ਸਪੈਸ਼ਲ ਨੋਟ: ਕਿਰਪਾ ਕਰਕੇ ਖਬਰ ਹੂਬਹੂ ਚੋਰੀ ਕਰਕੇ ਆਪਣੇ ਨਾਵਾਂ ਹੇਠ ਵੈਬਸਾਈਟਾਂ ਤੇ ਹੋਰ ਥਾਵਾਂ ‘ਤੇ ਪ੍ਰਕਾਸ਼ਿਤ ਕਰਨ ਤੋਂ ਬਚਿਆ ਜਾਵੇ।
Bathinda News: Bathinda ਨਗਰ ਨਿਗਮ ਦੀ ਤੇਜ਼ੀ ਨਾਲ ਹੋਈ ਵਾਰਡਬੰਦੀ ਦਾ ਮਾਮਲਾ ਪੰਜਾਬ ਤੇ ਹਰਿਆਣਾ ਹਾਈਕੋਰਟ(High Court)ਪੁੱਜ ਗਿਆ ਹੈ। ਇਸ ਮਾਮਲੇ ਵਿਚ ਦਾਈਰ ਵੱਖ ਵੱਖ ਪਿਟੀਸ਼ਨਾਂ ‘ਤੇ ਸਰਕਾਰ ਨੂੰ ਨੋਟਿਸ ਜਾਰੀ ਹੋ ਗਿਆ ਹੈ। ਪਤਾ ਚੱਲਿਆ ਹੈ ਕਿ ਸਾਬਕਾ ਵਿਧਾਇਕ ਦੀ ਪਿਟੀਸ਼ਨ ‘ਤੇ ਵੀਰਵਾਰ ਨੂੰ ਇਸ ਮਾਮਲੇ ਦੀ High Court ਦੇ ਡਬਲ ਬੈਂਚ ਦੇ ਜੱਜਾਂ ਜਸਟਿਸ ਕੁਲਦੀਪ ਤਿਵਾੜੀ ਤੇ ਰਮੇਸ਼ ਕੁਮਾਰੀ ਵੱਲੋਂ ਸੁਣਵਾਈ ਕੀਤੀ ਜਾਵੇਗੀ। ਸੂਚਨਾ ਮੁਤਾਬਕ ਪਿਟੀਸ਼ਨਰ ਸਰੂਪ ਚੰਦ ਸਿੰਗਲਾ ਨੇ ਆਪਣੀ ਪਿਟੀਸ਼ਨ ਰਾਹੀਂ ਇਸ ਵਾਰਡਬੰਦੀ ਨੂੰ ਮੁੱਢੋ ਰੱਦ ਕਰਕੇ ਨਵੇਂ ਸਿਰਿਓ ਵਾਰਡਬੰਦੀ ਕਰਨ ਦੀ ਮੰਗ ਕੀਤੀ ਹੈ। ਦੂਜੇ ਪਾਸੇ ਕਾਂਗਰਸ ਪਾਰਟੀ ਦੀ ਤਰਫ਼ੋਂ ਵੀ ਮੇਅਰ ਦੀ ਚੋਣ ਲੜ ਚੁੱਕੇ ਬਲਜਿੰਦਰ ਸਿੰਘ ਠੇਕੇਦਾਰ ਵੱਲੋਂ ਮਾਣਯੋਗ High Court ਵਿਚ ਇੱਕ ਪਿਟੀਸ਼ਨ ਦਾਈਰ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ ਨਗਰ ਨਿਗਮ ਚੋਣਾਂ; ਭਾਜਪਾ ਨੇ ਇੰਚਾਰਜ਼ ਤੇ ਸਹਿ-ਇੰਚਾਰਜ਼ ਲਗਾਏ
ਸ਼੍ਰੀ ਸਿੰਗਲਾ ਨੇ ਪਿਟੀਸ਼ਨ ਦਾਈਰ ਕਰਨ ਦੀ ਪੁਸ਼ਟੀ ਕਰਦਿਆਂ ਪੰਜਾਬੀ ਖ਼ਬਰਸਾਰ ਵੈਬਸਾਈਟ ਦੇ ਪ੍ਰਤੀਨਿਧ ਨੂੰ ਦਸਿਆ ਕਿ, ‘‘ਇਹ ਵਾਰਡਬੰਦੀ ਇੱਕ ਸਿਆਸੀ ਧਿਰ ਨੂੰ ਫ਼ਾਈਦਾ ਪਹੁੰਚਾਉਣ ਦੇ ਇਰਾਦੇ ਨਾਲ ਕੀਤੀ ਗਈ ਹੈ ਤੇ ਬਠਿੰਡਾ ਦੇ ਲੋਕਾਂ ਦਾ ਕੋਈ ਪੱਖ ਨਹੀਂ ਸੁਣਿਆ ਗਿਆ। ” ਉਨ੍ਹਾਂ ਦਸਿਆ ਕਿ 23 ਦਸੰਬਰ ਨੂੰ ਇਤਰਾਜ਼ ਮੰਗਣ ਲਈ ਵਾਰਡਬੰਦੀ ਦਾ ਅਧੂਰਾ ਨਕਸ਼ਾ ਜਾਰੀ ਕੀਤਾ ਗਿਆ, ਜਿਸਦੇ ਵਿਚ ਕਿਸੇ ਵੀ ਵਾਰਡਬੰਦੀ ਦੀ ਹੱਦ ਸਬੰਧੀ ਕੋਈ ਗਲੀ/ਮੁਹੱਲਾ ਦੀ ਥਾਂ ਸਿਰਫ਼ ….ਲਗਾ ਕੇ ਛ਼ੱਡਿਆ ਗਿਆ ਸੀ। ਇਸੇ ਤਰ੍ਹਾਂ ਇਸਦੇ ਵਿਚ ਨਾਂ ਹੀ ਵਾਰਡਾਂ ਵਿਚ ਪੈਂਦੀ ਕੁੱਲ ਆਬਾਦੀ ਤੇ ਨਾਂ ਹੀ ਐਸਸੀ/ਬੀਸੀ ਆਬਾਦੀ ਬਾਰੇ ਕੋਈ ਜਿਕਰ ਕੀਤਾ ਗਿਆ। ਸ਼੍ਰੀ ਸਿੰਗਲਾ ਨੇ ਆਪਣੀ ਪਿਟੀਸ਼ਨ ਵਿਚ ਪੰਜਾਬ ਸਰਕਾਰ ਦੇ ਸਥਾਨਕ ਸਰਕਾਰਾਂ ਵਿਭਾਗ ਦੇ ਸੈਕਟਰੀ, ਡਾਇਰੈਕਟਰ ਤੋਂ ਇਲਾਵਾ ਵਾਰਡਬੰਦੀ ਸਬੰਧੀ ਬੋਰਡ, ਡਿਪਟੀ ਕਮਿਸ਼ਨਰ ਬਠਿੰਡਾ, ਨਗਰ ਨਿਗਮ ਕਮਿਸ਼ਨਰ ਬਠਿੰਡਾ ਅਤੇ ਸਟੇਟ ਇਲੈਕਸ਼ਨ ਕਮਿਸ਼ਨ ਤੋਂ ਇਲਾਵਾ ਬਠਿੰਡਾ ਸ਼ਹਿਰੀ ਹਲਕੇ ਦੇ ਵਿਧਾਇਕ ਜਗਰੂਪ ਸਿੰਘ ਗਿੱਲ ਨੂੰ ਧਿਰ ਬਣਾਇਆ ਹੈ।
ਇਹ ਵੀ ਪੜ੍ਹੋ SC Commission ਵਲੋਂ ਪਟਿਆਲਾ ਦਾ SP ਅਤੇ DSP ਤਲਬ, ਜਾਣੋਂ ਮਾਮਲਾ
ਦੂਜੇ ਪਾਸੇ ਕਾਂਗਰਸੀ ਆਗੂ ਬਲਜਿੰਦਰ ਸਿੰਘ ਠੇਕੇਦਾਰ ਨੇ ਵੀ ਇਸ ਵਾਰਡਬੰਦੀ ਨੂੰ ਚੁਣੌਤੀ ਦਿੰਦਿਆਂ ਦਾਅਵਾ ਕੀਤਾ ਹੈ ਕਿ ਨਗਰ ਨਿਗਮ ਦੇ ਦਫ਼ਤਰ ਵਿਚ ਇਤਰਾਜ਼ਾਂ ਲਈ ਵਾਰਡਬੰਦੀ ਦੇ ਰੱਖੇ ਨਕਸ਼ੇ ਵਿਚ ਵਾਰਡਾਂ ਦੀਆਂ ਬਾਉਂਡਰੀਆਂ ਲਾਈਨਾਂ ਵੀ ਦਿਖਾਈ ਨਹੀਂ ਦਿੰਦੀਆਂ ਸਨ ਤੇ ਨਾਂ ਹੀ ਵਾਰਡਾਂ ਦੀ ਹੱਦ ਸਬੰਧੀ ਗਲੀ/ਮੁਹੱਲਾ ਦਾ ਵੇਰਵਾ ਸੀ। ਉਨ੍ਹਾਂ ਕਿਹਾ ਕਿ ਵਾਰਡਬੰਦੀ ਵਿਚ ਆਬਾਦੀ ਦਾ ਵੀ ਕੋਈ ਜਿਕਰ ਨਹੀਂ ਸੀ ਤੇ ਇਤਰਾਜ਼ ਲਗਾਉਣ ਦੇ ਬਾਵਜੂਦ ਇਸਨੂੰ ਦੂਰ ਕਰਨ ਦਾ ਯਤਨ ਨਹੀਂ ਕੀਤਾ ਗਿਆ। ਉ੍ਨ੍ਹਾਂ ਵਾਰਡਬੰਦੀ ਨੂੰ ਦਰੁਸੱਤ ਕਰਕੇ ਇਸਦੇ ਉੱਪਰ 15 ਦਿਨਾਂ ਦੇ ਇਤਰਾਜ਼ ਦਾ ਸਮਾਂ ਮੰਗਿਆ ਹੈ। ਦਸਣਾ ਬਣਦਾ ਹੈ ਕਿ ਫ਼ਰਵਰੀ 2021 ਵਿਚ ਨਗਰ ਨਿਗਮ ਬਠਿੰਡਾ ਦੇ 50 ਵਾਰਡਾਂ ਉੱਪਰ ਚੋਣ ਹੋਈ ਸੀ ਤੇ ਹੁਣ ਇਹ ਚੋਣ ਮਾਰਚ 2026 ਵਿਚ ਮੁੜ ਹੋਣੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
