👉ਇਲਾਜ਼ ਲਈ ਮੋਬਾਇਲਾਂ ਦੀ ਦੁਕਾਨ ’ਚ ਲਗਾਇਆ ਸੰਨ, ਪੁਲਿਸ ਵੱਲੋਂ ਕੁੱਝ ਘੰਟਿਆ ਬਾਅਦ ਕਾਬੂ
Gurdaspur News: ਨਸ਼ਿਆਂ ਤੇ ਐਸ਼ਪ੍ਰਸਤੀ ਲਈ ਅਕਸਰ ਹੀ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੀਆਂ ਘਟਨਾਵਾਂ ਅਸੀਂ ਸੁਣਦੇ ਰਹਿੰਦੇ ਹਨ ਪ੍ਰੰਤੂ ਇੱਥੇ ਵਾਪਰੀ ਚੋਰੀ ਦੀ ਇੱਕ ਘਟਨਾ ਦੀ ਇਲਾਕੇ ਵਿਚ ਚਰਚਾ ਹੈ। ਜਿਸਦੇ ਵਿਚ ਇੱਕ 19 ਸਾਲਾਂ ਨੌਜਵਾਨ ਨੂੰ ਆਪਣੀ ਬੀਮਾਰ ਦੇ ਇਲਾਜ਼ ਲਈ ਚੋਰੀ ਕਰਨੀ ਪਈ। ਹਾਲਾਂਕਿ ਪੁਲਿਸ ਨੇ ਇਸ ਨੌਜਵਾਨ ਨੂੰ ਕੁੱਝ ਹੀ ਘੰਟਿਆਂ ’ਚ ਗ੍ਰਿਫਤਾਰ ਕਰਕੇ ਉਸਦੇ ਵੱਲੋਂ ਚੋਰੀ ਕੀਤੇ ਮੋਬਾਇਲ ਫ਼ੋਨ ਬਰਾਮਦ ਕਰਵਾ ਲਏ ਗਏ ਹਨ। ਮਿਲੀ ਸੂਚਨਾ ਮੁਤਾਬਕ ਵੀਰਵਾਰ ਦੀ ਰਾਤ ਨੂੰ ਨਹਿਰ ਕਿਨਾਰੇ ਗੌਰਵ ਮੋਬਾਇਲ ਰਿਪੈਅਰ ਦੀ ਦੁਕਾਨ ’ਚ ਕਿਸੇ ਵੱਲੋਂ ਪਾੜ ਲਗਾ ਕੇ 27 ਮੋਬਾਇਲ ਫ਼ੋਨ ਚੋਰੀ ਕਰ ਲਏ ਗਏ ਸਨ।
ਇਹ ਵੀ ਪੜ੍ਹੋ Firozpur ‘ਚ ਦਿਨ-ਦਿਹਾੜੇ ਗੋ.ਲੀ+ਆਂ ਚਲਾਉਣ ਵਾਲਿਆਂ ਦਾ ਪੁਲਿਸ ਨੇ ਕੀਤਾ ‘ Encounter’
ਦੁਕਾਨ ਦੇ ਮਾਲਕ ਗੌਰਵ ਨੂੰ ਇਸਦੀ ਜਾਣਕਾਰੀ ਸਵੇਰ ਸਮੇਂ ਦੁਕਾਨ ਖੋਲਣ ’ਤੇ ਮਿਲੀ। ਇਸ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ ਤੇ ਪੁਲਿਸ ਨੇ ਆਸਪਾਸ ਅਤੇ ਦੁਕਾਨ ਵਿਚ ਲੱਗੇ ਕੈਮਰਿਆਂ ਤੋਂ ਇੱਕ ਨੌਜਵਾਨ ਦੀ ਪਹਿਚਾਣ ਕੀਤੀ ਜੋਕਿ ਧਾਰੀਵਾਲ ਦੇ ਹੀ ਲੁਧਿਆਣਾ ਮੁਹੱਲੇ ਵਿਚ ਰਹਿਣ ਵਾਲਾ ਵਿਜੇ ਸੀ। ਜਦ ਪੁਲਿਸ ਨੇ ਉਸਨੂੰ ਫ਼ੜਿਆ ਤਾਂ ਉਸਨੇ ਚੋਰੀ ਕੀਤੇ ਸਾਰੇ ਮੋਬਾਇਲ ਉਨ੍ਹਾਂ ਦੇ ਹਵਾਲੇ ਕਰ ਦਿੱਤੇ। ਇਲਾਕੇ ਦੇ ਡੀਐਸਪੀ ਕੁਲਵੰਤ ਸਿੰਘ ਨੇ ਦਸਿਆ ਕਿ ਵਿਜੇ ਵਿਰੁਧ ਇਹ ਪਹਿਲਾਂ ਪਰਚਾ ਹੈ ਤੇ ਇਸਤੋਂ ਪਹਿਲਾਂ ਉਸਦੇ ਵਿਰੁਧ ਕੋਈ ਸਿਕਾਇਤ ਨਹੀਂ ਹੈ। ਉਨ੍ਹਾਂ ਦਸਿਆ ਕਿ ਮੁਢਲੀ ਪੁਛਗਿਛ ਦੌਰਾਨ ਮੁਲਜਮ ਨੇ ਮੰਨਿਆ ਕਿ ਉਸਨੇ ਆਪਣੀ ਬੀਮਾਰ ਮਾਂ ਦੇ ਇਲਾਜ਼ ਲਈ ਚੋਰੀ ਕੀਤੀ ਸੀ। ਪੁਲਿਸ ਅਧਿਕਾਰੀ ਮੁਤਾਬਕ ਵਿਜੇ ਵਿਰੁਧ ਪਰਚਾ ਦਰਜ਼ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
