ਵਾਰਡ ਨੰਬਰ 42 ਦੇ ਅਕਾਲੀ ਅਤੇ ਕਾਂਗ੍ਰੇਸੀ ਕਈ ਪਰਿਵਾਰ ਆਪ ਚ ਹੋਏ ਸ਼ਾਮਲ

ਸੁਖਜਿੰਦਰ ਮਾਨ
ਬਠਿੰਡਾ, 24 ਜਨਵਰੀ: ਕਾਂਗਰਸ ਅਤੇ ਅਕਾਲੀਆਂ ਨੂੰ ਉਸ ਵੈਲੇ ਵੱਡਾ ਝਟਕਾ ਲਗਿਆ ਜਦ ਵਾਰਡ ਨੰਬਰ 42 ਦੇ ਅਕਾਲੀ ਅਤੇ ਕਾਂਗਰਸ ਪਾਰਟੀ ਦੇ ਸੈਕੜਾਂ ਪਰਿਵਾਰ ਆਮ ਆਦਮੀ ਪਾਰਟੀ ਦਾ ਪੱਲਾ ਫੜ ਪਾਰਟੀ ਚ ਸ਼ਾਮਲ ਹੋ ਗਏ। ਇਸ ਮੌਕੇ ਪਾਰਟੀ ਦੇ ਬਠਿੰਡਾ ਸ਼ਹਿਰੀ ਹਲਕੇ ਤੋਂ ਉਮੀਦਵਾਰ ਜਗਰੂਪ ਸਿੰਘ ਗਿੱਲ ਨੇ ਪ੍ਰਦੀਪ ਨੰਬਰਦਾਰ ਲਾਲੀ , ਜਬਰਜੰਗ ਸਿੰਘ ਸਿੱਧੂ, ਹਰਜੀਤ ਨੰਬਰਦਾਰ, ਬਲਦੇਵ ਸਿੰਘ, ਬੁੱਟਾ ਸਿੰਘ, ਪ੍ਰਭਜੀਤ ਸਿੰਘ, ਬਲਤੇਜ ਸਿੰਘ ਨੰਬਰਦਾਰ, ਸੁਰਜੀਤ ਸਿੰਘ ਹੋਰਾਂ ਦੇ ਪਾਰਟੀ ਦਾ ਝੰਡਾ ਗਲ ਵਿੱਚ ਪਾ ਕੇ ਪਾਰਟੀ ਚ ਸ਼ਾਮਲ ਕੀਤਾ ਅਤੇ ਊਨਾ ਨੂੰ ਜੀ ਆਇਆਂ ਕਹਿੰਦਿਆਂ ਪਾਰਟੀ ਵਿਚ ਪੂਰਾ ਮਾਣ ਸਨਮਾਨ ਦੇਣ ਦਾ ਭਰੋਸਾ ਦਿੱਤਾ। ਇਸ ਦੌਰਾਨ ਗੁਰੂਨਾਨਕ ਪੂਰਾ ਮੱਹਲੇ ਦੇ ਰਾਠੌਰ ਬਿਰਾਦਰੀ ਵਲੋਂ ਜਗਰੂਪ ਗਿੱਲ ਨੂੰ ਦਿੱਤਾ ਸਮਰਥਨ ਦੇਣ ਦਾ ਭਰੋਸਾ ਦਿੱਤਾ ਗਿਆ। ਇਸ ਮੌਕੇ ਬੋਲਦਿਆਂ ਗੁਰਮੀਤ ਸਿੰਘ ਰਾਠੌੜ ਨੇ ਕਿਹਾ ਕਿ ਕਾਂਗਰਸ ਅਤੇ ਅਕਾਲੀਂ ਦੀ ਨੀਤੀਆਂ ਦਾ ਸਾਨੂ ਪਤਾ ਚਲ ਗਿਆ ਹੈ ਕਿ ਉਹ ਕਿਸੇ ਵੀ ਭਾਈਚਾਰੇ ਦਾ ਭਲਾ ਨਹੀਂ ਕਰ ਸਕਦੀ ਜਿਸ ਲਈ ਅਸੀਂ ਹੁਣ ਮਿਲ ਕੇ ਆਪ ਨੂੰ ਆਪਣਾ ਸਮਰਥਨ ਦੇਣ ਜਾ ਰਹੇ ਹੈ। ਇਸ ਮੌਕੇ ਜਗਰੂਪ ਸਿੰਘ ਗਿੱਲ ਨੇ ਕਿਹਾ ਕਿ ਸਿਰਫ਼ ਇਕ ਵਾਰ ਮੇਰੇ ਕਹਿਣ ਤੇ ਵੋਟਾਂ ਆਪ ਨੂੰ ਪਾ ਦਿਓ ਦੋਬਾਰਾ ਸਾਨੂ ਵੋਟਾਂ ਮੰਗਣ ਦੀ ਲੋੜ ਨਹੀਂ ਪੈਣੀ ਕਿਉਕਿ ਦਿੱਲੀ ਵਿੱਚ ਵੀ ਇਕ ਬਾਰ ਲੋਕਾਂ ਤੋਂ ਵੋਟਾਂ ਮੰਗੀਆਂ ਸੀ ਤੇ ਉਸਤੋਂ ਬਾਦ ਲਗਾਤਾਰ ਤਿੰਨ ਵਾਰ ਲੋਕਾਂ ਨੇ ਆਪ ਹੀ ਆਮ ਆਦਮੀ ਪਾਰਟੀ ਨੂੰ ਭਾਰੀ ਬਹੁਮਤ ਨਾਲ ਜਿਤਾਇਆ ਗਿਆ।