ਸਰਸਵਤੀ ਕਾਨਵੈਂਟ ਸਕੂਲ ਮੌੜ ਵੱਲੋਂ ‘ ਪ੍ਰਤਿਭਾ ਖੋਜ ’ ਮੁਕਾਬਲੇ ਕਰਵਾਏ

ਭੋਲਾ ਸਿੰਘ ਮਾਨ
ਮੌੜ ਮੰਡੀ, 17 ਜਨਵਰੀ: ਇਲਾਕੇ ਅੰਦਰ ਸਿੱਖਿਆ ਅਤੇ ਖੇਡਾਂ ਦੇ ਖੇਤਰ ’ਚ ਅਹਿਮ ਨਾਮ ਕਮਾਉਣ ਵਾਲੇ ਸਰਸਵਤੀ ਕਾਨਵੈਂਟ ਸਕੂਲ ਮੌੜ ਵੱਲੋਂ ‘ ਪ੍ਰਤਿਭਾ ਖੋਜ’ ਮੁਕਾਬਲਾ ਆਯੋਜਿਤ ਕੀਤਾ ਗਿਆ। ਇਸ ਮੁਕਾਬਲੇ ਦਾ ਮੁੱਖ ਮੰਤਵ ਇਲਾਕੇ ਦੇ ਬੱਚਿਆਂ ਲਈ ਇੱਕ ਮੌਕਾ ਅਤੇ ਪਲੇਟਫਾਰਮ ਪ੍ਰਦਾਨ ਕਰਨਾ ਸੀ। ਜਿਸ ਨਾਲ ਬੱਚੇ ਅਤੇ ਮਾਪੇ ਬੱਚਿਆਂ ਦੀ ਅਕਾਦਮਿਕ ਕਾਬਲੀਅਤ ਬਾਰੇ ਜਾਣ ਸਕਣ। ਇਸ ਵਿਚ ਪ੍ਰਤੀਯੋਗੀਆਂ ਦਾ ਮੁਕਾਬਲਿਆਂ ’ਚ ਇਲਾਕੇ ਦੇ ਵੱਖ – ਵੱਖ ਸਕੂਲਾਂ ਤੋਂ ਤਕਰੀਬਨ 1000 ਬੱਚਿਆਂ ਨੇ ਭਾਗ ਲਿਆ। ਸਰਸਵਤੀ ਕਾਨਵੈਂਟ ਸਕੂਲ ਮੈਨੇਜ਼ਮੈਂਟ ਵੱਲੋਂ ਬੱਚਿਆਂ ਅਤੇ ਮਾਪਿਆਂ ਦਾ ਅਥਾਹ ਇੱਕਠ ਹੋਣ ਦੇ ਬਾਵਜੂਦ ਵੀ ਮਾਪਿਆਂ ਦੇ ਬੈਠਣ ਅਤੇ ਪਾਰਕਿੰਗ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਹੋਏ ਸਨ। ਇਸ ਮੌਕੇ ਸਰਸਵਤੀ ਕਾਨਵੈਂਟ ਸਕੂਲ ਦੇ ਚੇਅਰਮੈਨ ਸ਼ਿਵ ਕੁਮਾਰ ਜਿੰਦਲਅਤੇ ਸ਼੍ਰੀ ਮਤੀ ਸੀਮਾਂ ਜਿੰਦਲ ਵੱਲੋਂ ਇਲਾਕਾ ਵਾਸੀਆਂ ਦਾ ਸੰਸਥਾ ਉੱਪਰ ਅਥਾਹ ਵਿਸ਼ਵਾਸ਼ ਜਿਤਾਉਣ ਲਈ ਧੰਨਵਾਦ ਕੀਤਾ। ਇਸ ਮੌਕੇ ਸਕੂਲ ਸਟਾਫ ਤੋਂ ਇਲਾਵਾ ਭਾਰੀ ਗਿਣਤੀ ਵਿਚ ਬੱਚੇ ਅਤੇ ਮਾਪੇ ਮੌਜੂਦ ਸਨ।