ਬਾਲ ਅਧਿਕਾਰ ਕਮਿਸ਼ਨ ਨੇ ਲਿਆ ਨੋਟਿਸ, ਪੁਲਿਸ ਵੀ ਹੋਈ ਸਖ਼ਤ
Punjab News: ਪਿਛਲੇ ਕੁੱਝ ਸਾਲਾਂ ਤੋਂ ਦੋ ਅਰਥੀ ਗੱਲਬਾਤ ਅਤੇ ਅਸਲੀਲ ਵੀਡੀਓ ਪਾ ਕੇ ਸੋਸਲ ਮੀਡੀਆ ਰਾਹੀਂ ਸ਼ੌਖੀ ਕਮਾਈ ਦਾ ਰਾਹ ਲੱਭਣ ਵਾਲਿਆਂ ਦਾ ‘ਰਾਸਤਾ’ ਹੁਣ ਸੌਖਾ ਨਹੀਂ ਹੋਵੇਗਾ। ਕੁੱਝ ਦਿਨ ਪਹਿਲਾਂ ਅਜਿਹੀਆਂ ਵਿਵਾਦਤ ਪੋਸਟਾਂ ਪਾਉਣ ਵਾਲੀ ਕੰਚਨ ਤਿਵਾੜੀ ਉਰਫ਼ ਕਮਲ ਭਾਬੀ ਦੇ ਹੋਏ ਕਤਲ ਤੋਂ ਬਾਅਦ ਜਿੱਥੇ ਪੰਜਾਬ ਪੁਲਿਸ ਵੀ ਸਖ਼ਤ ਹੋ ਗਈ ਹੈ, ਉਥੇ ਸੂਬੇ ਦੇ ਬਾਲ ਅਧਿਕਾਰ ਸੁਰੱਖਿਆ ਕਮਿਸ਼ਨ ਨੇ ਵੀ ਇਸਦਾ ਨੋਟਿਸ ਲਿਆ ਹੈ। ਇਸ ਸਬੰਧ ਵਿਚ ਕਮਿਸ਼ਨ ਵੱਲੋਂ ਸਾਈਬਰ ਕ੍ਰਾਈਮ ਵਿੰਗ ਪੰਜਾਬ ਦੇ ਏਡੀਜੀਪੀ ਨੂੰ ਇੱਕ ਪੱਤਰ ਲਿਖਿਆ ਹੈ। ਜਿਸਦੇ ਵਿਚ ਉਨ੍ਹਾਂ ਅੱਲੜ ਉਮਰ ਦੇ ਬੱਚਿਆਂ ਦੇ ਮਨਾਂ ਉਪਰ ਮਾੜਾ ਪ੍ਰਭਾਵ ਪਾਉਣ ਵਾਲੀਆਂ ਅਸ਼ਲੀਲ ਪੋਸਟਾਂ ਨੂੰ ਸੋਸਲ ਮੀਡੀਆ ਉਪਰੋਂ ਹਟਾਉਣ ਲਈ ਕਿਹਾ ਹੈ।
ਇਹ ਵੀ ਪੜ੍ਹੋ ਰੋਜ਼ ਗਾਰਡਨ ਬਠਿੰਡਾ’ਚ ਮਿਲਿਆ ਭਾਰੀ ਮਾਤਰਾ ਵਿੱਚ ਡੇਂਗੂ ਦਾ ਲਾਰਵਾ ਅਤੇ ਪਿਉਪਾ
ਇਸਤੋਂ ਇਲਾਵਾ ਅਜਿਹੀਆਂ ਵੀਡੀਓਜ਼ ਕਾਰਨ ਸਮਾਜ ਵਿਚ ਅਮਨ ਤੇ ਕਾਨੂੰਨ ਦੀ ਸਥਿਤੀ ’ਤੇ ਪੈ ਰਹੇ ਪ੍ਰਭਾਵ ਦੇ ਕਾਰਨ ਪੰਜਾਬ ਪੁਲਿਸ ਵੀ ਸਖ਼ਤ ਹੋਈ ਹੈ ਤੇ ਉਸਦੇ ਵੱਲੋਂ ਵੀ ਅਜਿਹੀਆਂ ਵੀਡੀਓਜ਼ ਨੂੰ ਸੋਸਲ ਮੀਡੀਆ ਤੋਂ ਹਟਾਉਣ ਦਾ ਕੰਮ ਕੀਤਾ ਜਾ ਰਿਹਾ। ਜਦਕਿ ਕਮਿਸ਼ਨ ਦੇ ਚੇਅਰਮੈਨ ਕੰਵਰਦੀਪ ਸਿੰਘ ਨੇ ਇਸ ਪੱਤਰ ਰਾਹੀਂ ਲਿਖਿਆ ਹੈ ਕਿ ਪਿਛਲੇ ਕਈ ਦਿਨਾਂ ਤੋਂ ਫੇਸਬੁੱਕ, ਇੰਸਟਾਗ੍ਰਾਮ ਸਮੇਤ ਸੋਸ਼ਲ ਮੀਡੀਆ ’ਤੇ ਕੁਝ ਵਿਅਕਤੀਆਂ ਦੁਆਰਾ ਪੋਸਟ ਕੀਤੇ ਗਏ ਅਜਿਹੇ ਵੀਡੀਓਜ਼ ਬਾਰੇ ਬਹੁਤ ਚਰਚਾ ਹੋ ਰਹੀ ਹੈ, ਜੋ ਅਸ਼ਲੀਲਤਾ ਫੈਲਾ ਰਹੇ ਹਨ ਅਤੇ ਕਿਸ਼ੋਰਾਂ ’ਤੇ ਵੀ ਮਾੜਾ ਪ੍ਰਭਾਵ ਪਾ ਰਹੇ ਹਨ। ਅਜਿਹੀਆਂ ਚਰਚਾਵਾਂ ਕਾਰਨ ਅੱਲੜ ਉਮਰ ਦੇ ਮੁੰਡੇ ਤੇ ਕੁੜੀਆਂ ਦਾ ਧਿਆਨ ਇੰਨ੍ਹਾਂ ਵੀਡੀਓਜ਼ ਨੂੰ ਦੇਖਣ ਵੱਲ ਆਕਰਸ਼ਿਤ ਹੋ ਰਿਹਾ ਹੈ, ਜਿਨ੍ਹਾਂ ਨੇ ਪਹਿਲਾਂ ਉਹ ਵੀਡੀਓਜ਼ ਨਹੀਂ ਵੇਖੀਆਂ ਹੋਣਗੀਆਂ।
ਇਹ ਵੀ ਪੜ੍ਹੋ ਅਸ਼ਲੀਲ ਵੀਡੀਓ ਵਾਈਰਲ ਹੋਣ ਤੋਂ ਬਾਅਦ ਡੇਰੇ ਦਾ ਮੁਖੀ ਹੋਇਆ ਫ਼ਰਾਰ, ਦਰਜ਼ ਹੋ ਚੁੱਕਿਆ ਪਰਚਾ
ਕਮਿਸ਼ਨ ਮੁਤਾਬਕ ਪਿਛਲੇ 8-10 ਦਿਨਾਂ ਵਿਚ ਸੋਸ਼ਲ ਮੀਡੀਆ ’ਤੇ ਅਖੌਤੀ ਪ੍ਰਭਾਵਸ਼ਾਲੀ ਲੋਕਾਂ ਦੇ ਫਾਲੋਅਰਜ਼ ਵਿਚ ਵਾਧਾ ਹੋਇਆ ਹੈ। ਕਮਿਸ਼ਨ ਚਿੰਤਤ ਹੈ ਕਿ ਇਨ੍ਹਾਂ ਵਧੇ ਹੋਏ ਫਾਲੋਅਰਜ਼ ਦਾ ਇਕ ਵੱਡਾ ਹਿੱਸਾ ਬੱਚਿਆਂ ਦਾ ਹੋਵੇਗਾ। ਇਸ ਸਬੰਧ ਵਿਚ ਪੰਜਾਬੀ ਚਿੰਤਕ ਡਾ. ਪੰਡਿਤ ਰਾਓ ਧਰਣਵਰ, ਸਹਾਇਕ ਪ੍ਰੋਫੈਸਰ, ਚੰਡੀਗੜ੍ਹ ਨੇ ਕਮਿਸ਼ਨ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ ਜੋ ਕਿ ਇਸ ਪੱਤਰ ਨਾਲ ਤੁਰੰਤ ਕਾਰਵਾਈ ਲਈ ਨੱਥੀ ਕੀਤੀ ਗਈ ਹੈ। ਜਿਸਦੇ ਚੱਲਦੇ ਸ਼ੋਸਲ ਮੀਡੀਆ ਉਪਰੋਂ ਦੋ ਅਰਥੀ, ਅਸ਼ਲੀਲ ਗੱਲਬਾਤ ਵਾਲੀ ਵੀਡੀਓ, ਨਸ਼ਿਆਂ ਤੇ ਗੰਨ ਕਲਚਰ ਨੂੰ ਪ੍ਰਮੋਟ ਕਰਨ ਵਾਲੀਆਂ ਵੀਡੀਓ ਵੀ ਤੁਰੰਤ ਹਟਾਈਆਂ ਜਾਣ।
ਇਹ ਵੀ ਪੜ੍ਹੋ ..ਤੇ ਹੌਲਦਾਰ ਸਾਹਿਬ ਨੇ ਆਪਣੇ ਪਿੰਡ ਦੇ ਸਾਬਕਾ ਫ਼ੌਜੀ ਨੂੰ ਵੀ ਨਾਂ ਬਖਸਿਆ, ਮਾਰੀ ਠੱਗੀ ਤੇ ਹੋਇਆ ਪਰਚਾ ਦਰਜ਼
ਕਮਿਸ਼ਨ ਨੇ ਏਡੀਜੀਪੀ ਨੂੰ ਅਜਿਹੀ ਸਮੱਗਰੀ ’ਤੇ ਨਿਗ੍ਹਾ ਰੱਖਣ ਲਈ ਇੱਕ ਨੋਡਲ ਅਧਿਕਾਰੀ ਵੀ ਤੈਨਾਤ ਕਰਨ ਲਈ ਕਿਹਾ ਹੈ। ਇਸਦੇ ਨਾਲ ਹੀ ਇਹ ਵੀ ਹਿਦਾਇਤ ਦਿੱਤੀ ਹੈ ਕਿ ਜੇਕਰ ਅਜਿਹੀ ਮੈਟਰ ਵਿਦੇਸ਼ਾਂ ਵਿਚੋਂ ਸ਼ੋਸਲ ਮੀਡੀਆ ’ਤੇ ਪੈਂਦਾ ਹੈ ਤੇ ਅਜਿਹੀਆਂ ਸਾਈਟਾਂ ਨੂੰ ਇੱਥੇ ਬੈਨ ਕਰਨ ਦੀ ਕਾਰਵਾਈ ਕੀਤੀ ਜਾਵੇ। ਇਸਤੋਂ ਇਲਾਵਾ ਦੋ ਅਰਥੀ ਗੱਲਬਾਤ ਤੇ ਅਸਲੀਲ ਕੰਟੈਟ ਤਿਆਰ ਕਰਨ ਅਤੇ ਇਸਨੂੰ ਸੋਸਲ ਮੀਡੀਆ ’ਤੇ ਅੱਪਲੋਡ ਕਰਨ ਵਾਲਿਆਂ ਵਿਰੁਧ ਬੀਐਨਐਸ 2023 ਅਤੇ ਆਈ.ਟੀ ਐਕਟ 2000 ਸਹਿਤ ਪੋਕਸੋ ਐਕਟ 2012 ਤਹਿਤ ਪਰਚੇ ਦਰਜ਼ ਕਰਨ ਲਈ ਵੀ ਕਿਹਾ ਗਿਆ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
ਨਿਊਜ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 9464276483 ’ਤੇ ਸੰਪਰਕ ਕਰੋਂ।
