ਇੰਡੀਅਨ ਆਇਲ ਕਾਰਪੋਰੇਸ਼ਨ ਬਠਿੰਡਾ ਨੇ ਸਥਾਪਨਾ ਦਿਵਸ ਮਨਾਇਆ

ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ, 27 ਜੁਲਾਈ: ਬੀਤੇ ਦਿਨੀਂ ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੀ ਉਤਰੀ ਖੇਤਰ ਪਾਈਪਲਾਈਨ ਬਠਿੰਡਾ ਦੁਆਰਾ ਪਾਈਪਲਾਈਨ ਵਿੰਗ ਦੇ ਮਹੱਤਵਪੂਰਨ ਅੰਗ ਐਨ.ਆਰ.ਪੀ.ਐਲ ਪਾਣੀਪਤ ਦਾ ਸਥਾਪਨਾ ਦਿਵਸ ਮਨਾਇਆ ਗਿਆ । ਐਨ.ਆਰ.ਪੀ.ਐਲ ਪਾਣੀਪਤ ਦੀ ਸਥਾਪਨਾ 19 ਜੁਲਾਈ 1999 ਨੂੰ ਕੀਤੀ ਗਈ ਸੀ । ਐਨ.ਆਰ.ਪੀ.ਐਲ ਪਾਣੀਪਤ ਦੇਸ਼ ਦੇ ਸੱਤ ਰਾਜਾਂ ਨੂੰ ਪੈਟਰੋਲ, ਡੀਜ਼ਲ, ਏ.ਟੀ.ਐਫ. ਦੀ ਸਪਲਾਈ ਕਰਕੇ ਊਰਜਾ ਦੀ ਪ੍ਰਤੀਪੂਰਤੀ ਕਰਕੇ ਆਪਣਾ ਯੋਗਦਾਨ ਪਾਉਂਦੀ ਹੈ ।ਇਸ ਮੌਕੇ ਇੰਡੀਅਨ ਆਇਲ ਡੀਪੂ ਬਠਿੰਡਾ ਦੇ ਪ੍ਰਮੁੱਖ ਸ਼੍ਰੀ ਬਿਨੋਦ ਝਾਅ ਅਤੇ ਪ੍ਰਬੰਧਕ ਸ਼੍ਰੀ ਅੰਕਿਤ ਗਰਗ ਨੇ ਦੱਸਿਆ ਕਿ ਬਠਿੰਡਾ ਪਾਈਪਲਾਈਨ ਵੀ ਐਨ.ਆਰ.ਪੀ.ਐਲ ਪਾਣੀਪਤ ਨਾਲ ਜੁੜੀ ਹੋਈ ਹੈ । ਸੋ ਉਹਨਾਂ ਇਸ ਪਾਈਪਲਾਈਨ ਦੇ 24 ਸਾਲ ਪੂਰੇ ਹੋਣ ਤੇ ਕੇਕ ਕੱਟਕੇ ਸਥਾਪਨਾ ਦਿਵਸ ਪ੍ਰੋਗਰਾਮ ਦਾ ਅਰੰਭ ਕੀਤਾ । ਇਸ ਸਥਾਪਨਾ ਦਿਵਸ ਸਮਾਗਮ ਮੌਕੇ ਆਪਣੇ ਪਰਿਵਾਰਾਂ ਸਮੇਤ ਮੌਜੂਦ ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੇ ਅਧਿਕਾਰੀਆਂ ਕਰਮਚਾਰੀਆਂ ਨੇ ਦੇਸ਼ ਦੀ ਸੇਵਾ ਵਿੱਚ ਹਮੇਸ਼ਾ ਹਾਜ਼ਰ ਰਹਿਣ ਦਾ ਪ੍ਰਣ ਕੀਤਾ।