Mansa News: ਮਾਨਸਾ ਜ਼ਿਲ੍ਹੇ ਦੇ ਬੁਢਲਾਡਾ ਇਲਾਕੇ ਵਿਚ ਇੱਕ ਬਹੁਤ ਹੀ ਦੁਖਭਰੀ ਖ਼ਬਰ ਸੁਣਨ ਨੂੰ ਮਿਲੀ ਹੈ। ਇੱਥੇ ਦੋ ਸਕੇ ਭਰਾਵਾਂ ਦੇ ਪਿਆਰ ਨੂੰ ਮੌਤ ਵੀ ਤੋੜ ਨਾ ਸਕੀ। ਵੱਡੇ ਭਰਾ ਦੀ ਮੌਤ ਦੀ ਖ਼ਬਰ ਸੁਣਦਿਆਂ ਹੀ ਛੋਟੇ ਭਰਾ ਨੇ ਵੀ ਸਦਮੇ ਵਿਚ ਦਮ ਤੋੜ ਦਿੱਤਾ। ਇਲਾਕੇ ਵਿਚ ਦੋਨਾਂ ਭਰਾਵਾਂ ਦੀ ਇੱਕ ਹੀ ਦਿਨ ਹੋਈ ਮੌਤ ਕਾਰਨ ਸੋਗ ਦੀ ਲਹਿਰ ਦੇਖਣ ਨੂੰ ਮਿਲ ਰਹੀ। ਪ੍ਰਵਾਰ ਦੇ ਵਿਚ ਦੋ ਜਵਾਨ ਭਰਾਵਾਂ ਦੇ ਚਲ੍ਹੇ ਜਾਣ ਕਾਰਨ ਦੁੱਖਾਂ ਦਾ ਪਹਾੜ ਟੁੱਟ ਪਿਆ ਹੈ ਅਤੇ ਰੋ-ਰੋ ਕੇ ਬੁਰਾ ਹਾਲ ਹੈ। ਮਿਲੀ ਜਾਣਕਾਰੀ ਦੇ ਮੁਤਾਬਕ ਬੁਢਲਾਡਾ ਨਾਲ ਸਬੰਧਤ ਸੁਭਾਸ਼ ਸ਼ਰਮਾ ਤੇ ਰਾਮੇਸ਼ ਸਰਮਾ ਭਰਾਵਾਂ ਵੱਲੋਂ ਇੱਕ ਤਾਜ਼ਾ ਮਕਾਨ ਤੇ ਦੁਕਾਨ ਬਣਾਈ ਗਈ ਸੀ। ਐਤਵਾਰ ਨੂੰ ਮਹਰੂਤ ਰੱਖਿਆ ਹੋਇਆ ਸੀ। ਤੈਅ ਸਮੇਂ ਮੁਤਾਬਕ ਮਕਾਨ ਦਾ ਮਹੂਰਤ ਹੋ ਗਿਆ ਤੇ ਦੁਕਾਨ ਦਾ ਮਹੂਰਤ ਬਾਕੀ ਸੀ।
ਇਹ ਵੀ ਪੜ੍ਹੋ bishop cotton school shimla ਦੇ ਅਗਵਾ ਕੀਤੇ ਬੱਚਿਆਂ ਨੂੰ ਪੁਲਿਸ ਨੇ ਕੀਤਾ ਬਰਾਮਦ,ਅਗਵਾਕਾਰ ਕਾਬੂ
ਇਸ ਦੌਰਾਨ ਰਾਮੇਸ਼ ਸਰਮਾ ੳਰਫ਼ ਕਾਲਾ (45 ਸਾਲ) ਨੂੰ ਦਿਲ ਦਾ ਦੌਰਾ ਪੈ ਗਿਆ ਤੇ ਪ੍ਰਵਾਰ ਦੇ ਮੈਂਬਰ ਉਸਨੂੰ ਇਲਾਜ਼ ਲਈ ਹਸਪਤਾਲ ਲੈ ਗਏ।ਜਦ ਵੱਡਾ ਭਰਾ ਸੁਭਾਸ਼ ਸ਼ਰਮਾ ਆਪਣੇ ਭਰਾ ਦੇ ਪਿੱਛੇ ਹਸਪਤਾਲ ਗਿਆ ਤਾਂ ਉਥੇ ਪਤਾ ਲੱਗਿਆ ਕਿ ਉਸਦੀ ਮੌਤ ਹੋ ਗਈ। ਇੰਨੀਂ ਗੱਲ ਸੁਣਦੇ ਹੀ ਸ਼ੁਭਾਸ਼ ਨੂੰ ਵੀ ਦਿਲ ਦਾ ਦੌਰਾ ਪੈ ਗਿਆ ਤੇ ਥੋੜੇ ਸਮੇਂ ਬਾਅਦ ਉਸਦੀ ਵੀ ਮੌਤ ਹੋ ਗਈ। ਦੋਨਾਂ ਭਰਾਵਾਂ ਦੀ ਅਚਨਚੇਤ ਇੱਕੋਂ ਸਮੇਂ ਹੋਈ ਮੌਤ ਨੇ ਸ਼ਹਿਰ ਵਾਸੀਆਂ ਨੂੰ ਝੰਜੋੜ ਕੇ ਰੱਖ ਦਿੱਤਾ। ਦੋਨਾਂ ਭਰਾਵਾਂ ਦਾ ਅੱਜ ਸੋਮਵਾਰ ਨੂੰ ਵੱਡੀ ਗਿਣਤੀ ਵਿਚ ਲੋਕਾਂ ਦੀ ਹਾਜ਼ਰੀ ‘ਚ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ। ਦਸਣਾ ਬਣਦਾ ਹੈ ਕਿ ਕੁੱਝ ਮਹੀਨੇ ਪਹਿਲਾਂ ਹਰਿਆਣਾ ਦੇ ਵਿਚ ਵੀ ਇੱਕ ਮਾਂ-ਪੁੱਤ ਦੀ ਮੌਤ ਹੋਣ ਦੀ ਖਬਰ ਕਾਫ਼ੀ ਚਰਚਾ ਵਿਚ ਆਈ ਸੀ। ਉਸ ਸਮੇਂ ਜਦ ਪੁੱਤ ਮਾਂ ਦਾ ਸ਼ਮਸਾਨਘਾਟ ਵਿਚ ਅੰਤਿਮ ਸੰਸਕਾਰ ਕਰ ਰਿਹਾ ਸੀ ਤਾਂ ਉਸਦੀ ਵੀ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
