ਲੇਖਿਕਾ ਤੇ ਅਧਿਆਪਕਾ ਨੇਹਾ ਗਰਗ ਦੁਆਰਾ ਲਿਖੀ ਕਿਤਾਬ ਕੀਤੀ ਸਮਰਪਿਤ

ਸੁਖਜਿੰਦਰ ਮਾਨ
ਬਠਿੰਡਾ, 19 ਨਵੰਬਰ: ਬੀਤੀ ਸ਼ਾਮ ਸਥਾਨਕ ਟੀਚਰਜ ਹੋਮ ਵਿਖੇ ਲੇਖਕ ਤੇ ਸਾਇੰਸ ਮਿਸਟ੍ਰੈਸ ਸ਼ਹੀਦ ਲਾਭ ਸਿੰਘ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੇਖੂ ਦੀ ਅਧਿਆਪਕਾ ਨੇਹਾ ਗਰਗ ਦੁਆਰਾ ਲਿਖੀ ਅੱਠਵੀਂ ਜਮਾਤ ਦੀ ਵਿਗਿਆਨ ਵਿਸ਼ੇ ਨਾਲ ਸਬੰਧਤ NCERT ਅਧਾਰਿਤ ਪੁਸਤਕ KEY TO SUCCESS ਵਿਗਿਆਨ ਦਾ ਉਦਘਾਟਨ ਕੀਤਾ ਗਿਆ।ਇਸ ਪੁਸਤਕ ਦਾ ਉਦਘਾਟਨ ਕਰਨ ਲਈ ਵਿਸ਼ੇਸ਼ ਤੌਰ ‘ਤੇ ਮੇਵਾ ਸਿੰਘ ਸਿੱਧੂ ਡੀ.ਈ.ਓ. (SE) ਬਠਿੰਡਾ, ਸ਼੍ਰੀ ਸ਼ਿਵ ਪਾਲ ਗੋਇਲ ਡੀਈਓ (EE) ਬਠਿੰਡਾ, ਸ. ਮਹਿੰਦਰਪਾਲ ਸਿੰਘ ਡਿਪਟੀ ਡੀਈਓ (EE) ਬਠਿੰਡਾ, ਮੈਡਮ ਸਤਵਿੰਦਰਪਾਲ ਕੌਰ ਪ੍ਰਿੰਸੀਪਲ DIET, ਸ਼੍ਰੀਮਤੀ ਕੰਵਲਪ੍ਰੀਤ ਕੌਰ ਪ੍ਰਿੰਸੀਪਲ ਸੇਖੂ, ਸ. ਹਰਸਿਮਰਨ ਸਿੰਘ ਡੀ.ਐਮ. ਸਾਇੰਸ ਬਠਿੰਡਾ, ਸ਼੍ਰੀ ਮਨੀਸ਼ ਗੁਪਤਾ ਬੀ.ਐਮ. ਸਾਇੰਸ ਸੰਗਤ ਬਠਿੰਡਾ ਵੱਲੋਂ ਆਪਣੇ ਕਰ ਕਮਲਾ ਨਾਲ ਕੀਤਾ ਗਿਆ।ਇਸ ਸਮਾਗਮ ਦੇ ਆਯੋਜਨ ਵਿੱਚ ਪੜ੍ਹੋ ਪੰਜਾਬ, ਪੜ੍ਹਾਓ ਪੰਜਾਬ ਦੀ ਸਾਇੰਸ ਟੀਮ ਬਠਿੰਡਾ ਨੇ ਮਹੱਤਵਪੂਰਨ ਯੋਗਦਾਨ ਦਿੱਤਾ।ਲੇਖਕ ਨੇਹਾ ਗਰਗ ਵੱਲੋਂ ਆਪਣੀ ਪੁਸਤਕ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਅਤੇ ਵਿਦਿਆਰਥੀਆਂ ਨੂੰ ਇਸ ਤੋਂ ਪੜ੍ਹਾਈ ਵਿੱਚ ਹੋਣ ਵਾਲੇ ਫਾਇਦੇ ਬਾਰੇ ਦੱਸਿਆ ਗਿਆ।ਲੇਖਕ ਅਤੇ ਸਾਇੰਸ ਟੀਮ ਬਠਿੰਡਾ ਵੱਲੋਂ ਸਮਾਗਮ ਵਿੱਚ ਪਹੁੰਚੇ ਸਮੂਹ ਮੁੱਖ ਮਹਿਮਾਨਾਂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕੀਤੇ ਗਏ ਅਤੇ ਸਮੂਹ ਅਧਿਆਪਕਾਂ ਨੂੰ ਪੁਸਤਕ ਦੀਆਂ ਕਾਪੀਆਂ ਭੇਂਟ ਕੀਤੀਆਂ ਗਈਆਂ ਅਤੇ ਉਹਨਾਂ ਦਾ ਸਮਾਗਮ ਵਿੱਚ ਪਹੁੰਚਣ ਲਈ ਧੰਨਵਾਦ ਕੀਤਾ।