ਬੈਸਟ ਪ੍ਰਾਈਜ ਦਾ ਸਮਾਨ ਚੁੱਕਣ ਆਏ ਅਧਿਕਾਰੀਆਂ ਦਾ ਮੁਲਾਜਮ ਯੂਨੀਅਨ ਨੇ ਕੀਤਾ ਵਿਰੋਧ

ਸੁਖਜਿੰਦਰ ਮਾਨ
ਬਠਿੰਡਾ, 18 ਅਗਸਤ: ਕਰੋਨਾ ਮਹਾਂਮਾਰੀ ਕਾਰਨ ਸਥਾਨਕ ਭੁੱਚੋਂ ਰੋਡ ’ਤੇ ਸਥਿਤ ਬੰਦ ਹੋਏ ਬੈਸਟ ਪ੍ਰਾਈਜ ਦੇ ਕੱਢੇ ਮੁਲਾਜਮਾਂ ਵਲੋਂ ਅਪਣੇ ਭਵਿੱਖ ਲਈ ਸੰਘਰਸ਼ ਜਾਰੀ ਹੈ। ਯੂਨੀਅਨ ਦੇ ਆਗੂ ਜਸਪ੍ਰੀਤ ਸਿੰਘ ਝੰਡੂਕੇ ਨੇ ਦੱਸਿਆ ਕਿ ਅੱਜ ਬੈਸਟ ਪ੍ਰਾਈਜ ਦੇ ਅਧਿਕਾਰੀ ਸਟੋਰ ਅੰਦਰ ਪਏ ਸਮਾਨ ਦਾ ਸੌਦਾ ਕਰਨ ਲਈ 3 ਵੇਂਡਰ ਬੁਲਾਏ ਗਏ ਸਨ ਜਦੋਂ ਮੁਲਾਜਮਾਂ ਨੂੰ ਇਸ ਗੱਲ ਦੀ ਭਿਣਕ ਲੱਗੀ ਤਾਂ ਮੁਲਾਜਮਾਂ ਨੇਂ ਕਿਸਾਨ ਜਥੇਬੰਦੀਆਂ ਦੇ ਸਾਥ ਨਾਲ ਸਟੋਰ ਦਾ ਗੇਟ ਬੰਦ ਕਰਕੇ 4 ਘੰਟੇ ਅਧੀਕਾਰੀਆਂ ਦਾ ਘਿਰਾਓ ਕਰਕੇ ਰੱਖਿਆ, ਉਸ ਤੋਂ ਬਾਅਦ ਸਟੋਰ ਵਿਚ ਕੈਸ ਵਾਪਿਸ ਰਖਵਾ ਕੇ ਖਾਲੀ ਹੱਥ ਅਧਿਕਾਰੀਆਂ ਨੂੰ ਵਾਪਿਸ ਇਸ ਸਰਤ ਉੱਤੇ ਭੇਜਿਆ ਗਿਆ ਕਿ ਅੱਗੇ ਤੋਂ ਜਿੰਨਾ ਸਮਾਂ ਕੋਈ ਸਮਝੋਤਾ ਨਹੀਂ ਹੁੰਦਾ ਓਦੋ ਤੱਕ ਇਸ ਤਰਾਂ ਦੀ ਕੋਈ ਸਟੋਰ ਦੀ ਕਾਰਵਾਈ ਨਹੀਂ ਹੋਵੇਗੀ। ਯੂਨੀਅਨ ਦੇ ਆਗੂਆਂ ਨੇ ਭਲਕੇ ਰੋਸ ਵਜੋਂ ਡੀਸੀ ਦਫਤਰ ਦੇ ਘਿਰਾਓ ਦਾ ਵੀ ਐਲਾਨ ਕੀਤਾ ਹੈ। ਅੱਜ ਦੇ ਧਰਨੇ ਵਿੱਚ ਕਿਰਤੀ ਕਿਸਾਨ ਯੂਨੀਅਨ ਦੇ ਜਿਲ੍ਹਾ ਪ੍ਰਧਾਨ ਅਮਰਜੀਤ ਹਨੀ, ਭਿੰਦਰ ਕੌਰ, ਮਨਜੀਤ ਕੌਰ ਪਿਆਰੋ ਅਤੇ ਕਿਸਾਨ ਆਗੂ ਹਰਫੂਲ ਸਿੰਘ ਝੰਡੂਕੇ, ਸੁੱਖਦੇਵ ਝੰਡੂਕੇ, ਬੈਸਟ ਪ੍ਰਾਈਜ ਦੇ ਆਗੂ ਹਰਮਨ ਭੁਚੋ, ਮਨਪ੍ਰੀਤ ਭੁਚੋ, ਨਿਰਮਲ ਭੁਚੋ, ਲੱਖਾ ਨਥਣਾ, ਵੀਰਪਾਲ ਕੌਰ, ਰਿਤੂ ਆਦਿ ਹਾਜਰ ਸਨ।