ਸਲੀਪਰ ਸੈੱਲ ਰਾਹੀਂ ਬਠਿੰਡਾ ਸਹਿਰ ਵਿਚ ਹੋ ਰਿਹਾ ਹੈ ਸੰਥੈਟਿਕ ਨਸੇ ਦਾ ਕਾਰੋਬਾਰ :ਨਵਦੀਪ ਜੀਦਾ

ਸੁਖਜਿੰਦਰ ਮਾਨ
ਬਠਿੰਡਾ, 2 ਸਤੰਬਰ: ਆਮ ਆਦਮੀ ਪਾਰਟੀ ਪੰਜਾਬ ਲੀਗਲ ਸੈੱਲ ਦੇ ਸੂਬਾ ਸਹਿ ਪ੍ਰਧਾਨ ਐਡਵੋਕੇਟ ਨਵਦੀਪ ਸਿੰਘ ਜੀਦਾ ਨੇ ਬਠਿੰਡਾ ਸ਼ਹਿਰ ਵਿੱਚ ਸਿੰਥੈਟਿਕ ਨਸ਼ੇ ਦੇ ਹੋ ਰਹੇ ਵਪਾਰ ’ਤੇ ਚਿੰਤਾ ਪ੍ਰਗਟ ਕਰਦਿਆਂ ਸੱਤਾਧਾਰੀ ਧਿਰ ਕਾਂਗਰਸ ਉਪਰ ਚੁੱਪ ਰਹਿਣ ਦੇ ਦੋਸ਼ ਲਗਾਏ ਹਨ। ਉਨ੍ਹਾਂ ਦੋਸ਼ ਲਗਾਇਆ ਕਿ ਨਸ਼ੇ ਦੀ ਸਪਲਾਈ ਪਿੱਛੇ ਮੌਜੂਦਾ ਸਰਕਾਰ ਦੇ ਸੀਨੀਅਰ ਲੀਡਰਾਂ ਦਾ ਹੱਥ ਹੈ ਇਸ ਕਾਰਨ ਨਾ ਤਾਂ ਮੁਕਾਮੀ ਪੁਲਿਸ ਉਕਤ ਨਸ਼ੇ ਦੇ ਤਸਕਰਾਂ ਨੂੰ ਫੜ ਰਹੀ ਹੈ ਇਸ ਦੇ ਉਲਟ ਜਦੋਂ ਕੋਈ ਕਿਸੇ ਬੱਚੇ ਦਾ ਮਾਂ ਬਾਪ ਕਿਸੇ ਨਸ਼ਾ ਤਸਕਰ ਦੀ ਸ਼ਿਕਾਇਤ ਕਰਦਾ ਹੈ ਤਾਂ ਉਸ ਨੂੰ ਇਕ ਘੰਟੇ ਦੇ ਬਾਅਦ ਹੀ ਛੱਡ ਦਿੱਤਾ ਜਾਂਦਾ ਹੈ। ਜਿਸ ਕਾਰਨ ਕੋਈ ਵੀ ਆਦਮੀ ਜਾਂ ਔਰਤ ਸ਼ਿਕਾਇਤ ਕਰਨ ਤੋਂ ਬਚਣ ਲੱਗੇ ਹਨ।