ਮੁੰਬਈ ਜਾਂਚ ਬਿਊਰੋ ਕਰੇਗੀ ਜਾਂਚ
ਮੁੰਬਈ , 15 ਅਪ੍ਰੈਲ: ਬੀਤੇ ਕੱਲ ਸਵੇਰੇ ਪੰਜ ਵਜੇਂ ਬਾਲੀਵੁੱਡ ਫ਼ਿਲਮਾਂ ਦੇ ਪ੍ਰਸਿੱਧ ਐਕਟਰ ਸਲਮਾਨ ਖ਼ਾਨ ਦੇ ਘਰ ਫ਼ਾਈਰਿੰਗ ਕਰਨ ਵਾਲੇ ਦੋ ਸੂਟਰਾਂ ਵਿਚੋਂ ਇੱਕ ਦੀ ਪਹਿਚਾਣ ਹੋ ਗਈ ਹੈ। ਪੁਲਿਸ ਸੂਤਰਾਂ ਮੁਤਾਬਕ ਕਥਿਤ ਦੋਸ਼ੀ ਵਿਸ਼ਾਲ ਉਰਫ਼ ਕਾਲੂ ਹਰਿਆਣਾ ਦੇ ਗੁਰੂਗਰਾਮ ਦਾ ਰਹਿਣ ਵਾਲਾ ਹੈ, ਜਿਸਦੇ ਸਬੰਧ ਗੈਂਗਸਟਰ ਰੋਹਿਤ ਗੋਂਦਾਰਾ ਨਾਲ ਦੱਸੇ ਜਾ ਰਹੇ ਹਨ। ਰੋਹਿਤ ਗੈਂਗਸਟਰ ਲਾਰੈਂਸ ਬਿਸਨੋਈ ਦਾ ਨਜਦੀਕੀ ਮੰਨਿਆ ਜਾ ਰਿਹਾ ਹੈ, ਜੋਕਿ ਮੌਜੂਦਾ ਸਮੇਂ ਵਿਦੇਸ਼ ਵਿਚ ਰਹਿ ਰਿਹਾ ਹੈ।
ਪਿਛਲੇ 24 ਘੰਟਿਆਂ ਦੌਰਾਨ ਪੁਲਿਸ ਵੱਲੋਂ ਕੀਤੀ ਪੜਤਾਲ ਦੌਰਾਨ ਇਸ ਵਾਰਦਾਤ ਵਿਚ ਵਰਤਿਆਂ ਮੋਟਰਸਾਈਕਲ ਵੀ ਬਰਾਮਦ ਹੋ ਗਿਆ ਹੈ ਤੇ ਸੰਭਾਵਨਾ ਪ੍ਰਗਟਾਈ ਜਾ ਰਹੀ ਹੈ ਕਿ ਸ਼ੂਟਰ ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮੁੰਬਈ ਤੋਂ ਫ਼ਰਾਰ ਹੋ ਗਏ ਹਨ। ਪੁਲਿਸ ਨੇ ਇਸ ਮਾਮਲੇ ਦੀ ਜਾਂਚ ਦਾ ਜਿੰਮਾ ਮੁੰਬਈ ਜਾਂਚ ਬਿਉੂਰੋ ਨੂੰ ਸੌਂਪ ਦਿੱਤਾ ਹੈ। ਉਂਜ ਇਸ ਮਾਮਲੇ ਵਿਚ ਦਿੱਲੀ ਤੇ ਹਰਿਆਣਾ ਪੁਲਿਸ ਵੀ ਸਹਿਯੋਗ ਵਿਚ ਜੁਟੀਆਂ ਹੋਈਆਂ ਹਨ। ਗੌਰਤਲਬ ਹੈ ਕਿ ਘਟਨਾ ਤੋਂ ਕੁੱਝ ਸਮੇਂ ਬਾਅਦ ਹੀ ਸੋਸਲ ਮੀਡੀਆ ਉਪਰ ਇਸਦੀ ਜਿੰਮੇਵਾਰੀ ਕਥਿਤ ਤੌਰ ’ਤੇ ਲਾਰੇਂਸ ਬਿਸਨੋਈ ਦੇ ਭਾਣਜੇ ਅਨਮੋਲ ਬਿਸਨੋਈ ਨੇ ਲਈ ਸੀ, ਜੋ ਖੁਦ ਵੀ ਵਿਦੇਸ਼ ਵਿਚ ਰਹਿ ਰਿਹਾ ਹੈ।
ਪੁਲਿਸ ਅਧਿਕਾਰੀਆਂ ਮੁਤਾਬਕ ਕਥਿਤ ਦੋਸ਼ੀਆਂ ਨੇ ਘਟਨਾ ਵਿਚ ਵਰਤਿਆਂ ਮੋਟਰਸਾਈਕਲ ਰਾਏਗੜ੍ਹ ਤੋਂ ਖ਼ਰੀਦਿਆਂ ਸੀ ਅਤੇ ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਉਹ ਵਾਂਡਰਾ ਰੇਲਵੇ ਸਟੇਸ਼ਨ ਨਜਦੀਕ ਇਸ ਮੋਟਰਸਾਈਕਲ ਨੂੰ ਛੱਡ ਗਏ ਸਨ। ਜਿਸਤੋਂ ਬਾਅਦ ਇਹ ਵੀ ਪਤਾ ਚੱਲਿਆ ਹੈ ਕਿ ਉਹ ਇੱਕ ਆਟੋ ਲੈ ਕੇ ਗਏ ਹਨ। ਗੌਰਤਲਬ ਹੈ ਕਿ ਬੀਤੇ ਕੱਲ ਸਵੇਰੇ ਦੋ ਨੌਜਵਾਨ ਮੋਟਰਸਾਈਕਲ ਸਵਾਰ ਹੋ ਕੇ ਅੲਆਏ ਸਨ ਤੇ ਉਨ੍ਹਾਂ ਸਲਮਾਨ ਦੇ ਘਰ ਕੋਲ ਗੋਲੀਆਂ ਚਲਾਈਆਂ ਸਨ। ਦਸਣਾ ਬਣਦਾ ਹੈ ਕਿ ਇਸਤੋਂ ਪਹਿਲਾਂ ਲਾਰੈਂਸ ਬਿਸਨੋਈ ਨੇ ਸਲਮਾਨ ਖ਼ਾਨ ਨੂੰ ਮਾਰਨ ਦੀ ਧਮਕੀ ਦਿੱਤੀ ਹੋਈ ਸੀ। ਜਿਸਦੇ ਚੱਲਦੇ ਸਰਕਾਰ ਨੇ ਉਨ੍ਹਾਂ ਨੂੰ ਭਾਰੀ ਸੁਰੱਖਿਆ ਮੁਹੱਈਆਂ ਕਰਵਾਈ ਹੋਈ ਹੈ।
