Bathinda News:ਪਿਛਲੇ ਕੁੱਝ ਦਿਨਾਂ ਤੋਂ ਬਿਨ੍ਹਾਂ ਮੰਨਜੂਰੀ ਕਥਿਤ ਤੌਰ ‘ਤੇ ਪਲਾਟ ਵੇਚਣ ਦੇ ਮਾਮਲੇ ਵਿਚ ਵਿਵਾਦਾਂ ‘ਚ ਘਿਰੀ ਬਠਿੰਡਾ ਦੀ ਇੱਕ ਨਾਮੀ ਕਲੌਨੀ ਦੇ ਪ੍ਰਬੰਧਕਾਂ ਵਿਰੁਧ ਹੁਣ ਨਗਰ ਨਿਗਮ ਪ੍ਰਸ਼ਾਸਨ ਨੇ ਕਾਨੂੰਨੀ ਸਿਕੰਜ਼ਾ ਕਸਣ ਦੀ ਤਿਆਰੀ ਵਿੱਢ ਦਿੱਤੀ ਹੈ। ਡੱਬਵਾਲੀ ਰੋਡ ‘ਤੇ ਸਥਿਤ ਅਨੰਦਾ ਸਿਟੀ-2 ਦੇ ਨਾਂ ਹੇਠ ਇਸਦੇ ਪ੍ਰੋਮਟਰਾਂ ਵੱਲੋਂ ਕਥਿਤ ਤੌਰ ‘ਤੇ ਸਰਕਾਰ ਨੂੰ ਚੂਨਾ ਲਗਾਉਣ ਦੀ ਕੰਨਸੋਅ ਮਿਲਦੇ ਹੀ ਨਿਗਮ ਅਧਿਕਾਰੀਆਂ ਨੇ ਜ਼ਿਲ੍ਹਾ ਪੁਲਿਸ ਨੂੰ ਕਾਨੂੰਨੀ ਕਾਰਵਾਈ ਲਈ ਲਿਖਿਆ ਹੈ। ਹਾਲਾਂਕਿ ਕਲੌਨੀ ਦੇ ਪ੍ਰੋਮਟਰਾਂ ਦਾ ਦਾਅਵਾ ਹੈ ਕਿ ਉਨ੍ਹਾਂ ‘ਮੁੱਦੇ’ ਨੂੰ ਨਿਪਟਾ ਲਿਆ ਹੈ ਪ੍ਰੰਤੂ ਮਿਲੀ ਜਾਣਕਾਰੀ ਮੁਤਾਬਕ ਨਿਗਮ ਕਮਿਸ਼ਨਰ ਵੱਲੋਂ ਲੰਘੇ ਦਿਨੀਂ ਐਸਐਸਪੀ ਨੂੰ ਕਾਨੂੰਨੀ ਕਾਰਵਾਈ ਲਈ ਲਿਖੇ ਪੱਤਰ ਤੋਂ ਬਾਅਦ ਪੁਲਿਸ ਨੇ ਵੀ ਜਾਂਚ ਖੋਲ ਦਿੱਤੀ ਹੈ।
ਇਹ ਵੀ ਪੜ੍ਹੋ ਕਿਸਾਨਾਂ ਨੂੰ DAP ਦੇ ਨਾਲ ਜਬਰੀ ਹੋਰ ਉਤਪਾਦ ਦੇਣ ਵਾਲੇ ਡਿਸਟਰੀਬਿਊਟਰ ਵਿਰੁਧ ਪਰਚਾ ਦਰਜ਼
ਪੁਲਿਸ ਅਧਿਕਾਰੀਆਂ ਮੁਤਾਬਕ ਡੀਐਸਪੀ ਸਿਟੀ ਨੂੰ ਇਸ ਮਾਮਲੇ ਦੀ ਜਾਂਚ ਕਰਕੇ ਬਣਦੀ ਕਾਨੂੰਨੀ ਕਾਰਵਾਈ ਕਰਨ ਲਈ ਲਿਖਿਆ ਹੈ। ਨਿਗਮ ਦੇ ਅਧਿਕਾਰੀਆਂ ਨੇ ਸਪੱਸ਼ਟ ਕੀਤਾ ਹੈ ਕਿ ਡੱਬਵਾਲੀ ਰੋਡ ‘ਤੇ ਸਥਿਤ ਅਨੰਦਾ ਸਿਟੀ ਕਲੌਨੀ ਦੇ ਪ੍ਰੋਮਟਰਾਂ ਵੱਲੋਂ ਸੈਕਿੰਡ ਫ਼ੇਜ ਲਈ ਮੰਨਜੂਰੀ ਲੈਣ ਵਾਸਤੇ ਫ਼ਾਈਲ ਜਮ੍ਹਾਂ ਕਰਵਾਈ ਹੋਈ ਸੀ ਪ੍ਰੰਤੁ ਇਸਤੋਂ ਪਹਿਲਾਂ ਕਿ ਉਕਤ ਫ਼ਾਈਲ ਨੂੰ ਮੰਨਜੂਰੀ ਮਿਲਦੀ, ਉਸਤੋਂ ਪਹਿਲਾਂ ਹੀ ਕਥਿਤ ਤੌਰ ‘ਤੇ ਲੋਕਾਂ ਨੂੰ ਪਲਾਟਾਂ ਦੀ ਸੇਲ ਸ਼ੁਰੂ ਕਰ ਦਿੱਤੀ, ਜੋਕਿ ਇੱਕ ਗੰਭੀਰ ਕਾਨੂੰਨੀ ਅਪਰਾਧ ਹੈ। ਜਿਸਦੇ ਚੱਲਦੇ ਰੇਰਾ ਦੀ ਉਲੰਘਣਾ ਤੇ ਹੋਰ ਅਰੋਪਾਂ ਦੇ ਮਾਮਲੇ ਵਿਚ ਕਲੌਨੀ ਦੇ ਪ੍ਰਬੰਧਕਾਂ ਵਿਰੁਧ ਬਣਦੀ ਕਾਰਵਾਈ ਲਈ ਐਸਐਸਪੀ ਨੂੰ ਲਿਖਿਆ ਗਿਆ ਹੈ। ਨਿਗਮ ਕਮਿਸ਼ਨਰ ਮੈਡਮ ਕੰਚਨ ਨੇ ਵੀ ਪੱਤਰ ਲਿਖੇ ਜਾਣ ਦੀ ਪੁਸ਼ਟੀ ਕੀਤੀ ਹੈ।
ਇਹ ਵੀ ਪੜ੍ਹੋ ਸੂਬਾ ਸਰਕਾਰ 19 ਤੋਂ 25 ਨਵੰਬਰ ਤੱਕ ਮਨਾਵੇਗੀ ਗੁਰੂ ਤੇਗ ਬਹਾਦਰ ਦਾ 350ਵਾਂ ਸ਼ਹੀਦੀ ਦਿਹਾੜਾ : ਤਰਨਪ੍ਰੀਤ ਸਿੰਘ ਸੌਂਦ
ਉਧਰ, ਦੂਜੇ ਪਾਸੇ ਇਸ ਕਲੌਨੀ ਦੇ ਇੱਕ ਪ੍ਰੋਮਟਰ ਭੂਸ਼ਣ ਅਗਰਵਾਲ ਨੇ ਸੰਪਰਕ ਕਰਨ ‘ਤੇ ਕਿਹਾ, ‘‘ ਕਲੌਨੀ ਵੱਲੋਂ ਦੂਜੇ ਫ਼ੇਜ ਦੇ ਵਿਸਥਾਰ ਲਈ ਕੁੱਝ ਏਕੜ ਜਮੀਨ ਲਈ ਗਈ ਹੈ ਤੇ ਇਸਦੀ ਫ਼ਾਈਲ ਮੰਨਜੂਰੀ ਲਈ ਨਿਗਮ ਨੂੰ ਭੇਜੀ ਗਈ ਸੀ।ਉਨ੍ਹਾਂ ਦਾਅਵਾ ਕੀਤਾ ਕਿ ਕਿਸੇ ਨੂੰ ਕੋਈ ਪਲਾਟ ਨਹੀਂ ਵੇਚਿਆ ਗਿਆ। ” ਨਿਗਮ ਪ੍ਰਸ਼ਾਸਨ ਵੱਲੋਂ ਕਾਨੂੰਨੀ ਕਾਰਵਾਈ ਲਈ ਪੁਲਿਸ ਨੂੰ ਲਿਖੇ ਜਾਣ ‘ਤੇ ਉਨ੍ਹਾਂ ਇਹ ਵੀ ਹੈਰਾਨੀਜਨਕ ਖੁਲਾਸਾ ਕੀਤਾ ਕਿ, ‘‘ ਉਹ ਸਭ ਮੈਨੇਜ਼ ਹੋ ਗਿਆ ਹੈ ਤੇ ਹੇਠਲੇ ਅਧਿਕਾਰੀ ਤੋਂ ਲੈ ਕੇ ਕਮਿਸ਼ਨਰ ਮੈਡਮ ਤੱਕ ਸਭ ਨੂੰ ਤੱਥ ਧਿਆਨ ਵਿਚ ਲਿਆ ਦਿੱਤੇ ਗਏ ਹਨ। ”
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
