ ਨਿਭਾਈ। ਸ਼ੂਰਪਣਖਾ ਦੀ ਭੂਮਿਕਾ ਸ਼ੰਨੂ ਅਤੇ ਰਾਵਣ ਦੀ ਭੂਮਿਕਾ ਕਮਲ ਨੇ ਨਿਭਾਈ। ਮੇਘਨਾਦ ਦੇ ਰੂਪ ਵਿੱਚ ਸਿਕੰਦਰ, ਵਿਭੀਸ਼ਣ ਦੇ ਰੂਪ ਵਿੱਚ ਅਮਿਤ ਵਰਮਾ, ਅਕਸ਼ੈ ਕੁਮਾਰ ਦੇ ਰੂਪ ਵਿੱਚ ਆਦਿੱਤਿਆ ਖੰਨਾ/ਸੰਤੋਸ਼ ਅਤੇ ਖਰ ਦੀ ਭੂਮਿਕਾ ਤਰਨਵੀਰ ਨੇ ਨਿਭਾਈ। ਦੂਸ਼ਣ ਦੀ ਭੂਮਿਕਾ ਵਿੱਚ ਯਤਿਨ, ਮਨੀਸ਼ ਅਤੇ ਨਿਤਿਨ ਨੇ ਅਦਾਕਾਰੀ ਕੀਤੀ, ਜਦਕਿ ਜਟਾਯੂ ਦੀ ਭੂਮਿਕਾ ਗੌਰਵ ਨੇ ਨਿਭਾਈ। ਮਾਮਾ ਮਾਰੀਚ ਦੇ ਰੂਪ ਵਿੱਚ ਮੋਨੂੰ ਅਤੇ ਸੋਨੇ ਦੇ ਹਿਰਨ ਦੇ ਰੂਪ ਵਿੱਚ ਸਚਿਨ ਨੇ ਮੰਚਨ ਵਿੱਚ ਹਿੱਸਾ ਲਿਆ।

ਇਹ ਵੀ ਪੜ੍ਹੋ 👉ਪੰਜਾਬ ‘ਚ ਵਿਧਾਨ ਸਭਾ ਚੋਣਾਂ ਦੀ ‘ਦਸਤਕ’; 27-28 ਨੂੰ ਆ ਰਹੀ ਚੋਣ ਕਮਿਸ਼ਨ ਦੀ ਟੀਮ

ਹੋਰ ਕਲਾਕਾਰਾਂ ਨੇ ਵੀ ਵੱਖ-ਵੱਖ ਰਾਕਸ਼ਸਾਂ ਅਤੇ ਦਰਬਾਰੀ ਪਾਤਰਾਂ ਦੀਆਂ ਭੂਮਿਕਾਵਾਂ ਨਿਭਾਈਆਂ।ਸੀਤਾ ਹਰਨ ਦਾ ਪ੍ਰਸੰਗ ਰਾਮਾਇਣ ਦੀ ਕਥਾ ਦਾ ਇੱਕ ਨਿਰਣਾਇਕ ਮੋੜ ਹੈ, ਜਿਸ ਤੋਂ ਬਾਅਦ ਮਾਤਾ ਸੀਤਾ ਦੀ ਭਾਲ ਅਤੇ ਰਾਵਣ ਵਿਰੁੱਧ ਸੰਘਰਸ਼ ਦੀ ਕਹਾਣੀ ਅੱਗੇ ਵਧਦੀ ਹੈ। ਇਹ ਪ੍ਰਸੰਗ ਛਲ ਤੋਂ ਸੁਚੇਤ ਰਹਿਣ, ਸੰਕਟ ਸਮੇਂ ਹਿੰਮਤ ਦਿਖਾਉਣ ਅਤੇ ਅਨਿਆਂ ਵਿਰੁੱਧ ਖੜ੍ਹੇ ਹੋਣ ਦਾ ਸੰਦੇਸ਼ ਦਿੰਦਾ ਹੈ।ਸ੍ਰੀ ਰਾਮਲੀਲਾ ਅਤੇ ਦੁਸਹਿਰਾ ਕਮੇਟੀ ਦੇ ਪ੍ਰਧਾਨ ਆਸ਼ੂ ਸੂਦ ਦੀ ਅਗਵਾਈ ਹੇਠ ਕਰਵਾਈ ਜਾ ਰਹੀ ਰਾਮਲੀਲਾ ਦਾ ਮੰਚਨ 19 ਅਕਤੂਬਰ ਤੱਕ ਜਾਰੀ ਰਹੇਗਾ, ਜਦਕਿ 20 ਅਕਤੂਬਰ ਨੂੰ ਵਿਜੈਦਸ਼ਮੀ ਦਾ ਤਿਉਹਾਰ ਮਨਾਇਆ ਜਾਵੇਗਾ। ਕਮੇਟੀ ਨੇ ਸ਼ਹਿਰ ਵਾਸੀਆਂ ਨੂੰ ਪਰਿਵਾਰ ਸਮੇਤ ਪਹੁੰਚ ਕੇ ਰਾਮਲੀਲਾ ਦੇਖਣ ਅਤੇ ਇਸ ਧਾਰਮਿਕ ਤੇ ਸੱਭਿਆਚਾਰਕ ਪਰੰਪਰਾ ਦਾ ਹਿੱਸਾ ਬਣਨ ਦੀ ਅਪੀਲ ਕੀਤੀ ਹੈ।

👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।        

Whatsapp Channel 👉 🛑https://whatsapp.com/channel/0029VbBYZTe89inflPnxMQ0A

Whatsapp Group👉 🛑https://chat.whatsapp.com/EK1btmLAghfLjBaUyZMcLK

Telegram Channel👉 🛑https://t.me/punjabikhabarsaarwebsite

☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।