ਬੀੜ ਤਲਾਬ ’ਚ ਅੱਖਾਂ ਦਾ ਮੁਫ਼ਤ ਚੈਕਅਪ ਲਗਾਇਆ

ਸੁਖਜਿੰਦਰ ਮਾਨ
ਬਠਿੰਡਾ, 20 ਮਾਰਚ: ਨਜਦੀਕੀ ਪਿੰਡ ਬੀੜ ਤਲਾਬ ’ਚ ਅੱਜ ਆਮ ਆਦਮੀ ਪਾਰਟੀ ਦੇ ਵਲੰਟੀਅਰਾਂ ਵਲੋਂ ਅੱਖਾਂ ਦੇ ਮੁਫ਼ਤ ਜਾਂਚ ਦਾ ਚੈਕਅੱਪ ਕੈਂਪ ਲਗਾਇਆ ਗਿਆ। ਜਿਸਦਾ ਉਦਘਾਟਨ ਬਠਿੰਡਾ ਦਿਹਾਤੀ ਹਲਕੇ ਦੇ ਵਿਧਾਇਕ ਅਮਿਤ ਰਤਨ ਤੇ ਪਿਤਾ ਅਤੇ ਸਾਬਕਾ ਆਈ.ਆਰ.ਐਸ ਅਧਿਕਾਰੀ ਬੀ.ਐਸ.ਰਤਨ ਵਲੋਂ ਕੀਤਾ ਗਿਆ। ਪਿੰਡ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿਖੇ ਲੱਖੇ ਇਸ ਅੱਖਾਂ ਦੇ ਮੁਫ਼ਤ ਚੈਕ-ਅਪ ਕੈਂਪ ਦੌਰਾਨ ਸਿਵਲ ਹਸਪਤਾਲ ਘੁੱਦਾ ਤੋਂ ਪੁੱਜੇ ਅੱਖਾਂ ਦੇ ਮਾਹਿਰ ਹਰਜੀਤ ਸਿੰਘ ਤੇ ਉਸਦੀ ਟੀਮ ਵਲੋਂ 150 ਵਿਅਕਤੀਆਂ ਦੀਆਂ ਅੱਖਾਂ ਦੀ ਜਾਂਚ ਕੀਤੀ ਗਈ ਜਿਨ੍ਹਾਂ ਵਿਚੋਂ 34 ਦੀਆਂ ਅੱਖਾਂ ਦਾ ਆਉਣ ਵਾਲੇ ਦਿਨਾਂ ‘ਚ ਅਪ੍ਰੇਸ਼ਨ ਕੀਤਾ ਜਾਵੇਗਾ। ਇਸ ਕੈਂਪ ਦਾ ਆਯੋਜਨ ਕਰਨ ਵਾਲੀ ਮਹਿਲਾ ਆਗੂ ਮਨਜੀਤ ਕੌਰ ਨੇ ਦਾਅਵਾ ਕੀਤਾ ਕਿ ਇਹ ਆਪ ਦੀ ਜਿੱਤ ਦੀ ਖ਼ੁਸੀ ਵਿਚ ਕੈਂਪ ਲਗਾਇਆ ਗਿਆ ਹੈ ਤੇ ਆਉਣ ਵਾਲੇ ਸਮੇਂ ਵਿਚ ਵੀ ਸਮਾਜ ਸੇਵਾ ਦਾ ਕੰਮ ਜਾਰੀ ਰੱਖਿਆ ਜਾਵੇਗਾ। ਉਧਰ ਬੀ ਐਸ ਰਤਨ ਨੇ ਵਲੰਟੀਅਰਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਸਮਾਜ ਨੂੰ ਸੇਧ ਦੇਣ ਵਾਲੇ ਤੇ ਆਮ ਲੋਕਾਂ ਦੇ ਭਲੇ ਵਾਲੇ ਅਜਿਹੇ ਕਾਰਜ਼ ਜਾਰੀ ਰਹਿਣੇ ਚਾਹੀਦੇ ਹਨ। ਇਸ ਮੌਕੇ ਪਾਰਟੀ ਦੇ ਸੀਨੀਅਰ ਆਗੂ ਜਸਵਿੰਦਰ ਸਿੰਘ ਸ਼ਿੰਦਾ ਨੰਦਗੜ੍ਹ, ਸੰਦੀਪ ਸਿੰਘ ਕੋਟਫੱਤਾ, ਸੁਖਜਿੰਦਰ ਰੋਮਾਣਾ, ਤਰਸੇਮ ਸਿੰਘ ਪਥਰਾਲਾ, ਐਡਵੋਕੇਟ ਰਾਹੁਲ ਝੂੰਬਾ, ਗੁਰਜੰਟ ਸਿੰਘ ਧੀਮਾਨ, ਕੁਲਦੀਪ ਸਿੰਘ ਬਾਹੋ, ਰਵੀ ਗੋਇਲ ਸੰਗਤ, ਬਹਾਦਰ ਫੁੱਲੋ ਮਿੱਠੀ, ਡਾ ਮਲਕੀਤ ਸਿੰਘ, ਸੁਖਜਿੰਦਰ ਸਿੰਘ ਪਥਰਾਲਾ, ਅਵਤਾਰ ਸਿੰਘ ਆਦਿ ਹਾਜ਼ਰ ਸਨ।