ਵਾਤਾਵਰਨ ਨੂੰ ਸੁੱਧ ਰੱਖਣ ਲਈ ਇਵਨਿੰਗ ਸਕੂਲ ਦੇ ਬੱਚਿਆਂ ਨੂੰ ਪੌਦੇ ਵੰਡੇ

ਸੁਖਜਿੰਦਰ ਮਾਨ
ਬਠਿੰਡਾ, 28 ਜੁਲਾਈ: ਸਹੀਦ ਜਰਨੈਲ ਸਿੰਘ ਵੈਲਫੇਅਰ ਸੁਸਾਇਟੀ ਰਜਿ. ਬਠਿੰਡਾ ਵੱਲੋਂ ਹਰ ਸਾਲ ਵਾਤਾਵਰਨ ਨੂੰ ਸੁੱਧ ਰੱਖਣ ਲਈ ਖਾਲੀ ਥਾਵਾਂ ਤੇ 200 ਦੇ ਕਰੀਬ ਪੌਦੇ ਲਗਾਏ ਹਨ। ਇਸ ਤੋਂ ਪ੍ਰਭਾਵਿਤ ਹੋਕੇ ਦਾਣਾ ਮੰਡੀ ਰੋਡ ਵਿਖੇ ਚੱਲ ਰਹੇ ਇਵਨਿੰਗ ਸਕੂਲ ਦੇ ਬੱਚਿਆਂ ਵੱਲੋਂ ਵੀ ਅਪਣੇ ਘਰ ਅੱਗੇ ਪੌਦੇ ਲਗਾਉਣ ਦੀ ਇੱਛਾ ਜਾਹਿਰ ਕੀਤੀ ਗਈ। ਸੁਸਾਇਟੀ ਵੱਲੋਂ ਇਨਾਂ ਬੱਚਿਆਂ ਨੂੰ 50 ਦੇ ਕਰੀਬ ਪੌਦੇ ਵੰਡੇ ਗਏ। ਬੱਚਿਆਂ ਨੇ ਕਿਹਾ ਕਿ ਉਹ ਇਨਾਂ ਪੌਦਿਆਂ ਨੂੰ ਅਪਣੇ ਘਰ ਦੇ ਅੱਗੇ ਖਾਲੀ ਥਾਵਾਂ ਉਪਰ ਲਗਾਉਣਗੇ ਅਤੇ ਹਰ ਰੋਜ ਪੋਦਿਆਂ ਨੂੰ ਪਾਣੀ ਦੇਣ ਦੇ ਨਾਲ ਨਾਲ ਦੇਖਰੇਖ ਵੀ ਕਰਨਗੇ। ਇਸ ਮੌਕੇ ਤੇ ਸੁਸਾਇਟੀ ਦੇ ਪ੍ਰਧਾਨ ਅਵਤਾਰ ਸਿੰਘ ਗੋਗਾ, ਟੀਚਰ ਹਰੀਸ ਕੁਮਾਰ, ਬਲਜੀਤ ਕੌਰ ਵੀ ਮੌਜੂਦ ਸਨ।