ਚੰਡੀਗੜ੍ਹ, 25 ਦਸੰਬਰ: ਬੀਤੀ ਦੇਰ ਰਾਤ ਚੰਡੀਗੜ੍ਹ ਦੇ ਧਨਾਸ ਇਲਾਕੇ ਵਿੱਚ ਇੱਕ ਛੋਟੇ ਭਰਾ ਵੱਲੋਂ ਮਮੂਲੀ ਤਕਰਾਰਬਾਜੀ ਦੌਰਾਨ ਆਪਣੇ ਵੱਡੇ ਭਰਾ ਦਾ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਘਟਨਾ ਸਮੇਂ ਦੋਨੋਂ ਭਰਾ ਸ਼ਰਾਬ ਪੀ ਰਹੇ ਸਨ। ਮ੍ਰਿਤਕ ਦੀ ਪਹਿਚਾਨ ਅਮਰਜੀਤ ਦੇ ਤੌਰ ‘ਤੇ ਹੋਈ ਹੈ ਜਦੋਂ ਕਿ ਉਸ ਨੂੰ ਮਾਰਨ ਵਾਲੇ ਕਥਿਤ ਮੁਜਰਮ ਛੋਟੇ ਭਰਾ ਦਾ ਨਾਮ ਜਸਪਾਲ ਦੱਸਿਆ ਜਾ ਰਿਹਾ ਹੈ। ਇਸ ਮਾਮਲੇ ਦੇ ਵਿੱਚ ਪੁਲਿਸ ਨੇ ਕੇਸ ਦਰਜ ਕਰਕੇ ਛੋਟੇ ਭਰਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਕੇਬੀਸੀ ‘ਚ ਪਹੁੰਚਿਆ ਲੁਧਿਆਣਾ ਦਾ ਹਲਵਾਈ, ਅਮਿਤਾਭ ਬੱਚਨ ਨੂੰ ਖਵਾਈ ਆਪਣੇ ਦੁਕਾਨ ਦੀ ਮਿਠਾਈ
ਮ੍ਰਿਤਕ ਦੀ ਮਾਤਾ ਨੇ ਹਸਪਤਾਲ ਦੇ ਵਿੱਚ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਦੋਨੋਂ ਭਰਾਵਾਂ ਵਿੱਚ ਇਹ ਤਕਰਾਰਬਾਜ਼ੀ ਛੋਟੀ ਜਿਹੀ ਗੱਲ ਨੂੰ ਲੈ ਕੇ ਹੋਈ ਸੀ ਜੋ ਕਿ ਵੱਧਦੀ ਵੱਧਦੀ ਗਾਲਬਾਜੀ ਅਤੇ ਹੱਥੋਪਾਈ ਤੱਕ ਪੁੱਜ ਗਈ। ਇਸ ਦੌਰਾਨ ਜਸਪਾਲ ਨੇ ਅਮਰਜੀਤ ਨੂੰ ਧੱਕਾ ਮਾਰ ਦਿੱਤਾ ਜਿਸ ਦੇ ਕਾਰਨ ਉਸਦੇ ਸਿਰ ਉੱਪਰ ਸੱਟ ਲੱਗ ਗਈ। ਪਰਿਵਾਰ ਵੱਲੋਂ ਤੁਰੰਤ ਹੀ ਉਸਨੂੰ ਪੀਜੀਆਈ ਚੰਡੀਗੜ੍ਹ ਵਿੱਚ ਲਿਆਂਦਾ ਗਿਆ ਜਿੱਥੇ ਉਸਦੀ ਮੌਤ ਹੋ ਗਈ। ਮਾਤਾ ਮੁਤਾਬਿਕ ਦੋਨੇ ਹੀ ਪੁੱਤਰ ਹਾਲੇ ਤੱਕ ਅਣਵਿਆਹੇ ਸਨ। ਘਟਨਾ ਕਾਰਨ ਪਰਿਵਾਰ ਵਿੱਚ ਸੋਗ ਪਾਇਆ ਜਾ ਰਿਹਾ ਹੈ।
