ਨਵਾਂਸ਼ਹਿਰ, 25 ਜੁਲਾਈ: ਨਸ਼ੇ ਦੇ ਚੱਲਦੇ ਪਿਛਲੇ ਡੇਢ ਦਹਾਕੇ ਤੋਂ ਪਤੀ-ਪਤਨੀ ਵਿਚਕਾਰ ਚੱਲ ਰਹੇ ਘਰੇਲੂ ਕਲੈਸ਼ ਦਾ ਬੀਤੇ ਕੱਲ ਖੌਫ਼ਨਾਕ ਅੰਤ ਹੋਇਆ ਹੈ। ਜ਼ਿਲ੍ਹੇ ਦੇ ਪਿੰਡ ਮੱਲਪਾਰ ਵਿਖੇ ਵਾਪਰੀ ਇਸ ਘਟਨਾ ਵਿਚ ਅਵਤਾਰ ਸਿੰਘ ਤੇ ਉਸਦੀ ਪਤਨੀ ਸੋਨੀਆ ਦੇ ਨਾਲ-ਨਾਲ ਇਸ ਕਲੈਸ਼ ਦਾ ਖਮਿਆਜਾ ਉਨ੍ਹਾਂ ਦੀ 12 ਸਾਲਾਂ ਮਾਸੂਮ ਬੇਟੀ ਨੂੰ ਭੁਗਤਣਾ ਪਿਆ। ਸੂਚਨਾ ਮੁਤਾਬਕ ਅਵਤਾਰ ਸਿੰਘ ਤੇ ਸੋਨੀਆ ਦਾ ਕਰੀਬ 17 ਸਾਲ ਪਹਿਲਾਂ ਵਿਆਹ ਹੋਇਆ ਸੀ। ਇਸ ਵਿਆਹ ਵਿਚ ਦੋਨਾਂ ਦੇ ਘਰ ਦੋ ਬੇਟੀਆਂ ਨੇ ਜਨਮ ਲਿਆ। ਘਰ ਵਿਚ ਅਵਤਾਰ ਸਿੰਘ ਦੀ ਇੱਕ ਬਿਰਧ ਮਾਤਾ ਵੀ ਹੈ। ਦਸਣ ਵਾਲਿਆਂ ਮੁਤਾਬਕ ਅਵਤਾਰ ਸਿੰਘ ਕਥਿਤ ਤੌਰ ‘ਤੇ ਸ਼ਰਾਬ ਦਾ ਨਸ਼ਾ ਕਰਦਾ ਸੀ, ਜਿਸ ਕਾਰਨ ਘਰ ਵਿਚ ਅਕਸਰ ਹੀ ਲੜਾਈ ਝਗੜਾ ਹੁੰਦਾ ਸੀ।
ਪੰਜਾਬ ਸਰਕਾਰ ਵੱਲੋਂ ਅਧਿਆਪਕਾਂ ਦੀਆਂ ਬਦਲੀਆਂ ਦੀ ਪ੍ਰੀਕ੍ਰਿਆ ਸ਼ੁਰੂ
ਬੀਤੇ ਕੱਲ ਵੀ ਇਸ ਲੜਾਈ ਝਗੜੇ ਤੋਂ ਬਾਅਦ ਗੁੱਸੇ ਵਿਚ ਆਈ ਸੋਨੀਆ ਨੇ ਸਲਫ਼ਾਸ ਦੀਆਂ ਗੋਲੀਆਂ ਖ਼ਾ ਲਈਆਂ। ਮਾਂ ਦੀ ਹਾਲਾਤ ਦੇਖਦਿਆਂ ਮਾਸੂਮ ਬੱਚੀ ਦੇ ਹੱਥ ਵੀ ਇਹ ਗੋਲੀ ਲੱਗ ਗਈ, ਜਿਸ ਕਾਰਨ ਹਾਲਾਤ ਵਿਗੜ ਗਈ। ਹਾਲਾਂਕਿ ਲੋਕਾਂ ਵੱਲੋਂ ਦੋਨਾਂ ਮਾਂ-ਬੇਟੀ ਨੂੰ ਹਸਪਤਾਲ ਲਿਜਾਇਆ ਗਿਆ ਪ੍ਰੰਤੂ ਜਿੰਦਗੀ ਬਚ ਨਹੀਂ ਸਕੀ। ਇਸੇ ਤਰ੍ਹਾਂ ਜਦ ਆਪਣੀ ਪਤਨੀ ਤੇ ਪੁੱਤਰੀ ਵੱਲੋਂ ਇਹ ਕਦਮ ਚੂੱਕਣ ਬਾਰੇ ਅਵਤਾਰ ਨੂੰ ਪਤਾ ਲੱਗਿਆ ਤਾਂ ਘਰ ਤੋਂ ਬਾਹਰ ਉਸਨੇ ਵੀ ਜਹਿਰ ਪੀ ਲਈ। ਪੁਲਿਸ ਵਾਲਿਆਂ ਨੇ ਉਸਨੂੰ ਵੀ ਹਸਪਤਾਲ ਪਹੁੰਚਾਇਆ ਪਰ ਮੌਤ ਹੋ ਗਈ। ਹੁਣ ਘਰ ਵਿਚ ਇਸ ਪ੍ਰਵਾਰ ਦੀ ਇੱਕ ਮਾਸੂਮ ਬੇਟੀ ਜੋਕਿ ਘਟਨਾ ਸਮੇਂ ਸਕੂਲ ਗਈ ਹੋਈ ਸੀ, ਤੋਂ ਇਲਾਵਾ ਬਿਰਧ ਮਾਤਾ ਬਚੀਆਂ ਹਨ। ਘਟਨਾ ਕਾਰਨ ਇਲਾਕੇ ਵਿਚ ਕਾਫ਼ੀ ਸੋਗ ਪਾਇਆ ਜਾ ਰਿਹਾ।
