Bathinda News: Bathinda ਸ਼ਹਿਰ ਦੇ ਪ੍ਰਤਾਪ ਨਗਰ ਵਿੱਚ ਤੜਕਸਾਰ ਦੋ ਦਰਜ਼ਨ ਦੇ ਕਰੀਬ ਲੁਟੇਰਿਆਂ ਦੇ ਵੱਲੋਂ ਇੱਕ ਸੁਨਿਆਰੇ ਦੀ ਦੁਕਾਨ ‘ਤੇ ਧਾਵਾ ਬੋਲਣ ਦੀ ਖ਼ਬਰ ਮਿਲੀ ਹੈ। ਪਾਰਸ ਜਵੈਲਰਜ਼ ਦੇ ਮਾਲਕਾਂ ਮੁਤਾਬਕ ਲੁਟੇਰੇ ਇਸ ਦੌਰਾਨ 9-10 ਕਿਲੋ ਚਾਂਦੀ ਤੋਂ ਇਲਾਵਾ ਕਾਫ਼ੀ ਸਾਰੇ ਸੋਨੇ ਦੇ ਗਹਿਣੇ ਵੀ ਲੈ ਗਏ,ਜਿਸਦੀ ਕੀਮਤ ਵਿਚ ਲੱਖਾਂ ਦੇ ਵਿੱਚ ਦੱਸੀ ਜਾ ਰਹੀ ਹੈ। ਇਸ ਘਟਨਾ ਦੀਆਂ ਵੀਡੀਓਜ਼ ਵੀ ਸ਼ਹਿਰ ਵਿਚ ਵਾਈਰਲ ਹੋ ਰਹੀਆਂ ਹਨ, ਜਿਸਦੇ ਵਿਚ ਸਾਫ਼ ਦੇਖਿਆ ਜਾ ਸਕਦਾ ਕਿ ਦਰਜ਼ਨਾਂ ਦੀ ਤਾਦਾਦ ਵਿਚ ਇਹ ਵਿਅਕਤੀ ਦੋ ਬੋਰੀਆਂ ਵਿਚ ਭਰ ਕੇ ਚਾਂਦੀ ਲਿਜਾਂਦੇ ਦਿਖਾਈ ਦੇ ਰਹੇ ਹਨ।
ਇਹ ਵੀ ਪੜ੍ਹੋ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਕੱਤਰੇਤ ਵਿਖੇ ਪੁੱਜੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ
ਦਸਿਆ ਜਾ ਰਿਹਾ ਕਿ ਪਾਰਸ ਜਵੈਲਰਜ਼ ਤੋਂ ਬਾਅਦ ਇੰਨ੍ਹਾਂ ਬਦਮਾਸ਼ਾਂ ਦੇ ਵੱਲੋਂ ਨਜਦੀਕ ਹੀ ਕਮਲ ਜਵੈਲਰਜ਼ ਸੋਅਰੂਮ ਦੇ ਸ਼ਟਰ ਨੂੰ ਵੀ ਤੋੜਣ ਦਾ ਯਤਨ ਕੀਤਾ ਪ੍ਰੰਤੂ ਇਸਦਾ ਇੱਕ ਗੁਆਂਢੀ ਨੂੰ ਪਤਾ ਲੱਗਣ ‘ਤੇ ਰੌਲਾ ਪੈ ਗਿਆ, ਜਿਸਤੋਂ ਬਾਅਦ ਉਹ ਭੱਜ ਗਏ। ਇੰਨੀਂ ਵੱਡੀ ਡਕੈਤੀ ਦਾ ਪਤਾ ਚੱਲਦੇ ਹੀ ਦੁਕਾਨਦਾਰਾਂ ਵਿਚ ਰੋਸ਼ ਫ਼ੈਲ ਗਿਆ ਤੇ ਉਨ੍ਹਾਂ ਇਕੱਠੇ ਹੋ ਕੇ ਪ੍ਰਤਾਪ ਨਗਰ ਚੌਕ ਵਿਚ ਧਰਨਾ ਲਗਾ ਦਿੱਤਾ। ਇਸ ਮੌਕੇ ਗੁੱਸੇ ਵਿਚ ਇੰਨ੍ਹਾਂ ਦੁਕਾਨਦਾਰਾਂ ਵੱਲੋਂ ਹੱਥਾਂ ਵਿਚ ਪੂਰੀ ਮਾਰਕੀਟ ਵਿਕਾਓ ਦੀਆਂ ਤਖ਼ਤੀਆਂ ਫ਼ੜੀਆਂ ਹੋਈਆਂ ਸਨ।
ਇਹ ਵੀ ਪੜ੍ਹੋ kangana Ranaut ਦੀ Bathinda Court ਵਿੱਚ ਪੇਸ਼ੀ ਅੱਜ, ਹਲਚਲ ਤੇਜ਼
ਇਸ ਵੱਡੀ ਘਟਨਾ ਅਤੇ ਦੁਕਾਨਦਾਰਾਂ ਦੇ ਗੁੱਸੇ ਨੂੰ ਦੇਖਦਿਆਂ ਐਸਪੀ ਸਿਟੀ ਨਰਿੰਦਰ ਸਿੰਘ ਸਮੇਤ ਹੋਰ ਅਧਿਕਾਰੀ ਮੌਕੇ ‘ਤੇ ਪੁੱਜੇ ਤੇ ਦੁਕਾਨਦਾਰਾਂ ਤੋਂ ਚੋਰਾਂ ਨੂੰ ਫ਼ੜਣ ਲਈ 72 ਘੰਟਿਆਂ ਦਾ ਸਮਾਂ ਮੰਗਿਆ। ਇਲਾਕੇ ਦੇ ਆਗੂ ਆਸ਼ੁ ਠਾਕੁਰ ਨੇ ਇਸ ਵੈਬਸਾਈਟ ਦੇ ਪ੍ਰਤੀਨਿਧੀ ਨੂੰ ਦਸਿਆ ਕਿ ਦੁਕਾਨਦਾਰਾਂ ਨੇ ਸਪੱਸ਼ਟ ਕੀਤਾ ਹੈ ਕਿ ਜੇਕਰ ਇਸ ਸਮੇਂ ਦੌਰਾਨ ਇਹ ਬਦਮਾਸ਼ ਫ਼ੜੇ ਨਹੀਂ ਗਏ ਤਾਂ ਉਹ ਮੁੜ ਸੰਘਰਸ਼ ਵਿੱਢਣਗੇ। ਇਸ ਮੌਕੇ ਉਨ੍ਹਾਂ ਇਹ ਵੀ ਦਸਿਆ ਕਿ ਇਹ ਪਹਿਲੀ ਚੋਰੀ ਜਾਂ ਡਾਕਾ ਨਹੀਂ, ਬਲਕਿ ਇਸਤੋਂ ਪਹਿਲਾਂ ਵੀ ਕਈ ਦੁਕਾਨਾਂ ਦੇ ਸ਼ਟਰ ਟੁੱਟ ਗਏ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
